影片
食物味道一般，同其他同类店舖冇咩大大差别：牛腩味道正正常常，好肥。牛肚牛杂有少少异味，汤底味道尚可，少少偏咸。河粉质素比同类差少少，唔弹牙同唔香。价钱正常。冻饮加8蚊同埋好难饮。优点系上菜速度好快，位置都好方便，附近得佢呢一间做牛腩。但食过几次发现佢哋卫生有好大问题：切嘢𠮶个人唔带手套周围摸再摸牛肉，收银𠮶个摸完钱手指公浸汤，经常有老鼠出没，仲见过有一次隔离枱食左两啖发现上错，个店员直接将食过嘅𠮶碗嘢畀咗另一枱，实在有啲夸张。
继续阅读
呢间好似系新开嘅面店，入去坐低见佢有每日限量供应嘅牛坑腩，问侍应姐姐佢竟然话仲有，就梗系要试吓啦，三层口感三层滋味，最底层牛坑位置比较烟靭爽口，中间牛腩部份炆得够腍，而且几入味，最顶层嘅脂肪梗系有牛油香啦，好彩佢脂肪只系占好少，一层薄薄咁样。以$45一碗牛坑腩粗面嚟讲，佢啲牛坑腩都几阔佬，俾得几多，而且佢个味道调教得几好，唔会太咸，唔使食完系咁饮水。另外叫多碟油菜，好似系加咗$12 ，简简单单一餐。
继续阅读
因为工作关系路经鲗鱼涌，因为唔想食咁饱所以谂住食碗面就ok，于是就冲入去呢间潮州面舖坐低食碗面，味道唔错，感觉上冇乜味精，难得。我个friend就叫咗牛杂河，我偷咗佢一两旧嚟食，啲牛杂煮得几入味，而且一啲都唔韧，我觉得最正系佢哋嘅牛肚，又弹牙又爽口，另一重点系佢嘅份量都几多。我就叫咗碗猪手粗面，只猪手好有弹性，充满骨胶原feel，不过就唔系好入味，如果煮耐啲可能会味道更好。加咗碟油菜，畀想像中大碟。
继续阅读