新新酒樓

营业中

休息中

酒樓位於佐敦，交通非常方便。 今日閒日同朋友訂枱試個四人套餐🌟四人鮑魚雞燉翅都只係$738(星期五、六、日、假期$788)套餐包左六個餸:- 燒鵝皮脆肉嫩，油份剛好唔會太瘦- 雞煲翅絕對足料,雞湯好好味- 六頭鮑亦真如其份量- 咕嚕肉外表平平無其，食落肉質鬆軟炸皮唔厚，係一個意外驚喜- 濃湯灼時蔬- 翡翠炒花姿蝦球，份量十足所左套餐之外，仲有多款古法菜式，例如好少地方有得食嘅金錢雞。最後仲送個陳皮紅豆沙，甘香陳皮味，紅豆沙亦煲到起沙，係一份好滿足嘅懷舊味道。

元旦前搵個朋友食晚飯聚聚, 搵個交通方便地點, 諗起新新去飲過茶都唔錯, 就話呢間啦。本來朋友想試呢度嘅懷舊菜, 我話第一次試啲基本嘢先, 試試廚房功夫, 於是就叫咗個生炒骨!🔶 菠蘿生炒骨 $98講明生炒骨肉, 肉一啲都唔多, 酸甜芡汁+菠蘿三色椒如果多返啲, 應該好好多!🔶 火龍千島蝦球 $138呢個菜幾好食, 因為有千島汁酸酸甜甜, 送飯一流! 啲蝦好新鮮, 份量足, 蝦肉爽兼彈牙! 不過就唔多覺有火龍果! 呢個餸喺今晚大家最鍾意食嘅。🔶 黑椒茄子牛仔骨 $128牛仔骨份量足, 但好韌咬唔開, 依家大家鍾意健康啲, 所以少油多菜會好啲。🔶 免費甜品阿姐好識做, 食完即送紅豆沙, 如果自己單嗌都要20蚊。雖然係免費, 但做得唔錯, 紅豆夠冧又唔太甜! 整體嚟講服務都算唔錯, 幾殷勤吓!

響呢度奉勸各位如果打去呢間酒樓訂位，記得確保自己有訂到同問埋對方點稱呼🤣我12月13日下午4點55分打去諗住訂位，有位男職員就同我講唔駛訂，6點時間尚早可以walkin，點知就比佢呃咗啦，幾日後上到酒樓就話無位。諗住心平氣和同佢講當時有嘗試打黎訂位但有個男職員話唔駛訂，就比個”遠近馳名”嘅金髮女職員串，叫我搵返個位男職員出黎，啲口面極之west，雖然令到老人家唔高興，但都唔想同呢啲人嘈。記得如果唔係熟客嘅話，訂位個時要保障自己呀☺️

食物還好，但想有好嘅服務體驗就唔好要求佢比到你，除非係熟客。首先，環境擠迫。枱與枱之間無任何空間可言。最多得一個人身位，所以坐得唔太舒服。再加上，我地一行人當中有輪椅使用者。上到酒樓安排一張輪椅入唔到嘅枱比我地。完全沒有考慮輪椅使用者能唔能夠坐到張枱。另外，侍應服務態度差。我地問咗一個問題，但侍應超無禮貌咁應咗我地。我地發現只係對熟客仔態度好啲。同埋侍應整理餐具聲音好大聲(由於坐位置附近放餐具)。食物一般，除咗四寶飯嘅咸蛋好似壞咗有陣臭味。

佐敦呢間新新酒樓真係由細食到大，呢日屋企人又約左黎飲茶，一貫咁懷舊既作風，黎到又係爆晒場😂。門口仍舊放左好多張同明星既合照。。呢度啲點心好特別，賣相真係好麻麻，但全部點心都係自製，所以特別好食👍🏼而且係呢區黎講，真係算好抵食。假日午市茶芥只係 $10/位。。點心我地叫左：「荀尖鮮蝦餃 頂」、「蒜蓉蝦春卷 中」、「酸甜炸雲吞 小」、「XO醬蒸鳳爪 中」、「香芋鴨腳扎 中」啲點心真心幾奇貌不揚😂好似個蝦餃，外皮係爆開既，但點解爆呢，原來係因為蝦太大粒😂誠意十足，而蝦餃皮都係好食既。炸點心夠脆卜卜又大碟。。除左點心，呢度既燒味都掂👍🏼午餐叫個單併飯都係$50，燒味仲分碟上！真係唔惹小。「脆皮燒腩仔飯 $50」燒腩仔有質素，五層肉👍🏼。「脆皮燒乳鴿 $52」脆身有肉汁，有啲水準唔錯。。特別一提呢度個view幾唔錯，望著香港公園，下次想坐窗口位，可以預先book定枱🤭

難得放假就約埋屋企人去飲茶，位於佐敦這間新新酒樓之前食過晚餐不錯，今日就黎到飲茶食點心。餐紙上亦有多款點心及小菜選擇，價錢都好合理！瑤柱帶子菜苗餃：餃子使用了高級的瑤柱和帶子，並加入了清爽的菜苗，皮薄餡靚口感豐富，非常美味。花膠瑤柱灌湯餃：花膠和瑤柱的湯汁灌入餃子裡面，每一口都是滿滿的湯汁和鮮美的肉香，絕對是一道不容錯過的美食。金沙蒸魚肚：這道菜用魚肚作為主料，蒸熟後口感彈牙爽口，味道鮮美，沾上少量辣椒醬食味道一流。蠔皇叉燒包：熱辣辣嘅叉燒包本身已經非常美味，加上蠔皇的鮮味，更是令人回味無窮。瑤柱珍珠雞：瑤柱的鮮味和糯米的黏滑，食落口感煙煙韌韌。椒鹽魷魚鬚：魷魚鬚鮮嫩多汁，炸得香脆可口，加上椒鹽的香氣，值得推介！

看電視廣告覺得不錯，就黎試吓味，結果很失望。冇餐牌，環境擠迫又嘈雜。金錢雞凉的，味道一般。燒腩仔，脆皮雞，蝦酱魷魚炒通菜，魚香茄子煲，不過而已。所謂的老火例汤，清過水。黑松露蝦仁炒雞蛋，炒到一pat嘢咁。唯一個蝦多士叫做還爽脆可口。食到一半，比阿姐隔鄰枱執碗碟大大力叮叮噹噹吵到耳仔痛。4個人食佐近仟4蚊，一啲都唔值。

今日屋企人想食中式菜，但係又想食懷舊菜式，我就去了這一間酒樓。6頭南非鮑魚（四隻）鮑魚肉質爽口好厚身，而且係椒鹽味所以非常之嘢未濃湯雞煲翅（四位）這個就不得了，黐非常之多，而且用雞熬製這個湯底非常之有雞味濃郁4件 蝦多士好耐冇食過咁有質素嘅蝦多士，而且而家好少酒樓會做這一味餸，這個下多士外面脆脆食落刮刮聲就知好趣，而且一啲都。燒鵝拼叉燒燒鵝皮又是香濃，叉燒肉質非常有口感而且做好入味咕嚕黑豚肉這味餸好考功夫，知道程序也不少，而這個咕嚕用的是黑豚肉，所以味道更加昇華翡翠炒花姿蝦球這個蝦球是大大的配合花姿一齊就是絕頂的一個菜式濃湯灼生菜膽最後配合這道菜就更加令到這個套餐比較平均地吸收有肉有菜又有湯非常之好的配搭。

老朋友訂了彌敦道一間傳統懷舊粵菜的酒家~新新酒樓晚膳。當四人都沒有抉擇時，便隨意選了＜鹽擦鮑魚餐（四位用）＞。鹽擦六頭南非鮑魚～乾身丶惹味，肉厚彈牙，有嚼勁；濃湯雞煲翅~熱氣騰騰地端出來，食得出用新鮮雞來煲翅，翅的分量很足夠，沒有加添味精，肥而不膩，這款雞㷛翅確實材料充足，味道香濃，令人垂涎欲滴回味無窮；燒鵝拼叉燒~燒鹅皮脆肉嫩，油脂豐腴；美味多汁的叉燒～有半肥瘦、有全瘦，各得其所，而我喜歡食半肥瘦；翡翠炒花姿蝦球～夠鑊氣的一道菜，西蘭花炒得爽脆，花姿新鮮軟滑，大蝦爽口，有嚼勁；咕嚕黑豚肉～炸得外脆內軟的黑豚肉，肉質鮮美細嫩，混合菠蘿丶洋蔥丶三色椒等，味道酸甜適中，非常惹味，有咬感；濃湯灼生菜膽～簡單又清爽的一款新鮮菜，很嫩；最後來了清甜可口的海帶綠豆沙來完結這頓開心的聚餐。

今日同老人家一齊食晚飯，所以選擇了這間老字號的懷舊酒樓，叫了一個南非鮑魚餐。包括有以下多款菜式4件 蝦多士這個是全晚最出色的一個餸，真的唔係好多地方可以食到整個蝦多士非常趣身，而且唔油膩越食越滋味6頭南非鮑魚（四隻）這個鮑魚是鹽燒的，所以相對重好味，而鮑肉質非常爽口及鮮甜濃湯雞煲翅（四位）這個也是今晚另一個非常出色的雞煲翅，一啲都唔慳非常之多翅，而且湯底非常濃郁好有雞味燒鵝拼叉燒（套）之前聽人講這裏的燒味也不錯，原來真的燒鵝皮脆肉滑而叉燒有半肥瘦，所以食落好滋味翡翠炒花姿蝦球這個蝦球非常之爽身，再配以花枝就非常之配襯。咕嚕黑豚肉咕嚕肉原來用黑豚肉做上嚟滋味雙倍。這個咕嚕肉也做得不錯！因為外面是脆脆的以裏面的肉質配合外層的咕嚕是非常之入味濃湯灼生菜膽食咗正餐咁多肉，這個菜就更加變得更重要最後原來酒樓會送甜品，今日是黑紫米露這個媽咪非常之鍾意，因為不太甜而且這個糖水紫米都非常之淋身好好味

约了大舅一行四人到這傳統粤菜酒家探店，見到有四人鮑魚餐，正合各人食意👏典型中式酒家佈局，餐單内有多款手功菜，如金錢雞，蝦多士，焗魚腸😋决定先來一碟懷舊金錢雞，再上鹽擦鮑魚四人套餐:金錢雞層層口感不同，咬落甘香绵滑😋四人餐:鹽擦六頭南非鮑魚，彈牙有嚼勁， 甘鹹味適中😋濃湯雞煲翅，看上枱湯料有鮮雞半只，湯頭濃郁芳香但無肥膩感，每碗都有足量魚翅😋燒鵝拼叉燒皇，鵝肉嫩滑有鹅味，义燒有肥有瘦😋翡翠炒花姿蝦球，上枱時熱度仍足，西蘭花爽脆，蝦球花姿片香口有咬口😋咕嚕黑豚肉，富傳統甜酸味， 濃淡適中，豚肉外脆内爽😋濃湯灼生菜膽，湯底鲜甜，生菜爽嫩😋海帶綠豆沙，起沙又綿滑，甘甜可口，正好完结美味的傳統宴👏👏

新新酒家主打懷舊菜式，朋友聚會想試一試，於是提早booked位，可能是平日所以人流不是太多，室內環境裝修與一般中菜酒樓一樣。侍應推介脆香蝦🦐多士和懷舊金錢雞一隻大蝦🦐伏在一格炸多士上，沾上沙律醬，酥脆好味。😋🤤懷舊金錢雞以前是酒樓用的下欄菜式，今日係矜貴手工菜，由叉燒、雞肝及肥豬肉組成，伴著蜜汁一齊食，不過口感不似預期，有少少失望🤨。叫了精選孖寶（金蒜蒸元貝，燒鵝）金蒜蒸元貝元貝大大隻配上金蒜一齊食，很鮮甜惹味。🤤👍燒鵝🪿味道一般，不是很突出。另外叫了一個南乳粗齋煲，味道一般，有少少肥膩感覺。酒樓贈送飯後甜品，紅豆沙煮得幾軟綿，好食！👍

打電話想問下套餐資料 接電話既小姐真係高傲我話想要晚餐menu 姐姐叫我自己google同open rice. 可能我表達錯。。我話想要套餐， 佢話幾時幾多人。 我話4月21，7人 佢話無7人喎 得12，6同8人我話咁比唔比得6同8人 佢叫我等下先等佢得閒先喎 我唯有唔該完就收線未食都咁高傲。。唔夠人數就唔叫得套餐。。驚驚

打著懷舊菜嘅名堂, 諗住試下啦, 點知食物普通之餘, 千祈唔好諗住有服務, 明蝦角應該跟沙律醬, 潮州粉果應該跟辣椒油, 炸魷魚鬚應該跟喼汁, 一律欠捧, 你唔問佢唔會攞俾你最差嘅係, 攞張單出櫃面找數, 我連埋信用咭一拼交上, 收銀姐姐係尤得你企喺度等, 都唔緊要, 到佢想同你埋數嘅時候, 一手將你個單搶埋去, 跟住張信用咭就唔知飛左去邊之餘, 仲聲大夾惡話你無俾張咭佢, 好聲好氣同佢講話同張單一齊俾佢, 佢就鬧你應該夾好先至俾佢今時今日如果仲係咁嘅服務態度點得架

我幾年無在open rice寫過評語，但由於今日太嬲，我不得不說幾句。一間食店，我當然認為食物的好味會取決於會否再次光顧外，員工或是當中飲食中的過程也會形響我再幫襯的意向。這酒樓就是我覺得他的食物是好味的，但當中的餐飲的流程，是我決定不會再幫襯。我早於2星期前訂台，而在訂時，員工提醒在來前的一天，記緊再打來確認人數，這一項我是可以理解。所以，我在之前一日有打去告知人數,當時員工是話知道的。當天，早上，他們分別打了2次電話，跟我一而再，再而三確認人數及時間。我的人數是21人,當時告知我們是2張台分別是10人及11人台。當日我們有人到達時想拿位，他們告知我們已取消了訂台。但我跟本就無取消,安排好亂。當然最後也有餐台給我，但是它給我們的是變了一大一細台。大台當時只有一張，但要坐15人,完全是迫到死,有部份人需坐圓凳。而最其怪是另一張細台，是放了另一邊，中間隔開了一圍我們不認識的客人，我已叫了部長，我有訂台的，為何這樣，完全不是連在一起的台，這不是訂台應該出現的情況。但經理的說法，是因為一直有人入來吃，所以不能留台一起坐，而現在你們也可以坐到的。我完全是覺得訂台同walk in是無分別的，我們