新新酒樓

营业中

休息中

今日同屋企人一齊食飯，有老有少就去酒樓食。始終老一輩都會比較鐘意，所以去一間有feel啲嘅👍。南非鮑魚餐 $738鹽擦6頭南非鮑魚（四隻）南非🇿🇦鮑魚大大隻，食落好彈單新鮮，再煎得金黃，鮑魚味又濃😋。濃湯雞煲翅四位濃湯飲落雞味非常濃郁，同上面嘅雞油唔會太多，翅嘅份量多到令我估唔到😂分量十足。隻雞亦都會另外上碟，真係識落啖啖肉。招牌燒鵝拼叉燒皇叉燒皇燒得啱啱好，燒到有少少脆皮，加埋咁叉汁食落口真係好正。👍再嚟就係招牌燒鵝，鵝味濃厚，加埋脆卜卜嘅鵝皮食到舔舔脷。重點係啲鵝油，配埋飯又唔會太油膩。翡翠炒花姿蝦球蝦球大大隻，啖啖肉😋。魷魚點買啲蝦過好食啲鮮味出晒嚟，再加埋啲翡翠筍，條條都脆口有啲菜食吓一流👍。咕嚕黑豚肉本人最鍾意食咕嚕肉，少少🤏脆口啖啖肉再加埋佢啲咕嚕汁送飯超正🤣。重點係用左黑豚肉，食落真係味濃鬆軟啲😋。濃湯灼時蔬再嚟一味蔬菜🥬調配一下胃口冇得輸。綠豆沙綠豆沙做飯後甜品甜到唔會過龍。

跟家人提起新新酒樓，才知是六、七十年代的「明星飯堂」——新樂酒樓～今晚同媽咪嚟尋回懷舊味道😚全層座無虛席～好彩有訂枱！見到酒樓裝修，兒時飲茶嘅回憶浮現腦海😆叫咗個四人餐～有龍蝦有金錢雞～👍🏻🌟懷舊金錢雞我估而家無幾多間酒樓有呢個菜式，金錢雞其實係以前酒樓用啲下欄創作嘅菜式，昔日窮人恩物，今日係矜貴手工菜～由义燒、雞肝及肥豬肉組成，伴著蜜汁，甘香可口，一點都不膩口🥰🌟上湯焗加拿大龍蝦伊麵彈牙啖啖肉～上湯鮮味濃郁～伊麵加埋芡汁，食到Lam 晒脷～😋兒時回憶：伊麵永遠清得快過龍蝦🤣🌟覇王香妃雞雞本身已經有鹹味～蔥油錦上添花～雞皮爽口，雞肉嫩滑不過火～🌟海皇燴燕液有蝦、瓜、菇等材料切粒粒，入口有爽有滑，不同口感～🌟翡翠炒龍躉球🌟清蒸頭腩 一魚兩食～我鍾意炒嘅粗獷～肉質爽彈，香口又惹味！蒸嘅肉質較嫩滑～下面仲有木耳盛著魚汁～🐟🌟蟹籽海皇炒飯粒粒分明且金黃～好大碟好多料～大家口裡說飽～身體卻很誠實！最後都係清碟～用行動證明好食😋🌟蟠桃壽包壓軸登場嘅小壽桃，新鮮出籠～軟熟～香滑蓮蓉餡甜度適中～🌟紅豆沙好好招呼嘅侍應姐姐～送糖水比我地😆酒樓嘅紅豆沙感覺係唔同啲，口感好綿密～👍🏻#新樂酒樓#新新酒樓#懷

其實見之前YouTuber 介紹已經好想去，又咁啱睇電視見到佢有廣告賣懷舊老菜（金錢雞我真係以為甘棠呢啲老號先有😆），咁決定抽一晚去試下。1️⃣8️⃣1️⃣4️⃣ 晚飯時間🥢 懷舊金錢雞講真唔輸比甘棠燒鵝嘅金錢雞，用上豬肉、肥膏，加一片雞膶燒製而成，聞說係窮人恩物，因為價錢相對於叉燒、燒肉等親民，而家就變上一道美味菜式。🥢 脆香蝦多士係講緊一隻大蝦伏在一格既炸多士上，點上沙律醬，酥脆鮮甜，好食但不可太多會好滯😛🥢 一食京式片皮鴨酒樓會拎隻鴨出嚟俾你睇住佢片，好公道嘅。鴨皮鮮脆香口，配麵皮食咬落去啲油香令你食唔停，不過我咬中佢個屁股位，好酥🥲🥢 金蒜蒸元貝超大隻嘅元貝，新鮮滾熱，水準之上。🥢 清炒勝瓜炒得不算油膩，不俗。🥢 香芒布甸酒家很好，其實話奉送當晚糖水俾我哋食，不過個人不太喜愛綠豆沙，所以婉拒再另叫芒甸，不過就唔及餸菜出色了😅總括嚟講：好食又唔貴，啲服務員又nice，真心會再嚟多次。

今晚同媽咪一共四人嚟到呢間酒樓食晚飯，平時都見到電視有賣廣告，見佢款式都好多呢個四人餐，有雞有魚有龍蝦，仲有懷舊菜式懷舊金錢雞原來金錢雞唔係有雞，濃濃嘅醬汁包住瘦肉、雞膶同埋好爽口嘅冰肉冰肉油香四溢，瘦肉唔會乾身，雞膶非常嫩口⋯⋯霸王香妃雞雞肉嫩口，有鹽香味上湯焗加拿大龍蝦🦞呢隻龍蝦肉質唔錯，食得出好新鮮，伊麵鋪上龍蝦汁，非常鮮甜，伊麵成為重點好鮮甜的龍蝦肉海皇燴燕液海皇即係海鮮，樣樣有，加上燕液，頓時高貴了翡翠炒龍躉球清蒸斑頭腩我哋四個都好鍾意食魚，兩碟嘅份量都好多，滿足晒大家大大件嘅龍躉肉炒又好味，清蒸就原汁原味！一碟配上西蘭花，一碟配上雲耳，冇得輸蟹籽海皇炒飯炒飯最緊要係一粒粒配上菜心粒、蝦仁、蛋⋯⋯蔥粒係重點！已經令我哋四人清晒蟠桃壽包先頭我哋研究緊，使唔使外賣拎走呢四個包包，跟住上枱原來唔會好大個仲可以趁熱食埋佢，飲番杯熱茶⋯⋯媽咪話呢間食材水準唔錯，價錢公道，我哋已經book咗冬至飯喺呢間食

冬至就到，今次尼到高這間懷舊味道十足，歷史悠久嘅中式酒家同家人食飯。因為冬至期間，酒樓嘅餐牌有少少改動，不過菜式都算多選擇，我地仲帶左枝紅酒嗒吓，開瓶費唔貴。今晚都算爆場，雖然地方唔大，但有氣氛，惜日食肆熱鬧嘅感覺返晒尼。

一出𨋢攞位，知客已經用慌死你聽唔到嘅聲量話兩人多數要搭枱，見環境擠迫，兩枱凳背幾乎互相貼住，差啲想打退堂鼓，居然俾到張近窗邊挨牆得二三人坐得落搭唔到枱嘅獨立枱就𦧲飯應。座無虛席。可能基於此原因，又或秋燥，啲伙計都幾好火，例如擺杯碟碗大大力硴啦硴啦咁聲；喺我背脊櫃位拎枱布大力沉重地掃過我膊頭都不以為意；隔鄰枱剛入座已見有茶壺，於是同其中一個陀對講機瘦削嘅咩哥講話驚壺茶唔乾淨，叫佢換過壺普洱，個咩哥燶哂面大聲答話唔知個客講唔乾淨咩意思，最後心不甘情不願去茶水部打個圈攞壺新茶返嚟⋯⋯如此這般舊式酒樓職員態度之情景，以為返咗去七八十年代。連電視都標榜有做懷舊菜例如金錢雞、蝦多士之類⋯⋯因見首次嚟而且見咁嘅招呼，於是只維持嗌番啲茶樓恆常嘢就算。迷你紅棗蟲草花雞飯，落咗單先話冇，夾硬塞兩碗「迷你鳳爪排骨飯」嚟。鮮奶蛋撻仔，微溫，冇嚟蛋味。之後陸續嚟嘅春卷、叉燒腸粉（啲叉燒係鮮橙色）、鯪魚球、灌湯餃（皮就大大幅，餡料少）普通料，都唔多贅述。壓軸嘅「炸魷魚鬚」，望落已啞色，食落知翻炸，魷魚仲要冇用鹽或任何調味，只能夠點乾點淨碟細碟喼汁，𦧲哂啲隔夜炸漿，勉強食幾舊。仰望四周，九成退休人士，並無不敬，但我

聽聞新新酒樓星期六日會爆場,所以趁星期五和家人前往品嚐。平日的午膳時間幾乎全場爆滿,都要取票等一陣才有位。酒樓裝修一派老式酒樓的格局,枱與枱排列得較密,充滿傳統飲茶的熱鬧氛圍。雖然食客很多,但職員都很勤快有禮,值得一讚。點心選擇很多,熱門點心例如蝦餃燒賣菜苗餃非常新鮮好味,腸粉亦皮滑美味。~蛋撻仔皮脆香滑,可以一試~唯蝦多士比想像中油膩~馬拉糕夠香夠鬆軟,但個人認有點偏甜整體而言,性價比非常高,值得一去!P.S 惠顧酒樓可享童軍中心泊車優惠,適合駕車人士

今日難得平日放假，專誠去「新新酒樓」。中午12時到達，我哋等2人座，無其他人等位，見到仍然有幾張枱無人嘅。知客態度差：2人唔搭枱就要等，4人枱要搭枱，要客人企喺度慢慢等；有客人見有吉枱唔俾人，就嬲爆走咗！而有位侍應就好好，招呼我哋坐。食物質素：點心唔錯，但xo醬炒腸粉 炒燶咗！

很久冇去佐敦下午茶，今日有事辦就順便去試下，以前在酒店時經常光顧，味道很好，但今次就覺得失望。因為一個人吃，就衹叫了燒鵝瀨，雞包仔及鯪魚球。碗粉上枱時未發現六件全是鵝尾肥羔部位，吃過件才發現全部一樣，結果衹吃了瀬粉，其它留在骨碟上，因為那些侍應部長衹顧同熟客吹水，比較困難找到人反映。雞包就粉厚餡少，不算特別好吃，鯪魚球亦粉多較冧，僅僅合格。埋單承惠九十元，三樣不算貴，但食物質素欠佳，這價錢下午茶肯定有更好選擇。埋單時順口向部長反映，佢就輕描淡寫說吃不到可早些反眣，如此這般回應能不氣結？怪不得經常在電視賣廣告，有麝自然香，香港的飲茶文化低落，不是無因！

之前親戚請我地黎新新食懷舊菜，覺得好唔錯，今日同朋友係呢附近整d野，就諗到再去食呢度食吧。好在預先訂左位，平日7點黎到已經全場滿座。我地一行四人，唔想諗，直接叫了四人餐。$738有鮑魚有翅，相當抵食。除左四人餐，仲有其他孖寶或散叫可選擇~招牌燒鵝拼叉燒皇叉燒係瘦叉，岩哂怕肥既友人口味，燒鵝皮脆有肉汁，充滿鵝油香~露荀炒花枝蝦球蝦球大只，彈牙啖啖肉，花枝味鮮，配搭爽脆露荀，味鮮清新~濃湯灼時蔬清清地的上湯浸生菜~咕嚕黑豚肉酸酸甜甜的咕嚕肉，肉質鬆化，外皮仍然保持脆度。鹽擦南非六頭鮑魚鮑魚個頭大，彈牙肉厚，椒鹽金蒜香口惹味~濃湯雞煲翅我自己本身唔食翅，目測翅量不少~友人則話湯頭濃郁鮮甜，真材實料~雞煲翅的雞，沾上豉油吃也不錯~總括而言，套餐物超所值，難怪平日也爆場呢~今晚大滿足！

今晚7點去到，已坐滿人。之前朋友已一早訂枱，及按排懷舊餐。首先嚟個金錢雞，賣相味道可以，無乜特別。跟住嚟個雞湯，普通貨色。蝦多士不錯，夠趣口。焗魚腸味道正常。一早訂了盤龍鱔，賣相非常好，但超級難食。首先，部份蒸唔熟，第二，肉質明顯帶檸檬酸味，有落檸檬汁落去煮？仲之唔正常。最後壽包糖水正常。但埋單個人大約四百蚊，唔值。，補充，食完廿分鐘後發覺極度口喝，飲了支500ml水後仍覺得不足，還要另外再飲大量清水，很明顯味精太多。

成日喺電視就睇得多，今次就真係要黎品嚐吓。廣告都聽得多，酒樓就位於佐郭嘅美食大廈--壯士倫敦廣場11樓好易揾。酒樓環境整潔，晚飯時段剛開始已經座無虛席，疫市中有咁嘅生意，真係唔簡單。見大部份客人都點呢個鹽擦鮑魚四人餐，相信cp值都幾高，一於試試。剛剛落完單唔駛五分鐘就上咗招牌燒鵝拼叉燒皇，鵝油肥而唔膩，叉燒入口即溶。濃湯雞煲翅--濃郁嘅雞湯，份量唔少嘅魚翅，食起黎仲有黏口嘅口感，好邪惡仲有湯內嘅雞肉，精華可能已經入晒湯內，所以味道平平，但肉質也算嫩滑。主角上場鹽擦6頭鮑魚---味道有少少似椒鹽，鑊氣夠，相當入味，而口感又岩岩熟。咕嚕黑豚肉--汁唔會太多，岩岩好包住炸到香脆嘅肉粒，好開胃。露荀炒花姿蝦球---蝦球彈牙，花姿片夾口，鮮甜嘅露荀，好好味。最後就係濃湯灼時蔬--滿滿簡易清甜嘅唐生菜，鮮菌，為呢餐畫上完美句號。總括環境衛生，出菜快，員工有禮，價錢也合理，所以值得再來

今日媽咪生日選擇了一間比較傳統的中式酒家，我哋就一早訂位7:30入座，已經見到酒樓人山人海!餐牌上有各式各樣小菜，選擇都比較多，最後我哋唔想諗就點了一個鹽擦四人餐每樣都好吸引！鹽擦6頭南非鮑魚（四隻）每隻鮑魚份量不少，加了少少海鹽做調味，能夠帶出鮑魚的鮮味，煙煙韌韌，味道不錯！濃湯雞煲翅雞煲翅上枱時放在火爐滾住，熱辣辣好好飲，雞肉亦都好鮮嫩，每一啖都好清甜😋!燒鵝拼叉燒叉燒切得好薄，甜甜地又多汁，燒鵝啖啖肉配埋甜酸醬食到舔舔脷！西蘭花炒花枝蝦球炒得好惹味香口，調味適中，所有材料都好新鮮！ 咕嚕黑豚肉黑豚肉炸得脆卜卜，啖啖肉酸酸甜甜好好味😋!濃湯灼生菜膽生菜每一條都嫩嫩綠綠好新鮮，吸入上湯好好食，一條接一條😋!最後甜品食返碗熱嘅綠豆沙，呢一餐好滿足！

好耐都冇一家人到酒樓食飯，今日就決定去到位於佐敦新新酒樓食返個套餐，一上到去已經爆曬場好彩一早訂位，入座之後餐牌上有個鹽擦鮑魚餐價錢及菜式都好吸引，就點了這個套餐！鹽擦南非鮑魚鮑魚加了炸蒜粒及椒鹽，煙煙韌韌好惹味！燒鵝拼叉燒叉燒肥瘦適中，咬落多汁，燒鵝外皮香脆，肉質都好嫩😋西蘭花炒花枝蝦球師傅炒得好有鑊氣，顏色七彩繽紛，蝦球好爽脆，西蘭花沾上蝦醬一齊食，味道不錯！咕嚕黑豚肉黑豚肉炸到外脆內軟，甜酸度適中，配白飯一流😊濃湯白灼生菜膽生菜煮得好淋好入味，吸入湯底好清甜，忍唔住食多兩條👍濃湯雞煲翅雞煲翅每人大約一大碗，雞肉又香又滑，每一啖都食到魚翅，湯底好鮮甜美味，整體不錯👍

粉葛排骨眉豆湯晚飯先來碗老火靚湯，使食慾大增，充滿期待。開邊蒜蓉龍蝦服務小姐見我們對住龍蝦束手無策，主動幫我們化整為零，又奉上工具，讓我們輕鬆享用彈牙龍蝦肉。陳皮鲍魚軟硬適中，鲍魚好味汁多，值得推薦！菠蘿咕嚕肉咕嚕肉够脆口味濃，色澤可人。Very good.黑松露蝦仁炒蛋蛋配黑松露，感覺新鮮有創意，只是蝦仁味道稍淡，有改善的空間。希望下次再幫襯可以吃到更美味的鮮蝦仁。期待！這頓飯整體來說是滿意的。