新味軒 (已結業)

新蒲崗工廠大廈林立，好多打工仔，所以呢度亦都好多餐廳，提供抵食又好味嘅午市套餐。今次四圍行，見到呢間新味軒就入嚟試吓。呢度嘅環境唔算好大，不過都叫坐得舒服，基本上米線、飯、麵等嘅午餐都有提供，價錢大概38至$50左右，最正嘅係飲品只需加兩蚊，冷熱同價，而且有好多特別嘅嘢飲可供選擇。今次叫咗一個平時比較少機會食嘅鹽酥雞粒酸辣米線，雖然鹽酥雞粒比預期中細粒，不過都叫做新鮮，碗酸辣米線都幾好味，但係如果米線嘅份量可以多啲會更好。