文華廳

营业中

休息中

🌹今年母親節，老公為我慶祝，選了文華酒店內的《文華廳》，一個月前訂定位，但沒有星期日正日，唯有早一日食啦！自己好想去，見到網絡、雜誌介紹的內容，心動！🌹文華酒店是有名的五星級酒店，多年前食過下午茶餐，感覺一般。今次到訪中菜廳，預約了11:30，餐廳在25樓，服務員帶我們入座，眼前所有都是靚靚的，裝修華麗高雅，餐具、檯、椅，件件都很合襯，配以玻璃窗外景色，開揚舒適，令心曠神怡，進餐的好地方。🌹《文華廳》服務員有禮，有給斟茶服務，我們當天沒有叫套餐，選擇了單點點心，每一款點心令我們讚嘆，除了味道好吃，造型擺盤都很吸睛，不愧是五星酒店，兩個人食了七款點心已覺飽肚。蘿蔔鹹水角⭐️⭐️⭐️⭐️⭐️造型口感皆好灌湯小籠包⭐️⭐️⭐️⭐️⭐️皮薄湯濃XO醬煎腸粉⭐️⭐️⭐️⭐️⭐️香口惹味文華三寶⭐️⭐️⭐️⭐️⭐️鮑魚酥，和牛酥，蝦餃完組合陳皮紅豆沙⭐️⭐️⭐️⭐️沒有紅豆粒，口感差少少火腿燒餅⭐️⭐️⭐️⭐️⭐️皮酥脆，內餡香口紅菜頭水晶餃⭐️⭐️⭐️⭐️⭐️紅菜頭餃夠健康，特色之作美點假輝⭐️⭐️⭐️（酒店贈）上檯時馬豆糕賣相不好，有點破裂個人評分食物味道⭐️⭐️⭐️⭐️⭐️服務⭐️⭐️⭐️⭐️⭐️環境⭐️⭐️⭐️⭐️⭐️衛生⭐️⭐️⭐️⭐️⭐️回頭率⭐️⭐️⭐️⭐️抵食⭐️⭐️⭐️⭐️

第一次試，服務非常好，職員比我既感覺非常熱情同有禮貌，值得讚賞。裝修方面，本人覺得好有食西餐既感覺，性價比唔算太高，不過食物既質素同賣相都真係唔錯，非常值得推介。賣相一流，青瓜配柚子非常清新，有開胃既效果龍蝦夠彈牙，側邊嘅菜都好好食醬汁味道一流超鍾意食呢個發邊豆，又唔會太咸。

第一次去較裝修完的文華廳，想訂週末，很full 也，訂了差不多一個月才有位，充滿期待，果然沒有失望，點心，燒味，甜品，服務都有很高水平。 炸春卷十分出色，春卷價錢不低，要$178，但質素很高，春卷充滿彈牙蝦肉，外脆而不油腻。旦撻酥皮香脆，但性價比不高。北海道帆立貝巨型而香甜，叉烧鬆化又有蜜汁。甜品叫了陳皮紅豆沙和杏仁茶，兩者甜度適中，杏仁茶香滑，紅豆沙香濃。點了一只蟹肉燴飯，鮮甜而有香葱味。 服務環境也是一流。

裝修後的文華廳轉了主色，一於去看一下先。環境同以前真係大大不同，多了一份時尚感。我們兩人叫了3樣點心，叉燒，炒米粉和蛋撻。蝦餃和燒賣… 一份原本係3粒，但我們2人，所以改了只要2粒。灌湯餃，係真的「灌」湯餃不是湯浸餃，入面的湯汁好鮮甜，大滿足。至於黑豚肉叉燒，我們叫了細分，肉質好淋好鮮甜，配合表面的少少微脆，真係好香… 好好食桂花蟹肉炒米粉登場，炒得好乾爽，盡顯廚師嘅工架最後，蛋撻來了，個樣靚仔到不得了文華聽的服務和食物，當然係無得挑剔啦。

The newly renovated Man Wah.平日唔係好多人，餐廳都冇坐滿，大家都可以坐到窗邊位置🌃.食咗個5 course dinner set.蜜味西班牙黑豚肉叉燒🐖、羊肚菌花膠凍🍄、川味小青瓜🥒，個花膠凍幾特別，佢係釀左啲花膠喺羊肚菌入邊，外面再用花膠做成啫喱.金粟燴血燕🌽，有一大束血燕，血燕嘅口感比較爽，味道唔會太濃，所以配粟米湯都夾到.極品魚湯泡龍蝦球🦞，龍蝦上面有用清酒🍶浸過嘅三文魚子，好香，龍蝦肉質爽.原隻鮑魚鮮茨實燴絲苗🍚，糖心鮑魚好正，火喉啱啱好，每一粒白飯都比鮑魚汁包住，我唔介意玩飯再大啲🤪.甘栗焗布甸🍮、紫薯珍珠球、紅豆砵仔糕，砵仔糕個樣好得意，係圓粒花生嘅外表🥜，紫薯珍珠球個餡係流心嘅，食埋個焗布甸，就突然之間飽咗.我自問唔算大食，不過食完第四個course之後，都仲係覺得好似冇乜嘢落過肚咁🤣，所以叫多咗個咕嚕肉，咕嚕肉炸得乾身脆口，不過肉質就唔夠淋

新裝修後嘅文華廳真係好無敵!以前嘅裝修我自己覺得一般般,新裝修後用了英倫風格,配上中菜,根本就是我最愛的兩種結合！今次食lunch,我們叫了很多點心,每一款都是精品.爆汁蝦餃和爆汁帶子紅菜頭餃,很久沒有吃過這麼完美的蝦餃了！一咬下去濃濃的鮮味,絕對是爆汁的,表皮還是白色,證明沒有過熟.帶子紅菜頭餃也是不可不吃!用了紅菜頭的顏色做了粉紅色的餃子,買相做得那麼精緻,一試愛上❤️燒賣是墨魚籽牛肝菌燒賣,鹹鹹的墨魚籽為燒賣的肉提鮮有創意又好吃南翔小籠包就不用多說了當然也是爆汁本來叫黑椒和牛酥是因為他的外表我錯了內涵比外表更厲害！裏面是非常濃郁的牛汁和外面的鬆脆形成了一個強烈的對比吃完那麼多蒸的東西來一個濃味的炸物為味蕾增添了驚喜原隻鮑魚雞粒盞平時聽到名字就不想叫這種鮑魚可以有多好吃呢？那麼要歸功於文華的師傅小小的一個撻鮑魚味非常重醃製的時候一定下了很多心機吧？而且這麼小的一個撻師傅還很細心地切開三件讓我們容易吃進口太細心了吧？小蘿蔔盆栽就是鹹水角個人不是鹹水角的Fans 所以對我來說拍照功用比較大不過其實味道確是不錯的最後叫了兩個單尾原隻南非鮑魚燴絲苗龍井蔥油撈天使麵個人認為沒有什麼特色可以不叫

新裝修後的文華廳, 感覺煥然一新, 每個擺設也較過往精美. 一坐下先來杯雪菊茶, 入口清香. 第一道松茸戈渣已食出師傅的功架, 松茸味道香濃, 入口溫度剛好, 口感外脆內滑😋 之後的黑毛豬叉燒也是一絕, 肉質軟稔, 有肉香又有肉汁👍 緊接而來的點心每款也不遑多讓, 較特別的是羊肚菌花膠凍, 看似是皮蛋的花膠凍, 真的幾可亂真, 內裡還有一粒原整的羊肚菌, 心思及味道也感受到師傅的用心😍 之後的東星斑陳村粉及扣肉也是水準之作, 一淡一濃的菜式, 味道好平衡, 東星斑用料上乘, 調味剛好, 吃出鮮味; 扣肉入口即溶, 醬汁香濃, 配上炸芋片同吃, 一滴汁也沒浪費😬 最後甜點的紫薯珍珠球, 外面脆卜卜, 內裡流心紫薯餡紫薯味濃而不膩, 多吃幾粒也可以🥰食物質素, 服務及環境已到三星水平⭐️⭐️⭐️

原本約了朋友到新裝修的文華廳吃午餐，但可惜他臨時有約，唯有自己一個也照去享受一下。去到被安排坐在窗的旁邊，景觀十分開揚，可以飽覽整個中環的景色。服務員先介紹幾款茶，再推介他們獨有的菊花茶，是萃取方法而成，我也沒有細心聽，但味道的確與其他的菊花茶有分別，很不錯。我點了一個套餐，先來三款點心，鮑魚酥很細心，先把鮑魚切開一半，當你吃是沒有很狼狽的情況，可以分開兩口進食。而潮州粉果配上潮州辣油，美味可口，筍尖蝦餃中規中矩沒有很大的驚喜。之後令一道菜髮菜豪斯湯，外表嫲嫲，但味道一流，很足料！五花籃芋頭，反而我覺得麻麻，因為主要想看看他們烹調五花腩的功架，因為他們薄切，品嚐不到厚件的功夫，芋頭亦太厚，搶了五花腩的風頭。此外，東星斑陳村粉亦不錯，魚肉夠厚且彈牙新鮮，陳村粉亦可口。最後的杏仁茶湯圓反而喜出望外，湯圓十分軟滑，杏仁茶烹調得沒有一點苦澀的味道，入面仍有一點蛋白，十分出色。由一點坐到六點！人生太寫意！

因為staycation關係到左文華東方酒店兩日一夜住宿，酒店跟早晚餐，另外自費於官網限時優惠以七五折$1053雙人價錢購入左午餐優惠，當時用DBS信用卡可以用一按即扣再減$50，平均每人$526.5，價錢已包茶錢加一。文華廳因為25樓裝修，所以搬到一樓康樂閣，午市開星期三至日，而晚餐更只開五至日，餐牌選擇相對都少左好多。雖然搬左黎康樂閣，但都係用番佢地傳統既粉紅色檯布，成個環境都算係幾優雅。無左頂樓既海景，就變成左而家既皇后像廣場景，望住工人姐姐食飯。三色醬料，頭盤係蝦餃 燒鵝 同黑毛豬叉燒，蝦餃同今朝早餐果籠應該都係文華廳出品，但可能熱量唔同都差左好多。而叉燒係好多中菜既招牌，聽過呢度叉燒都幾得下，不過食落又好似唔算太特出，將來有機會住其他酒店都會試下其他品牌既叉燒。最後件燒鵝係特別好食，唔識形容。豬展唔記得乜野湯，第一次試過原來中湯都可以好好飲，仲好甜。之後主菜反而無乜特別，蒸東星斑，係賣相幾靚仔。炆米就好普通，格離果位同伴仲塞多幾注過黎食到我死死下。最後杏仁茶湯丸，OK既。曾經都有諗過叫下點心既，不過早餐接午餐呢下真係好飽食唔落，慢慢食佢又慢慢續道菜上，五道菜都食左個幾鐘，成個

原本訂了入住一晚的文華東方，因為武漢肺炎疫情關係取消了，訂好了的文華廳飲茶，照舊去吧。這裏的裝潢多用深棕色木，更大膽的用上不同深度的紅，配搭起來沒有半點俗氣，反而非常古典優雅。木窗框大玻璃外是維多利亞港🏙，腳下是龍和道、大會堂、愛丁堡廣場。穩重的文華見證腳下這飽經創傷，瞬間改變的香港，也不知感覺如何！習慣分多次落單，以免滿枱食物且未能在食物最佳溫度下享用，在這裡只要向同事落單，他便會建議上菜的先後次序，按次上枱很合心意。點心亦可按客人人數調節，一人去也不用愁 。同事建議飲🍵碧螺春🌿，講解碧螺春🌿有季節性，由採摘、製作、運送、保質，只有幾個月最佳飲用期，七月便是期限了，長知識。不可不吃的有二一。杏汁菜膽燉花膠湯個湯超濃、厚、滑，花膠不是很大片但也相當厚身，飲完個湯嘴唇是會黏黏的，好鬼好飲呀二。西班牙黑毛豬上柳叉燒王看不見有半點肥肉，但夾在筷子已感覺到他的鬆軟，入口嫩、淋、滑口、油脂充足，真沒有完整的形容詞可用，總之好好食因為太心急食忘記了拍照的原隻鮑魚🦪雞粒盞，做得細心，鮑魚與餅底理應唔friend，一個一咬就斷另一個就唔得，想像到那種尷尬。但這鮑魚已暗暗被斜刀切開，看時沒有發覺，咬下去

今年生日一反傳統，選擇了吃中餐慶祝，其中一個原因是文華廳將於8月起停業裝修，於是趁機訂枱品嚐其Tasting Menu，於中式裝橫下共進晚餐。一入餐廳先量體溫，我們於窗邊的餐枱可欣賞風景，由天光吃到天黑。我們因信用卡優惠有買一送一offer，於訂座是告訴餐廳慶祝生日，他們更會準備兩隻壽桃包。珍味回憶嚐味晚餐菜單文華三弄有櫻花豆腐、西班牙黑毛豬上柳叉燒、蒜香鮑魚櫻花豆腐香甜，叉燒多汁香嫩，蒜香鮑魚香口惹味鹿茸菌燉海螺湯以火座熱，清香鮮甜，充滿菌香味，而且海螺肉唔靭鮮味松茸煎澳洲M9和牛粒和牛粒肉質香嫰，配上松茸味道配合，醬汁也美味，瞬間吃光。金湯燴厚花膠湯非常香濃，花膠厚切口感一流，軟硬度剛好，吃完感覺十分滋味，充滿膠質。瑤柱米皇浸菜苗以粥配翠綠菜苗感覺新穎，味道搭配，菜上的瑤柱絲咸香作點綴，十分好味醬油天使麵醬油味道適中，天使麵上有炸過的茶葉，以中和香濃的醬油味道。楊枝甘露以乾冰裝飾的楊枝甘露非常特別有氣派，味道也很好！特別喜歡餐廳的中式裝修，服務員態度殷勤有禮，整體感覺十分好。

在2020年6月21日父親節之夜，非常感謝文華廳團隊的盛情款待，圓滿地慶祝了今年父親節的晚餐。餐廳亮點：1. 不用懷疑這是香港最美麗的用餐空間之一2. 美味而精緻的粵菜3. 專業優秀且具經驗的員工能提供貼心的服務及點餐建議4. 細緻的用餐體驗令我們留下深刻印象食物亮點： - 蒜香鮑魚 - 酥薑蒸星斑球 - 金湯燴厚花膠 - 花膠瑤柱燴伊麵 - 美點雙輝照片： - 美麗極致的窗口位(文華三弄）蒜香鮑魚、西班牙黑毛豬上柳叉燒皇、蔥香杞子百合伴野生雲耳Pan-fried abalone, garlicBarbecued Iberian pork loin, longan honeyChilled marinated wild cloud ear fungus, lily bulb, wolfberry, spring onion - 鮑魚很惹味 / 叉燒皇醬汁很有層次，選擇豬肉的部份亦軟滑 / 杞子百合雲耳很開胃(紅燒官燕)Braised bird’s nest, Kam Wah ham, superior broth - 紅燒汁配合官燕口感十足(酥薑蒸星斑球)Steamed spotted

文華廳即將進行大裝修， 2021年頭才會重開，今日同一眾好友過嚟飲茶，重溫一下這間米芝蓮中菜廳的名菜以及裝潢。木雕窗框配粉紅枱布，彷彿見證着文華廳的成長，黃師傅為我們準備了一些懷舊小食，戈渣及鴨腳包都是心機之作。首嚐川味蓮霧，這香辣小食非常惹味，與清爽的蓮霧非常匹配。艇家魚湯非常真材實料，魚湯還用了鮑魚及螺片提鮮；黃師傅的薑茶奶凍認真夠薑，是百吃不厭的甜品。最後的飯後甜點觸發了不可收拾的瘋狂拍照局面，棋盤上的菠蘿酥以及紫薯酥造型維肖維妙，味道亦上佳。非常吸睛的雀籠裏面放了蓮蓉酥以及合桃酥，餅皮做得非常鬆化，甜度亦適中。裝修前的最後營業日為7月31日，重開後的文華廳感覺應該會與現在的古色古鄉有所不同，而且餐廳面積亦會擴大。想來懷緬一下的朋友，也要提早預訂，booking都好full吓....

今年生日想食中菜，所以男朋友book咗文華廳。安排坐窗口位置，我地叫咗凍頂烏龍茶，成餐飯都有人不斷加茶，好細心。我地叫左tasting menu，上菜前都會問我地會唔會有咩唔食得或有無要求。而每上一道菜都會好細心介紹，又建議我地點食先最好。我最難忘係呢個湯，黑蒜海螺燉豬展。因為返工好少有湯水飲，見到呢個湯時都無咩期待，但一飲.. 我地都嘩咗一聲，值得一試 其他菜式都好好味。花膠大大舊呢個牛加埋岩鹽，味道一流。最初以為好細份量唔夠食，但食完兩舊已經好足夠，好滿足 天使麵仲有其他無影到，如果大家去食，記得試埋佢個XO醬本身諗住食完飯買番罐比媽咪，最後無咗回事 食完飯，甜品環節。不得不提有個員工叫Daisy, 我地叫佢幫手影相，佢超級好，搵唔同方向幫我地影仲問我地滿唔滿意。就係我地食甜品時，Daisy 突然拎左個甜品出黎話送比我地，好驚喜得埋單時，Daisy 又比多個驚喜我地！佢拎咗個架，話係文華出品嘅茶葉，而茶葉仲係心形架Daisy 一路介紹一路pack好個茶葉送比我地，仲祝我地甜甜蜜蜜。 How sweet 不過茶葉係限量，送完就無，大家去時可能要碰下運氣。成餐飯都食得好輕鬆好開心，食物

之前一直諗，出去食飯成日中伏，可能係因為自己唔肯比多啲錢，所以就諗住開始試吓啲高級餐廳， 睇吓冇返高質素嘅享受，所以今次特意訂咗間酒店級的米芝連餐廳-文華廳 一試。除咗食個食物本身，更加想體驗埋啲服務，首先，講一講個環境， 文華廳係25樓， 要搭電梯上去， 一出lift 就係好黑， 原來文華廳隔離係酒吧，所以有啲咁昏暗的設計， 右轉入文華廳，光啲，佢嘅裝潢不錯， 古式古香， 燈係掛燈籠，剛入坐時仲播放輕輕的古典音樂， 製造到少少輕鬆既感覺， 但係入面地方都幾細， 而且差唔多坐滿， 9張枱有6枱客， 而且有3枱係大枱，引致環境比較嘈雜。然後容許我講埋佢哋啲服務， 因為今次係去比較高級嘅餐廳，所以對佢哋嘅期望都相對較高。成個中菜廳得兩名侍應生， 佢哋明顯有足夠培訓， 待客有禮， 上菜前收碟換碟都會同客人講聲，「唔好意思」，上菜後都會簡單介紹下啲食物。但係得兩個侍應要招待6枱，明顯佢哋應付不暇，雖然眼見佢哋無停過手， 很體諒佢哋。但係真係服務不週，眼見自己杯茶飲曬， 想斟茶飲下，但佢個茶壺又擺到咁遠，自己斟茶都要等佢哋來， 非常不便， 雖然佢哋原本個原意係不錯， 不用客人自己倒茶， 有人服侍