文記車仔麵 (福榮街)

营业中

休息中

食過返尋味的車仔面，短短3分鐘路程已經有3間分店，一樣是要等的。3間舖，中間的老店是傳統做法，排隊點菜，坐低食。前後兩間也是新派的，拎飛等叫入座，再用環保♻️餐牌上圈出要點的食物，湯底，小食和飲品。我倒是喜歡新派的店舖。 呢到有十大必食推介，今次就試了韮菜餃，清甜蘿蔔，秘製豬手，手打魚肉，豬大腸，花膠。加$9的一小瓶的鮮榨甘蔗汁👍🏻推介！必食第五位 - 花膠是偏白色的超級大片，厚肉試問車仔面有幾可有花膠丫！必食第四位 - 清甜蘿蔔非常極之稔甜😍必食第三位 - 秘製豬手喜歡骨膠原的你唔好錯過😊有皮，有肉，有骨膠原，不會太肥必食第二位 - 韮菜餃餡料超飽滿菜肉分佈適中滿足！必試第一位 - 手打魚肉平時唔係好食魚肉的但這個不會太粉，可能是魚肉比例多好味道！去深水埗會想食的店。推介👍🏻

香港人嘅情意結是什麼哩，當然係包括燒賣魚蛋啦，除此之外當然車仔麵係其中之一個重要既一環，相信大家都唔會反對，出得車仔麵當然係心思思有件事想你知是多啲，所以我去親車仔麵檔的話，都係會，是最小四送五送什至六個餸七個餸都唔出奇，我呢啲花心人士真係要試特色嘅宋詞的特色嘅味道，所以車仔麵就好啱喎咦呢間餐廳嘅車仔麵款式都特別多恰我呢啲花心人士而且麵質好味道，誒裝修普通彈，坐舒服，而我哋價錢方面又經濟實惠，適合大眾化

#文記車仔麵 (深水埗)深水埗福榮街123號地下C舖-----瑞士雞中翼（$32-5隻）雞翼隻隻都大隻又飽滿 脹卜卜 淨係睇個個樣同色澤都已經搞到B仔春心蕩漾😍外表吸引之外 味道亦無令人失望 瑞士汁味道調得恰到好處 偏甜少少 唔會太鹹 而且每一吋雞皮 每一絲雞肉 甚至連雞翼骨都有瑞士汁ge味道 令到啖啖肉都好惹味🤤質感方面 雞翼非常嫩滑 輕輕一咬就可以脫離雞骨 但軟腍ge同時 依然保持肉質ge彈性 整體係非常高質瑞士雞翼 真係諗起都覺得回味🤤-----👶🏻B仔整體評價：9/10個👍🏻👶🏻B仔抵食程度：7/10個👍🏻👶🏻B仔環境評分：7/10個👍🏻👶🏻B仔味道評分：9.5/10個👍🏻👶🏻B仔回頭機會：10/10個👍🏻-----

今日行完犀牛石山，夜晚朋友話仲想行埋嘉頓山，咁行之前我地就先去深水埗醫肚哪。深水埗其實真係好多又平又正既餐廳，行過見到好多人排緊隊，原來係文記車仔麵。反正我地唔趕時間，咁就排下試下有幾好味啦！文記特別之處係有好多粉麵既選擇，連少有既狗仔粉都有。除左車仔麵，連酸辣粉都有！朋友果碗有瑞士雞翼，通菜，魚肉，我就唔係好肚餓，嗌左通菜，蟹柳同蘿白。腩汁湯底唔錯，有少少甜甜地，特製辣醬好惹味！調味果到又係有勁多選擇，連醋都有分浙江紅醋同荔枝醋俾你揀，岩哂各種唔同口味既食客！

一向好中意食車仔麵，黎到文記想試下會唔會有咩唔同，會唔會特別啲。今次試左個豬手豬大腸腩汁麵，豬手好正正，一向好中意食豬手。豬大腸都好正配埋油麵加腩汁一流。/之後叫左個腐乳通菜，好奇怪嘅醬汁😑食落去成陣味都好奇怪，同通菜好唔夾，唔係好接受到，最後食左唔夠一半放棄左。/總括黎講我覺得價錢都合理，車仔麵還可以，唔會話特別好食，普普通通。但通菜就接受唔到，食唔落。/落完order 都幾快食得，唔會話等咁耐。

無論邊日，幾點都基本上會有人龍既米芝蓮車仔麵😊🌟價錢一d都唔平，但食物質素幾ok，而且汁同蔥果d配菜係任配搭，但最好揀d非繁忙時間黎，因為忙起上黎d姐姐服務都幾麻麻🤔Menu上面推介果10樣基本上都係無伏，本人最推介瑞士雞翼（好大隻好入味）👍🏻蘿蔔👍🏻（無渣，好甜，但幾細舊），韮菜餃🥟（入味）👍🏻，辣魷魚🦑（好爽又夠辣）👍🏻（要叫另上，但食得辣先好叫）。另外麵底就如一般車仔麵一樣唔大，大食既男士記得要加底😉。

深水埗文記真係冇得輸，每次想食車仔麵都一定會嚟。其實大部分餸都好正，自己最中意就係雞翼，雲吞同蘿蔔。個湯底夠哂味，加埋辣醬就更正。雖然深水埗大把又平又正既美食，但文記會係我長期深水埗最愛！

一個人食車仔麵果然係快啲有位呀呢間文記車仔麵喺深水埗已經有三間分店，間間都keep住排長龍既今次第一次一個人嚟食，好快就有位啦我最鍾意食嘅就一定係哩度既必食之選「瑞士雞中翼」因為真心超級入味，而唔係單單表面嘅瑞士汁顏色🤗🤗🤗入味到啲骨都係瑞士味其實我唔係咁鍾意食油麵既，但係我見好多人都食，所以又心思思想帶嗌，配埋個「自制辣酱」，又真係幾好食嘅啲魚旦細細粒好有魚味，拍得住就咁買嗰啲一串串既魚旦

文記車仔麵在深水埗同一條街有3家分店也可以3家同時排隊，可見其受歡迎程度小妹如果堂食就會選擇去新店，比起舊店坐得舒服，還有很喜歡新店的點菜板用箱頭筆畫好就可以，環保又清晰必點-牛孖根，滷得剛剛好不會炆得太林，保留牛孖根的囗感蘿蔔也是必需點，淸甜多汁沒有渣豪邁的店家把不同的調味料和自家製辣菜甫放在桌面上任你調味！花椒油和辣菜甫係小妹每次必落的整體其他配餸的水準也不錯，唯一要説就是偏鹹，吃完後要飲很多水

去到深水埗想食咩好，唔使諗第一時間就係文記，個日見排隊嘅人都唔係好多，就揀左堂食。味道保持不變，甜甜地再加埋小辣，瑞士汁雞翼、豬大腸、豬紅，都係每次必點嘅餸，全因夠新鮮同埋好入味

仲有重澳洲返港，想同佢食餐好既，我問佢想食乜，佢竟然答我車仔麵。所以就揀選左深水埗最出名嘅車仔麵，文記。無論外賣定堂食，佢都大排長龍，我哋喺晚餐時間用膳，等咗大概45分鐘先有得食，但我覺得都係值得嘅。我哋叫咗一碟瑞士雞翼、一碟通菜、同埋每人叫左一碗車仔麵。值得一提嘅係佢嘅小辣其實都幾辣，大家要留意。瑞士雞翼好入味，腐乳通菜都好好味，蘿蔔好腍同清甜，韭菜餃就冇乜特別，同坊間嘅差唔多，可以不吃。總括嚟講呢間車仔麵比一般嘅車仔麵環境整潔，服務較佳，而且食物質素高，價錢亦都合理，絕對值得排隊一試。

一間平平無奇嘅車仔麵周街都有得食，但唯獨是深水埗呢間車仔麵就每一日都大排長龍，到底佢有啲咩吸引，今日決定去試一試。等咗大概一個鐘先有得入座，可能因為係假日，而且係晚飯時間，但食完之後我都覺得係值得嘅。我都幾鍾意食辣，叫咗個小辣嘅車仔麵，好惹味！特別推介佢個瑞士雞翼同埋腐乳通菜，瑞士雞翼真係好入味好好食，通菜好新鮮唔會太腍，有咬口，而且嘢食價錢合理唔太貴，所以嗌多幾個餸都唔使肉痛。服務員好細心，態度好好，會指示你將個袋擺喺椅子下面嘅籃，所以雖然店舖細細，坐好多人，但因為你唔使攬住個袋食飯，你會覺得舒服好多，冇咁局促。

呢間文記車仔麵一直都聽到好多人講話好好食，最近見到好多朋友都係社交網站大讚，前幾日收工諗住搵間餐廳食宵夜嘅時候就決定試一試呢間啦🤤🤤🤤好彩嘅係佢有三間分店，所以排隊都唔係排好耐🥰🥰🥰當日我就叫咗牛腩湯底，小辣秘製醬汁既粗麵，送就揀咗牛筋同埋咖喱魷魚，食完之後真係令我好回味，好好食阿湯底小小啦之餘仲帶少少甜味，令人越食越想食，而家呢魷魚同埋牛筋都好入味，牛筋仲係炆到好淋，真係大讚！🥳🥳🥳🥳

上次宵夜食過一次文記車仔麵 真係好難忘成日都心郁郁想再嚟食第二次！但係真係冇諗過原來晏晝嚟食嘅人龍長到咁誇張 講緊係佢已經勁到要係同一條街開咗三間分店 但係每一間依然都有大概10幾至20個人喺度排隊等位 （香港人真係唔介意排隊等位 連我自己都唔例外）嗰日仲要落住雨都無減我哋要食佢嘅決心排咗15至20分鐘終於到我哋嗌餸由於等候時間太長～其實好多人都已經一早諗定晒食咩 所以成個點餸嘅過程十分快 亦都好流暢睇餐牌其實好多餸都好吸引～見到個車仔檔更加想叫多幾個餸對於普通嘅車仔麵餸我就不太感興趣所以我專攻佢個“本店十大必食推介”：玻璃辣魷魚+滷水豬大腸+手打魚肉+粗麵（$43）金錢牛肚+菜心+米粉 （$30）三個餸+1個麵大大碗加埋佢個秘製辣汁真係特別惹味！真係想特別讚下佢個滷水豬大腸！洗得好乾淨～絕對唔會有怪味（最怕食污糟嘅大腸）而且佢個滷水汁好入味！加上唔會太肥 真係食多兩舊都唔怕（肥仔怕咩肥）如果唔食得辣 其實佢個牛腩汁一樣咁出色！米粉吸晒啲湯汁 超濃郁 每啖都食到舔舔脷 ～～米之蓮推介加上香港人排隊認證文記車仔麵絕對係你唔可以錯過嘅一間餐廳！

今日做完嘢經過深水埗，因為自己好鍾意食車仔麵，所以知道呢一間文記車仔麵非常出名！而且材料十足，所以就算要排一陣隊，都唔緊要！我去到點了銀針粉、麵筋、蘿蔔、韭菜餃等等非常入味，而且可以任加菜甫，勁正！