影片
更多
2023-07-04
967 浏览
文华厅都系城中一间比较难book嘅餐厅，今日终于有机会带小朋友过嚟食lunch 餐厅经过左六个月嘅装修，入到去差啲唔认得。餐厅喺文华酒店嘅25楼，一出电梯，同以前一样，一如以往嘅优雅。订咗张窗口位嘅大枱，可以望到维港景色同摩天轮，小朋友都好开心。餐厅亦一早安排BB凳同儿童餐具俾小朋友。因为星期六日过嚟嘅关系，餐厅分开咗两轮，我哋食头轮11:30，1:00要还枱。记得之前系唔需要分两轮嘅。坐低冇耐，order咗我最钟意嘅昆仑雪菊 茶味清新得来亦有回甘！之后就展开今日嘅美食之旅：桂花蟹肉炒米粉 - 小朋友最钟意食，炒得非常干身，加入咗少少咸蛋黄，食起嚟又香又鲜味虎皮尖椒 - 好有椒味，但系又唔太辣，适合钟意又想食椒但系唔食辣嘅人士虾子小笼包 - 呢个一般，冇乜特别亦唔系太鲜带子红菜头饺 - 酒店水准、不过不失，不过埋佢提供嘅XO酱即刻有提鲜嘅作用三元及第 - 呢个爆LIKE 结合左三个推介点心 （笋尖鲜虾饺、黑椒和牛酥同羊肚菌鲍鱼荔芋盏）西班牙黑毛猪叉烧拼化皮乳猪件乳猪件唔建议做双拼，因为叉烧𠮶汁会影响咗乳猪嘅味道，但乳猪皮一流，唔油腻而且亦片走晒啲肥膏黑毛猪叉烧亦都有水准，但系唔算好特别
餐厅经过左六个月嘅装修，入到去差啲唔认得。餐厅喺文华酒店嘅25楼，一出电梯，同以前一样，一如以往嘅优雅。订咗张窗口位嘅大枱，可以望到维港景色同摩天轮，小朋友都好开心。餐厅亦一早安排BB凳同儿童餐具俾小朋友。
因为星期六日过嚟嘅关系，餐厅分开咗两轮，我哋食头轮11:30，1:00要还枱。记得之前系唔需要分两轮嘅。
坐低冇耐，order咗我最钟意嘅昆仑雪菊 茶味清新得来亦有回甘！之后就展开今日嘅美食之旅：
29 浏览
0 赞好
0 留言
桂花蟹肉炒米粉 - 小朋友最钟意食，炒得非常干身，加入咗少少咸蛋黄，食起嚟又香又鲜味
虎皮尖椒 - 好有椒味，但系又唔太辣，适合钟意又想食椒但系唔食辣嘅人士
22 浏览
0 赞好
0 留言
虾子小笼包 - 呢个一般，冇乜特别亦唔系太鲜
带子红菜头饺 - 酒店水准、不过不失，不过埋佢提供嘅XO酱即刻有提鲜嘅作用
23 浏览
0 赞好
0 留言
三元及第 - 呢个爆LIKE 结合左三个推介点心 （笋尖鲜虾饺、黑椒和牛酥同羊肚菌鲍鱼荔芋盏）
西班牙黑毛猪叉烧拼化皮乳猪件
乳猪件唔建议做双拼，因为叉烧𠮶汁会影响咗乳猪嘅味道，但乳猪皮一流，唔油腻而且亦片走晒啲肥膏
黑毛猪叉烧亦都有水准，但系唔算好特别
20 浏览
0 赞好
0 留言
XO酱珍宝虾干煎肠粉
虾干差唔多同每一条肠粉一样咁大，鲜味十足。略嫌肠粉煎得唔够脆，某间米芝莲三星酒店酒楼既肠粉比较好食
14 浏览
0 赞好
0 留言
脆皮炸鸡
鸡皮薄到好似薯片一样，就连鸡胸位置都好滑，好香，值得推介
17 浏览
0 赞好
0 留言
云裳无花果甘露
呢个甜品属于惊喜之作，难怪咁多推介。送上枱嘅时候，仪式感十足，用干冰产生烟雾，好有仙气。似杨枝甘露，但系芒果转咗做无花果，无花果本身亦冇芒果咁甜，亦都加咗淡淡的花奶，所以食起嚟好滑好香，亦都唔算好甜
张贴
