新味軒 (已結業)

新蒲崗工廠大廈林立，好多打工仔，所以呢度亦都好多餐廳，提供抵食又好味嘅午市套餐。今次四圍行，見到呢間新味軒就入嚟試吓。呢度嘅環境唔算好大，不過都叫坐得舒服，基本上米線、飯、麵等嘅午餐都有提供，價錢大概38至$50左右，最正嘅係飲品只需加兩蚊，冷熱同價，而且有好多特別嘅嘢飲可供選擇。今次叫咗一個平時比較少機會食嘅鹽酥雞粒酸辣米線，雖然鹽酥雞粒比預期中細粒，不過都叫做新鮮，碗酸辣米線都幾好味，但係如果米線嘅份量可以多啲會更好。

上個月行過已見呢間店有手撕雞，上網查menu 見到好吸引，今曰帶左同事黎試，一是價格經濟39元有飯有飲，係mikiki個边或康強街舖食吾到咁抵先，二是冷氣充足😄，三是叫左海蜇手撕雞飯3份，賣相好，份量不少，好嫩口雞滑，海蜇也好食。打算明天午飯和另一同事再食過，因見到佢有好多選擇

一個午餐，係主宰住你成個下晝心情嘅關鍵，相信唔會太多人say no！但今日，我。。。要。。。爆。。。啦。。。搬咗嚟新蒲崗一年，都未入過呢度食嘢，同行者話：我嚟過兩次，佢哋啲嘢嚟嚟去去都係果幾款，所以都無再去過。。講到咁，即係點先？佢話你想試咪試咯。。點知真係踩晒地雷，睇相啦！呢個係乜嘢？睇得出嗎？睇唔出完全係正常，我亦無食咗幾啖先影，呢個係麻辣豬扒米粉。。。點睇都睇唔出呢個係豬扒米粉吓哇？兩條捲埋嘅豬肉充滿肥膏同骨，有一半係食唔到嘅；米粉先恐佈，大部份黐埋一撮撮，咬落係靱嘅，點解？因為未熟咯。。同行友人叫我浸耐啲，唔好火滾，但呢個唔係浸吓就搞得掂，係要煮先搞得掂呀。。。其實只要係對出品有少少要求，都唔會拎出嚟俾客啦吓哇？睇落好似好唔錯吧？少年你太年輕了！四十幾蚊份量好少，唔緊要，說好的椒鹽呢？無味嘅？問姐姐拎椒鹽，佢俾咗成樽我自己加。神奇嘅事嚟喇...我加到成碟都係椒鹽，都係無味㗎。。點解？呢支到底係乜嘢椒鹽嚟㗎？居然可以係無味？除咗姐姐們服務叫做ok外，sorry呢世都唔會再嚟咯。。。搞到成個下晝都好嬲呀。。

今日去開新蒲上堂，開始之前去咗間餐廳食個下午茶，今次去呢一間新味軒試咗個足日快餐嘅薫蹄拼手撕雞飯，可能係下午茶時段嘅關係，飯量比較少，對於晚飯前食個輕量嘅下午茶份量尚算OK，佢嘅手撕雞係幾好味，不過薰蹄有啲硬，下次如果有機會經過再試吓其他款式。

又一工廠大廈食肆推介，呢一間野係附近有名平民平價台灣嘢食，平均一個餐連埋台灣嘢飲都只不過係＄36或者大約＄40左右。佢係多拼飯嘅例如有手撕雞，豆腐，台灣香腸，肉燥等等，佢仲有其他嘅普通茶記嘢食例如豬扒飯、咖喱牛腩飯，各種粉面飯同埋麻辣嘅面等等。最值得一讚嘅當然係佢各式各樣嘅台灣飲料，例如珍珠奶茶，姜母奶茶，蜜桃紅茶，蜂蜜綠茶等，仲要就算係跟餐配珍珠奶茶，只不過係加＄3左右，成個餐加埋都唔過＄40真係抵到爛。但係比較失望嘅事，有幾次係珍珠奶茶叫咗走飲管，但係都唔成功，如果真係走到就正啦。

今日天氣又熱又趕住上堂行過見到呢個手撕雞薰蹄飯所以叫黎試吓。雞唔算係好滑但有雞味，可能佢有手撕的關係食落幾有口感；薰蹄好香同夠凍，唔似燒味舖果啲擺到熱晒；豉油汁份量剛好，唔覺唔覺食晒成盒。😂😂 本身諗住忍口唔好食到太飽驚一陣上基地射箭會手軟，但係太易入口了，發現果陣已經扒晒。不妨一試啊 🙈

夏日炎炎，有時都唔知食咩好，今日經過呢間小店舖，見到 set lunch 價錢相宜，決定又試新野啦．我叫咗燻蹄手撕雞飯，燻蹄及手撕雞都是冷盤，因此夏天食就最好不過，成個飯嘅亮點係個手撕雞，入口嫩滑有雞味，混埋麻油及芝麻粒，非常好食，而個燻蹄入口帶微涼，鹵到好入味，令人喜出望外，而且價錢唔貴，有機會會再幫襯．

兩年前0岩0岩0係新蒲崗返工試味軒, 味道係唔錯.但慢慢d水準不斷下降..(不論堂食or外賣), d送得幾粒..湯又希三送米線+野飲要成$34, d野飲仲要難飲到暈另外想評論對味軒的外賣服務...佢要求客人叫自選餐外賣時一定要搭野飲.咁不如你個menu唔好話+$3 有野飲, 直接計埋落個價錢話包野飲咪得lo...

呢一間都算係午飯時候，大有街裡面一個幾多人排隊的之一，因為提供好味的米線店要去到好遠，一係就唔好味，比起其他食肆，佢地當然 Fight 得掂。先講丸，起初佢地提供的丸係比較大份，不過人流越多，節省成本，就發覺佢地開始自製丸供食客。味道係幾好的，但丸的體積少左 2/3... 可惡 而且芽菜相對地落多左好多飯餐呢，佢最掂的係鹽酥雞，不過有時整得太咸。肉躁飯的水準都唔係太穩定。主要原因在於繁忙時間的工作，未能令佢地好好整好食物。飲品呢，都係一樣啦，水準唔穩定。有時午飯去食的時候，食得幾無癮。因為食物水準的穩定性、桌面空間少，又有人係出面等位，真係趕住食兼有趕客 Feel，傾多陣計都唔係太好意思。唯一一讚的係佢的辣好獨特，真係要食得辣的人先好品嚐佢地的大辣。同埋佢辣中帶酸，呢種的辣加埋湯底，有令人越食越想食的效果。

味軒o既麻辣米線好味, 加上可以叫台式飲品但有d飲品味道好假, 例如香芋奶茶肉燥飯都好好味, 但食到底o既時候就會發現有一層油所以都係米線好味D, 但肉燥又好好食wor, 食米線選擇肉燥, 要好小心, 如果唔係肉燥就會走哂, 最衰就係唔可以另上......選擇麻辣o既米線需要加$3, 同事們都只會叫清湯落辣油但味道根本就唔同以前有個同事鍾愛食大辣, 我都係o係佢到"不"少少湯咁就可以省$3喇~不過同事走了, 再冇呢個福利

Good ~ 鹽酥雞球米線, 鹽酥雞翼, 咖啡珍珠, 香芋珍珠雖然熱氣了點，不過很香口但佢太好吃, 所以唔駛同同事吃時, 就會吃呢間~!!同幾平, 米線餐+ 珍珠飲品= $ １８~!飯餐就$ ２９, 不過幾大碗下^^"

21-11-07 Wed Lunch 呢間野總覺得係扮台式的雖然係肉燥飯但可以揀龍利柳做餸?可能係多選擇點的原因選了$31 的龍利豆腐肉燥飯胚芽奶茶飯多, 不太油, 龍利柳同豆腐炸得亦脆但野飲就比較差勁胚芽奶茶d 胚芽得面果幾粒, 仲要係淡是否顯示了不正規台式食店的弱點?仲要做埋車仔麵, 唔得專

之前成日經過見倒店門口張相...以為係同長沙灣間四川麻辣米線一樣，今日難得李生得行陪我去食...時間已經係4點，所以係有下午茶時段，0係門口見倒下午茶有8折喎..咁入去試下啦，入到去得一個客，可能係下午茶時段冇咩人，睇下d餐\\\牌，李生已經話同長沙灣的唔同喎~~~我就話是但啦，咪試下law，叫左雞肉小小辣米線，um~~~~~>.<......唔好食0既，同我想像中差好遠，亦都同平時食開0個d唔同，總知就係唔好味!!!我同李生講，食完好似冇食過野咁，唔係份量唔夠，係唔好味!!埋單$22....原本係$24一味餸+$3大杯野飲+$3麻辣湯底....total係$30的，但下午荼時般大杯野飲free+8折，所係$27，8折=$22....好在有discount+杯野都幾大杯(可以揀台灣特飲0個d)...所以算，但我唔會再去law~~~一出門口我即係同李生講，唔得呀~~我要去付近間鍋貼大王度買餃子食~~~~我只是買了2隻咋~~~但已經覺得好味過頭先食米線n咁多倍呀~~~~>.<....p.s~~聽倒老板同d客講話咩...有間同佢\\\地舖頭一樣名，(我諗係我0

之前食過呢度既米線唔好食,如果食米線我會推介隔離間旺仔記,但係新蒲崗冇乜台式野,要食肉燥飯一定梨呢度,我尋日外賣左個雞翼豆腐肉燥飯,好香口,d汁好正,差唔多可以食哂成盒飯,不過都係麻辣雞翼同香腸好食d,不過唔包肉燥要另外加5蚊至有,加埋杯柸芳奶茶都幾香,我地會兩個月食一次左右.....

見lunch好多人食，今日入去試試。要左三餸米線，有生菜、牛肉同魚皮餃，連埋香芋奶茶，30蚊。先講米線，正常冇特別好或唔好。個湯底就好多芽菜同蔥，唔覺特別好味，唯一可取就係夠熱。d餸得個魚皮餃係爽口好味d之外，其他非常麻麻，而且份量太少，得幾條菜少少肉同3隻魚皮餃。仲有杯奶茶......極度失望，得個甜字，好似入糖水咁...唔明點解咁多人幫襯!