敏華冰廳 (置富都會)

营业中

休息中

上月中有要事在身好難得可以吃早餐！跟車爸爸在紅磡火車站附近找來敏華冰廳快快吃過早餐便去做事！ 在各區也經常見到這間敏華冰廳的分店，原來短時間內已有20多間分店之多！ 供應的早餐是一般的選擇，如車爸爸的沙茶牛肉麵，配有歐式軟多士和炒滑蛋，跟有餐茶一杯＄36屬正常價錢，沙茶牛肉麵味濃但偏甜，可幸公仔麵煮得夠咬口不錯。 歐式軟多士烘得挺脆塗上牛油吃總不失美味，炒滑蛋亦有質素滑度做足唯蛋香不足！ 車爸爸必喝的熱奶茶質素就普普通通沒有驚喜。 我點上忌廉雞湯通粉同樣配歐式軟多士和炒滑蛋＄34，忌廉雞湯通粉沒有香氣亦不滑溜，只能說份量挺足夠飽肚。 而我的凍檸檬茶走甜另加＄3冲得不錯，沒反茶之餘有點點茶味我收貨！

星期六早上，訓晏左先至起身，過左十一點很多地方都無早餐食，但一早起身又無乜胃口，忽然想起敏華早餐直至到十二點💡 「拿拿聲」換衫落樓。去到敏華冰室仲有大把時間慢慢叫我嘅早餐🤣，最後叫兩份早餐：忌廉雞湯火腿通粉和沙嗲牛肉公仔麵沙嗲牛肉夠滑一啲都唔硬，加埋柸香滑奶茶真係正👍🏻另外，我比較喜歡忌廉雞湯火腿通粉嘅忌廉雞湯底，通粉食唔晒但係啲湯就飲晒！之再配合熱鮮奶，唔係間間茶餐廳會有熱鮮奶，所以都幾驚喜。再食埋個歐色多士，多士外脆內軟。還有煎雙熟蛋，食完一個滿足的早餐，假期亦已感到完滿😋

有人同我講豬扒蛋飯好好食所以想去試試但係等咗半個鐘頭都未整到。如果係要趕時間千祈唔好食豬扒蛋飯！至於好唔好食已經唔係好重要本來有好好嘅心情諗住品嚐下一啲所謂出名嘅嘢食但係等都等咗半個鐘頭都仲未得食！我之前都有食過呢度啲早餐亦都食過佢嗰個暗然銷魂飯早餐同埋暗然銷魂飯都10分正常時間都好快但係我依家2:30已經過咗食飯時間都嚟諗住可以快啲雖然人唔算10分多亦都冇話全院滿座但係佢哋都係出嘢出得好慢唔知係隻豬未劏好抑或係乜嘢原因。但佢嗰度嘅主管我都見佢好盡力咁樣追逐廚房快啲整我相信問題係出你廚房

由於住在附近，所以常常光顧。蔥油豬扒飯是最愛！周末經常早中晚都在這裏吃！服務態度特別好！阿叔人好心善，手腳麻利！凍奶茶是我在城裏吃的最好吃的奶茶！原盅凍奶茶！茶味香濃！

上一次有試敏華的午餐，為的是一嘗他們的暗然銷魂飯，感覺很有港式味道，無奈不小心刪掉了所有照片，未能做個介紹。今次專程來試一個下午茶，賣相確是不錯，蛋撻樣子精緻，而味道卻未有感到驚喜。鹹牛肉蛋治有點乾，未有合個人口味。事實上上次有嚐到他們的奶茶，還有常餐的沙嗲牛肉公仔麵，整體味道偏甜，吃完會感到有點濟。勝在裝潢挺新正，服務態度就有些侍應挺好的，有些或可能太累了吧。

Working near Hunghom today, therefore had a lunch at Men Wah Bing Teng, which was surprisingly tasty!When I looked at the menu, the first thing caught my eye was the sizzling plate combo, with the choice of sirloin steak, chicken breast and lobster & beef fillet.I picked the chicken breast with garlic sauce, and maybe it is at afternoon time, the kitchen seemed not ready for serving sizzling plate yet, and the food took around 25 minutes to arrive. However when it arrived, the steaming hot plate

呢間餐廳我已經幫襯過幾次，見佢食物水準穩定，決定幫佢寫篇食評。份早餐嘅多士又軟又脆，炒蛋嫩滑，奶茶好香，不過腸仔好普通，下次會考慮其他選擇。今次我留意到有兩個問題，希望俾餐廳參考一下：一丶我見廚房出餐後，放咗一段時間先有人去送，有好幾個侍應經過，佢地選擇做其他嘢都唔送餐。大家都知，啲多士同公仔麵一放得耐就唔好食，但我今朝見積成四至五份先有人行過去攞。二丶早餐選擇俾其他茶餐廳少，如果你唔想食麵，基本上得火腿或腸仔揀，唔好話牛扒，連餐肉都冇。如果你唔介意種類少，呢間餐室值得一試。

大大隻字寫著黯然銷魂飯，如此令香港人有共鳴😂只是名字已令人很想一吃加上description 令人覺得來到不一嘗此飯的話，實在是對不起自己😂這個飯配有蜜汁叉燒和半熟溏心煎蛋。朋友order 同一樣的，但全熟蛋，居然比我order default 咗係半熟蛋嘅快十分鐘。細想之下，我們覺得半熟蛋有可能是即order 即煮的。本來煎蛋🍳半熟就已經好正加上叉燒肥瘦適中又均勻，不會瘦肉過多或過少。外皮燒得有少少燶，但可接受。剛下去時覺得配上的醬汁好好味，但吃多了即覺得醬汁濃了點和有點甜所以會覺得膩。

早餐係去到12點呀！ 12點！12點！ 重要嘢要講三次。第一次見有餐廳嘅早餐係去到12點咁遲，真係可以早餐當午餐食。 敏華冰室港九新界都有，之前朋友就推介炒滑蛋同黯然銷魂飯。趁抓著早餐嘅尾巴，就叫餐廳推介嘅沙茶牛肉公仔麵，配炒蛋、歐式軟多士，同埋熱飲。沙茶牛做得嘅好，冇咩雪肉味，沙嗲夠濃，配公仔麵正！連我隔離嘅朋友都話好香（可能係因為麻油味）。牛肉分量都有5-6片，唔會太薄。炒滑蛋分量比一般茶餐廳足料，質素都一流。食落仲有好多蛋汁。烘底嘅多士點d蛋汁食更好味。簡單普通但好味嘅一餐。

「敏華冰廳」呢間鋪最近成日出現係我行街既地方，亦見到門外排隊等外賣既情況。難得呢間新開而且唔太多人，會一會敏華門口有個電子顯示屏 - 會show 幾時出新鮮蛋撻入面裝修都有一點點以前茶餐廳既風味例如餐牌 、 卡位 位置頗為闊落，坐得都舒服餐牌大部分都係肉食 佢另外有沙律 $16 常餐 - 食左沙茶牛肉公仔麵 配 炒滑蛋雙腸法式軟多士沙茶牛肉好林 薄片 係我整個餐最喜歡的其次喜歡是係炒滑蛋 留意反原來早餐都有 沙茶牛肉公仔麵配炒滑蛋同多士 （只是無左腸仔） 早餐會供應到中午十二點， 會抵食好多呢！

見到新開的「敏華冰廳」終於在置富都會開幕了，聽過不少人讚這間冰廳的叉燒飯、菠蘿包，於是早幾天就去同朋友試試。大概中午12點到達敏華門外，有大概7-8人在排隊，等了大概5分鐘就可以安排入座，因為早餐吃得太飽，不想吃叉燒飯，就點了一個公仔麵餐，五香肉丁公仔麵+雙腸炒蛋多士+茶走。上菜頗快，大概10分鐘就有雙腸炒蛋多士上枱，炒蛋味道不錯，雙腸不好吃，味道是非常便宜的香腸。多士沒有驚喜。五香肉丁公仔麵，味道非常普通。茶走，上枱時，已落了淡奶，另外有一小杯的鍊奶讓我自己加，但這杯茶走不好喝，茶底不好，滿失望。整體這間敏華冰廳不覺有什麼特別，不值得被推薦。

行開「置富都會」知道開左間「敏華冰廳」，平時見其他地方既「敏華冰廳」咁多人排隊，一直都無咩機會食，今晚見呢間唔使排隊，就去食下先～睇餐牌見到「敏華黯然銷魂飯」應該係招牌，一於叫一個黎食，厚切叉燒多汁味濃，厚切食起上黎更過癮，配埋流心蛋，啲蛋汁撈埋醬油、蔥油用黎送飯一流！「蔥油豬扒煎雙蛋飯」，超大塊豬扒，而且啲肉係嫩滑，易切易入口，同樣係流心蛋，juicy~~估唔到茶餐廳都有咁既質素～呢度既凍奶茶係無冰既，茶味更香濃！