斗記點心專門店 (已結業)

今日兩個人來到旺角想食點心，經過豉油街見到有間斗記，仲有焦香煲仔飯，於是入去試下。 店內人唔算多可以上四人位，我哋叫咗斗記蝦餃皇，安蝦鹹水角，豉汁鳳爪排骨飯同一籠小籠包。 過咗十分鐘，斗記蝦餃皇首先從上，果然係招牌嘅蝦餃，皮薄餡多，而且個皮唔會穿，入面好多新鮮蝦肉，爽口彈牙，啲肉汁喺塊皮度滲出嚟。 之後小籠包送上，一籠有四個，都只係16蚊，小籠包入面有好多汁，味道比較甜。 之後煲仔豉汁鳳爪排骨飯送上，鳳爪排骨飯就食得多。煲仔嘅鳳爪排骨飯就第一次食。啲鳳爪同排骨係一般茶樓嘅水準。主要係想講啲飯，啲飯有啲焦香，配上啲豉油汁，同啲肉汁滲咗落去，個飯先係精華。 最後仲有個鹹水角，鹹水角睇落應該係啱啱炸出嚟，個皮唔係成個硬掘掘，而係外脆內軟，個皮有少少麻薯嘅煙靭口感。

碗番茄牛肉麵係幾好食好多牛展 起碼五舊 肉質夠林 有牛味個面嘅質地都唔錯 有口感 煙韌的湯底唔係話太濃 不過都多蕃茄 濃啲嘅話就好食好多跟$68餐有豆漿同 4隻餃子 有點似街外賣的即食餃子味道都幾好 不過因為太碎嘅關係都唔知係咩餡料散叫餃子嘅話價錢呢就同點心一樣跟餐就會抵好多春卷都幾好 蝦好多 好香脆 燒賣就唔太好 上面隻蝦好重鹼水味 下面既只係一舊肥肉 勁肥 無其他餡 真係唔係太好食 價錢又貴雞扎都係唔及酒樓 芋頭係幾林 不過男人嫌舊肉細 整體感覺一般

之前已經嚟試過一兩次，對呢到嘅印象唔錯，仲記得個合桃包好味同性價比唔錯。但今日再嚟openrice揾番佢個地址，見到咁多負食評，都有少少驚佢質素下降；不過食咗呢餐就知負評呢樣嘢原來都唔一定要信晒～我同媽咪兩個人嚟食下午茶，哎咗個鳯爪排骨煲仔飯餐（包油菜同豆漿）、蝦餃、潮州粉果同魚湯鮮竹卷。首先講個鳯爪排骨煲仔飯，比起一般茶樓嘅普通鳯爪排骨飯已經多一重甘香嘅煲仔飯風味，見到個紅椒絲就覺得佢有保留到鳯爪排骨飯嘅精脊已經唔錯；比一d大茶樓嘅鳯爪排骨飯多咗一份傳統嘅美味。食落佢d排骨都算新鮮有肉哋，鳯爪入味；配合埋碟青綠鮮嫩又唔算細碟（夠兩人份量）嘅唐生菜，已令人食得非常滿意～雖然個豆漿唔算特別，但呢個60元嘅餐兩個人襯埋其他點心食係個唔錯嘅選擇。跟住落嚟講埋佢其他點心；蝦餃皮薄足料（有兩隻大蝦）味道唔錯，潮州粉果就細細隻有花生䓤馬蹄香料一般粉果應有嘅味道，皮薄但又有少少煙韌，都冇令人失望。至於鮮竹卷就覺得個腐皮做得唔錯，幾鮮嫩有豆味；唯獨是個湯就有點味精嘅嫌疑。。。整體嚟講呢個下午茶都係令人滿意，都食到廚師對食物嘅專重同誠意，同有d傳統舊茶樓嘅味道；只是佢嘅環境略窄，d用完待洗堆咗去走廊㗎車

是日來到旺角打算吃點心。在旺角，點點心以外的另一選擇是__。曾見雜誌介紹此店是著名食府新斗記的副線，質素也推論不會太差，在半年前吃過覺得店家還是不錯，所以重臨故地還是有信心的。是日下午茶時段發現面目全飛，添了米線和少部份燒味，沒有很多款點心可選，氣氛奇異。最後，點了一碗手撕雞米線，配菜一碟、凍奶茶一杯（$29），加$6可得馬拉糕一件。從價錢來說，還是可以接受的下午茶價錢。意外的，手撕雞雞肉嫩滑，清淡的米線僅以一點蔥花和自行以豉油調味，簡單得來不乏鮮味，而份量不算多，像筆者一樣經常以下午茶取代正餐的朋友，需多點一些食物才覺飽肚。不過，勝在有味道的芥蘭和凍奶茶，感覺健康。推薦指數：4/5至於，馬拉糕顏色對板，但不見鬆軟了。而味道，也明顯和半年前的蛋奶香濃的版本大有出入。不鬆化的馬拉糕實在是有點令人乏望。推薦指數：2/5筆者亦單點了一客潮州粉果（$18），是下午茶少數有供應的點心。皮厚而軟爛，相當糊口，唯一可取是蘿蔔和馬蹄餡料爽脆，帶豬油麻油香味，但胡椒味也是略為重手了。推薦指數：2/5下午茶時段不難找到座位，但不再是一處可以吃點心為前設的選擇了。若是想吃得安操和安靜一點，也許是可以考慮的選

這間即叫即蒸點心店，賣的都是大眾點心雖然選擇並不多，也沒有什麼特色自創點心，但價錢也算經濟實惠的～鮮蝦腸令人極失望，好睇唔好食，好像將整舊粉團放入口><可取的是鳳爪排骨煲仔飯~熱辣辣， 填飽肚必選，只需$35！鮮蝦春卷是即炸的，非常香口其他點心也不過不失，即叫即蒸的點心也是有誠意的！冬天吃一件暖曝的薑汁糕作甜品，很滿足呢！這鋪位曾換過很多手，都想這店做得住～勝力鋪位夠大，可以同朋友慢慢坐，夜媽媽都可以有點心食！^^

今日下午我們去咗旺角豉油街嘅「斗記點心專門店」食下午茶！我們叫咗泰斗去骨海南鷄飯套餐嘅鷄肉肉質比較實唔算好嫩滑，鷄味亦唔算好濃郁，他們嘅油飯係白色，而唔係平日食開嘅黃色，但味道都幾清香！跟餐嘅例湯味道比較淡！蟹籽鮮蝦燒賣嘅鮮蝦好爽甜大隻，豬肉嘅肉質好爽滑彈牙，而且肉汁都幾多！蜜汁叉燒包嘅包質好香滑鬆軟，蜜汁嘅味道相當香甜！混合醬蒸鳳爪燜得好腍好入味，混合醬嘅味道調教得恰到好處，味道相當惹味，唔會過鹹！懷舊糯米鷄個名係叫懷舊，但材料就係新派，因用咗黑糯米同糯米撈埋一齊，口感好煙煙韌韌！斗記蝦餃皇嘅餃皮好晶瑩煙韌，蝦肉嘅肉質相當爽甜彈牙！

我唔明白點解咁多劣評 可能咁岩運氣好？啲嘢咁岩好食？ 唔知道 反正呢次係我第一次去食 我覺得唔錯 話說約咗澳洲朋友 行到旺角 一齊想試吓食呢間 見到價錢都唔算貴 所以就入咗去 我哋好早入去 所以冇咩人 但係食物非常新鮮 而且炸嘢係即刻炸流沙包小心太熱 唔算話最流沙 但係亦都唔錯蝦都算爽腸粉皮不算太薄 但係我鍾意食厚皮😂所以呢個正合我心意 值得一提嘅係我哋原本想叫豉汁鳳爪 但係嗌錯左藥膳鳳爪 但係服務員都幫我地換返 所以我覺得都幾好😎

當一個人想點心當午餐時，總會聯想到點心專門店，食番一盅兩件，也不會像坐在茶樓般的坐得那麼久，吃了就可以快快結賬走人。雖然點心專門店每區都有，但是今天卻有點事務在旺角要辦，辦理完畢後，就走去食點心，選址是斗記點心專門店。點心紙是最好的餐牌，列出了各款點心，這張點心紙上還有煲仔飯呢！從來都會點來香芹潮州粉果，皆因有不同怎食材在內，然而這粉果話雖有香芹，但吃不到香芹的爽口感，而且粉果皮還是較靱，不容易咬開，而且沒有花生在內，有點失望吧。蜜汁叉燒包一籠有三個，看起來麵包皮較厚，在內的蜜汁不少，但是卻較為乾了一點，又或者說是較為稠結，濕度較少，不過味道還是依舊。也許有一段小時間沒吃豉汁蒸排骨，故點來一客。半肥瘦的排骨，有青紅辣椒和豆豉，但是吃起來沒甚豉汁味道，只覺排骨都幾粉下，相信下了不少鬆肉粉吧，而且有點靱。除了叉燒包外，其餘兩款略為偏差了一點，可以做得更好。除了叉燒包外，其餘兩款略為偏差了一點，可以做得更好。

某日路經此店， 被佢門口番茄牛肉麵海報吸引， 於是入去試試， 點咗牛肉麵， 燒賣 ，牛肉球， 排骨飯， 首先想講過牛肉麵， 係我人生中試過最差的一碗， 番茄冇味 D麵硬度好似冇煮過， 牛展只得兩舊，又硬又黑， 牛肉球完全冇牛肉味， 排骨飯排骨完全冇味，D飯又淋又濕， 個侍應走問我點解食唔曬， 我話啲嘢難食到唔想食， 希望佢廚房師傅好好反醒一下， 但唯一可讚就係佢啲侍應服務態度都幾好。

收工後6點幾肚餓~經過呢間斗記點心專門店，係門口睇都幾企裡，入到去得兩臺客人，但是冷氣開到好大！凍到好似殮房感 😔，我叫左4樣點心(因為好餓)。分別叉燒腸粉 脆皮芋絲春卷 香芹潮州粉果 藥膳鳳爪 ，等左大約5分鐘 就上左春卷同粉果！粉果竟然一夾就散左 😒😒😒 爛蓉容感，最後要湯匙先食到！ 春卷都幾好食，炸得好香脆。不過稍微個餡料有d油！ 最後上左腸粉同藥膳鳳爪！ 鳳爪一擺低我已經後悔 ，個樣好似人食淨感 而且望落去好似翻蒸果幾次！ ，實在睇落沒胃口！ 最後的叉燒腸粉 味道卻一般般！皮十分厚，餡料有些少！ 大致上食物我真的無話可說，但是要提一提其他， d服務姐姐一邊做野一邊傾計 ，又傾得好大聲！收銀d姐姐同大聲同廚房阿叔吹水，但係客人企係到等佢找錢！又係鋪面嘻嘻哈哈討論食咩下午茶好！其他客人舉手叫幾次先有反應！ 其實沒咩機會我會再來光顧了！

依家想食點心已經唔一定要去酒樓啦，去小店都可以食到，反而更relax。去旺角就可以食下呢間斗記，點心精緻又好味，好適合2人食。不可不吃的蝦餃有兩人份，size的式，好cute，咁就可以食多D品種！鳳爪辣辣地，惹味又醒胃。蟹籽蝦燒賣好大粒又足料，值得食！排骨都幾滑。流沙包就差D，個餡唔夠流沙，有D實。鮮蝦腸粉都ok，好細心，上枱已經幫你切埋，贊。粉果可以再好食D。清菜都十分新鮮，有豉油自己加。

用左openrice好多年都無寫過食評但今日真係忍唔住要打篇食評俾依間餐廳希望大家唔好中伏入到去係門口企左兩分鐘都無人埋，當時店內只有四成位置有客人入座並不繁忙，最終自行搵位坐坐低左台面有壺茶，應該是上一台客人用剩留下的，拎起壺茶大概只剩下一杯茶的份量，完全唔熱，飲落去好似生既水，無任何茶味 (茶錢每位$3)坐左一陣店員發現我哋冇點心紙，就放下點心紙和一支斷左的鉛筆，我哋問經理拎過支鉛筆，佢表現出不耐煩的樣子我哋叫左以下嘅點心：1 白灼時菜 $222 手拉白布腸 $163 魚湯浸鮮竹卷 $184 蟹子鮮蝦燒賣 $195 魚肚滑雞扎 $256 傳統香煎蘿蔔糕 $227 酥皮蛋撻仔 $18全晚最好吃是鮮竹卷，腐皮未經油炸所以特別滑，餡料內有蝦都不錯，但魚湯是濃湯寶貨色喝了後會口乾想不到曾經拎過米之蓮的新斗記的點心副線質素會如此低劣，真的令人很失望，以後也不會再吃

今日終於試到斗記... 款式都吾好！ 可以再食多幾次試多幾款！春風得意腸-腸粉包住簿簿既春卷.個餡幾好咬口！但個腸粉皮有小小厚....但都吾錯 豉油皇炒麵- 炒麵都吾算太多油.但略略的麵太散.味道適中 藥膳雞腳-好大陣藥材味！食得出好足料！的味入曬去雞腳度！抵讚 鮮蝦菜苗餃- 餡足料！多蝦！但皮太厚要扣分 蘿蔔絲卷- 呢個就卷入面全部都係蘿蔔絲！但食落蘿蔔味吾太重！有小小淡但都吾錯

今日見有空，無聊去旺角一趟逛逛街。剛好想吃點心，但已經下午3:00左右，很多茶樓已經落場，便失望地遊蕩。剛好經過這點心專門店，便二話不說進內試試。旺角區的點心店有很多，但這間卻第一次吃。

今日見有空，無聊去旺角一趟逛逛街。剛好想吃點心，但已經下午3:00左右，很多茶樓已經落場，便失望地遊蕩。剛好經過這點心專門店，便二話不說進內試試。旺角區的點心店有很多，但這間卻第一次吃。