文記車仔麵 (福榮街)

营业中

休息中

好耐都無黎食，呢個瑞士汁雞翼真係...finger licking good 超級好食!!!!!!35蚊有5隻 再去既話一定會再叫我仲叫左牛孖筋同雞腎油麵 佢d牛孖筋多到我食唔晒，雞腎又夠淋Thes chicken wings are finger licking good 😍😍i miss them already

☕️ 食物：👍🏻👍🏻👍🏻👍🏻 /5  💰CP值：👍🏻👍🏻👍🏻 /5🤵🏻 服務：👍🏻👍🏻👍🏻 /5  🛋 環境：👍🏻👍🏻/5 平時經過文記都見，到好多人排隊，見今日居然冇咩人等，就走左入去試下咁出名既車仔麵 ~麻辣湯底 個湯底都做得唔錯，麻辣醬都令到個湯底生色不少瑞士雞翼因為自己好鍾意食雞翼所以毫不猶豫，擇左黎試，雞翼個size 都幾大，幾化算 金錢肚 金錢肚個份量都合適中，都煮得幾淋，幾入味，值得一試 玻璃魷魚 玻璃魷魚都幾特別，辣汁不錯，爽口彈牙～另外，檯面上配有香辣菜脯，落落到個車仔麵上面點，都幾好食 ！ 

叫外賣app見到竟有得送黎！即刻叫！麵底叫咗瀨粉，腩汁湯。雞翼就唔係好抵食，紅色我最愛！玻璃魷魚好出色，係魷魚鬚，口感極爽！溫馨提示，秘製辣汁好正，微辣都好辣下。

好耐無食過諗住再食下 點知去到其中一間分店見有位諗住坐 職員話唔坐得要落左單去另一間分店我聽落都覺得奇怪.但想食就無計啦 比左錢後去另一間鋪後完全無人招呼 無人執枱 無人安排位置見單丁一個人坐兩人位 搞到兩個人都唔知坐邊度好.搞到我地兩個人焗住做一人位如果系唔夠人手諗住一個廚房做曬.不如執淨一間啦.

咁啱經過深水埗，竟然見到呢間咁出名嘅舖頭唔使點樣排隊，當然唔使諗咗入去試一次啦！第一時間梗係試吓佢個雞翼呀！又幾好食，好大隻同埋又唔會好淋身！ 大腸都好味喎，仲有少少肥膏，另外，魚肉平時車仔麵檔都好少見到有，又係唔諗都唔使諗就圈埋落去！如果個湯底再濃味啲就更好。

我最愛嘅車仔麵，咁耐無食都仲係咁好食，無天理呀😭 放假晚市都唔洗排隊，瑞士汁雞翼我次次都係單點，因為會多！好！多！汁！🤪另外我哋仲散叫咗腐乳通菜，又大碟又好食🥬 湯底揀咗腩汁、加微辣咖哩汁，微辣我都流哂鼻水，我勁廢🤢 不過都好正勁香濃！餸就揀咗豬紅、牛腩同豬腸，三樣都好食🤪 豬腸就差小小，未夠入味，但個豬紅真係好食到暈呀！飲品好彩夠大杯，如果唔係一定辣到我喊📍文記車仔麵🔍地址︰深水埗福榮街121號地下

黎開深水埗都會諗起佢既車仔麵，鐘意食冬菇既我，小花菇係我既 first choice, 細細粒有蠔油味 ,另外試左手打魚肉，似生菜魚肉湯嗰隻，呢款覺得一般。最驚喜係糖心蛋，蛋黃芯真係好糖心的味道，甜甜的，推介！湯底試過沙嗲夠惹味，今之唔食咁濃咪就揀了腩汁。價錢係偏貴少少，3餸1面，加杯熱飲已經$57,不過勝在味道加分。

差不多10年前由文記得1間舖，食到而家一條街有4間舖，都依然係我至愛嘅車仔麵。9點左右去到門口仍然排緊長龍，可想而知文記有幾受歡迎車仔麵最重要就係選擇夠多，啱晒我呢啲貪心嘅人。唔洗左諗右諗要食咩，一次過嗌晒就最開心❤️❤️車仔麵通常都係要配啲唔健康嘅餸先知夠滋味😛，所以每次黎都一定要嗌呢到最出名嘅豬油渣，夠脆又夠晒香。另外陳皮魚蛋亦都係我另一款必食嘅餸，外面唔係咁容易食到，食落陣陣嘅陳皮味，好香好好味。食得辣嘅話一定要叫入面個姐姐加大量辣菜圃，自家製嘅辣菜圃又係令人食到停唔到口。唯一一樣美中不足嘅係次次黎食完碗車仔麵之後就成身都有陣文記味，所以食完最好都係直接返屋企

遠道而來，為咗食文記車仔麵文記係我最愛嘅車仔麵店次次嚟都要排隊排隊都要食嘅車仔麵最愛文記嘅滷水汁雞翼同埋呢間車仔麵店有我最鍾意嘅瀨粉同銀針粉必食花膠，花膠係一定要點嘅魷魚🦑滷水雞翼，係我鍾意嘅味道滷水糖心蛋

今日朋友帶我去深水埗食出名的文記車仔麵。叫左三樣招牌餸：蘿蔔，瑞士雞翼，玻璃辣魷魚配幼麵同腩汁。蘿蔔清甜又腍，冇渣，值得推薦。瑞士雞翼脹卜卜，雞肉嫩滑，唔會煮得太老，瑞士汁香甜，正。玻璃辣魷魚最特別，非常爽口彈牙，辣汁夠勁。枱上仲有辣菜脯比你放落個麵，辣汁同樣好勁，食辣記得叫凍嘢飲先係最爽。非常值得推薦，價錢抵又好食😋

咁啱經過深水埗，就搵吓有冇車仔麵食，咁啱一出地鐵站就見到啦，見到有兩間店，好犀利咁，所以就入去試吓啦，原來係要喺另一間店揀咗餸同麵底後，店員先會安排座位。四個餸一碗就要$48，有點貴。😳😳😳湯底又冇乜特別，見到都係清湯。🤔🤔車仔麵嘅精髓就係佢個辣椒醬，又係冇乜特別，只係辣味。辣汁魷魚，個汁放咗落啲湯度就冇味啦🤨🤨整體來講，試一次就夠啦⋯⋯🥺🥺唔會係講到必食咁🤪😂，味道正正常常咁啦！

經常見到大排長龍 於是今日早少少黎排隊 未到1點 唔算多人排到去門口 已有個呀叔叫出黎問要咩面 但係其實前面仲有堆人 基本上無位置可以zip入黎同佢講問多兩聲又燥 會唔會可以等前面走咁啲先問呀？定係索性拆咗塊玻璃佢囉 跟手同個姐姐講要咩餸同咩汁 之後我就想好心堆埋啲比佢加辣汁 我一掂到個碗 就好似犯左禁忌咁 比個姐姐話 佢會處理 叫我地坐低等 Ok fine 咁我坐低囉 佢真係好快送碗野黎 X咩 都無加辣汁 仲係度話我掂個碗不過朋友果碗有加到 就分啲比我 我就叫咗粗麵 蘿蔔 韮菜餃 先唔講啲餸 就連個麵都未淥得腍 一餅野又硬以每日咁多營業額 經驗黎講 粗麵係咪應該要淥耐啲呀 硬到咁點食韮菜餃話就話十大必食 個人黎講一般蘿蔔無渣ok朋友既米粉好好多 瑞士雞翼 ＋ 酸齋都係佢話十大必食真咩 雞翼普通 好似鹵水雞翼咁 但係甜啲而酸齋 咪就係普通酸齋囉 有咩特別之處呢秘製辣汁 普通其實咁多人排隊 確實有啲期待 可能特別好食先多人排架嘛試咗之後覺得 同其他車仔麵店一樣都係咁加上佢既經營模式又係咪真係有效率呢 

文記車仔麵真係深水埗名物，次次經過都大排長龍，雖然要等，但都唔影響我食～面底選擇都有好多種，個人喜歡烏冬/瀨粉/米粉，湯底好甜但食完又唔會好口渴，蘿蔔無根又淋又入味，鹵水雞翼都係必點菜式。

絕對無下次，又貴又麻麻地😒依間米芝蓮車仔麵好出名，成日都排長龍，一直都想試，趁今日放假就走去試下。叫咗推介嘅5款餸加粗麵底粗麵，麵身唔夠粗闊，而且仲硬身，未煮諗瑞士雞翼，最好味😋夠入味又唔咸，肉質好滑，唔會霉，好怕食到雞翼啲肉又霉又散韭菜餃，普通，好多餃子店比佢更好食柚皮，唔入味，而且仲有苦澀味☹️魚肉，極之普通，唔明點解係必食推介蘿蔔，無渣，但係好奇怪，又甜又澀另外叫咗小食辣魷魚及辣螺肉魷魚，夠辣夠爽螺肉，腍啤啤，無咬口最後值得一讚嘅，係擺喺枱面任你潷嘅辣菜甫，夠辣夠爽，好好味咁嘅價錢，又要排隊，真係唔明點解咁多人食如果講車仔麵，實在有太多店又好食又抵食過佢

深水埗文記車仔麵，相信冇人會唔識。呢一間車仔麵，無論係平日定係假日，都會排長龍。但係我夠膽講佢係我食過，全香港最好食嘅車仔麵！👍 佢個湯底超級甜， 但又一啲都唔口渴喎！通常啲車仔麵對於個麵底都冇乜要求，啲米線可能一係整得太淋，一係就太硬。佢呢一度雖然好多人，你見佢淥得好爽手，好似好求其咁，但係又做到軟硬適中，直程同米線舖食嗰啲有得比。👍 每一味餸基本上都好高質素，好似塊花膠咁，$15就已經超大塊超厚身，瑞士汁雞翼都非常入味，柚皮製作繁複就係人都知㗎啦，但係佢都可以做到毫無澀味。魚肉有魚味又彈牙，近排發現仲多咗辣子雞軟骨 ，辣得過癮！ 近排驗身膽固醇過高所以冇叫到辣魷魚，但係亦係一味我以前一定會叫嘅配菜。甜甜嘅湯底，再配埋激辣嘅麻辣醬，正呀！👎 唯一要彈嘅就真係要排好耐隊，我平日中午嚟都要排咗半個鐘。👎 同埋價錢稍貴：五個餸就已經$75，但係我都會keep住返嚟，證明佢有幾好食呢！