斗記點心專門店 (已結業)

同朋友行街行到肚餓咪search下周圍食咩好。經過見到衣間點心店好似幾多人, 於是就決定試下啦。佢坐位都擺放得幾迫, 如果想坐低慢慢傾下計, 咁新斗記會適合D。我地三個人叫左4樣點心, 埋單都吾洗$200, 係幾抵既, 但食物質素方面就一般般..... 個春風得意腸其實係腸粉包住春卷, 食落去有D油膩。蝦餃個皮就比較厚, 但隻蝦都幾爽口。點心又點少得燒賣, 燒賣味道略鹹, 大小就同平時個D差吾多, 但都係得2粒。最後, 個雞扎叫做成晚最好食, 都幾大件下。至於服務質素方面....只可以話仍有好大既進步空間。　 

有時候很晚才下班，西餐牛油好像太油膩，吃三文治又太慘的感覺，吃點心好像是不錯的選擇! 在旺角一帶最好莫過於夜一夜都可以找到心水美食，難得有同事一齊遲放工，當然要吃頓對得起自己的宵夜啦~ (食左先減啦...) 新式的點心專門店，質素不錯，即點即蒜，加上有fusion菜式(如炸蝦春卷棒)，很合年輕人胃口啊~栗米粥，清清地，晚上吃最好~馬拉糕比相像中大碟好多~豬潤腸，要補一補血氣，不過味道一般不多不少，蝦肉燒賣，一籠兩粒~

今晚又約了朋友來吃晚飯了，因為我們都想吃點心所以今次就去了位於旺角的斗記點心專門店，位置非常方便吃飽還可以在附近逛街順便消化一下。這家斗記的點心種類非常多，但因為我們只有兩個人所以不能吃太多所以只選了幾樣點心吃。每一張枱都會有一壺茶可以方便自行飲用，真的很方便，也有其他飲品可以選擇，因為天氣太熱了所以我們各點了一杯凍利賓納飲。首先我們點了(黑椒蒸爽肚) $20，這是豬肚來的，雖然是有黑椒味但一點也不辣，口感非常爽口彈口，真的很好味，下次來一定會再點來吃。再來點了每次我吃點心必點點心之一(陳皮牛肉球) $18 ，牛肉球有淡淡的陳皮味再加上小小醋真的好好味呀，看到都想再吃。我們又點了 (魚湯浸鮮竹卷) $18 ，這一款點心比較特別是加上魚湯來蒸的，平時在茶樓吃鮮竹卷常常覺得有點油油的感覺，但這點心因用魚湯浸着蒸鮮竹卷，不會有油油的感覺還可以連着魚湯一起吃，真的是不錯的配搭。再點了這個(蜜汁叉燒腸) $22 ，因為突然好想吃叉燒腸所以點的，但味道都很好味，滑滑的腸粉皮包着叉燒，好味又飽肚。最後點了 (滋潤紅棗糕) $18 ，以前常常以為紅棗糕是非常甜，所以不太喜歡吃，但因這次朋友想吃所以我們

其實呢間嘢，我同朋友都覺得還可以，但清潔同服務方面就比較欠逢，講真呢度個服務真係好一般，入到鋪頭入面已經見到店員口黑面黑，心諗如果食物可以嘅話，咁買單都買得心甘情願。叫咗一客芝士蝦春卷，味道都唔錯，跟餐嘅沙律醬就好少，跟住就叫店務員多碟俾我地，佢好唔情願之下俾咗反應，等左約三四分鐘都仲未到，就叫另一位侍應俾我哋。坐枱牌，今期推介，藥膳燉豬手，都係淡味，藥味有，可惜味道一般，無想像中咁夠味咁濃郁，有啲失望。叫咗一刻鳳爪，同樣味道都比較編談唔夠濃郁唔夠味，酒樓嗰啲仲正。黑椒爽肚就無乜味，黑椒一 pet ，其他爽肚就無黑椒味，不過本身都編淡，唔好食。坐咗一陣，隔離枱你左一 pair情侶，雖然我知道 pair情侶係一啲麻煩嘅客，如果店舖的店員都對佢哋黑口黑面嘅話，咁就真係祝佢好運！本身係做點心嘅，我諗同添好運都差唔多，應該水準上可能有七成八成到啦，但食過之後就大失所望，應該應該去嘅機會都好低…

坐低，枱面污糟。店員埋黎拎下個水壺，發現仲有重量就走開。一倒，水黎既喂！咁就想收每位$3茶錢？搞錯。當然，換！糯米雞的飯較硬。紅棗糕有3層，尚可，煙勒度佳。腸粉皮厚。如你like皮薄就唔啱你了。我喜歡有得咬多d的口感，同埋厚得黎都滑，所以ok la。

新斗記的乳豬和小菜都讓人好回味，所以就來到斗記，試試它專賣點心的分店。茶($3)是沒有選擇的，一壺壺暖水壺裝着普洱，已經早已在枱上預備好。先來的是流沙包($18)，頗滿意的，亦是最為滿意的一道。包身軟熟，流沙程度非常合格，鹹蛋黃味突出。蝦餃($19)燒賣($19)都偏乾身，餡料不夠豐富，偏鹹。腸粉($16)彈牙而不太軟滑，而且其中一條底層暗藏着頭髮！白灼生菜($22)則不錯，份量多而新鮮。咸水角($16)炸得表面起滿水泡，賣相好醜啊！外皮又脆又煙韌，但餡料味道不突出、不新鮮。

因為之前見J2搵食飯團講到咁特別，決定同大少去試吓，點知……其實真係唔好唔信OPENRICE，因為真係只可以叫不過不失，OK，唔可以話好囉~~蟲草花滑雞飯 - 成晚基本上可以叫第二好食，如果連蒸飯都唔掂，就真係好大鑊，個飯唔會太爛，出面有D點心店會蒸到好爛，呢個就岩岩好，雞當然唔會係冰鮮雞或者係新鮮雞喇，雞脾肉係預計之內流沙奶皇包 - 嗯……一D都唔流沙，唔係好夠蛋黃味，我已經係熱辣辣時食，都唔流沙，我真係幫佢唔到北菇棉花雞 - 講真，完全唔值呢個價錢，我諗$15俾多佢，平時酒樓嗰D都夠少架喇，估唔到佢重可以少過酒樓，高呀~鮮蝦菜苗餃 - 應該係白菜切粒再加蝦肉，內涵唔錯，因為豆苗唔係一年四季都有，所以好多酒樓菜苗餃都係搵其他菜去代替，呢個用白菜，我覺得都幾清新，可惜……敗筆在個餃皮，癡到冇朋友，一夾即癡加散柱候金錢肚 - 呢個可以叫不過不失，最好食佢一定唔係，但係唔會差得去邊，係唔夠淋者蟹籽鮮蝦燒賣 - 都冇乜得差架喇，不過好特別，用個籠仔放，岩岩好放到兩粒蜜汁叉燒腸 - 呢個係成晚最好食嘅一味，個腸粉皮唔似一般我地喺出面食嘅咁，好特別，有少少煙韌，佢又唔係唔滑架喎，又好鬼死滑，出面

中伏！第一次點心未到齊就難食到要埋單走人！點了白菜燉豬肺湯：豬肺竟然粉紅色，未洗凈，兼飲得出並非原盎燉。雪山叉燒包：第一次食全凍的？！芝士蝦棒：配料不新鮮。鮮蝦菜苗餃：（梅菜餃），菜苗比煲完湯既白菜仲要梅，個餃不熱兼（宿）.今次真的食到嬲！食完冇耐仲肚痛><，要個肚受罪！

春風得意腸用腸粉包住春卷， 春卷勁油， 勁漏綿花雞太爽口既魚肚食唔慣， 最重要係無咩味牛柏葉無味， 太爽口， 好似煮得唔夠耐蝦餃$10 /粒 蝦餃， 勁細粒， 仲要唔太新鮮， 口感死實實， 唔好味流沙煎堆仔又係勁油。。。。 

晚上8點幾行過見唔駛等位就入去試下先點選了五款點心黃沙豬潤腸粉 - 落單後第一樣上枱點心, 腸粉尚算滑, 但豬潤口感乾實, 味道一般, 腸粉及豬潤都係凍嘅流心煎堆仔 - 煎堆凍嘅, 奶黃唔流心而且都係凍嘅魚湯鮮竹卷 - 終於有一碟"熱食"上枱, 但魚湯食得出濃濃雞粉味, 一時間完全記唔起點嘅係魚湯鮮竹卷還點了合桃叉燒酥及蒸鳳爪, 呆等15分鐘都未嚟, 於是問一問待應是否漏單, 點知佢話我地只點了三款點心... (下?.......)你話只睇到三款, 算數! 無謂勞氣再落單, 有見剛才三款點心嘅冷熱程度, 今次只點蒸籠點心蒸鳳爪 - 熱嘅, 但味道偏咸蒸糯米雞 - 最精彩係糯米雞, 凍嘅👍 凍嘅糯米雞都係第一次食其實都唔執著係咪即叫即蒸, 但俾多少少操手, 翻熱咗先上枱吖 , 定係諗住天氣熱當冷盤上令食客開胃啲？中途聽到隔離枱同樣追單合桃叉燒酥, 待應只答一句"冇叉燒酥喎" , 隔離枱食客忍唔住講" 你冇話我地知冇喎！仲以為精製點心所以要等咁耐! " 待應望一望連唔好意思都冇講聲, 當聽唔到就行開咗。服務態度差, 食物唔掂！ 如果唔係洗黑錢, 都應該好快執!

食物不過不失，但服務同環境就有待改善。一去到，喺門口企咗五、六分鐘都冇人接待，要主動行入舖頭問部長洗唔洗攞飛，佢話未有枱，坐入嚟等啦。入到坐，冇茶杯，我哋四個人，但攞得兩個杯嚟😰，又冇俾點心紙（後來發現原來係收咗喺枱上三角膠宣傳架入面，我覺得如果入坐時講聲會更好）。我哋叫咗蝦餃、燒賣、煎糯米雞、雪山叉包、叉腸、芝士蝦長春卷、煎堆仔、鳳爪、鳳爪排骨蒸飯、菜苗餃、牛肚、藥膳豬手、腐皮卷，食物大致上都唔錯，但冇話好驚喜，但嗰個「本期推介」藥膳豬手就唔多掂，湯冇乜味之餘啲豬手仲更加冇味，似係未夠火候，所以唔入味。環境方面，坐位layout比起 一點心、添好運等點心專門店闊落，員工亦冇催客人食完就快啲埋單嘅感覺👍。但店內温度真係唔講得少（我哋坐門口第一張枱）雖然頭頂就係冷氣出風口，但因店門長開，所以全餐飯一路出汗一路食😖（雖然已向部長反映，但佢只係將玻璃趟門半柵，但有客人出入後便冇員工跟進，由它繼續打開，其實當我親自去將門完全柵上嘅時候，冷氣係OK的）總結：食物可以，但未覺突出，服務方面，希望能多由顧客需求方面出發。