敏華冰廳 (V Walk)

营业中

休息中

見新開張，於是幫襯下，其他地方食過唔差今次，唉 極度失望😞出餐慢都算嗌左兩個餐一個煎蛋免治牛肉飯 加 凍鴛鴦走甜一個沙茶牛肉米粉 加 凍奶茶少甜簡單一個煎蛋免治牛飯 出錯左意粉俾我叫姐姐換返都等左3個幾字，仲要吹幾次先有一杯凍奶茶少甜 同 一杯凍鴛鴦走甜兩杯都糖水黎 鴛鴦換黎換去都係奶茶仲話沖定左喎，無走甜呢樣野，但落單就有走甜，咩道理🤨原來發現水吧個沖飲品既係一位菲律賓姐姐，佢識唔識沖都成問題總括而言 野飲太甜 飯餐太咸以後唔幫襯 可一不可再 失望

今日星期二，又去V Walk 搵食～～見到平日長龍人氣店「敏華冰廳」不用排隊，仲有個Cart 位，所以二話不說就衝佐入去第一次食，一定要試下佢地首本名菜「黯然銷魂飯」（叉燒蛋飯）雖然根據「商品說明條例」，個樣同張相又真係有所落差⋯⋯⋯但味道真係幾同食叉燒好軟滑、一咬即溶；煎蛋雖賣相一般、但煎得很香、流心蛋汁流到飯中，加上香甜的豉油汁、軟熟香糯的金鳯白飯，又真係配合得不錯。另外點了一個「蔥油豬扒飯」洗唔洗咁抵食呀!! 塊豬扒手版咁大豬扒好軟熟, 好juicy, 配上蔥油, 好好味流心煎蛋好香好JUICY我要求多些, 立即不吝嗇咁俾佐成碟仔我!!以上食物包熱飲, 凍飲加$3.0要試下間茶餐廳飲品好唔好飲, 一定要試下佢地個凍檸茶檸檬不吝嗇; 茶味都幾香, 不錯!!凍奶茶這個不過不失啦!!食食下, 聽到叫咪話有一於叫個試試!!不過可能期望太大, 又覺得普普通通, 撻皮不是太脆; 蛋槳又甜佐D。最後埋單, HK$137 價錢合理。總結:食物- OK 都有水準環境- 比一般茶餐廳乾淨企理服務 - 我覺得佢地好有禮貌, 好helpful價錢 - 比一般茶餐廳貴少少少, 但都算合理。

呢幾年因為成日都要出Trip , 所以多咗食國外唔同嘅美食，但講到每次離開香港最令我懷念嘅，始終都係微小但卻偉大嘅香港本土食物。沙嗲牛麵、厚多士同熱奶茶呢個組合，絕對係幾十年嚟不變嘅黃金搭配。作為香港人，無論食幾多次都唔會厭，因為冰室同茶記嘢食，係屬於我哋嘅集體回憶。講番呢間敏華冰廳先，由之前佢仲叫“文華冰室”嗰陣，我已經係忠實fans，就算改咗名又開咗咁多間分店，食物質素依然保持一貫嘅高水準，沙嗲牛麵香濃入味、牛肉新鮮嫩滑，厚多士烘得啱啱好、香脆可口，而多士表面淨低嘅餘溫，就令冰凍嘅牛油融化得恰到好處，令幼滑柔和嘅牛油觸感喺厚多士表面得到一種默契級嘅配合同提升，喺脆同軟、熱同冷之間，我已經被感動到無法言語。最後，唔可以唔提佢杯奶茶。茶香飽滿、奶味細滑、一口入魂、百轉千回。一路都覺得港式奶茶就係香港嘅文化符號，奶茶用料雖然簡單，都不過係紅茶同淡奶，而口感上醇厚絲滑的奧妙，就在於撞茶呢道工序。撞茶，講到底就係茶同水嘅撞擊，至於要撞擊幾多次先可以得到最順滑嘅質地，就有賴經驗豐富嘅師傅喇，而呢種唔怕苦、唔怕錯嘅精神，正正就係香港人最可貴嘅精彩財富。香港加油，香港人加油。

每次行過商場都會見到好多人排隊的敏華餐廳，今日決定一朝早走過去食早餐，以確保不用排隊，天不負有心人，第二組人我已經能夠入去。😁雖然早餐選擇比較少，但估唔到質素真係咁高。我叫咗最受歡迎嘅沙嗲牛肉麵，加炒蛋多士、熱奶茶啦！餐廳雖然有點小，但勝在氣氛一流，點解我會咁講呢！因為食食吓嘅時候，竟然突然之間播放即將會有新鮮蛋撻出爐，感覺好好笑😂。都係講返食物質素，完全估唔到沙嗲牛肉湯底可以咁好味，感覺就像食沙嗲汁一樣，炒蛋多士同樣出色，熱奶茶滑溜，只係感覺細杯左少少。一個豐富的早餐，為全日美好的生活加油💪🏻

今日下午3點幾去幫襯，十個樓面，叫左四五次都唔落單，當時是非繁忙時間。得個高級待應1個做，其他啲啊姐係到遊黎遊去都唔知做乜。其次叫左個 沙嗲牛肉面，跟餐上的炒蛋，老，油又多，同葵芳間差太多。 希望見到我的留意的老闆改善下。

V walk在上個星期五開幕。開幕的第二日我和朋友到了敏華冰廳食早餐。聽說敏華冰廳的其他分店好多人排隊，所以約了朋友早一點。 早上八點半這裏還未有人排隊。餐廳鋪面比較細，座位不多， 而且很迫。早餐的款式不算多， 只有平常幾款，價錢不算平。首先試炒蛋多士餐 ($29)。炒蛋都算滑，而且蛋味很重。 多士普通，微脆。沙茶牛肉麵配炒蛋多士 ($36)。沙茶牛肉跟沙爹牛肉很相似，只是少了花生醬。 沙茶濃郁和香口，牛肉也算腍。炒蛋多士跟上面的大小和味道一樣。奶茶比較苦澀，奶多一點較好。同場加映，酥皮蛋撻 ($7/一個，$13/兩個)餐廳了一個電子屏幕， 屏幕會顯示蛋撻或麵包的出爐時間， 蛋撻出爐時還會有廣播。 因為聽到有蛋撻出爐的廣播，所以點了兩個蛋撻試試。酥皮可算鬆化，但不太多分層， 蛋撻的蛋漿蛋味很重。勝在新鮮熱辣辣。食完早餐大約九點半，門口已經有人排隊。 要食早餐要早一點到。總結食物不過不失，坐位不算舒適， 未試過都可以一試。