新江記 (已結業)

中秋佳節外出食飯高興一下，幫襯咗屋企附近一間小店貪佢夠就腳，叫咗三餸一湯，包括正宗新鮮走地雞半隻、涼瓜煎蛋、客家梅菜扣肉同高湯浸雲耳勝瓜，個湯就叫咗金銀菜燉豬肺湯。隻雞好新鮮好好味，有珍肝跟埋，雞皮好薄，一d都唔肥，雞味都OK。呢度嘅梅菜扣肉相對出面食到嘅係比較瘦嘅，所以食落去冇人罪惡咁，不過就係因為太瘦所以瘦嗰部份有少少韌，d梅菜吸晒d豬油所以送飯一流。涼瓜煎蛋正常嘢，OK。高湯浸雲耳勝瓜味道都唔錯，勝瓜刨咗皮所以唔會嚡烚烚，雲耳都好大塊。個豬肺湯好好味，d菜乾好香，豬肺又燉到好淋，中size$128，四個人每人都有兩碗飲到，份量好足。

一落風球就去玩係香港人本色，我都唔例外，即刻走出去食飯，因為始終落好大雨所以唔會去太遠，記得以前食過呢一間，味道唔錯，於是就決定去再食。兩個人始終唔係叫到好多嘢，我哋叫咗要encore嘅家鄉釀苦瓜、蝦醬大尾魷同埋一個細嘅蠔仔粥。第一碟上枱嘅係蝦醬大美魷，蝦醬好香，大尾魷好新鮮，啲配菜都好味，尤其是個紫洋蔥，好甜。碗蠔仔粥嘅蠔仔都算大粒，不過似乎唔夠新鮮，可能係打風關係啦，都OK嘅。至於上次食過覺得好好味嘅家鄉釀苦瓜就有少少失望，其實佢嘅味道都仲係好好食，不過個賣相麻麻地，大家睇吓幅相就知道，啲苦瓜縮晒同埋皺晒皮，記得上次嚟食嘅時候係脹卜卜嘅，估計係師傅一早養好擺入雪櫃雪左一段時間，所以搞到啲苦瓜好樣衰。但係好彩食落口苦瓜嘅味道都好甘香，另外就係釀落去嗰舊肉，除咗豬肉之外佢仲加入咗其他材料，令到個味道同埋食落去嘅口感都非常好。

呢間主打客家懷舊手工菜嘅街坊食店。客家梅菜扣新鮮豬肉用上五層腩肉肥而不膩,與梅菜的清香相得益彰，送飯一流。必食咕嚕肉，落單即炸，配上鮮菠蘿及秘製醬汁，酸甜開胃。香煎芋頭卷，芋頭鬆化，煎得香脆，用嚟送酒都好配合。

老實講 本人住左粉嶺好耐 一家人一直都有食開另一間新漢記。今次同朋友咁岩到大埔 見到新江記 仲要間menu同新漢記好似 諗住應該唔差，就選擇入左去食一行4個人 叫左3碟餸，因為我知本身好大份，然後叫左鵝掌麵，鮮蝦炒魚麵，客家釀涼瓜。先講鵝掌麵 真心唔係好入味 隻鵝一食就感覺到唔新鮮 可能係我唔識食，食落似冰鮮野 冇咩鵝味。鮮蝦炒魚麵，我會預期個魚麵係好彈牙，點知食落去係淋既 好失望。因為之前食既麵唔係咁既感覺，所以可能本身太高期望。其他配料ok 但個麵一淋 整體感覺就下滑客家釀涼瓜就正常 冇咩特別可能冇比較就冇傷害 佢地呢間同新漢記好似 但人地始終係好食d，睇黎呢間新江記要再努力d，但我都係會食返新漢記算

Sorry,手機d 相冇晒!!! 但都照post 住食評先!相後補!老爺星期五過黎食飯, 咁就係返大埔搵野食.老爺話想食中菜, 就搵到大埔新江記店內環境同menu都okay既, 室內大排檔既感覺好懷舊hahaha 走地雞一食就有個疑問..’ 真係走地雞？！’因為肉質同冰鮮雞一樣咁腍雞有雞味?? not really! 脆皮炸大腸好細份, 3個人都唔夠食話就話脆皮, 但其實唔脆仲有d 腍..有d咸 岩重口味既朋友本身唔想食飯, 但真係好咸忍唔住叫左碗飯非一般咕嚕肉咕嚕肉對我黎講真係有非一般既吸引力但好可惜佢都係唔脆仲有d腍個汁偏酸...用鮮菠蘿都唔甜balance唔到非常失望啊...炆豬肉真係強烈唔recommend  炆唔到入味, 色水都唔夠食過客家炆豬肉真係唔係咁咖鵝腳麵老爺最愛食鵝腳, 個麵底幾好, 不過鵝冇鵝味都係冰鮮野? 老爺食左兩啖就冇再食..食到最後, 都唔飽咖..但真心覺得好差...唔會再黎佢同我前幾個星期食過既粉嶺新漢記好似連menu都好似. 咁我寧願去遠d食新漢記..老爺話唔會再黎...我心諗..今次瀨野了..唔通我得罪佢老人家..?!下次遠d都寧願去遠d...

一家每次老遠由港島渣車來吃，貪可坐外面，小巷很乾淨，附近可泊車。 晚上非常熱鬧，見好多人等位。新江記係住大埔朋友介紹的，以客家菜為主，我也是客家人，反而個客家豆腐就無乜客家風味，可能係食材問題。 他們就是一間像做街坊生意的小飯店。今次來睇到有個在電視講飲講吃男人，但就講唔出佢叫咩名。 每次必吃： 豬油撈飯，蘿白糕、蒸魚同雞。我地通常一家6大口，有魚有菜有雞，吃到飽都係唔使一千元，呢個質素算扺吃。 希望呢類唔收加一，無收茶錢嘅小店經營下去啦！

好難得先可以入去大埔一趟，見到東興好爆，而對面開咗間差唔多嘅中菜館，睇完門口嘅菜譜的確有幾款餸好吸引，所以就順道一試。可能嗰晚D人去哂倒數或者去食西餐迎新年，店內食客較少，很容易入座，不用等位。我哋叫咗三杯酒焗新鮮大腸煲、香煎墨魚餅及南北杏菜乾豬肺湯。實不相瞞，都係為咗試呢幾味餸先入去。甫坐下，窩湯好快端上，湯煲得夠火喉。窩湯有四、五件豬肺，食味不錯好有口感，加埋豬骨煲成個湯好香濃，好啱冬天飲，份量好足。跟住上嘅三杯酒焗新鮮大腸煲，一嚟已經聞到酒味，酒可以僻走豬腸嘅臭味，的確係不錯嘅配搭。用煲上呢個餸，一來夠熱，二來醬油同酒使豬腸更加入味，令食慾大增。豬腸洗得很乾淨，值得一讚！香煎墨魚餅係推介作，墨魚餅煎得金黃不過火，恰到好處。墨魚餅內很多墨魚粒，很有咬口，吃得出材料很新鮮。美中不足係份量太少，一碟九十八蚊都唔係好多件，切得較細件，人多就唔係每人分到一件。整間食店嘅食物很有水準，食味也不俗。看出店主用心經營，選材新鮮，煮法獨特。唯美中不足是略嫌餸菜碟頭較小，份量不多，不太化算。喺大埔呢D舖租唔係咁離譜的地區，都係做街坊、熟客生意嘅話，好食之餘，合符經濟原則先係長做長有嘅策略。這也是今次

劣食 一定無下次價錢唔平 細碟 態度差劣7個人 叫左7個餸 款式算係小見既可惜味道唔係好 態度仲要非常差叫左咸鴨芥菜 成98蚊 只係用一個比飯碗大小小既碗裝 非常細碟 雖然咸鴨味道可以 但芥菜好似未煮熟咁粉絲雜菜煲 有幾粒咸到即刻要吐出黎既魷魚完全唔理解 魷魚會咸到咁落單後好耐未到 結果得到老闆娘好串咁答你睇下呢度幾多客 一定無下次

本身係去第二間食，點知原本個間太多人。唯有搵第二間落腳，咁就走左去後街睇睇點知，發現左有間門面（新江記）都新淨👍🏻入左去，發現服務堅好似家庭式經營。點左三個餸，（蠔仔粥、炸大腸、煎芋頭）本來諗住唔飽肚點知食完又堅係飽！後話：蠔仔粥算足料👍🏻收費88蚊，都算抵！ 炸大腸，一啲都唔抵😒收118。 比左20條都無（計埋的碎碎） ⬆️⬆️無咩唔好叫哩個試⬆️⬆️ 煎芋頭，好食既，鐘意食芋頭既人， 可以叫黎試下，因為真心好飽肚， 收68蚊，都真係抵既👍🏻重點💡免收加一，哩個算抵！而且環境整潔，拍拖食都唔錯怕熱既人唔洗驚！因為冷氣都好好

其實呢間已經系第二次食、第一次系年三十晚、同屋企人收晒工都已經十點幾、周圍收晒爐機原巧合既情況下搵到。剛入到去可能新開亦都唔易搵、得其他2台客。剛入到去老細已經好熱情咁招呼、坐低之後有侍應放低2碟花生同紅色既酸蘿蔔、都冇為意之後先知每碟7蚊定8蚊、不過小數目黎。本來睇餐牌見到個馳名第一刀好吸引、侍應都解釋左系豬頸左右既部位、但系果日就賣晒、於是試左個豬蹄筋、咕嚕肉同埋走地雞、個豬蹄筋必食～本來以為d筋會好難咬～點知煮得好軟之餘都保留到咬口、個醬油都系神來之筆、一定要叫佢加多d紅蔥～會香好多、咕嚕肉都好食～皮脆粉都唔多、但其實唔系好非一般～系有水準既咕嚕肉～最後個走地雞就算食雞胸都唔會鞋、俗d咁講就叫食雞有雞味～整體黎講都好滿意。之後就到今日第二次食啦、一入到去就問馳名第一刀、今日幾lucky仲有、之後再叫個咕嚕肉同埋蠔仔煎蛋、不過個人講得第一刀會偏肥、反而冇蹄筋咁爽口、會有小小成口油既感覺、咕嚕肉仲keep到個水準、而蠔仔煎蛋因爲個人原因我地走晒蔥同埋九菜、所以反而會好似唔夠味。之後會再去試下個炸大腸同埋客家炆豬肉、再寫個食評、人生第一次寫、但覺得值得一試

難得去大埔！試新野！先試雞，口感好好，完全估唔到咁好食，真心推介大家！豬大腸個味真係好正，平又好食，性價比高，香口，下次黎會再叫！整體來講，性價比高而好食香港好小有！值得再黎！

之前去開東興食野，因為平靚正。見到對面開左間客家菜餐廳咪入去試下囉，叫左油浸筍殼魚，炆豬肉，魚鰾勝瓜，鵝腳麵同埋個豬肺湯。首先條筍殻魚夠大，炸得又夠香口，味道仲要比一般大酒樓好味488蚊，咁既質素同價錢，5個人食差唔多啦之後個炆豬肉都算入味，味道又唔會太鹹，可以話係啱啱好，唔會炆左過。然後個魚鰾勝瓜，睇落去好似無咩特別，但係食落肚會知啲食材唔係求其搵黎賣，係堅有選材過而個豬肺湯以滋保靚湯黎講算唔錯，飲完個湯同食埋啲餸都唔會口乾，應該係無咩味精既最後個鵝腳麵，麵底食得出堅係鮑汁蝦子麵，而且鵝掌味道唔錯，同荀殼魚&炆豬肉算係必食推介之一至於呢間鋪既侍應麵幾有禮貌，收費方面就原來唔收加一，淨係係單尾加收菜芥小食，問左侍應原來預先講唔要小食仲可以比少一樣錢不過個花生小食堅好食，食得出個廚係有料可惜，呢間鋪鋪位唔大，顯得啲位窄，而且好快坐爆晒人，算係呢間鋪既美中不足

最近經過見到轉左中菜餐廳，所以就去試下，假期晚飯時間唔洗等位。一坐低樓面整左兩碟花生同醃蘿蔔話食住先，原來8蚊碟。地方細，位太迫。客家菜唔似客家菜，客家炆豬肉唔夠入味，客家釀豆腐唔夠滑，同埋碟頭極細，我地一枱10個人一人夾一舊都唔知有無，非一般咕嚕肉食唔出有咩非一般，大冼雞認真麻麻，又老又鞋，炒菜心勁咸。埋單好彩有睇單，有啲亂，雖然就講到好好聽話免加一，但係茶錢同小碟錢其實都係返到，加返一好過唔會有下次