新泰東南亞餐廳 (太子集團中心) (已結業)

約朋友食飯，朋友話要食東南亞嘢，於是一早book定位19:00，之前食过兩三次，食物一般不過地点ok, 由於當日早了到達，大约18:30，諗住上去飲住嘢等。到達後入去前待應講只能食個半鐘，訂枱時都沒有說明，咁我哋問下若果冇人等位可否繼續食，点知待應態度極差話只有個半鐘。估唔到宜家仲有咁巴閉餐廳。由於朋友未到，我哋立即去附近其他泰國餐廳，以後可以blacklist佢。特別係果幾個疑似泰藉待應，一啲服務態度都冇。

話說呢間餐廳個氣氛幾唔錯，裝潢幾靚，卡位又多，啲位都好闊落。適合兩個人撐枱腳，或者幾個朋友仔約出黎小聚都OK首先黎左碗冬蔭功湯，好細心咁有細同大size揀由於我地得兩個人食，嗌左碗細，份量岩岩好碗湯都幾足料，有隻大蝦係入面同埋都有好多菇，幾鮮同好香既香茅味，幾開胃鹽焗烏頭炒蠔仔蛋蠔仔蛋炒得好香，用鐵板上keep住熱辣辣仲好足料，好多蠔仔馬拉盞炒通菜真係好出色，啲汁好惹味，好適合配番碗白飯嘢飲方面我嗌左杯椰青沙冰上枱嗰下真係嚇親好大杯真係飲唔晒入面好重椰青同奶香味幾清甜，可以解下油膩下次想食泰菜都會再黎試下其他菜式

同同事行到黎呢度lunch, 地方超大，坐得舒服，驚喜既係價錢平民😍泰式鹵鴨湯河粉❤️湯底特濃郁！鴨肉結實又唔肥， 河粉吸哂湯底精華！星州喇沙蝦米線❤️米線掛湯，啖啖都食到喇沙， 材料豐富，有魚片，蝦，芽菜，雞蛋豆卜！ 味道正宗有椰香😋酥餅❤️叫左一份，份量以經好多😍口感超鬆脆又充滿奶油香👍通菜❤️馬拉盞味道濃郁，通菜入味！泰式串燒❤️豬牛雞各半，肉質嫩滑，熟度剛剛好！ 雞肉燒得juicy, 鎖住肉汁👍青檸梳打❤️青檸酸酸，開胃解渴😍

好朋友雖見面不多，但會記得你生日的特別感動，今日朋友🈶驚喜地為我安排食泰國菜。來到新泰尖嘴分店，門口🈶架型車和夏日熱帶感覺的盆栽植物🌿，甚少見泰國餐廳有這華麗裝飾。落完樓梯，職員安排坐卡位，寬敞，餐廳都幾大，坐得舒適。這裡除了環境很有泰國風情，服務員都是來自泰國。望望餐牌，食物選擇都挺多。泰式炒椰菜仔$95先到，朋友話偏硬，但味道算不錯,有鑊氣，菜苗青綠帶微甜。每次食泰國菜一定叫串燒$88，燒得熟度剛好，嫩香，juicy不亁。泰式蝦炒金邊粉$108 飽肚之選，蒜蓉包$32外層酥脆，內鬆軟，蒜蓉味夠香，趁熱吃好滋味。哇～～～燒扇貝$88到了，賣相吸引，大大粒。晚餐的最後當然少不了甜品，香芒黑白糯米飯$68，望住熱煙飄逸的甜品，嘴裡唾液就不禁持續分泌，黑糯米比白的比較香。熱香茅茶$38菠蘿沙冰$38好喝,不會好冰冷，整體而言，心滿意足的生日飯，性價比高的泰菜之選。

自從上個月去完泰國之後，嗰條食泰式野嘅癮就一直都無停過，所以約左朋友黎新泰食，止下條癮先越式燒春雞釀香茅皇飯，切開燒春雞的皮就有一堆帶有冬陰公香味的飯，燒雞配上特別的燒汁很香口，而且很貼心在旁邊配上一堆酸酸辣辣的開胃沙律菜，就不怕吃到很膩。生蝦有6隻，每隻生蝦都配有一片辣椒片，蒜片同檸檬片，如果加上檸檬汁，味道會更鮮，當然啦，唔加都好好味！碟下面有冰，可以保持冰涼的感覺，也可以慢慢食，亦唔會咁易變壞椰青入口有濃濃的椰子香味，清甜可口

今日約左朋友系尖沙咀去食泰國菜哩一間系佢地推介過話有驚喜嘅，我地一行四人叫左一個炒椰菜仔咖喱軟殼蟹麵包盒小食揾盤椰青x2燒雞香茅黄飯我好鍾意食嘅咖哩麵包咖喱軟殼蟹麵包盒（趁熱食系最好味嘅）香脆嘅軟殼蟹鬆軟的麵包再配上香噴噴嘅咖哩（有陣椰漿味而且唔系辣）第一個驚喜系小拼個生菜包其他都好好食，但個生菜肉碎就非常好味因為色，香，味俱全，辣到會想不停食第二個系個燒雞香茅黄飯雖然旁邊個沙津我一般般，但系隻燒雞好香口而入面啲飯除左有香茅味仲有雞香味第三個充滿鑊氣嘅蠔仔蛋肥美蠔仔再配上芽菜雞蛋

尖沙咀食肆林立，突然想食泰國野，見新泰環境幾好，價錢一向合理，就同朋友入左去食。未到放工時間人唔多，好快就有位。泰式蝦炒金邊粉，金邊粉的外觀，跟在曼谷吃過的非常相似，味道則更勝一籌，不知不覺全碟掃光。其鑊氣十足，粉條給炒得分明，顏色均勻，蝦雖非新鮮貨，但未見分體爛肉，加半個青檸供擠汁更佳，有驚喜。另外叫左個南瓜焗咖喱海鮮，南瓜健康賣相一流，南瓜既甜味加埋落咖哩，有日式咖哩感覺！海鮮種類亦多印度薄餅好鬆化好似酥皮咁，用黎點南瓜焗咖喱超好味。

好耐冇食泰國菜，最近天氣凍凍地，想食返一啲辣嘅嘢，暖下胃！喺尖沙咀附近返工，見到新泰難得有位，所以就去試下。食完仲可以去海傍行下！我地要咗三樣野食，一個飛天通菜，一個炭燒豬頸肉仲有一個砵酒羊架,嘢飲方面，要左一杯菠蘿汁同埋一個椰青！椰青真係值得推薦，好清甜！同喺東南亞飲嘅一模一樣！1. 炭燒豬頸肉豬頸肉完全唔會韌，入口即溶，好好味！配埋個醬汁簡直係一流，個BBQ醬令到成個豬頸肉嘅味道提升咗一個層次！2. 飛天通菜我同朋友都唔係好食得辣，所以無要到馬拉盞炒通菜。呢個飛天通菜味道都好好，菜好新鮮！3. 砵酒羊架估唔到係泰國餐廳都有羊架食，一上到嚟，見到有四件羊架，好大份！兩個人都食唔哂！羊架嘅肉質都好好，好嫩！

我哋今次又來捧新泰場喇，好彩呢一個新泰東南亞餐廳喺尖沙咀呢一邊有兩間分店，所以無論係邊頭，都可以搵到一間就腳嘅黎食。呢邊分店嘅裝修都好有心思，有好多泰式風情嘅裝飾係入口，而且仲放咗一張木梳化，等嘅時候唔會企到腳仔軟。我哋兩個人就嗌左香芒軟殼蟹米紙卷，泰國街邊豬肉串，砵酒羊架，至於嘢飲，我就試咗蔓越莓汁。每次過嚟，我都要嗌我的最愛就係呢一個香芒軟殼蟹咪紙卷。我覺得呢一個卷最吸引我嘅就係佢香芒嘅甜，再加埋軟殼蟹嘅口感，點落去嗰一個酸酸地嘅醬汁，成舊卷放入口就會又酸又甜，好開胃，仲有啲口感俾你咬下咬下，真係冇得彈。平時我哋就食開串燒，今次決定試新野，就係街邊豬肉串。我覺得呢一個街邊豬肉串已經取代咗串燒，成為我哋嘅新歡。原因係呢幾串豬肉燒得好香，唔會話太乾，咬落去鞋颯颯，再加上燒烤醬，將豬肉串推上一個更加好味嘅層次。😻😻泰國嘢點可以少得椰青呢，所以我哋就嗌咗椰青。呢個椰青水飲落去好清甜，食完啲熱氣野飲返用黎清熱氣就最啱啦。同埋我今次試咗一個未試過嘅嘢，就係蔓越莓汁，我覺得有少少似利賓納，值得一試。

依間餐廳都算近既 上到去格局氣氛好正 好似去左泰國咁同埋啲員工全部都係泰國人 所以好正 食物方面真心吾錯 個椰汁沙冰 超級推薦好冰好甜好正椰青本身就好清甜變左沙冰就會多左啲奶香 更加好飲 另外叫左菠蘿炒飯 仲要係用菠蘿裝住真心好正好特色味道好清新配埋啲肉鬆一齊食就好好念 仲叫左個牛肉炒河粉 當然係十分泰式 河粉吾會好油 味道剛剛好跟著叫左個炒通菜好正 因為食落好有鍋氣 有少少微辣 最後叫左個泰式甜品大拼盤 其實有個細既88$都好多 但因為睇吾到叫左大既 食吾唒好多 好食 太多啦2個人一定食吾唒 再加上我係係e間餐廳同人慶祝生日 仲要食蛋糕 所以一定飽死 佢地好好有雪櫃放蛋糕 冇準備蛋糕 佢地都有賣50$一個

今日同個朋友，去咗新泰餐廳食晚飯。我哋六點左右去到，發覺原來個場好大，好多卡位，同埋啲裝修擺設都好靚，空間感十足啊。先講下個串燒，我覺得喺呢度嘅必食推介，首先講串燒大蝦，足足有手掌咁大，食落肉質彈牙，明顯係新鮮貨料，高質。扇貝在家不容易處理，梗係外出點黎試試！扇貝肉質軟滑，帶海鮮甜味，在燒烤過程中充滿肉汁，加上蒜蓉燒，喜歡的朋友不可錯過！馬拉盞通菜佢本身炒到好有鑊氣，馬拉盞唔會好辣，但夠惹味，啲菜都入味，送飯仲一流！主菜：越式燒春雞香茅黃飯，厚隻燒春雞上碟，十分吸睛！火喉十足，外皮香脆。雞肉入味，雞油在燒烤過程中滲進黃飯中，十分滋味。黃飯味道豐富除了帶有香茅，還有少許薑的香氣，味道濃旭。在旁的洋蔥沙律帶來清新的口感和衝擊，十分配合。

整體滿意度高😋。海鮮足料，有魷魚、青口等等，炒飯亦十分有火喉，令炒飯夠乾身。蛋包住炒飯令炒飯更美味和外形有美感，啱哂用黎打卡😆😆。推薦呀👍🏻👍🏻👍🏻串燒配搭醬料十分惹味🤣雞肉和豬肉串燒肉質鬆軟，可惜牛肉串有少少硬，但整體好食，係值得叫的小食☺️☺️通菜夠新鮮而且炒得夠火喉🔥，唔會好乾，可惜辣度極小😣辣味重些會較為好食！

去到尖沙咀唔知食咩好，係同行朋友介紹下去咗呢間泰國嘢冬陰公湯好惹味！非常夠味，充滿東南亞方式而且都幾辣，好似係泰國當地飲嘅咁～芒果酸酸甜甜中和左軟殻蟹嘅油膩感，配埋隔離個酸甜汁，好開胃呀拼盤有齊豬牛雞各兩串，份量比想像中多，性價比唔錯沙嗲醬都幾香，不過唔夠辣同埋三款嘅味道好似差唔多，食得多會有啲厭，重口味左啲齋睇賣相都比滿分睇落細細份，但整鬆左之後都真係幾多。金邊粉炒得乾爽調味都幾好，鍾意食金邊粉嘅嘅可以試吓呢間餐廳價錢唔算貴，我地兩個人都食唔晒，加埋每人唔洗$200

有朋友介紹一間喺尖沙咀北京道既泰國菜，今晚一於食泰菜! 餐廳環境舒適，樓底好高，空間感足夠，服務員態度很好很友善，值得一讚蒜蓉燒帶子一上枱已經聞到好香，一放入囗，帶子非常彈牙，亦都好鮮甜，而且好大隻，加上淡淡的蒜蓉味，味道非常之香非常之好食，一定要點！馬拉盞通菜馬拉盞通菜係泰國菜必點自選，通菜來自泰國，所以非常鮮嫩，而且用馬拉盞炒，非常之香蒜蓉燒大虎蝦大虎蝦仲大隻過我嘅手掌，非常之多肉，用蒜蓉佢燒，味道非常之香，而且好新鮮，必食之選燒春雞配黃薑飯黃薑飯釀入燒春雞裏面，充滿雞嘅香味，而且隻雞燒得好香脆，用春雞去燒，雞肉會比較滑亂，加上特製嘅醬汁味道更好，好好食食物質素高，服務一流，裝修別具風格，座位舒適，值得大力推介!

每次想食泰國菜又唔知去邊食就會去返新泰食😂😂😂雖然佢哋嘅價錢係有啲貴，不過我都覺得係值得既，想放工繁忙時間或者星期六日黎食既話，記得早啲book位！我最中意食佢地既紙卷同馬拉盞炒通菜🤤🤤食咖哩就一定要配薄餅食，一個字正👍🏻