新德興茶餐廳 (已結業)

入到去都幾多人! 坐底睇下餐牌有咩食... 餐牌亂亂亂!!!我叫魚香茄子+凍檸茶, 等等等等個鐘,要出聲, 態度好差.......Complain 轉個魚香茄子即到, 個賣相都唔得, 色澤唔靚, 而且幾乾幾鞋, 差少少; 飯嘅份量極少, 而凍檸茶太甜..... 總括黎講食物質素一般, 而環境普通, 服務好差好差好差, 去一次就夠, 呢度唔接受!

向來, 除了大腳八, 以前做firm時既時候, 這是飯堂二號. 今晚放工, 找酒局不果, 便去看看老番, 順便係灣仔食埋飯. 想回味一下, 午飯選擇多, 晚餐亦很多Choice. 呢度燒味好正, 重踏此地當然回味一個燒味飯, 同佢既老火例湯. 老火湯已經唔記得是什麼湯, 只知有雞腳, 豬骨等等. 沒有味精, 濃濃的老火湯, 非常清甜. 燒味, 至從開始積極為OR而食, 中環的燒味有過之, 海皮兩間興都好好. 不過, 佢個鴨醬, 的確是一個不錯的配醬.

早幾日想搵間茶餐廳食個午餐, 諗黎諗去都唔知邊間好, 忽然師傅記得呢度好似有間, 於是決定去睇下; 去到門口又見到d燒味掛晒喺個廚窗度, 幾吸引下; 再睇下其他野食嘅價錢, 都可以喎, 於是乎決定入去試一試!入到去都幾多人, 好彩唔使等位! 坐底睇下餐牌有咩食啦, 而呢度維持一貫茶餐廳作風, 花多眼亂; 好唔容易先睇到野食, 喺落單嗰刻, 師傅懷疑自己中左燒味毒, 唔食唔得; 因為師傅最後都係叫左個叉燒紅腸飯加杯凍檸茶!轉個頭叉燒紅腸飯即到, 個賣相都幾得, 仲有幾條豆做配菜; 師傅二話不說即刻試下個紅腸先, 紅腸都幾鬆軟, 口感唔錯, 比龍華好好多; 叉燒就偏瘦, 色澤幾靚, 不過叉燒冇蜜味, 而且幾乾幾鞋, 差少少; 飯嘅份量極多, 都幾抵食; 而凍檸茶都幾有茶味, 又唔會太甜; 可以喎! 總括黎講食物質素暫時算係一般, 不過勝在款式多, 選擇多; 而環境普通, 服務都係一般, 呢度d伙計分兩種, 一種係落單另一種係執枱嘅, 執枱嘅係唔會幫你落單架; 價錢算係中價, 可以接受啦! 呢個燒味午餐, 師傅覺得都可以, 所以相信會有下次, 皆因想試下除左燒味以外嘅食物!

30/3/2008 早晨早要去行毅行25km,食番d豐富澱粉質食物同2個朋友見呢間就腳就入左去啦我叫左個沙嗲牛肉豬柳漢堡煎蛋3拼麵要凍華田凍華田~甜太甜~落左好多淡奶好好飲沙嗲牛肉豬柳漢堡煎蛋麵~雖然唔係好大份,不過隻蛋煎得唔錯~個蛋汁起中間唧唧下~正, 個皮仲有少少脆沙嗲牛肉~一般啦~牛肉唔會韌豬柳漢堡~算係幾厚身~ok個麵煮得幾好食~有少少糊椒味21元,呢個餐凍飲唔洗另加錢我見朋友個火腿奄烈唔錯~個蛋唔會太煮

一星期要返5日學~差唔多黎4-5日都係黎e到食因為佢地lunch日日都唔同~又可以雙併wo~(佢地每日都有1-8個午餐唔同俾客選,1-4可以雙併)d侍應又好人~又講得笑wo!老闆lunch會係咁幫客搵位日日都好多人架~真係唔錯的~(最重要的是學生有85折呢^^)(結帳前出示學生證)(同埋上次生日請我食雞脾^^)今日都去jo食~食e個2併3(魚香茄子併每菜肉餅）跟ｅ個凍央黎得又快～食得又飽！ｇｏｏｄ

朋友試過呢間茶餐廳極力推介食燒味，所以之前便試過外賣叉油雞飯，真的不錯，要求瘦叉又真係幾瘦，油雞又唔太肥。今次同三位女同事柯打炒粉炒飯，三碟四個女仔分，夠晒啦。瑤柱蛋白炒飯、鮑魚福建炒飯及干炒肉片河（特別要求牛河轉為肉片河，因有同事唔食牛），連三位女同事都讚口不絶，而且大大碟都幾抵食。

十分典型的港式茶餐廳. 普通的醫肚菜式想得出的他們都做.今日試試他們的燒味. 水準比我預期的還要高. 要廋叉燒便給些真的很廋的. 半肥廋的則給半肥廋, 十分聽話. 就是廋叉也不韌, 加上味道調校得好, 燒得恰到好處(沒有黑邊的, 不知道如果要求有黑邊的會不會有). 雞也不俗. 新鮮肉嫩.我喜歡這裡的白飯. 很有飯香, 而且煮得不太淋也不會太硬. 瀨粉也很新鮮, 咬口很好. 唯獨叉燒飯叫少汁也是很多汁. 幸好汁的味道不錯.服務比一般茶餐廳的好, 因同來的是熟客仔. 要平靚正的燒味, 這店在灣仔區算是首選之一.