影片
今晚帮衬咗一间家庭式经营嘅茶餐厅，入面真系乜都有得食，烧味、卤味加潮州打冷、炒粉面饭、小菜小炒、甚至连云吞面鱼蛋粉𠮶啲都有，真系好犀利。夜晚九点几走到入去阻住人哋食饭收工真系唔好意思，于是随意叫咗啲卤味碟头饭，我哋两个人一个就叫咗卤水鹅肉鹅肠饭一个就叫咗卤水猪耳饭，加两杯冻饮，$111埋单。老实讲佢个卤水又唔系做得特别香，而且味道偏咸，不过个鹅肉鹅肠同埋猪耳味道都ok嘅，肉质都算唔错，当中最有惊喜系佢嘅卤水豆腐，都几滑。
继续阅读
今日公司聚餐去左附近既餐厅食饭 估佢唔到咁好食！呢度嘅卤味好好食 本身就超级钟意食鹅肠而且好入味 好弹牙 虽然份量好多 但好似食极都唔够😂其他卤味都一流 值得外卖返屋企送酒🤣 蚝仔饼都好大份 而且啲蚝仔都好多 同埋好新鲜 以前有响其他地方食过臭咗嘅蚝仔饼 本身都有啲阴影 但食完呢个之后忍唔住再叫多咗一份 几条友用咗几分钟就清晒一碟今次最钟意食嘅就系梅菜扣肉！佢啲肉超级滑真系入口即溶个啲feel 送饭简直一流 食完之后即刻想外卖一份返屋企听日继续食🙈鱼香茄子都好足料带少少辣味 唔会太咸 都系送饭一流 最尾𠮶份芥兰炒出嚟绿油油 本身几位同事都系食肉兽 但系呢碟菜都系好快清晒😆 真系意想不到而且店员都好nice 我已经决定平时放饭就落嚟食 打紧呢篇嘢嘅时候都好挂住佢嘅梅菜扣肉 迟啲带男朋友再去食！
继续阅读
喺香港地呢个物价高企的地方，想揾间茶餐厅，买个外卖或者堂食，都好贵！大部份都系大集团连锁快餐店，冇咩质素可言相信好多人都系咁谂今日俾我发现呢间茶餐厅啲卤味超超好味，又抵食劲大盒最紧要啲卤味好入味又唔会太咸，星洲炒米又大大碟，味道都唔错蚝饼够足料，蚝够大只又新鲜之前食过其他粉多过蚝，所以好怕出街食蚝饼本身今次仲想买埋个梅菜扣肉，可惜卖晒希望下次可以早啲去食到！虽然小店经营，每款𩠌都有特色，值得去试吓，而且真心味道不错
继续阅读