新泰東南亞餐廳 (太子集團中心) (已結業)

同朋友慶祝生日🎂，當然要選擇一個環境舒適、不限時吹水、食物味道又good嘅餐廳。佢每道菜嘅份量一啲都唔少，座落尖沙咀區，佢嘅收費都算係低。前菜柚子蝦沙律🥗酸辣鹹香，醒胃惹味，食咗胃口即時大開。泰式生蝦刺身吸引的並非生蝦刺身，而是伴隨的泰式酸辣汁😄😄。去骨海南雞🐔最適合我哋唔鍾意吐骨嘅ladies，唔肥又有肉，仲要係肉唔＂鞋＂。馬拉盞通菜炒得好香又唔油，大家睇吓...通菜好綠又嫩😋😋。青咖哩豬最好用黎送白飯，但菜多肉較少，同埋個汁甜咗少少。最後，我哋以芒果糯米飯作生日蛋糕，店員仲幫忙加支爉燭。