文記車仔麵 (福榮街)

营业中

休息中

更新: 2020-10-31今日又再吃一次,就因為第一次吃實在驚為天人特登過九龍為咗呢碗車仔麵但今次覺得都係麻麻地🤣兩碗車仔麵餸一碗係韮菜餃、豬大腸、瑞士雞翼、豬耳另一碗係牛肚、牛筋、蘿蔔、豬大腸、魷魚1.湯底好甜(好很甜...)2.D餸只有一隻味...甜味...冇其他味3.玻璃辣魷魚一D辣味都冇,又係得嗰浸甜味...4 今次豬腸好5得,多肥膏又有味...5.吃完碗麵好多個鐘後都要飲好多水...好多味精..總括係蘿蔔最好味, 係本身清甜味因為今次嘅麻麻地,已經將冇將文記放必吃入面冇必要特登過九龍幫襯了...2020-10-20終於吃咗「傳說中嘅車仔麵」每次去深水埗都人山人海排哂隊見佢分店越開越多, 點都要試！好好彩只係等咗10分鐘就有位試咗「十大必食」嘅其中四款魷魚好爽口；酸齋好入味；蘿蔔好甜無渣；豬大腸好乾淨好入味(本身5太吃豬大腸,嫌太多肥膏及驚有味,但見佢寫十大必食,就試吓啦)牛根超級冧,滑lulu滑入口總括黎講係會再吃嘅車仔麵雖然價錢偏貴但係值得嘅,因為材料食得出係靚料！同埋真係好大碗🤣🤣下次會試埋一雞翼、豬手嗰啲😋

一碗叫油麵，另一碗叫粗麵，車仔餸選擇了，瑞士雞中翼，猪紅，猪大腸，蘿蔔，酸齋。👍真係非常出色，有質素，雞翼有色水又入味，猪紅有猪紅味質感不會太鬆散，酸齋好味過齋鋪嗰啲，蘿蔔入味無根，猪大腸夠曬鹵水味。另外煮麵姐姐要記一功，因為啲麵不會太硬，有啲麵檔啲車仔麵硬到咬唔到。食車仔麵的例行步驟，排隊，叫麵，叫餸，要大聲啲，比錢，話比服務員知，送去隔離舖。車仔麵週街都有，唔係間間都整得好食，以中等價位計算，「文記」是可以滿足到你心目中的車仔麵的原本味道。

成日都會心絲絲好想食文記，高質素嘅食物，自然受歡迎。我個人呀就比較念舊鍾情，每一次嚟都係點一模一樣嘅餸。今次試一啲未點過嘅嘅車仔餸。最鍾意呢度嘅循環再用點菜版，用白板筆畫。日本糖心蛋、瑞士汁雞翼、瘦豬大腸（可以揀肥定瘦嘅），加辣汁。日本糖心蛋真係好好食呀，食到日本清酒味，用上盛嘅日本豉油，同埋日本雞蛋，個蛋黃係紅橙色嘅。瑞士汁雞翼係脹卜卜好飽滿嘅，醃得非常之入味，但係唔鹹，掌握得很好。瘦豬大腸洗得好乾淨，滷水汁醃得好夠味。再加上餐廳供應嘅辣蘿蔔，好味保持食物水準的文記，我會繼續再來

我最最最鍾意食就係車仔面，從來覺得文記係非常好，我首選，又開得夠夜，lunch或宵夜都第一時間諗起佢從來車仔面就係好濃味，我都係好喜歡濃味嘅人，多葱多蒜多菜譜，加個大辣，我最愛最愛佢嘅豬手，雞翼，羅白，瘦腸，韭菜餃，酸齋。。。全部都好吃，都岀色其實任何車仔面嘅餸我都好鍾意除咗牛(個人現在不吃牛)不過疫情後，開始覺得佢個湯應味精越來越勁，唔只係咸，唔係太濃味嗰種，係好勁味精。。。食兩淡就好口渴就飲好多飲品可能我對味精敏感，食太多會頭暈同之後瞓唔到狂飲水，覺得好辛苦，唔知係正常味精反應定真係我敏感總之以前食冇呢個問題，最近幾次食都係咁，食完好辛苦還我好食唔勁味精嘅車仔面唔好咁重味精啦！

韮菜餃、酸齋、牛腩銀針粉（腩汁小辣） $48同一條街開到第4間分店星期六等位大概都係等咗半個鐘到牛腩入味夠腍、韮菜餃飽滿大隻但係腩汁湯底偏甜 酸齋偏薄 冇一開始啱啱攞米芝連時候咁好食🥲

我叫左豬皮，豬紅，豬大腸，油麵，仲有另外一碗：蘿蔔，牛腩，春捲，通菜讚：豬大腸：洗得超乾淨，夠味，有口感ok：蘿蔔：過得去，唔甜唔苦，勝左冇渣春捲：不過不失，係交嚟嘅，冇咩特別， 都ok，味道唔差嘅彈：豬皮：唔彈，一咬即散，好似大菜糕咁豬紅：滑，但咬落唔順，都會散牛腩：夠味，但硬通菜：老到阿媽都唔認得，變左實心😅湯底：略嫌濃左少少，同油多得滯油麵：太lum，我叫左湯另上，所以唔關外賣自取事同餐廳啱啱攞米芝蓮嘅時候所有嘅質素太大落差，所以今次食得有d失望😞

🍜一樣好有香港特色，樣樣餸都睇落好簡單，但拼拼湊湊煮埋一碗又可以有無限個配搭，要煮得好食更加係唔容易。🥟必試自家製韮菜餃店舖入面牆身大大個水牌寫住十大必食推介，樣樣都係我至愛。先揀左新鮮自家包製嘅韮菜餃，皮薄得黎餡新鮮，韮菜味都幾重添。撈埋豬肉嘅餡都十分足料隻隻都包到脹卜卜，咬落唔會乾身仲保持到肉汁。🦑玻璃辣魷魚食車仔麵其中一樣常嗌嘅餸就係魷魚，先講佢嘅魷魚係勁爽口同易咬。個辣汁算係容易接受唔會勁辣但又同個麵勁夾，份量黎講亦都算幾多。🍗瑞士雞中翼瑞士汁真係入哂味，食得岀唔係求祈放落去個汁度浸兩浸。好少可食車仔麵會叫雞翼，但我覺得佢地嘅瑞士雞翼值得大家一試。.📍文記車仔麵 深水埗福榮街121號

🔺 文記車仔面（深水埗）見多人排隊去食下，懷疑佢啲糖係唔使錢，湯底勁甜、齋勁甜、連餃子都勁甜🤒 豆漿又係勁甜。最後我係不停食佢個菜普送面，得個菜譜好食。食完勁頸渴已經order 佢十大推介美食，個河粉質感就OK彈牙幾好食！服務態度麻麻地。 食車仔麵就係為咗快，都等咗半個鐘，不要再吃！人均消費：40地址：文記車仔麵 (福榮街121號) (深水埗)深水埗福榮街121號地下Lam 脷指數：6/10服務：6/10.

落開深水埗，都係買下電子嘢同埋搵下friend。幾次經過都因為太多人排隊，所以冇試到。可能今日早左，唔算多人排。叫咗雞翼、蘿蔔、花膠、豬腸、油麵多蔥。係個雞翼同豬腸幾好味，其他都係一般。

雖然我經常在附近出沒，也常到附近用餐，但這間在福榮街同一路段上連續開了數間店舖，而且店外總是排著長長人龍的人氣車仔麵店，正因為我不喜歡排隊，始終不曾一試。直到這一天，在附近覓食的我，因為還沒到中午十二時便來到，見這店門外等候的人不多，才終於決定試它一試。沒吃粉麵，只是點餸。點了六款車仔麵餸，當中大部分都是這店的十大必食推介。「新鮮本地南乳豬手」（$14）共有兩件，一大一小，都十分入味，不但豬皮軟滑，骨膠原滿分，而且豬肉也軟熟可口，確是水準之作。三隻「自製韭菜餃」（$12）隻隻大隻飽滿，餡料豐富，味道也不錯。「美味酸齋」（$11）酸味適中，開胃夠味而不過酸，質素不比素菜館的遜色。「清甜蘿蔔」（$10）確是清甜，而且甜味並不人工，多汁無渣，有水準。唯一一款並非店中必食推介的「通菜」（$9）也不錯，嫩綠爽口，是我這車仔午餐的綠色健康之選。被埋藏在底下，沒有被我拍到它的模樣的「瑞士雞中翼」（$14）共有兩隻，瑞士汁完全滲進兩隻雞翼之中，香甜好味。皮滑肉嫩的雞翼，好吃。這次光顧，我只是試了這店十大必食推介車仔餸的一半，另外五款「上湯花膠」、「玻璃辣魷魚」、「鹵水豬大腸」、「蠔皇小花菇」和「手打魚

次次去都要排队，不过都好快，这次叫了比较出名的瑞士鸡翼、猪大肠和牛柏叶，番薯粉加秘制小辣，个汤底好饮，瑞士鸡翼必点，猪大肠也没有臭臭的味道，反而好吃，我喜欢滑滑的番薯粉，不过始终唔够油面入味，还有牛柏叶也不够入味，总体值得一试

今日放工，突然之間好想食車仔麵，深水埗最出名既車仔麵一定係文記，夜晚6、7點門外總有長隊係度買外賣。排左20幾分鐘，終於買到啦，睇下我地嗌咗咩啦。一碗嗌咗兩個餸，係公仔麵底，另外一玩嗌咗三個餸；係河粉麵底。兩碗都係腩汁湯底，好好味，我地係會飲曬既🥰。必點瑞士雞中翼，勁入味，肉質嫩，厚肉😍；另外，牛腩燉得好淋，入口就融化，好正啊；仲有豬大腸都唔錯，份量頗多；車仔麵點少得蔬菜，西洋菜好新鮮，吸收湯底既味，😍推薦。

每次去文記都大排長龍，今日一開門就入去食唔使排隊。 幾年冇去過文記，質素差咗，有啲失望。玻璃辣魷魚$42好淋好辣但唔熱瑞士雞中翼5隻$35瑞士汁好入味，好食牛腩辣汁螺肉河粉$38河粉唔夠滑，好”鞋”牛腩同螺肉唔夠味腩汁湯底好夠味，中辣好辣豬大腸牛肚墨丸出前一丁$47牛肚唔夠淋豬大腸墨丸一般總結：鍾意文記係因為佢個湯底同辣汁，其他配料我覺得好普通，如果要我排隊等好耐，我就唔會食，以這個價錢，深水埗仲有好多選擇。

🍜我要比呢碗車仔麵100粒星⭐️⭐️⭐️⭐️⭐️因為實在太好食～ 以下係我嘅配搭🤤#瑞士雞中翼 #自製韮菜餃 #牛柏葉 再配河粉 沙嗲汁小辣 瑞士汁湯底‼️‼️‼️‼️想講第一啖飲佢個湯底已經好感動 瑞士汁甜中帶辣 沙嗲小辣對我黎講岩岩好 唔會比辣味太搶 再食佢嘅雞翼 瑞士汁已滲哂入佢d皮同肉入面 肉質係非常嫰滑 自製韮菜餃非常飽滿多餡 牛柏葉又完美咁吸哂湯汁😭😭😭😭-再後加個 #招牌玻璃辣魷魚 對唔係食得好辣嘅朋友要留意 呢個魷魚比我想像中辣 而且好麻 要有心理準備係偏辣 但都係個句 辣得黎好食啵又🤤-⭐️溫馨提示：呢間鋪出左名要排隊架啦 我星日下晝3點食都要等30mins 就算你可能要等多過30分鐘 我鼓勵你要堅持呀 因為一定唔會後悔 而且係米芝連級數🤤========================#文記車仔麵📍深水埗福榮街121號地下 (深水埗站D2出口直行轉右就係啦～)-#沒有一秒是餓的 #mageatallday

每次經過文記門口一定排長龍， 一條街已經有幾間分店,今日得我一個人，所以比較易有位試左雞翼，蘿蔔清甜冇渣，花菇，韮菜餃，魚蛋彈牙，帶點陳皮味，沙嗲汁店鋪秘製辣醬，麵配辣醬不算辣得驚人雖然文記並唔平但分量都對得住價錢。