文輝墨魚丸大王

营业中

休息中

前日(17/8/06)下午四點幾，食緊時聽到外出有班靚仔問有冇煎釀三寶？個伙記話三寶、四寶都有。咁人地咪俾錢(HKD23)俾完錢，的靚仔已經奇怪咁貴，重話俾個伙記知佢地想要十蚊幾件個的結果出黎係四寶河，班靚仔一睇，唔要初時的伙記重只係倒咗的湯定粉，搞咗一輪至俾番錢的靚仔人地要煎釀三寶(炸魚旦，青椒)，佢俾魚皮鮫、墨魚丸..... 你無就唔好玩人啦重要話人地考試實係好叻，考第一(由尾數上黎個隻)駛唔駛咁呀我坐係近門口，所以聽到哂下次如果我唔小心得罪佢地，咪俾佢地話到......

以食粉麵的食店它並不算便宜，紫菜墨丸米要23蚊，加埋豆漿共29蚊半(南記多個菜都係30蚊)，都唔平嫁!碗粉都算大碗，不過墨丸唔係彈，杯豆漿飲到差唔多尾時，見到有1,2點黑色物體，望都唔敢再望就埋單走人...

好好食!!!!墨魚丸好足料.....第二間食唔到有墨魚粒既!!!河粉好滑.....第二間食唔到!!!盅飯.....無得頂.....好香,好多!!!

Lunch食完「招」來，樣樣試少少，未到四點開始打鼓。係銅鑼灣做埋少少手尾，順便係度食個tea，原因係：「大碌粉」，牛龜咁大隻字寫著，應該有料到，喜歡吃手打的麵點，沒有不試的道理。叫了墨魚頭粉，四件墨魚，三件是接近魚頭的位置，得一件是真墨魚頭，有被搵笨之嫌，不過算啦，好過隔離潮苑話有「沙瓜」，結果9成是牛肚，當人是白吃的。叫墨魚頭是搵自己笨，難消化，用來過口癮，湯是清湯，師傅點都有少少，但唔算嚴重，加埋個粗糙而帶麵味的河粉，算唔錯；奇怪在無下午茶餐，淨食收22，唔算平，又口痕的試了少少辣椒油，沙麻味十足，亦好鬼辣，但就唔香，試完，胃痛的雙眼反白，結果粉無食兩啖就走人，徙晒。

勁鐘意食!!! 幾乎每樣都試過~首推四寶河~~~~~其次是鴨撈~~~加咖喱汁仲正!!!

第一次幫襯文輝.呢度d伙計態度勁差, 無笑容不突止, 直頭可以用惡來形容, 服務態度真係無得頂, 即使佢既野幾好食都係假. 況且佢又唔夠人地好. 論墨魚丸, 北角德昌好食過佢, 講魚旦, 筲箕灣怡昌彈牙好味過佢. 唔係個friend推介, 都無諗過要食佢, 呢間野再無下次.

本身紫菜三寶河內有墨丸, 墨魚鬚和墨魚頭, 但媽和我都覺得墨魚頭麻麻, 反而喜歡墨魚鬚夠'趙'頭, 所以多數叫紫鬚墨河(紫菜墨魚鬚墨丸河粉) 墨丸算大粒, 起碼食到裡面混有墨魚粒, 味道亦OK. 比好多地方的成糰都係粉或一味溝多D肥豬肉入去那些, 真係好好多. 此外, 覺得這裡的紫菜較好吃, 就算浸在湯中久了都是爽爽的, 不會'林'晒溶晒. 還有河粉也很滑好吃, 不'鞋'口.這裡除了有油菜, 還有很多其他小食, 但就要睇好唔好彩, 叫唔叫到好吃的款式喇!(不過, 如果侍應大佬說話唔好過份大聲就更好了!)

一直好想試呢度既魚皮餃，係估唔到咁好味！厚厚既魚肉做皮超正！而墨魚丸依然係另一個好選擇...仲試咗紫菜八寶湯，超多料！要同朋友share先食得哂，不過亦值得一試！

行經銅鑼灣,係or睇過呢度既食評唔錯,下午茶既時候就入去試下你有幾好味先朋友同我都叫左呢度出名既紫菜墨魚丸唔駛幾耐就黎到嚕~不過....湯底唔係幾好啵,唔知係味精多得濟定係鹽落得多得濟..好咸啊隻碗仲有少少崩左架添@@d墨魚丸我覺得唔係好有墨魚味..不過有d墨魚絲係裡面..可能係我道行未夠食唔出墨魚味其實都唔駛再落魚露架啦,因為好咸啦已經so我都係加d辣油食埋d墨魚丸,d辣油幾好味,幾夠辣@@再order多罐可樂一路行一路飲but我相信唔會再黎食嚕

[] 次次一定食的!!仲有一樣好食的係[]!!都有try過other的,,例如:三鮮..豬扒..雞絲..滷水鵝..三鮮無咩special的地方...太清..other都係一般...豆漿都ok...辣椒油辣得好味!! 正,,鍾意食辣的可以去trytry*抵食大碗...因為抵食大碗...因此服務都係一般啦..環境就逼..因為都好多人食=]li間都係我常去食的店子!!!

文輝老字號得0黎，食物亦會不斷改進，創新，不過我個人比較喜歡獨特一味"紫菜墨魚丸河"，食左十幾年亦不會生厭。加上隨便可加的魚露，辣椒油，紅醋等，只能講句--和味。但係只可惜幾年前於旺角分店停止營業，沒有了更近地方。

Love the noodles. I started going since 15 years ago when I went to school at St Paul nearby, and still love it as much.

今日行cwb , 又到左食晚飯時間,行左好多地方都唔岩心水,最後黎左呢度食囉,我食紫菜雙丸河都幾大碗啦~因為病既關係,試唔真d 味道不過都ok 啦~

晚上八時來到, 依然多人, 但都好快有位。叫了紫菜四寶河, 頗大碗的, 有墨丸、魚蛋、魚片、魚餃和肉丸各一。河粉和四寶都沒什麼特別, 馳名的墨丸是不錯, 爽口彈牙得來不失鮮味, 但相比起橋底文偉的便相形見拙了。伙計看來都是潮州人, 說起話來很大聲, 因此店裡總是非常的嘈吵, 耳朵有點受不了。

突然想食墨丸河, 之前睇過食評咪走入去試下係咪真係咁正. 6時多....都有幾多食客. 叫左碗墨丸河($20)....試左粒墨丸都係覺得一般, 唔係真係咁彈牙啦.同出面麵店d墨丸咪差不多.