影片
招牌菜
食记 (17)
新蒲岗工厂大厦林立，好多打工仔，所以呢度亦都好多餐厅，提供抵食又好味嘅午市套餐。今次四围行，见到呢间新味轩就入嚟试吓。呢度嘅环境唔算好大，不过都叫坐得舒服，基本上米线、饭、面等嘅午餐都有提供，价钱大概38至$50左右，最正嘅系饮品只需加两蚊，冷热同价，而且有好多特别嘅嘢饮可供选择。今次叫咗一个平时比较少机会食嘅盐酥鸡粒酸辣米线，虽然盐酥鸡粒比预期中细粒，不过都叫做新鲜，碗酸辣米线都几好味，但系如果米线嘅份量可以多啲会更好。
继续阅读
上个月行过已见呢间店有手撕鸡，上网查menu 见到好吸引，今曰带左同事黎试，一是价格经济39元有饭有饮，系mikiki个边或康强街舖食吾到咁抵先，二是冷气充足😄，三是叫左海蜇手撕鸡饭3份，卖相好，份量不少，好嫩口鸡滑，海蜇也好食。打算明天午饭和另一同事再食过，因见到佢有好多选择
继续阅读
一个午餐，系主宰住你成个下昼心情嘅关键，相信唔会太多人say no！但今日，我。。。要。。。爆。。。啦。。。搬咗嚟新蒲岗一年，都未入过呢度食嘢，同行者话：我嚟过两次，佢哋啲嘢嚟嚟去去都系果几款，所以都无再去过。。讲到咁，即系点先？佢话你想试咪试咯。。点知真系踩晒地雷，睇相啦！呢个系乜嘢？睇得出吗？睇唔出完全系正常，我亦无食咗几啖先影，呢个系麻辣猪扒米粉。。。点睇都睇唔出呢个系猪扒米粉吓哇？两条卷埋嘅猪肉充满肥膏同骨，有一半系食唔到嘅；米粉先恐布，大部份黐埋一撮撮，咬落系靱嘅，点解？因为未熟咯。。同行友人叫我浸耐啲，唔好火滚，但呢个唔系浸吓就搞得掂，系要煮先搞得掂呀。。。其实只要系对出品有少少要求，都唔会拎出嚟俾客啦吓哇？睇落好似好唔错吧？少年你太年轻了！四十几蚊份量好少，唔紧要，说好的椒盐呢？无味嘅？问姐姐拎椒盐，佢俾咗成樽我自己加。神奇嘅事嚟喇...我加到成碟都系椒盐，都系无味㗎。。点解？呢支到底系乜嘢椒盐嚟㗎？居然可以系无味？除咗姐姐们服务叫做ok外，sorry呢世都唔会再嚟咯。。。搞到成个下昼都好嬲呀。。
继续阅读
今日去开新蒲上堂，开始之前去咗间餐厅食个下午茶，今次去呢一间新味轩试咗个足日快餐嘅薫蹄拼手撕鸡饭，可能系下午茶时段嘅关系，饭量比较少，对于晚饭前食个轻量嘅下午茶份量尚算OK，佢嘅手撕鸡系几好味，不过薰蹄有啲硬，下次如果有机会经过再试吓其他款式。
继续阅读
又一工厂大厦食肆推介，呢一间野系附近有名平民平价台湾嘢食，平均一个餐连埋台湾嘢饮都只不过系＄36或者大约＄40左右。佢系多拼饭嘅例如有手撕鸡，豆腐，台湾香肠，肉燥等等，佢仲有其他嘅普通茶记嘢食例如猪扒饭、咖喱牛腩饭，各种粉面饭同埋麻辣嘅面等等。最值得一赞嘅当然系佢各式各样嘅台湾饮料，例如珍珠奶茶，姜母奶茶，蜜桃红茶，蜂蜜绿茶等，仲要就算系跟餐配珍珠奶茶，只不过系加＄3左右，成个餐加埋都唔过＄40真系抵到烂。但系比较失望嘅事，有几次系珍珠奶茶叫咗走饮管，但系都唔成功，如果真系走到就正啦。
继续阅读