文華廳

营业中

休息中

男友生日決定食餐好既，就提前1個月網上預約呢間位於文華東方酒店入面餐廳～餐廳入面有窗邊海景位置，餐廳環境都是藍色調，予人一種高貴感。當日點了：❣️香烤片皮鴨半隻 二食 魚香茄子炆鴨粒呢款菜式會包含左兩個烹調食法，第一可以包薄餅食、第二係用鴨肉炒一款菜式首先，會先送上鴨皮，予客人包薄荷餅食，半隻鴨皮份量就不算多，但切得挺大塊，鴨皮薄而脆、亦充滿油香；客人亦可選擇包住海鮮醬/酸梅醬、蘿蔔絲、哈密瓜絲、青瓜和大蔥一齊食而另一菜式魚香茄子炆鴨粒，香味撲鼻，所有菜式都切得細粒，味道與我們坊間吃的魚香茄子不同，味道上淡味些；另外你會食到鴨肉質地都偏結實❣️桂花蟹肉炒米粉呢款係看似簡簡單單，係滿滿鑊氣既炒米粉，米粉炒至乾身、亦不會碎斷、啖啖蟹肉、令人吃至滿足❣️雲裳無花果甘露必點既仙氣甜品，職員送上時，一打開甜品蓋，滿滿乾冰產生的煙霧，令整個甜品充滿仙氣感呢款甜品有點似楊枝甘露，但不同地方係呢款會較清新，淡淡無花果味道，有奶香味道～當時預約提到是慶祝生日，餐廳亦送上了兩個壽包及芝麻餅～十分窩心💠💠💠💠💠💠💠💠💠💠💠💠💠💠💠💠💠💠💠總括，餐廳氛圍、職員服務態度都令客人感到舒適而享受的，如想搵慶生餐廳，亦可

有朋友Carry, 用他們的信用卡去享受文華廳的特價晚宴, 常說這些特價菜水準有打折扣, 當然這套餐並没有鮑參翅肚, 但菜式也算有誠意, 特別是主廚黃師傅及其團隊就街邊及大排檔菜式昇華, 像是位上的雞煲以優雅的陶壺盛載, 以鮑汁及天白菇伴煮, 雞肉嫩滑帶油香, 濃香之餘也能吃到食材的鮮味, 不是任何菜式以麻辣煮成才算惹味.高貴的菜式也有, 乳豬的芝麻皮公整而沒有裂香, 氣泡細密, 脂肉層薄但層次分明, 上面加上魚子醬除了更有鹹香味外, 也有脆卜卜的口感, 和外皮也頗夾. 星斑起肉成斑球, 簡單炒起, 加上海鮮醬, 口感比蒸法紥實, 條理分明, 鮮味同樣十足. 陳皮紅豆沙的陳皮甘香不差過鏞記, 紅豆起沙細滑, 簡單菜式更見其功力.Man Wah is one of the eldest Cantonese restaurants at HK for almost 50 years. The chef Master Wong makes the sample dishes with excellent quality. The roasted sucking pig is so crisp

華廳黃永強總廚的名聲赫赫有名，與饒師傅合作無間，炮製出多道美味又獲獎無數的菜式，令人大飽口福。前陣子，與久久未見的友人們共聚於此，順便點下數道黃🦁🐯的招牌菜式，好像松茸戈渣及玉磷魚躍逐金波等等……首先，當然是他的招牌復刻菜式 - 太史松茸戈渣出場。菜式除了自行鑽研外，還特地請教於知名飲食家大師姐。他的戈渣棄用了傳統的雞子，改用了鮮味不絕的松茸。一口咬下，松茸香氣一發不可收拾，綻放出一縷縷的幽香，令人回味。當中還有沾上砂糖的吃法，又是另一種滋味來。再來就是西班牙黑豚肉叉燒，師傅特地用上豬上柳來製作。出來的叉燒質感軟滑，輕輕一咬，蜜香豐富，肉汁滿盈，苗子亦對旁邊的蠔油豆愛不釋手。一會兒後，茶壺湯出現，內裡是松茸、榆耳、黃耳及雪蓮子，以此燉成的湯菇菌香氣無比，入口清甜，並且以紫砂茶壺盛著，除了美觀外，還可保持溫度，喝到最後還冒著煙，燉湯還是熱辣辣的好喝。另一道黃師傅的招牌菜 - 玉鱗魚躍逐金波上場了，這盤如詩如畫的傑作得獎無數。師傅以蛋的不同形態來作菜，好像平滑的蒸蛋白並澆上菠菜汁比作湖面；雞蛋配上鮮味的蟹肉、鮮甜的海膽及濃香的羊肚菌，再炒製而成的假山頑石；還有主角的一對金魚餃在碧波暢泳，整

今晚惠顧了文華酒店25樓的文華中菜，品嚐了他們的玫瑰豉油雞。這道菜非常入味，雞肉嫩滑，讓人回味無窮。另外，我也點了他們的桂花蟹肉炒米粉，米粉乾身不油膩，讓人食慾大開。另外，潮式砂鍋炒飯也是一道美味的選擇。最令人驚喜的是餐廳還免費贈送壽桃包、紅豆糕及芝麻餅，讓我們感到非常滿足。早前，我和家人一起惠顧這家餐廳，因為我加入了做會員，餐廳免費贈送了一瓶香檳和一磅的蛋糕。我選擇了他們最著名的文華芝士蛋糕，這款蛋糕芝士味道非常濃郁，質地柔軟，讓我無法抗拒它的美味。我強烈推薦這家餐廳，無論是用餐還是享受他們的服務或環境，都值得一試。

✨帶子紅菜頭餃賣相精緻 餃皮軟糯有彈性 內餡清爽 配搭幾特別 ✨懷舊灌湯餃灌湯餃 皮厚薄適中 但偏乾湯鮮味偏淡 餡料豐富 ✨原隻鮑魚雞粒盞鮑魚鮮味彈牙 雞粒餡飽滿味道略有少少過濃撻底較鬆脆易散 有牛油香 ✨黑椒和牛酥和牛酥 外層酥脆鬆化內餡和牛粒軟腍 黑椒味香濃突出✨玉鱗魚躍逐金波得獎菜式 睇得又食得 賣相好精緻兩條小金魚喺湖面上 旁邊仲有瀑布同小石山好有詩意 就好似藝術品一樣小金魚 小巧可愛 皮厚餡少 味道普通湖面 係加左波菜汁玻璃芡嘅滑溜蒸蛋白 瀑布 由龍蝦肉海膽做成 味道鮮甜小石山 係羊肚菌 味道清香 口感爽脆✨懷舊功夫鴨腳包又一手工懷舊菜 將鴨腳去骨用鴨腸包住芋頭 雞肝 叉燒 腩仔等食材有咬口得黎又帶啲粉嫩 味道甘香惹味配上桂花糖漬冬瓜球 可以解解膩✨太史松茸戈渣懷舊菜式 坊間已經買少見少呢度出品為高檔版本 將原材料雞子改為用上松茸外層酥脆 內層軟滑 有濃郁菌香✨蜜味西班牙黑豚肉叉燒 點左半份 叉燒偏瘦 看似有啲乾 幸好食落又冇呢個問題 口感軟腍帶微甜蜜味 整體都算唔錯但唔係我杯茶 以呢個價錢唔太值✨桂花蟹肉炒米粉蟹肉鮮甜 芽菜清爽 米粉爽彈 再加蛋炒 炒得好乾爽 唔錯✨雲裳無

眼見近月多間老字號紛紛結業，為秋天嘅三位壽星長輩慶生，大食會就好懷舊地揀咗喺快將花甲嘅「文華廳」品嚐星級粵菜。據悉，文華東方酒店襯疫情最嚴峻時為中菜廳翻新裝修，由從前俗套嘅桃紅及酒紅色變成更為時尚嘅藍中閃金設計，簡潔嘅雀籠燈飾、屏風等裝潢明顯冇咁刺眼同浮誇，視覺上負擔輕鬆得多！厚厚嘅地毯好吸音，厚墊嘅椅櫈亦十分舒適。近窗嘅散座有靚景睇，相信最受情侶歡迎，因拍窗擺出嘅大多為二人枱。限聚令下，十一人飯局被安排入座最內側嘅兩張七人及四人圓枱，私人空間感足，寬闊尤甚。餐桌上擺有美觀齊備嘅自用及公用餐具。另有鮮花盆栽擺設。整晚由Marco哥哥帶領招待，分餸及斟添酒水等服務都做到足，實在周到。嘻嘻，睇見茶杯底嘅兩條魚魚，心情尤其輕鬆寫意。如顧客有意自攜佳釀，標準裝紅酒、白酒、汽酒之開瓶費為$500/樽，從酒牌每叫一樽相同容量嘅酒酒即可括免一樽開瓶費。八頁餐牌可於網頁上下載，精明嘅XO仔當然係為生日會預訂埋菜單啦！（https://photos.mandarinoriental.com/is/content/MandarinOriental/hong-kong-restaurant-man-wah-

大師發辦2.0，第二擊選擇了文華廳的「一脈相承．師徒四手嚐味菜單」。慕著大師姐的大名而來，需知道我們這些普通人實在無緣參加她的家宴，卻又聽聞吃過的人皆讚賞，因此今次機會實在難得！這夜，師徒二人創作了六道手工菜式；戈渣是一絕，皮脆內滑之極品；魚羹吃到細緻、以鮑魚角代替肚尖是大師姐家宴的常菜、蟹粉是時令、仙鶴神針顯功架。六道菜每位$1857，已計加一但不包茶芥。太史松茸戈渣千絲萬縷鮮魚羹七彩炒鮑魚蟹粉扒抽皮白玉仙鶴神針紅棗薑汁鮮奶燉花膠、松子南乳酥反沙腰果免費送上的小吃很稱心。太史松茸戈渣     美味指數:5/5雞子戈渣是知名懷舊菜，可惜雞子這食材在現代社會已經難求，師傅聰明地以松茸取代，我覺得效果很好。雖然我忘記了正宗雞子戈渣的味道，但面前這個太史松茸戈渣，高溫快炸的溫度拿捏得準，外脆內軟效果一絕。美中不足就是只得一粒，意猶未盡囉！黑毛豬叉燒上肉 （另加）美味指數:4/5特別追加重溫，因為我一向喜歡叉燒，這個叉燒真是份外軟熟、特別滋味。另一特色是柚子青瓜，酸甜度啱啱好！千絲萬縷鮮魚羹      美味指數:4.5/5東星斑湯底，湯料豐富，名副其實如千絲萬縷，魚肉、豆腐及木耳等全部材料都切

是日同朋友二人黎個late lunch 好耐冇黎文華廳，以前裝修主題為桃紅色，充滿古典美。依家就以寶藍色為主，装修雅緻又貴氣，置身其中有種貴公子嘅feel。由入門口到坐低，服務都到位 German細心咁幫我拉櫈入座，見我朋友未到，就送上熱手巾同menu俾我慢慢揀。當我對飲咩茶毫無頭緒時，佢又會俾建議，佢推介嘅崑崙雪菊茶真係勁好飲！有回甘嘅味道係口腔內徘徊（依家諗番都想飲）。到左點菜時，我同朋友都係冇任何idea, 好在Arthur會適時咁俾意見我地，最終試左幾款點心，仲食左名物叉燒同蟹粉蝦球。點心全部都精緻，造型出色，味道一流one bite size易食又不失優雅，點埋佢地自家制嘅X.O.醬更添美味 黑豚肉叉燒更係冇得彈，甘甜野味，肉質有彈性又軟實適中，配上佢嘅叉燒汁更是濃郁，成個咀好香肉味 依家佢地做緊大閘蟹推廣，蟹粉必不可少！個蟹粉蝦球真係好大隻，大蝦球煮得晶瑩剔透，圍住滿滿嘅蟹粉，令人垂涎欲滴 煮蝦球嘅火喉掌握得啱啱好，充滿彈性嘅蝦肉伴濃香嘅蟹粉一齊食，不知一覺一口接一口地食，清碟！成個進餐過程都有人貼心服務 Marco不時會為我地添茶，當我地對菜式有疑問佢亦會為我地解答。仲有

環境⭐️⭐️⭐️⭐️⭐️服務⭐️⭐️⭐️⭐️⭐️食物⭐️⭐️⭐️⭐️一入到餐廳，見到無敵海景未食已經贏咗。服務好好，每道菜侍應都會換上新嘅碟，亦會講解每一款點心，亦會時時幫你斟茶👍🏻👍🏻食物方面，因為今次食冇叫套餐，散叫咗10款點心。因為餐牌上面全部都係三件價錢，因為我哋得兩個人，所以可以兩件order👍🏻👍🏻我哋分別叫咗：1:西班牙黑豚肉叉燒腸$228⭐️⭐️⭐️⭐️⭐️名不虛傳嘅叉燒，腸粉皮又薄又滑2:千絲蟹粉酥$56/件⭐️⭐️⭐️味道普通，食唔到有蟹粉3:香煎胡椒牛肉包$56/件⭐️⭐️⭐️⭐️⭐️本身鍾意胡椒味，所以鍾意胡椒味一定鍾意呢個4:原隻鮑魚雞粒盞$62/件⭐️⭐️⭐️⭐️⭐️超推介，鮑魚好淋，個牛油撻底好香牛油味又脆5:酥皮血燕蛋撻$66/件⭐️⭐️⭐️好普通嘅酥皮蛋撻…6:南翔小籠包$49/件⭐️⭐️⭐️似翡翠拉麵嗰啲小籠包囉…7:金腿蘿蔔星斑餃$56/件⭐️⭐️⭐️⭐️⭐️入邊真係有好大舊好滑既魚肉8:魚子醬海膽鳳眼餃$56/件⭐️⭐️⭐️⭐️⭐️超推介，好食都想再叫多碟9:筍尖鮮蝦餃$32/件⭐️⭐️好細粒，亦唔覺得啲蝦好特別10:家鄉鹹魚燒賣$32/件⭐️⭐️⭐️普通，三粒星係俾個鹹魚味

Finally back for dinner after the renovation. Interior seems darker than before.Wine list was good. Ordered 2 bottles of burgundy red.Menu we tried was special 4 hands dinner by chef Wong with 大師姐. Here’s what we had.Walnuts as appetizer Deep-fried matsutake mushroom pudding. Tried half as is and the other half dipped in sugar. I loved it: excellent tofu-like texture, but brother pointed to the pool of oil on his dish.Fish broth made with 東星, with strips of鮭魚, mushrooms etc. Celery strips on the

星期日約咗朋友聚會就選咗嚟文華廳飲茶上open rice 見無得book lunch就打電話過去問下好好彩地有位 不過就要俾留位費當日大概下午一點去到 Staff服務非常好，一坐低就問我地餐廳嘅溫度適唔適合同埋餐點上嘅份量可以配合翻客人嘅需要睇menu 有兩個set餐 我哋就無嗌set 散嗌咗一啲點心同主食 包括三元及第(筍尖鮮蝦餃，蟹黃千層酥，原隻鮑魚雞粒盞) 千層酥超級足料 推介 不過好似係期間限定 柚子醋小青瓜 睇落好考到工嘅一道菜，柚子醋非常入味 超級開胃蔥油海蜇頭 食到停唔到口 又唔捨得食到最後一舊🤣🤣好食！西班牙黑毛豬上柳叉燒皇味道非常不錯 口感上肥膏同瘦肉嘅配合啱啱好不愧為叉燒王 最後係桂花蟹肉炒米呢個就有少少失望 無乜味道最後最後送咗個小甜品俾我哋都唔錯總括嚟講有機會返轉頭

星期六同屋企人都放假就提前book左位去文華廳👩‍👩‍👧 本身book一點半但店員講一點半會比較多人 一點九會冇咁迫 另外亦要比deposit留位 我地有三個人就要比$300 用信用卡支付去到文華酒店25樓 間餐廳都係深藍色🟦設計 而且有d中式、茶樓既擺設 好有特色店員帶到去我地個位 都好有私人 好似有個獨立既間格咁另外亦有d擺設 唔會太多 見到亦會覺得幾舒服而且餐具都附有中國特色 好靚個menu會寫明每碟點心份量 十分貼心我地成餐飯食左3個點心同一個米粉 另外餐廳仲送左個美點雙輝既甜品第一個係 🦐 魚子醬海膽鳳眼餃 魚子醬既味道唔算太明顯 唔會搶過海膽味 海膽少少鮮味 蝦都算彈牙 而已餃皮好有彈性 好欣賞個皮 都推薦大家選擇魚子醬海膽鳳眼餃 $168第二個係原隻鮑魚雞粒盞 有原隻鮑魚 而且好淋 個tart皮都好鬆脆 十分推薦原隻鮑魚雞粒盞 $188第三樣係 🥩 黑椒和牛酥 調味太多 食唔出和牛味 亦感覺唔到係和牛級數既牛 酥皮好鬆脆 唔太推薦依個點心黑椒和牛酥 $168第四個係 🦀 蟹肉炒米粉 米粉用蛋黃碎一齊炒 佢用d蟹肉都算幾大嚿 唔係蟹絲 成個米粉味道唔算太特別 鍾意食蟹既人可

(˶ᵔᵕᵔ˶)┈┈┈┈┈┈┈┈┈┈┈┈┈┈二訪文華廳✨Family Day同左屋企人去酒店飲茶除咗環境優美服務一流之外，食物質素都係中上😋今次試多左幾款新品幾有驚喜幾好食～┈┈┈┈┈┈┈┈┈┈┈┈┈┈今次我地揀左菊花普洱茶☕️🍂由於係用左陳年普洱茶葉所以入口好甘醇柔和～加左菊花味道好清香┈┈┈┈┈┈┈┈┈┈┈┈┈┈𐂐 ⠜帶子紅菜頭餃 $118 (4/5)本身我唔太鍾意紅菜頭既味道但呢款點心卻沒有很重的紅菜頭味道😳本人表示很ok!點心顏色很討人歡喜，係少女粉紅🫶🏻外皮薄饀飽滿，每個都脹卜卜廚師將紅茶頭剁成蓉配上帶子粒味道反而帶子味較重，鮮味突出口感爽口鮮甜，很特別┈┈┈┈┈┈┈┈┈┈┈┈┈┈𐂐 ⠜原隻鮑魚雞粒盞 $188 (5/5)撻皮酥香鬆脆，雞粒咸香味足夠配上鮑魚享用非常滿足🥰┈┈┈┈┈┈┈┈┈┈┈┈┈┈𐂐 ⠜松露脆皮鮮蝦腸 $248 (5/5)必點！松露味超香濃🥹必須趁熱享用！屋企人都覺得好好味腸粉裏面一層脆皮再加松露鮮蝦脆脆的層次感豐富～腸粉皮整得好滑鮮蝦配松露真係完全昇華左，蝦肉飽滿彈牙🥹┈┈┈┈┈┈┈┈┈┈┈┈┈┈𐂐 ⠜XO醬炒蘿蔔糕 $198 (3.5/5)正常味道，配左文華