新志興至尊燒鵝大王

营业中

休息中

兩個人食五碟餸都米話唔勁﹗黎得呢間梗係要試佢嘅燒鵝啦。例牌燒鵝兩個人食啱啱好，真係燒到皮脆肉香，而且佢層皮真係好薄，又唔會太肥，果然係招牌菜。沙薑豬手就真係麻麻地，最敗筆係一D都唔入味，沙薑還沙薑豬手還豬手，呢個唔推薦。黃金苦瓜都唔錯，不過如果層鹹蛋黃可以薄D應該效果會更好。豆腐斑腩煲都幾好食，豆腐夠香滑，斑腩外面層粉都算薄，可惜唔夠惹味。鮮魷蒸肉餅D鮮魷幾好食，不過肉餅太薄，咬落去唔係太好feel，肉餅始終要厚返少少先好食。總結係燒鵝掂其他野(起碼呢4款)只屬一般。

難得今日放假同屋企人黎左呢度飲茶呢度好有舊式酒樓風格不過無人推點心車仲要自己搵位等位坐低之後自己係點心紙畫數量佢仲有d舊式點心俾大家點可以話係驚喜位前後叫左2轉吾同野分別黑椒大腸鳳爪雞扎雞絲粉卷黑白糯米包燒腩卷沙爹金錢肚真係要等足10幾20mins不過上黎到真係熱辣辣不過環境比較嘈食物十分有驚喜價錢都比較平

本身想食燒鵝但係又唔想去到係人都諗到個間咁遠比我搵搵下又搵到呢間喎！今次叫左例牌燒鵝 蒜蓉豆苗 椒鹽鮮魷 首先例牌燒鵝 比我預期想像更出色！個皮好脆、肉唔柴！！！食完一舊又一舊我仲叫左碗瀨粉送燒鵝添！真係正！ 蒜蓉豆苗好有獲氣大大碟 份量一啲都唔少！ 椒鹽鮮魷都好正！好惹味 不過炸漿有少少厚 但係我係一定會為左個燒鵝再幫襯架！

明明做唔切 又唔夠人手，樓下姐係係咁叫人上閣樓，上面就一堆枱無人執，等左10分鐘左右坐低，已經即刻落單，（姐姐不停叫人食炒粉麵 唔好食點心 講左不下十次）炒粉麵就真係快既 10分鐘左右就有，點心最後等左大約30分鐘，姐姐仲要話 下次唔等得唔好叫點心，點心要20分鐘 而家先10分鐘就催。野食方面蝦餃 麻麻鳳爪 正常燒賣 雞扎 唔錯牛河 牛多過粉 味道正常肉絲麵 麵底炸得唔錯總結 野食係可以 但服務真係差個姐姐係每枱都話 唔想做野咁下次唔會再黎

(自費食評) 今天來到彩虹吃午餐，我們看見這間餐廳有很多人在買外賣和堂食，所以我們就決定在這裡吃午餐。雖然這間餐廳午餐價錢非常便宜，例如自選三餸飯只需要$42就有交易。但是，這間餐廳食物質素非常低，味道很差和非常難食。我們今天兩人吃了兩個午餐，第一是豬耳紅腸五花腩(自選三餸飯)，第二是沙薑雞飯$45元沙薑雞飯，賣相看似好吃，但是雞肉很硬沙薑汁也很少。人又多，又落錯單又送錯菜紅腸豬耳還可以。如果只求飽是可以，不過唔好咁高要求

今晚去新志興吃飯，叫了燒鵝等其他幾個菜都還可以，最後加了兩只鹽焗奄仔蟹，105元一只奄仔蟹唔講以為3.5兩重的大閘蟹，不但止，打開還是綠色蟹糕，幾恐怖，店員講係甘既😂

🇭🇰新志興至尊燒鵝大王🎈燒鵝下庄冇 得 輸！啱啱燒起熱辣辣/ 燒鵝皮脆卜卜 多肉彈牙一啲都唔鞋唔會柴皮/ 調味好夠唔使落酸梅醬/ 份量多 有理由懷疑隻鵝係隻肥鵝😂🎈清蒸海斑成為168大元但一啲都唔馬虎 就咁睇足足有成12兩/ 清蒸能帶出海斑鮮味嫩滑🎈椒鹽九肚魚炸皮一啲都唔厚 只係薄薄一層/ 火候運用大師傅水準 熱辣辣上枱但九肚魚肉質依然嫩滑/ 只係略嫌椒鹽味唔夠🎈金銀蛋菜心苗鍾意佢夠清淡唔會有成層油/ 菜心夠甜細條/ 份量多啲就更好了🎈炸蠔餅炸粉比例較為多 蠔略為細粒/ 送酒一流環境港式大牌檔 啱晒一大班朋友一齊啤一啤吹吓水 成條街都係新志興😂 建議如果需要傾偈可以坐比較出邊嘅位置#hk #hkfoodie #foodiehk #hkfood #local #localfood #daipaidong #hkstyle #roastedgoose #steamfish #deepfried #oyster #friends #gathering #wine #beers #香港 #香港美食 #大排檔 #香港大排檔 #新志興 #彩虹 #燒鵝 #椒鹽九肚魚 #蠔餅 #蒸魚

琴晚喺斧山道運動場跑左一陣步跑完好肚餓，就同朋友行返落去牛池灣嗰頭食野朋友話呢間新志興嘅燒鵝好好食咁我地跑得咁辛苦，梗係要食好野啦所以就入左去喇環境都係一般小菜舖嘅地方啦好彩都唔係話太過污糟嘅隻燒鵝黎到，真係好大隻呀😍仲啖啖肉添！

牛池灣街市後面的龍池徑，區外未必太多人知道，彩虹地鐵站C2出口步行三兩分鐘便可達。駕車人士便需泊車到彩虹地鐵站上面的滙八坊的停車場，經天橋入返去街市過去，都算方便。去新志興燒鵝大王最好都係提前訂位，分6:30 及8:00 時段，過10分鐘無枱。星期五晚提早了10分鐘到已經人頭湧湧。先去接待排隊取位，分配好枱後，去到大房，一個樓面招呼七八枱客人，呢位樓面亞姐雖然大大聲，說話直接，但係都係好真誠，下單會問我哋要肥定瘦鵝，又時常幫我哋換碟及用熱水冲洗一下。我哋四人分別叫了半隻志興秘製燒鵝$240、乳豬例牌$138、蘿蔔豆卜浸花甲$88、避風塘釀茄子$78、煎蠔餅$88、白飯一碗$12、瀬粉一碗$16、藍妹一支$32、汽水一罐$10，盛惠$702。抵食，燒鵝脆香新鮮，蠔餅不太油脷，豆卜花甲濃胡椒味，飯香，除了太嘈吵外，經濟味美，一定會再去試多啲小炒小菜海鮮！😋

7月8日為慶祝揾食肥華打完抗疫針過咗兩週後仍健在，靚媽請肥華到牛池灣村，超级爆場飯店食晚飯，適逢大仔仔今日出來探肥爸，咁就一行三人共進晚餐，可以食多啲，又食得開心啲，超級爆埸人氣店果然堅料，肥華等人在17：20到達此店己被安排在室外通道無冷氣位，經肥華應承接待處員工，能在18：30前交還座枱方被安排進入有冷氣的室内位置進食，今晚以食小菜為主，侍應向肥華推介此店有燒鵝大王名號之燒鵝，肥華亦老實話俾佢知，此飯店嘅燒鹅我已食過三次，都係淋皮嘅，唔啱肥華口味所以今餐唔會食燒鵝，至於今餐所叫嘅四菜一湯小菜餐，卻味道唔差而且價錢係親民嘅街坊價，所以今餐係一個令人滿意嘅晚餐👍👍

去完西貢爬艇仔，搭一程車出返九龍搵好嘢食，新志興大排檔位置方便，食物質素有保障，首選之選。燒鵝必叫，皮脆多汁，鵝味十足，一上枱冇咗半碟。沙薑豬手，爽脆，枱枱叫一碟，自然吃香，淨低啲汁，朋友要求用嚟點其他餸，一流。 蠔餅的蠔仔和粉的分量尚可接受，炸成的外型非常吸引。椒鹽魷魚，椒鹽九肚魚，是大排檔實食之選。 不得不提，水煮美國肥牛，美味，辣度適中，牛肉分量足夠，有菜，芽菜和黑木耳 墊底。見隔離枱叫咗兩碟靚靚排骨，叫來一碟，不錯，排骨滑溜。假日揾食什艱難，訂位要三點前打通，否則預時間 walk in 等位。

彩虹牛池灣街市附近有好多舊式酒樓茶餐廳，特別多賣點三嘅舊式茶座。嗰日見到呢間餐廳最多人樓，就入去試吓，裏面冷氣充足，夏天都冇有怕。點心方面每樣都係$1-20，嗌得多亦唔肉赤。點心嗌咗蝦餃、糯米包、南乳豬手、棉花雞。口味唔會過濃，水滾茶靚，唔怪得咁多老人家幫襯。特別推介南乳豬手，炆得好入味，豬手啖啖肉，外皮起膠。蝦餃皮薄餡靚，裏面有成三隻蝦，亦都好爽。糯米包就啱晒行山人士食，夠晒多澱粉質，補充能量。埋單每人都唔使$50。

老顧客既我又帶媽咪去呢間食大排檔😍😍🌟中式牛柳🌟椒鹽鮮魷🌟滷豬手🌟椒鹽豬手🌟脆皮大腸🌟至尊燒鵝💕呢間燒鵝十分出名😋多汁外皮香脆😎鵝味超香，配2支啤酒真係一流🍻

今日去完行山 來到這裡已經超肚餓 本來都驚各式酒樓已經落場 慶幸我可以趕上尾班車 問咗姐姐還有沒有茶飲 佢哋話還有㗎 超開心 我其實之前已經聽講佢哋嘅點心好有水準 如果要食碟頭飯 普通茶餐廳都可以去 但原來今日才真正知道佢哋嗰全名 應該係出名燒鵝不過唔想食燒味飯 點心選擇都算多 但一個人其實都唔會食到太多今日食咗兩款點心：兩款點心都超耐先到耐到我懷疑自己係咪誤會咗係要自己出去拎 但姐姐話唔需要 因為即叫即蒸 所以時間上會耐啲 那我就放心地慢慢嘆茶 靜靜地留意其他茶客嘅動態 大部分都係年紀比較大嘅老友記 還有很多夫妻🎎 應該係在附近買餸時食嗰下午茶🫖講返食物 山竹牛肉真係抵到爛 三大粒大大粒 我都驚自己食唔晒 腐竹比較少 汁無咩味道 但牛肉食落都算足料 因為食落好實 無咩彈牙口感 即係無咩溝其他嘢 如果真心鍾意食牛肉就會幾開心 雞絲粉卷都係大大份 外皮唔算厚剛剛好 豉油冇咩味道 但好明顯食得出係剛出爐 今次因為疫情嚴重 餐廳都要跟政府規定 我今次就可以一個人一張桌慢慢嘆茶 因為時間問題 姐姐要求提早收錢 但依然可以慢慢食 這餐總共$42 對我嚟講真係抵 我最後飲咗兩壺茶才離開 這個都係我

話說今日諗住入西貢行山，屋企人介紹彩虹牛池灣有間飲茶好低又好食，仲要冇加一@@立即要去試試！就係間街市後邊平時經開都唔知有咁多食店！好有兒時感覺！估唔到而家仲有呢個年代仲有咁多點心係可以自己拎🙈正呀叫咗好多一盅兩件（一共7件）而且全部都好大份，3個人食絕對夠飽而且好好食，尤其係佢個雞扎好足料又入味，奶皇包係流心架！仲有佢個糯米包用燒賣皮包住，好特別！👍🏾我地三人行一齊食埋單都係$16x!! 仲要食到我地好飽😆值得推介！