新泰東南亞餐廳 (太子集團中心) (已結業)

喺尖沙咀食晏，朋友介紹呢間樓上嘅泰國餐廳，地方好闊落，環境好舒服，絕對俾你有種抖下氣嘅感覺。午市套餐我揀咗‘泰式蝦炒金邊粉’。賣相好靚，一啲都唔辣，甜甜地，而啲蝦就好爽口。午餐包一杯飲品同一件小椰汁糕。下次一於試吓晚餐。

一段時間無食泰國野.朋友講起都幾想食.發現尖沙咀都幾多選擇.而哩間見到有幾間分店裝修都幾靚.所以就即刻同朋友一齊去試吓🙌🏻食物方面:⚪️燒西冷牛扒份量都幾多有成14件幾抵食.肉質都幾嫩滑多汁.唔會好乾同埋過熟☺️⚪️麵包焗咖哩軟殼蟹賣相真係好吸引好靚.好大碟部分麵包係焗脆過的.排哂係碟邊.食晒焗脆嘅麵包之後可以切開成個麵包一齊食🍴用麵包點咖哩配埋啖啖肉既軟殼蟹好正🦀咖喱好惹味.椰香味好重.但係一啲都唔辣驚辣既朋友都可以食🙌🏻⚪️泰式炒雜菜有椰菜花.芥蘭.紅蘿蔔.草菇.粟米芯用左蒜蓉炒.好香.炒得岩岩好.菜吾會太淋🙌🏻⚪️芒果糯米飯芒果配熱辣辣既黑白糯米🔅椰汁好香甜.芒果都好甜無渣🥭⚪️蕃石榴沙冰.沙冰係用純正番石榴去整冇加糖水.好清甜解渴😻⚪️綠豆沙冰感覺好似綠豆沙咁但係唔會好甜.有驚喜第一次飲綠豆沙冰🤗整體方面:成間舖頭裝修都好泰式.門口都好靚.餐廳食物質素好好.種類都好多.而且價錢都好合理.正👍🏻無論拍拖約朋友食飯聚會都好適合.推介🙌🏻

好耐有食泰國野，所以今日同朋友試吓呢間～佢個門口都幾靚～叫左個炒雜菜，有椰菜花，西蘭花，草菇，粟米芯等，都幾多種類，同埋用左蒜蓉炒，幾好食。麵包焗咖哩軟殼蟹，差唔多枱枱都叫，真係幾好食！麵包焗脆左再點咖哩，咖哩唔辣，但味道都幾香，軟殼蟹啖啖肉，正呀。燒西冷牛扒，分量咁多都係$118,抵食！而且肉質都幾軟淋，推介。飲品叫左杯蕃石榴沙冰同綠豆沙冰～兩杯都好好飲，而且我鐘意佢唔會好甜！芒果糯米飯熱辣辣，有黑白兩款糯米，椰汁香，芒果甜，好味呀～

疫情既關係，好耐無出過去。早排去一試呢間泰國餐廳。餐廳位置唔難搵，大廈有招牌指示，上到8樓，就已經見到泰國裝潢同擺設，好有係泰國當地一樣。坐低第一時間我即刻問有咩啤酒，原來呢到只有Singha生啤，點左一杯。啤酒夠凍，味道同泰國既無乜大分別，讚！而女仕喜愛椰青沙冰，上枱見到啲冰砌到好高好滿，飲落清甜，唔係一味加糖水個隻甜。一路飲就當然要睇下有咩食。呢到最出名既係麵包焗咖哩軟殻蟹，但因為見到人地食太大份，想試多啲野，呢個下次再試。我地兩個人叫左泰珍珠椰菜苗炒香菇，蒜蓉包，泰式炸蝦餅，泰式干炒雞河。首先椰菜苗炒香菇，椰菜苗爽口，無乜草腥味，加上個汁係香，食落咸咸地，開胃一流。至於蒜蓉包熱辣辣，外脆內軟，好香蒜蓉味，唔係出面一塊石頭放上枱，而係一塊咬得開既多士！我個人覺得泰式炸蝦餅個泰式辣醬好味，但因為炸既關係，好快就KO左我地。呢個我會建議3-4人先好試，2個人食會好漏。最後食埋個雞河，呢到啲河粉係一片片，好易夾同埋食落好滑，炒得夠鑊氣，大份總結呢間係可以試，淨係食環境都值，唔講真係以為係泰國。

同朋友慶祝生日🎂，當然要選擇一個環境舒適、不限時吹水、食物味道又good嘅餐廳。佢每道菜嘅份量一啲都唔少，座落尖沙咀區，佢嘅收費都算係低。前菜柚子蝦沙律🥗酸辣鹹香，醒胃惹味，食咗胃口即時大開。泰式生蝦刺身吸引的並非生蝦刺身，而是伴隨的泰式酸辣汁😄😄。去骨海南雞🐔最適合我哋唔鍾意吐骨嘅ladies，唔肥又有肉，仲要係肉唔＂鞋＂。馬拉盞通菜炒得好香又唔油，大家睇吓...通菜好綠又嫩😋😋。青咖哩豬最好用黎送白飯，但菜多肉較少，同埋個汁甜咗少少。最後，我哋以芒果糯米飯作生日蛋糕，店員仲幫忙加支爉燭。

今天是四週年紀念日，和老公撇甩一對孖仔去撑枱腳，想擺脱傳統的燭光晚餐，想坐得舒服而菜式又好吃，我和老公都是嗜辣一族，终於選了這家東南亞餐廳，一出就感受到一股濃烈泰國風味，環境氣氛都不錯。店員引領我們到近窗的卡位，梳化夠大挺舒服，又居高臨下可欣賞下面漢口道的街景。另外，我又被餐廳中央放置的大象頭吸引，栩栩如生！打開餐牌，極合我倆夫婦今天胃口先點來一個冬蔭功，很有地道泰國味道，酸辣適中，喝了一碗後，食慾立即大增。一個大份量，足夠我倆每人四碗，份量不小啊！跟着來了一客鴨肉生菜包，新鮮爽脆的生菜包着鴨肉碎來吃，非常值得一試。看見餐牌有一道菜叫泰式炒花蛤，聞說跟我們中式的豉椒炒蜆有一點相似，即管叫了一份試試，果然賣相和味道極為相似。最精彩還是那客燒西冷牛扒，那個肉目測燒至約7成，帶點微紅，但配上隨碟跟來的那個酸辣汁，盡把那牛扒味帶出來，極力推薦！點菜前恐怕沒有飽肚的飯麵，故叫了一份泰式蝦炒金邊粉，最後這碟粉來時巳十分飽，本想包起外帶，但被它的賣相吸引試了一口，發覺非常可口，連早前飽滯感覺都沒有，還連吃兩碗呢！

晤知點解每次出親街，另一伴問我想今晚食咩野，第一樣諗到既一定係泰菜😂可能自問喜愛吃濃味及好辣，泰國菜完全附合我既要求。因為剛剛要到尖沙咀I square逛逛，故此搜尋下附近有冇泰菜餐廳好選擇。原來太子集團中心有間泰菜餐廳，坐lift上去一出門就見到。今晚被安排坐在窗邊旁四人卡位，可遠逃一缐海景室內裝修甚有泰國風情，光線幽暗，幾適合情侶或者朋友聚餐傾下計見到佢地既menu已經想落口水先黎個冬蔭公海鮮湯，Large size，可以分到大約六至八碗，酸辣適中，係我既至愛😋泰式辣招膏炒花蛤，有好多好多既花蛤肉😲香辣鴨肉生菜包，生菜新鮮，鴨肉炒得好香甜泰式燒西冷牛扒，值得推介，好大份下，五，六成熟到啦，充滿牛味，唔鞋👍🏻👍🏻👍🏻海鮮蝦炒金邊粉，晤太油膩

一般傳統泰菜餐廳, 環境都比較樸素, 而環境比較高檔的, 價錢通常都會貴一點。但很久前光顧尖沙咀北京道呢間新泰, 環境整潔, 座位舒適, 價錢亦很合理, 最緊要野食有水準!最近因為肺炎疫症關係, 衛生署呼籲減少gathering, 所以本來很有人氣既餐廳, 人流都減少了。餐廳設有卡位, 坐得舒服。【醃無骨鳳爪沙律】HK$68無骨鳳爪連帶軟筋, 口感爽脆, 甜蕃茄、洋蔥、蘿蔔絲等等... 加上白醋, 酸尾尾, 既有層次又清新。【肉碎生菜包】HK$72有豬同雞選擇, 揀左豬肉, 肉碎加入了泰式香料炒起, 肉碎keep到肉汁, 帶少少辣, 很惹味, 嫩綠爽脆生菜包住食, 正! 【泰式明爐魚】HK$188用小火興住食, 爐魚上檯時已經全熟可以食得, 另外會上一碗湯, 滾住食可以自行加入湯底; 魚肉很滑, 配有泰式酸辣醬, 但稍嫌湯汁味道唔太濃郁, 酸度高一點會更好。【泰式奶茶】HK$25奶味比茶味重, 甜度較低, 濃度比起泰國地道淡一點

我真係好中意食泰菜😂😂😂成日都食！男朋友未食過呢間泰餐，今日就帶佢黎見識吓😂一坐低就問人有冇啤酒，侍應姐姐話係泰國生啤！即刻勁開心叫左杯！呢間裝修好grand,又闊落！仲要真係泰國人開！所以之前食過，再帶男朋友黎食😊😊今日叫左燒牛柳沙律🥗好岩送酒，好開胃，酸酸辣辣😍😍再黎蒜蓉法包，厚切再加好多既蒜蓉，超正！繼續雞肉濕炒河，好有鍋氣，食到停吾到😍仲有叫左炸蝦餅，吾洗講，無得輸既野食！我地再叫左個泰珍珠椰菜苗炒香菇！平時好少食椰菜苗，都係食泰菜先會食！我仲叫咗個椰青冰，勁大個，2個人一齊飲都得！好少成個椰青上，超解渴！最近無得去旅行，唯有去間泰國feel濃既餐廳，解解思鄉情😔

今次我哋試泰國嘢! 我地叫咗幾樣嘢食 等我地介紹下面依幾款啦:1.泰式蝦炒金邊粉一嚟到我地就見到「嘩」個蛋整得好靚照 個賣相真係冇得輸 不過食落去就差啲啦 濕咗少少 但係都好夠味 2.蒜蓉炒貴妃苗好爽口 好香甜 好新鮮 好蒜味 （我都知我講緊廢話 但你食完就知點解我咁寫！）3.香芒牛油果軟殻蟹卷中意食牛油果嘅一定要叫呢味菜式 佢配埋軟殻蟹真係 又脆又軟 好搞笑4.芒果糯米飯食泰國野點少得呢個甜品 啲糯米飯同椰汁熱辣辣㗎 啲芒果又凍 又凍又熱 好鬼過癮！唯有差啲嘅係啲芒果有啲酸 不過好彩都有椰汁補救到～

朋友推介這家泰菜，初時沒有甚麼大期望，因為很少人說在尖沙咀食泰菜🤣 但結果卻是出人意料地好吃 😋 值得再去！三個人叫左成6樣野，真係飽到上心口🤣因爲實在係樣樣都好吸引好想食！首先黎左個咖哩軟殼蟹麵包，同平時既農夫包唔同，比較軟身，外面就焗到微脆咁！個咖哩好惹味香滑，同個軟殼蟹都幾夾，加埋個軟熟麵包真心好食！蒜蓉牛油雞翼，簡直又香又邪惡😭蒜香牛油香惹味到不得了鴨肉生菜包，無豬肉既騷味我幾like, 啲肉都好騷軟，辣辣地，又係惹味之選！炸香茅魚配青瓜沙律，條魚都幾滑，炸得好香脆內軟～配埋個入味既青瓜沙律，真的食到唔停口最後上既燒春雞釀香茅飯，齋睇個樣已經無得頂仲要唔好睇少果兜仔配菜都好好味，好香😋個燒春雞好嫩滑，個香茅黃飯好有香茅味，十分之正😋😋食唔晒半隻打包返去第二日食都好好味！最後叫左個椰汁大菜糕甜品～諗住大菜糕普通野姐，但用左清甜椰青水整既大菜加埋椰肉真係有點不一樣的好吃喔！野飲叫左鹹檸七，不過不失啦我會返兜架呢間野～～👍🏻👍🏻因為武漢肺炎，星期五晚去食係唔洗排隊，但都係好滿座咁！聽講平時去食一定要book位架！記得下次食要卜位了～

今日朋友請我食飯，黎到尖沙咀佢帶咗我去食泰國菜，原來是新泰，呢間泰國菜味道非常唔錯，適逢食飯時間，都九成滿左，好彩仲有一張枱留返俾我哋。首先叫左個拼盤：蝦餅魚餅春卷肉碎生菜包。炸蝦餅，鮮炸熱辣，彈牙香口，兩三個人吃也足够有餘，生菜包做得非常道地傳統，偏辣，但用生菜裹着吃，又恰恰中和了辣味。份量也很足泰式蝦炒金邊粉＄98金邊粉炒得乾身唔油膩，夾住蛋絲香味，味道適中唔會太咸，算是不錯。無骨鳳爪沙律，鳳爪份量好多，唔會淨係得d配料，食落少少辣，酸酸地好開胃，鳳爪事先切開左，食起上黎好方便椰青沙冰$55x2泰式凍奶茶38

耐不耐就好想食泰國菜，泰國菜成為了我家鄉菜。這次來到北京樓的新泰，品賞了不同菜式，算是十分不錯。前菜點了青木瓜沙律，想先吃一點酸酸的來開胃，為前菜做好準備！食落口酸酸青青帶點清新，輕微的爽口，做得很好食。然後是我最愛的米紙卷，點了軟殼蟹，超大隻近看賣相都蠻好，單是賣相已經叫人流口水一流的海鮮酸辣湯是泰菜不能少的一道菜材料是成雙成對，最岩兩個人食 😹😹😹 味道很足，好好飲海鮮南瓜咖喱，這個真是要推介！咖哩很濃郁，是傑撻撻的質地，拌飯或薄餅最岩！而重點是有一層厚厚的南瓜肉，連同咖喱食得甜甜加少少辣，勁正！！！點得太多的關係，薄餅這個份量都好多，哈哈飲品點了龍眼冰，我最喜愛！還有蕃石榴沙冰不太甜，good 👍🏼👍🏼👍🏼

一家人一齊外出食晚飯，泰國菜是必然的首選，因為大家都覺得特別惹味開胃，所以訂了位於尖沙咀北京道一間泰國菜館，餐牌上基本的泰國菜式都好齊😊！一坐底先點了碗冬陰公湯🌶🌶辣到酸度剛剛好，味道十分濃郁，材料非常十足😋😋！泰式蝦炒金邊粉🦐賣相已經好吸引，蛋絲好像一個籃子，把金邊粉包住，金邊粉好幼滑，裏面藏着幾隻大蝦，甜甜地很好吃👍🏻👍🏻！鹽燒烏頭魚🐟原條即燒烏頭，足足等到最後先到，烏頭好大條，燒至皮肉分離，裏面夾着些香茅等泰式香料，完全沒有魚腥味，而且有淡淡香料清香，而且保留了肉汁，魚肉不乾又嫩滑！泰式炒雜菜🥬顏色色彩繽紛，蒜蓉味夠濃又爽口，非常新鮮，食落感覺好健康！

去完歐洲旅行，一番到香港第一時間就諗起東南亞美食，去尖沙咀一講起東南亞菜就會諗起新泰，餐廳位於北京道太子集團中心，iSquare後兩條街就係，拍拖行完街睇完戲去就啱晒。晚上時間都非常爆，但都好好安排到窗邊梳化位俾我地。menu都幾多選擇，我地兩人好貪心咩都想食，最後都叫咗青芒果沙律、香茫軟殼蟹米紙卷、南瓜焗咖喱海鮮同冬蔭功首先嚟嘅係比較清新嘅青芒果沙律同香茫軟殼蟹米紙卷，兩款小食食材新鮮配埋泰式辣醬，微辣得嚟酸酸甜甜好開胃！餐廳出餐好快，好快就捧咗食泰菜必嗌嘅冬蔭功！冬蔭功有兩種份量，兩個要細份啱啱好！湯入面有大蝦同埋好多菇，而且香料好正宗！成隻開邊嘅大蝦最後上菜嘅就係南瓜焗咖喱海鮮，南瓜咖喱本身已經好吸引，咖哩唔算辣有南瓜嘅清甜同椰汁香，海鮮有蝦、青口、魷魚、斑塊等等，而且仲係放份原隻南瓜上碟，可以連南瓜肉都食埋，淨係望落去已經流晒口水！個汁真係太惹味我地仲叫咗印度酥餅汁都撈埋！除咗嘢食之後，嘢飲一樣重要，餐廳嘅飲品menu都好多選擇，我地分別叫咗龍眼冰同番石榴沙冰龍眼冰好多龍眼肉！沙冰一樣好飲！