新泰東南亞餐廳

营业中

休息中

🌟整體評分: 8/10🌟❤️味道：9/10🧡環境：8/10🩵服務：8/10💚性價比：8/10💗小朋友喜愛度：8/10想食泰菜 「新泰」確係好選擇，餐廳裝修超有heart，沿用泰式風情設計，座位舒適，適合一家大細。推介炭燒豬頸肉，肉爽不膩，配埋特製醬汁，非常惹味。咖喱炒蟹都好正，雖然係時價，但食過幾次，價錢合理，而且新鮮即劏，咖喱汁好味道啜晒手指！肉碎生菜包同沙嗲都好好味！特別推介椰青糕，將椰青水同埋椰青肉取出，再放入椰青殼內製成香甜椰青糕，清甜清爽又好味🤤

中午约朋友食飯，地点选在尖沙咀，大家都就腳。大商場餐廳比較貴，最惨係要等，上去等10分钟，落来又等10分钟，午餐畤間好趕？！好彩选左呢间新泰餐廳。尖沙咀站出口行两步即到，隔離两分鐘即到餐廳门口，主打一個便利!门口有輛"篤篤"，加埋泰式擺设及泰囻姐姐侍应，泰有feel啦。餐廳主要係地庫，都几大，有几個区间。装修有泰国风味。安排左卡位俾我地，两個人坐四人座位，好舒服。爭分夺秒的香港人一坐低就点餐，平日午餐只係七八十，好抵。大x乐颓饭都咁上下价，但呢度高几班。不过约人食饭想食豪D，叫左个咖喱軟殼蟹面包，好大份。加多个鸭肉生菜包，咁就平衡啦。咖哩係泰式黄咖喱，好香，吾係死辣。但真係好香好醒胃。配合面包真係一绝。面包係法包类，挖空左装住咖哩，挖出来的外面硬硬脆脆，点咖哩一流。軟毂蟹就酥脆，不錯，可惜係呢度菜，我觉得佢只係配角。生菜包有鴨肉，豬肉等。由於鸭肉的較少見，我地就点來试试，鴨肉炒得酸酸的，配新鮮生菜包住食，宜家好少有。新鲜菜直接食，特别爽甜，特别觉得健康，食完特别醒神。呢间餐廳好先进，有两个送餐机器人。好鬼醒，好怕丑，想影佢时佢会避开。有趣。 #香港 #香港美食 #香港探店 #

🐽 泰式濕炒海鮮河海鮮既鮮味真係無話可說，種類亦都好豐富有魷魚、蝦，份量豐富。個汁有微微辣味，但唔會太辣，河粉底有微微炒過幾香口🐽 蒜蓉炒豆苗豆苗爽脆，炒得剛剛好，而且有豐富嘅蒜味，令味道更加香濃。佢嘅簡單炒法展現咗菜式嘅原汁原味，份量都好多🐽 泰式燒西冷牛扒牛扒燒得啱啱好，外脆內嫩，帶有微微嘅燒烤香氣。伴以泰式辣醬汁，味道豐富。牛扒質素絕對可以媲美一啲高級西餐廳嘅水準🐽 泰式鐵板蠔仔炒蛋鐵板熱辣辣，令蠔仔同蛋香氣更加突出。蠔仔鮮甜多汁，同炒蛋嘅軟滑口感完美結合。個菜式散發嘅香氣真係令人食指大動

🍽️ 新泰東南亞餐廳 🌴 (尖沙咀)尖沙咀加拿分道25-31號K11旁✨ 品嚐正宗泰式美食✨ 泰式海南雞飯，非常抵食✨ 午市套餐只係$75位於尖沙咀加拿分道的新泰東南亞餐廳，是一個讓你彷彿置身於東南亞的風情之中！🌴🍛泰式海南雞飯是絕對的抵食之選！嫩滑的雞肉搭配香氣四溢的飯和特製的醬汁，絕對讓你回味無窮！不僅味道美味，價格也非常親民，午市套餐只需$75！這樣的價格實在難以置信！💰🍚自動化送餐乾淨衛生。

「新泰東南亞餐廳」於香港開設超過二十年，人氣依舊高企，只因其出品一直保持質素，今天相約朋友到訪尖沙咀店順道慶生裝潢融合正宗懷舊及新派泰國風，擺放泰國象、TukTuk及泰國佛等裝飾，用上東南亞風的罩燈，環境衛生，座位寬敞舒適----------🔹二人套餐 $228▶越式蝦米紙卷米紙卷皮軟糯輕韌，餡料豐富新鮮，加上乾蔥片夠香口▶馬沙文牛腩加入花生、洋蔥及紅椒等煮成；牛腩份量充足，肉質緊緻嫩滑，充滿牛香；醬汁甜中帶辣，椰香濃郁滋味▶馬拉盞炒通菜鮮嫩翠綠，調味恰到好處▶印度烤餅蘸上馬沙文咖喱的烤餅倍添美味▶咖啡或茶兩杯 (凍飲+$3)----------🔹鹽焗烏頭 $208原條烏頭份量十足，外皮焗至香脆富鹽香；將香茅及其他配料放到魚肚內有助提鮮，魚肉雪白鮮味毫不帶腥，蘸上酸辣汁更惹味----------🔹芒果黑白糯米飯 $78芒果鮮甜多汁，加上椰漿的糯米飯輕甜美佳，口感一流，為豐富的一餐作結

🫶🏻餐廳店面採用黃色格調勁搶眼，入面仲有架泰國的士仔🚕供人打卡。晚上餐廳幾乎滿座，人氣十足！半打串燒（雞、牛、豬）串燒即叫即燒好香口。三隻款式肉質都好冧身。當中最好食係雞串。而沙嗲汁係另上，是非常惹味，我地點晒成碟沙嗲汁🤤🤤咖喱芝士焗青口焗青口食得多，但咖喱溝芝士🧀️焗就真係少食。依到既咖哩夠濃，芝士就鹹香，兩款醬配搭好正！Mai-Tai Cocktail:🍹 食濃味野最好配搭酒享用。Mai-Tai係用Rum酒溝橙汁及菠蘿🍍汁，好岩女士享用，酸酸地好易入口，但都會飲用濃濃既到酒味。芒果糯米飯一黑一白賣相精緻。芒果🥭新鮮好好味😋

今天跟朋友到訪位於尖沙咀的「新泰東南亞餐廳」，餐廳於網上口碑不錯，食物選擇多元化門口擺放泰國象，TukTuk及植物等裝飾，座位設於下層，座位數量多也夠寬敞鹽焗烏頭 $208烏頭焗得脆身得體，魚皮鋪滿幼鹽；魚皮香脆可口，魚肉嫩滑鮮味，沾上酸辣醬汁夾得來二人套餐 $228🔺越式蝦米紙卷4件紙米卷外皮晶瑩剔透，煙韌細滑，餡料爽口鮮味🔺馬沙文牛腩馬沙文咖喱汁煮至濃稠狀，鹹甜有致更帶微辣，層次豐富；牛腩厚肉緊實，牛香不俗🔺馬拉盞炒通菜份量充足，炒得翠綠，鮮嫩無渣，調味適中🔺印度烤餅輕韌口感，毫不油膩🔺咖啡或茶兩杯芒果黑白糯米飯 $78果肉鮮黃，蜜味多汁；糯米飯加入椰漿，滋味無窮

黎開尖沙咀，食泰國菜呢度絕對係首選！除咗地點方便之外，餐廳環境同座位都好舒服，而且餐牌選擇都非常之多，食材份量亦都好足，絕對係性價比高。特別係一大班人嚟食嘅話，就更加之抵食，仲可以試到多款不同菜式。今次叫咗泰式明爐魚烏頭 ❤️ 最鍾意佢哋個火真係燒得好耐仲好夠熱，真係可以由頭食到落尾。烏頭肉質爽嫩鮮甜，湯底酸辣開胃，夾埋啲雜菜食，夠晒豐富。蒜蓉炒貴妃苗 ❤️平時好少食貴妃苗，口感非常之爽脆，夾埋鹹香啱啱好嘅蒜蓉，食落好清爽馬拉盞炒通菜 ❤️呢個就一定係泰國炒菜代表鹹香辣 集於一身！送飯一流

今時今日咁既服務態度，真系接受吾到尋晚9點幾系尖沙咀搵到宜間自稱關門時間為晚上11時既泰國餐廳，到達餐廳門口時系晚上10點，職員已一副不滿既態度，仲講左句「快啲落單」，到我地坐低落好單，只到左兩杯野飲時，餐廳男經理已經以埋數為理由，要求我地埋單，我地都即刻俾錢先。但當場仲有6檯客人，只系要求我地埋單先，系咩道理？當我地食緊叫既主食及小食時，餐廳男經理以收走食曬既碟，又俾說話我地聽「食快少少，我地仲有10分鐘」，當時系10點35分，而我地已經不停地食緊，只系間中交談，並吾系齋傾計無食野，令我地好奇怪，佢全場都無張貼任何要求客人10點45分要清場既標示。到10點45分左右，我地岩岩放低刀叉，一旁既侍應即刻衝出嚟問仲要吾要，清到張檯得返兩杯水及兩杯野飲。如果你10點45分要清場，點解只系清我地張檯？同時另外兩張檯完全無催促過人走。

呢間東南亞餐廳喺香港開咗好多年，傳統嘅風味 配合新潮嘅裝修有sofa 坐，舒服燒牛柳沙律🥗牛柳無咩肥膏但一啲都唔UN，軟糯亦夠肉汁夠牛，而且有好多菜，食落清爽又健康！鴨肉生菜包🥦生菜包分量十足，而且入面嘅 泰式酸辣 醬汁帶出咗 鴨肉嘅鮮味 ，用左邊生菜包埋來食好refresh ～平時都係用豬肉做餡料，今次選擇用鴨肉，感覺好新穎日本南瓜焗海鮮飯🥘南瓜焗海鮮飯就夠晒吸睛！飯加入南瓜粒、大蝦、鮮魷同青口等，然後鋪上滿滿芝士🫕熱辣辣好滿足 啲飯都好香 ，充滿南瓜嘅香味 ！南瓜🎃瓜肉豐厚、口感鬆軟香

同朋友聚餐，已經諗唔到想食咩好，朋友知我要好耐無去過泰國，就帶我去富有泰國色彩既餐廳🤣越南式蟹肉炒粉絲：螃蟹肉的鹹味和略帶甜味，與粉絲的柔軟耐嚼質地互相提起口感，再加上用上泰國香料來增加味道。泰國式春卷，加28元的小食，但份量也多，配上芒果醬，令味道不帶肥膩。芒果軟殼蟹米紙卷：包住甜芒果、酥脆的軟殼蟹和新鮮蔬菜包裹米紙。加上香矛葉令清淡和新鮮味道更帶風味。鐵板燒的蠔餅，脹卜卜的蠔仔在熱鐵板上煮熟的蓬鬆炒雞蛋為特色。 牡蠣鹹味嫩，再配芽菜和泰式辣醬，十分惹味。椰子冰：解渴的飲品，午餐價只需加8元就可配上特飲，性價比高鹹檸檬蘇打水：半個鹹檸檬加泰國蘇打汽水，使我飲完唔感到食滯🤣

朋友今晚指定要食呢間泰菜，一入門口已經覺得裝修好堂煌，有條長樓梯落去，好似泰國做spa 既地方😂落到嚟發覺環境超大😵 環境好有情調👍⭐️泰國街邊豬肉串燒得好香，肉質都幾滑，但個人認為有少少肥膩，有啲似豬頸肉，唔太係我杯茶😂❤️馬拉盞炒通菜泰國菜必點🫶🏻 惹味爽脆帶鹹香味😋❤️冬蔭海鮮炒飯開胃惹味，好夠辣🥵 但係辣得黎好食😂原來冬蔭功除咗就咁飲或者做湯麵嘅湯底，炒飯都幾夾👍海鮮種類都幾多，真材實料，蝦肉爽口彈牙，魷魚唔韌，蜆肉都唔腥，整體唔錯🤤（不過真係太好生意，呢碟炒飯等咗半個鐘以上🙈🙈）❤️原個椰青大菜糕呢個係朋友嘅愛物，好少喺香港泰國餐廳搵到，呢度竟然有！😳 我試左都覺得食落清甜，又有椰青爽脆嘅口感，幾清新幾特別👍#香港美食 #香港打卡 #香港探店 #香港泰國菜 #泰菜推介 #泰式金邊粉 #菠蘿炒飯 #香港 #東南亞餐廳 #尖沙咀 #新泰東南亞餐廳 #新泰 #咖喱 #尖沙咀泰國菜

新泰東南亞餐廳地址: 尖沙咀加拿分道25-31號國際商業信貸銀行大廈地下1A號舖及地庫電話: =====================行開舊k11 ,見到似曾相識的名字，我以前在灣仔返工，會成日去食lunch .遇返老朋友，今日晚餐就決定在這裡解決$88 肉碎生菜包是我最愛吃的泰菜之一，半肥瘦肉碎，放在生菜上再一齊送入口！鐵板蠔仔蛋$118 煎到好香，蠔仔粒肥美，蛋香十足。泰國勁hit 排骨山 $248,上年11月去夜市時都有食，返來香港又回味下先。豬肋骨已切開一條條，點了火燒好搶眼，排列成小山丘。淋上酸甜辣都有的泰式醬汁，甚是開胃。用手直接拿起來吃，津津有味。甜品椰汁木薯$60 ，糕是成個木薯煮，粉粉地又qq 彈彈cp值高，大份量

今日嚟到呢一間泰國餐廳同朋友敘舊，我哋大概係晚上大概19:30到，可能因為星期六日嘅關係人數都非常之多，我哋被安排坐喺餐廳中間嘅位，餐廳嘅空間感都唔錯，坐低唔會話有迫嘅感覺，我哋兩個人都可以坐多一張大概四人嘅位置，感覺非常好，非常適合敘舊同埋傾偈! 餐廳距離尖沙咀地鐵站亦都唔係好遠，行過去大概1-2分鐘左右，非常方便！我哋就叫咗幾個小食，再加一個濕炒河，同埋嘢飲，想介紹吓佢嘅泰式生蝦，每一份份量，每人都可以食到三至四隻，而且加埋佢特製嘅醬汁，酸酸辣辣咁口感非常特別，食完令到我哋都非常開胃，如果大家前菜嚟講一定要選擇呢一個菜，非常出色！另外炭燒牛肉水準都唔錯，份量非常大，我哋食完兩個前菜已經有少少開始飽，牛肉有口感，而且食落口都有juicy既口感，幾好食！最後叫咗主菜嘅濕炒海鮮河，都有幾多種唔同嘅海鮮，食落去都非常有層次感，而且唔會做得太咸，非常有鑊氣！我同朋友都非常鍾意食！飲品我哋就叫做芒果沙冰，都非常有泰國嘅味道，而且非常大杯，配埋泰國菜一齊食，正！餐廳整體上都唔錯，，而且價錢嚟講亦都唔會太過進取，係一間係尖沙咀傳統嘅泰國菜，我同朋友都真係飽到捧住個肚走！店員亦都非常有禮貌，食完嘢食

爸爸生日，所以提前一星期訂位，一行10人聚餐好地方，泰國風情，環境舒適夠寬敞。星期日的下午，還有提供4人午餐及2人午餐，款式很多，份量絕對足夠，抵食之選。必食推介： 冬蔭功 🥘（味道帶甜 不會太酸辣 老人家也能吃） 串燒羊肉 🍖（肉質嫩滑 菠蘿香甜多汁）豬頸肉沙律 🥗（豬頸肉沙律的肉質比起燒豬頸肉更出色）至於咖喱炒蟹 跟 套餐的咖喱蝦十分相似，個人應為蝦比炒蟹性價比高，可以二選一就夠。整體來講，這餐廳不論食物 環境 服務 都很優秀。唯獨要注意是因餐廳在負一樓的，需要落一層樓梯，如有BB車👶🏻或老人家👵🏻便要考慮。