新志興至尊燒鵝大王

本身想食燒鵝
但係又唔想去到係人都諗到個間咁遠
比我搵搵下又搵到呢間喎！
今次叫左例牌燒鵝 蒜蓉豆苗 椒鹽鮮魷

首先例牌燒鵝 比我預期想像更出色！
個皮好脆、肉唔柴！！！
食完一舊又一舊
我仲叫左碗瀨粉送燒鵝添！
真係正！

蒜蓉豆苗好有獲氣
大大碟 份量一啲都唔少！

椒鹽鮮魷都好正！
好惹味 不過炸漿有少少厚

但係我係一定會為左個燒鵝再幫襯架！