新泰東南亞餐廳

营业中

休息中

餐廳外有架篤篤 好啱打卡食飯嘅環境好大 卡位適合多人聚餐食物款式超多☺️不過晚市經常滿座 一定要記得訂座先好去🔸泰式炸蝦餅 $108蝦餅即叫即炸，外層炸到金黃香脆，內裡嘅蝦肉鮮甜，口感非常彈牙，點埋醬食好惹味。🔸鐵板蠔仔炒蛋 $118蠔仔蛋熱住上，食落好有鑊氣，蠔仔亦都好足料，每啖蛋都食到有蠔仔，蛋香味同蠔嘅鮮味係絕配，好味到停唔到口。🔸泰式蝦炒金邊粉 $118金邊粉俾一層蛋絲包住，賣相好吸引。師傅加咗幾隻大蝦一齊炒，蝦肉好實正，同金邊粉滑溜嘅口感好夾，加埋青檸汁再撈勻花生碎食就仲正。

Isquare一出就係餐廳，餐廳係地庫，所以要行一段樓梯仔。落到去發現超大，仲要裝修光猛乾淨，有卡位，又有獨立房提供！Menu選擇好多，甜品都有6、7款！重點由落單去到上菜可以係10分鐘內，但食物質素仍然好高！所有都熱辣辣，份量又夠！以TST黎講，性價比好高🌟香芒軟殼蟹米紙卷（$98）🌟串燒6串（雞+牛+豬）（$108）🌟蒜蓉炒貴妃苗（$98）🌟越式蟹肉炒粉絲 （$118）新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A號舖及地庫

平時經過都見唔少人幫襯呢日收早就特登過去試吓餐廳就係K11商場旁邊，地理位置非常方便裝修舒適，環境夠大，仲有唔少打咭位餐牌有不同款式俾大家去揀見到佢個日本南瓜焗海鮮飯好似不錯決定點黎試試泰式干炒河配雞用上粗身河粉，炒到入哂味好夠鑊氣，條條分明，煙韌有咬口很不錯日本南瓜焗海鮮飯賣相不錯，而且份量十足焗飯面鋪上惹味咖哩，海鮮有蝦，魷魚，青口等配料，南瓜軟淋香甜泰式炒椰菜仔每次見到都會叫食落夠哂爽脆可口，掛汁好入味

朋友生日🎂,  約好她喜愛嘅泰國🇹🇭餐廳, 她發牌, 叫了 ＊小拼盆 (蝦🦐餅、魚🐟餅）($168）蝦🦐餅彈牙爽口, 蝦肉沒有被完全打爛, 仲有粒粒蝦肉在內. 口感不錯😌. 魚餅吃到啖啖魚肉, 調味也不蓋過魚嘅鲜味, 材料新鮮,貨真價實.＊串燒沙嗲(雞、牛、豬) （$88）沙嗲雞、牛、豬各兩串, 串燒燒得不乾且有汁. 蘸一層層厚厚的沙嗲醬更惹味.＊泰式蝦炒金邊粉 ($118）蛋網緊緊包住金邊粉,  未吃已被賣相吸引. 蛋網下有三隻新鮮大蝦🍤, 金邊粉份量下少, 炒得乾身不油膩. 蛋絲、葱、芽菜、蝦混合花生🥜碎和青檸檬汁, 口感更豐富.＊咖喱蝦(＄228）大蝦🦐炸過, 爽口彈牙, 咖喱汁偏甜, 椰香味濃, 一試無妨＊叻沙湯蝦米線🍜($88）湯頭香濃, 配搭豆卜, 雞蛋,  蝦🦐, 魚片等佐料, 即成為一碗兼具甜, 鹹且微辣嘅湯米線🍜, 大大刺激食慾.＊泰式甜品小拼盆($98）一份有多款甜品, 每款都好好食, 椰汁香濃, 不會太肥, 怕肥嘅女士們也不能忍口啊唷!大家都滿意今餐嘅食物, 如果想食泰國🇹🇭菜, Sun Thai 都會係我哋之選.

呢間泰國嘢喺尖沙咀一向都好出名，但係我竟然今次先第一次去食，去到餐廳見到入邊裝修好有風味，座位多而且闊落，同一班朋友嚟聚會就最適合不過。無骨鳳爪沙律🐥🦵🏻去食泰國菜，我就必定會嗌無骨鳳爪，唔係間間餐廳都好似呢度咁，夠晒孫夠晒味，越食越開胃，份量多之餘，鳳爪亦都唔會一浸雪藏味。馬拉盞通菜🥗食泰國嘢又點可以唔嗌馬拉盞通菜呢，貪佢夠晒惹味，辣辣地夠晒醒胃，通菜新鮮唔會有渣。串燒🍢選擇困難症嘅我哋見到串燒可以揀晒牛豬雞就超開心，每一串都係啖啖肉，唔會得幾粒肉仔，不過最值得一提嘅就係，餐廳特別調製嘅沙嗲醬超級好食，係偏甜同埋重花生味嘅一種，沾串燒一齊食係最佳配搭！冬陰功海鮮金邊粉🍜冬陰功湯好濃郁，酸酸地，加埋椰奶好正，海鮮方面有青口、蝦、魷魚、蜆，金邊粉嘅份量好多，多到我哋都爭啲食唔晒🤣

今日收工同女朋友嚟咗呢間尖沙咀嘅正宗泰國菜食晚餐，裏面嘅氣氛和環境都同泰國嘅差唔多！泰國人的員工亦非常有禮貌燒西冷牛扒8.5/10分，熟度我覺得啱啱好咬落去非常嫩,容易入口而且分量都比較多,最特別嘅係佢嘅醬汁,非常具有泰國嘅風味，大家一定要試下佢嘅醬汁泰式青咖喱雞9/10分，咖喱汁唔算太辣,味道都非常入味，送飯係非常明智嘅選擇！泰式炒金邊粉8.5/10分賣相十分好看，分量多而且好有鑊氣的，用了豐富尤其是佢嘅新鮮的蝦！

朋友建議來到尖沙咀的新泰東南亞食泰國菜，是一間幾有人氣的泰國餐廳，真是全院滿座，等侯時間約15分鐘左右。餐廳的職員全部大部分都是泰國人，店內不論是裝修、燈光都幾柔和，讓人有種很舒適的感覺。👭🍽️🇹🇭✨ 泰式蝦炒金邊粉（$118），金邊粉被一絲絲的蛋網包圍住，賣相很吸引，蝦肉很彈牙、豆腐干很有咬口，金邊粉炒得熱辣辣幾夠火候，茄汁的味道很突出，酸甜又開胃。🍳🦐🔥✨ 泰式青咖喱（$108），可選豬/牛/雞，牛當然會係我嘅first choice 。牛肉煮得很腍，片片厚度適中，幾有牛味。青咖喱汁有點微辣，少少酸酸甜甜的青檸味道，都幾惹味，伴上豆角、南瓜，味道香濃豐富。🍛🐮✨ 蒜蓉包（$42），每片都幾厚身，烘得好脆，淋上青咖喱汁，簡直一流配搭。🥖🧄✨ 糯米飯布甸（$60），布甸同糯米飯的比例是一比一，上層布甸質感軟身、濕潤，口感綿密，布甸充滿蛋香、班蘭味道。下層糯米飯軟身、溫度暖暖，入口帶點煙靭。這款甜品真的是製作出色。🍮🍚😋✨ 椰汁冰（$45），椰奶味重，味道純香細滑，食正式泰國菜真是其中一款必點的特色飲品。🥛🧊

喜歡吃泰國菜，故今晚便約左老友，去了位於尖沙咀的#新泰東南亞餐廳，食番個晚餐囉。訂左8點，到達餐廳時見還有人排隊中，好在我們有訂座🤓。喇沙蝦米線，食材有大蝦、魚片、蛋同豆腐卜，湯味道鮮甜有椰香味，米線亦滑溜，很好吃😋。日本南瓜焗海鮮飯，原個南瓜🎃 即叫即焗，海鮮包括有青口、大蝦🍤、魷魚同芝士，飯己炒過更香口，最後食埋甜甜的南瓜，相當飽肚啊！蒜蓉炒貴妃苗，蒜香味重，菜苗翠綠幼嫩，份量亦十分之多🫶

跟幾個朋友約好一起吃泰國菜，味道很好很地道，當天點了以下幾道菜式:泰式炸蝦餅 - 蝦膠爽彈有鮮味，蝦味濃郁，好味道。泰式柚子蝦沙律 - 大蝦、魷魚彈牙，腰果香脆，柚子清甜解膩，很清爽。肉碎生菜包 (豬) - 肉碎香辣惹味，炒得夠乾身，很下飯，配上生菜同吃更是一絕。串燒沙爹 (豬/牛/雞) - 肉類預先用香料腌過，沙嗲汁微辣，很香很惹味，沾上醬汁令串燒味道提升。泰式干炒河 (雞) - 炒河粉是泰式大片的河粉，個人很喜歡，調味恰到好處。泰式甜品大拼盤 - 吃完了主菜，飯後吃這個甜品拼盤真的大滿足，當中最喜歡芒果糯米飯，芒果香甜，糯米飯咸咸甜甜，椰汁味道香濃，很不錯，另外，亦很喜歡椰汁西米糕及烤椰子餅。#香港 #香港美食 #香港探店 #香港泰國菜#東南亞餐廳 #尖沙咀 #新泰東南亞餐廳 #新泰 #咖哩 #尖沙咀泰國菜

⊛⊛⊛新泰東南亞餐廳-尖沙咀店⊛⊛⊛成日都比呢間餐廳既門面吸引住，泰國菜真係幾時都想食印象中好多人等位，所以約左朋友早d黎食 避過左繁忙既食飯黃金時間🤭泰式奶茶HKD48 少貴🥲沒太大驚喜馬拉盞炒通菜 HKD88 雖則話出街食菜唔抵，但食泰菜真係抗拒唔到炒通菜豬肉生菜🥬包 HKD88 order 左少辣，好彩真係少少🤏泰式蝦炒金邊粉 HKD118 面頭既蛋網好靚😆蝦既數量唔太多，但味道唔錯，而且唔會太濕太酸

位於尖沙咀的新泰東南亞餐廳就在K11商場旁邊，地理位置非常方便。餐廳位於地牢，面積相當大，裝修舒適，營造出一種放鬆愜意的用餐氛圍。在餐廳門口，他們擺放了一部泰國特式的篤篤車，給整個場景增添了些許泰國風情。我們點了飛天通菜、串燒、泰式炒河、米紙卷和芒果糯米飯。- 飛天通菜： - 新鮮的通菜搭配上泰國特式調味料和香料。 - 串燒： - 肉質鮮嫩多汁，烤得恰到好處。 - 香氣四溢的燒烤醬提升了口味。- 泰式炒河： - 醬汁濃郁，配料豐富。 - 獨特的泰國風味，令人愛不釋手。- 米紙卷： - 輕盈可口，內餡包括新鮮蔬菜和彈牙的米粉。 - 搭配特製的沾醬，非常開胃。- 芒果糯米飯： - 以香甜的芒果和糯米飯結合。 - 口感綿密，是完美的結束。- 椰青： - 清涼解渴，帶有淡淡的椰香。 - 非常適合搭配泰國菜的辛辣口味。

我最近去咗尖沙咀個新泰東南亞餐廳試咗佢哋嘅泰國菜，真係留低咗好深刻嘅印象喇。呢間餐廳喺K11商場隔離，位置好方便。佢哋嘅餐廳位於地庫，面積都幾大，裝修好舒服，整個氛圍都好放鬆愜意。而且門口仲擺咗部泰國特式嘅篤篤車，增加咗啲趣味。我哋一點鐘到達餐廳，午間時間冇咩人，所以用餐環境都幾寧靜，服務員都好熱情地迎接我哋。我哋點咗一啲菜同埋飲品，其中食物方面嘅亮點包括飛天通菜、串燒、泰式炒河、米紙卷同芒果糯米飯。首先，飛天通菜絕對係一個唔可以錯過嘅菜式。呢道菜以新鮮嘅通菜為主材，配合入味嘅調味料同香料，口感清爽，好回味。串燒都係我哋最鐘意嘅之一，肉質鮮嫩多汁，烤得啱啱好，再加上香氣撲鼻嘅燒烤醬，味道真係令人垂涎欲滴。另外，泰式炒河同米紙卷都留低咗好深刻嘅印象。泰式炒河嘅醬汁濃郁，配料好豐富，有獨特嘅泰國風味，而米紙卷就輕飄飄好好食，內裡有新鮮嘅蔬菜同Q彈嘅米粉，再配上特製嘅沾醬，好開胃。最後，我哋試咗一道芒果糯米飯，呢個甜品以香甜嘅芒果同糯米飯結合，口感綿密，真係一個完美嘅結束。至於飲品方面，我哋揀咗龍眼冰，呢個係一種好受歡迎嘅泰國飲品，好啱配埋泰國菜嘅辣口味。總括而言，新泰東南亞餐廳俾咗我哋一個

尖沙咀一出K11就係新泰，地點方便～裝修幾有氣派，有泰國特色，異國風情，職員制服都有夏日感覺，環境幾舒服～～餐牌多款選擇，前菜揀咗香芒軟殼蟹米紙卷，米紙卷夠fresh, 酥脆軟殼蟹，芒果甜甜地幾夾～睇餐牌見到個泰式蝦炒金邊粉造型好靚，蛋絲好似個蓋咁包住啲金邊粉，睇得又食得～金邊粉幾彈牙，配上爽口芽菜，蝦肉爽彈～南瓜焗咖喱海鮮，呢個咖喱有啲辣，海鮮份量好多，有魚肉、蝦、青口、魷魚，南瓜軟林香甜～平時食咖哩配開蒜蓉包，今次試吓食印度酥餅，一樣夾，點咖喱食好惹味～

*.+゜🍤🍛🍨 今天來到了「新·泰東南亞餐廳」，品嚐正宗泰國美食！🌶🍚🥗｡+.*今天Iby來到了「新·泰東南亞餐廳」，一家讓Iby感覺彷彿置身泰國宮殿的餐廳！🇹🇭✨在這裏品嘗到了地道的泰國美食，侍應及經理都是泰國人，且每一道菜都充滿着香氣和風味，亦濃而不膩，讓Iby嚐到了泰國文化的美味！🌶🍚🍨⸜♡⸝ 😋 二人餐 🌕🌕🌕🌕🌕 228ʜᴋᴅ：炸春卷（可選鮮蝦米紙卷）泰式青咖喱雞（可選牛）馬拉盞通菜印度酥餅（可選白飯）咸檸檬七喜 🌕🌕🌕🌕🌕 8ʜᴋᴅ可樂 🌕🌕🌕🌕🌕 3ʜᴋᴅ泰式生蝦🌕🌕🌕🌕🌑 118ʜᴋᴅ芒果雪糕配糯米飯 🌕🌕🌕🌕🌑 68ʜᴋᴅ二人享用，人均消費💰212.5ʜᴋᴅ（沒有加一）✩‧₊ 💬🦐 鮮美的生蝦，彈牙又清甜，醬汁液層次分明，完美地融合了酸甜鹹的味道，絕不會太酸、太甜或太鹹，讓人回味無窮🍤✨🍗 青咖喱雞搭配濃濃的椰漿味道、肉質鮮嫩多汁，還有薯仔、豆角、茄子等多種配料，香料香氣撲鼻，美味令人讚不絕口；🥬 馬拉盞通菜是今天的必點之一！馬拉盞豐富、味道濃郁卻不過鹹、爽脆又不黏牙，絕佳！🥬😋炸春卷香脆配合酸甜的芒果汁，正常的美味可口！🍤🍚最後的芒果雪糕糯米飯和印度烤餅帶來了完美的

晚餐時間好多人排隊，餐廳係落一層，位置好多，空間寬敞～⭐️馬沙文牛腩之前係泰國食過呢款咖喱，香港唔係間間餐廳有，牛腩炆得好嫩滑。咖哩汁濃郁，混合埋椰奶creamy, 配埋白飯或蒜蓉包一流🥦仲有最愛嘅泰式炒椰菜仔啱晒唔食得辣嘅人～食落好爽脆可口，夠晒新鮮惹味，掛汁好入味🌮肉碎生菜包雞平時食開都係生菜包豬肉，呢到有得簡雞肉碎，加上唔同香料炒，超級香辣鮮嫩🥘細冬蔭公湯啱晒2個人嘅份量～湯底酸辣味調製得啱啱好！仲有啲奶油味🤩十分足料，有好多菇同香料，大大隻虎蝦肉一刮就食到🍸咸檸梳打店員比梳打水我地自己斟，鹹檸同泰菜都幾夾！