敏華冰廳 (德福廣場1期)

营业中

休息中

幫襯左文華多年，文華變敏華，無論個名點似花幾多錢買個招牌番黎都好，文華似終係文華，敏華點做都唔似！食茶仔係食人情味，一間餐廳可以連餐廳副經理的態度都非常惡劣，現今所謂大型的飲食集團怎樣培訓員工？！當禮貌地向副經理反映不滿時，這名副經理突然大聲叫我們隨便投訴，還將帶有扣針的名牌大力擲向我們枱上，傷了客人怎麼辦？還叫我們拍下她的名字，其他客人亦為之側目！身為服務性行業的員工，自己怎樣不滿的情緒絕不應發洩在顧客身上！作為餐廳的副經理，亦是其他侍應生的上司，就算幾up dup既餐廳一般員工都唔會咁既態度！

難得準時收工，諗坐出去行吓街買件飲衫留待星期五公司event用，點知facial姐打嚟，話好耐無見我，溫馨提示我係時間要嚟維入吓😄 見時間尚早，就答應佢啦，點知佢要我6:30先開始😪 仲有成粒鐘，唯有去搵間餐廳坐吓Kill time啦！平時每次都見 #敏華冰廳 成條人龍喺門口等位，今日可能早咗，大家都未放工，我好快就有位。哈 真係好，早到鳥兒可以叫 #下午茶餐 🤣 #五香肉丁麵 配 #炒蛋厚多士，+$3仲有杯 #冰鎮咖啡，確係唔錯嘅配搭。麵質夠爽，咖啡都好夠濃郁... 唔錯喎！

下午有時間到了這間求室吃個下午茶☕️，輕鬆一下。冰室5時多已接近滿座，相當旺場，一般茶餐廳環境。點了一客脆皮雞翼茶餐（$34），雞翼非常脆，應該是即炸，香味十足！配上一杯港式咖啡☕️，不錯。

經過德福成日都見到依間茶餐廳好多人排隊，就試吓佢最出名係依個暗然銷魂餐。即係叉燒飯，個賣點係有流心雞蛋，叉燒應該係豬頸肉，好大碗。可以兩個女仔share佢仲有現場即整新鮮麵包，唔怪得知朝早咁多人排隊買。試咗佢個脆皮叉燒包👍🏻佢飲品都有好多款，eg 檸樂煲姜，滾2水蛋，忌廉溝鮮奶

天天早上經過這間茶餐廳，都見很多人在等位吃早餐，一直以來真不明白所以。今日下班晚了，老婆大人說不如來看看，如少人一點也想到來光顧，探究一下有什麼吸引。其實佢太愛吃了，好奇心發作，知我怕等位，借意撒嬌而已，我心裡就是知道逃不掉。晚飯時段，餐牌大大張圖片"黯然銷魂飯" ，那些年電影曾經出現過的名字，其實是义燒煎蛋飯，我當然不能錯過啦！雖然沒有那股傷感的感覺，認真的，整體又確實好吃，除咗流心蛋蛋汁配飯我很喜歡，它的义燒燒得很香，入口燶邊香口，肉汁豐富。怪不得連晚肆都要等位啦！都值得的。

You go out to eat to have a good time and chill. Not always the case when you have to fuss over the food quality and cleaning everything.I would not go to a HK style tea house expecting extraordinary service but please do the basic!!Taste 👍🏻👍🏻👍🏻Tried their feature, the deeply grieved rice, which is basically bbq pork and pan fried egg. It was not particularly enjoyable as there were tones of egg shells crumbles... the bbq pork was tendre but not much taste. Cleanliness 👍🏻👍🏻I don’t even want to s

本來想去池記，點知摺左，之前嚟德褔都見過呢間中檔茶記，今晚就試下。港鐵商場入面，預左唔平。一個常餐：沙爹牛麵，雙腸炒蛋厚多士，熱飲52, 凍飲$55, 超貴！雙腸可以，炒蛋都滑，多士麻麻地想食（呢個個人口味問題）。然後到個麵：個麵正常，軟硬度適中，讚！但個湯偏鹹，啲牛肉，係勁勁勁勁勁鹹！到凍檸茶，飲落好淡口，但幾秒後感覺好清新，一共有四片半檸檬添，杯茶不俗！不過下次唔會專登再嚟了，因為總體唔算係好食，要食寧願行遠啲去龍城，感覺無咁掠水。

年初四開工，同同事簡單食開年午飯，難得公司好清閒，初四另收加一服務費，排隊都要食。等咗15分鐘終於有位，同事極力推界黯然銷魂飯，話叉燒無得頂，另叫咗厚豬扒煎蛋飯(因為過年食雞食到好厭)。叉燒果然無得頂厚切好juicy肉質好嫩又滑，小小肥但好香好正，煎雙蛋又係我童年最愛，整穿半熟蛋黃撈飯食一流，飯都熱既，但叉燒得4塊，如果多2塊就好啦，汁都適中。豬扒果然厚切，配葱油食還可以，始終無叉燒咁正，飯份量好多，食剩咗啲。

每次返黎香港，都會搵一日早啲起身，食返個靚靚早餐🤪好在係平日，避免打蛇餅，唔洗等到花兒也謝了都無🉐️食😂😂😂 一個人等位，永遠都最快，等左5分鐘就有位坐😋😋忌廉雞湯火腿米粉拼炒蛋牛油厚多士，野食好快就有得食啦，炒蛋好滑呀😋😋😋個雞湯夠濃郁，先飲左幾啖湯，再吃米粉，好正👍👍👍 食埋件多士，最後飲杯熱奶茶，嘩....杯奶茶真係好掂，夠滑，清香的茶味，重點係唔會有澀味💯份量剛剛好☺️最後仲買左2個菠蘿包俾屋企人食😌😌我無食，所以唔知咩味，不過好多人排隊買，肯定好好食啦😄每次坐係餐廳食早餐，餐廳都會播放《菠蘿包仲有__分鐘就出爐啦》😂😂😂😂搞笑🤪🤪😂😂😂

叫左個叉燒包同炒蛋腸仔配厚多士. 加埋先$30. 都叫好抵食.叉燒包係雪山叉燒包. 熱辣辣, 個皮好脆，好甜. 以雪山叉燒包黎講的確唔錯. 叉燒都真材實料, 唔會話好肥, 汁又唔會話太多. 都叫做有驚喜. (不過個人始終都係鐘意食傳統蒸既叉燒包. 我覺得雪山叉燒包個皮太甜)炒蛋的確好滑. 不過我個人覺得雞蛋味唔夠濃. 如果係合埋眼食, 應該會食唔出係炒蛋黎. 方包就香口鬆軟. 同樣熱辣辣。上菜好快. 服務都ok. 仲要$30 only. 值得再去.

今午行開德福廣場要醫醫肚仔,見到依間人山人海。初時以為等緊(出爐面包),但原來食晏一樣要等;最終係兩條人龍攪埋一齊啫唸住膽粗粗行入去試試喇,兩人位要等十分鐘左右有位。入內被安排坐一個四人座位靠走道嘅同一邊,對面有一對長者夫婦。其實係俾門口大大個promotion board嘅標題"黯然消魂飯"所吸引嘅果然見有唔少檯食客都係食緊"叉燒煎蛋飯"對面亞伯就話依度最出名就係叉燒喎聽佢講叫咗黯然消魂飯餐同埋餐肉煎蛋飯餐,兩者相差$14。餐肉嘅用料都唔錯,厚厚嘅;飯底都OK好食。不過唔算有特別過人之處。黯然消魂飯就真係唔同喇,正如亞伯所講佢哋嘅自家叉燒有大大舊嘅四舊。屬於梅頭果隻,好腍好夠豉味。顏色外表相當吸引,唔會死乾身死橙紅色咁樣入口之後除咗肉香仲有豉味,蜜糖味,油脂。雙蛋煎得啱啱好,唔乾身。蛋亦屬於靚蛋,蛋汁好夠蛋香整體水準好高。餐卓都有少少新意餐茶試咗咖啡同奶茶。個人口味覺得咖啡比較濃厚帶一點點苦味,not my cup of coffee ☕比較喜歡奶香,所以佢嘅奶茶交到貨。熱騰騰,同樣茶味濃過快餐店好多。怪不得門口人龍打晒蛇餅,有廿幾人等位喇。希望下次嚟食,少啲啲人等位喇

今早约左同事係九龍湾傾些工作事情，見到麥記無乜人，於是入去揾張枱坐下，因已食了早餐，所以大家祇買了杯咖啡。我們不經不覺傾左好一會，同事要先走返公司。當我行出商場，見到己到午飯時間，刚啱行到文華冰室，雖然是中午十二點，但己有十幾人排隊。因我一個人，祇排幾分鐘就有一位入座。黯然銷魂飯(义燒蛋飯) 三件厚切义燒，肉質好軟滑，肥瘦適中，好有咬口，三件义燒份量十足。這三件义燒肯定比一般燒臘店正好多，加上厚切，食落更豐滿。荷包蛋半熟，食落好流心。大家中意食义燒一定耍去試下。

星期六早左返工 見到文華冇咩人排隊 即刻去食下個早餐先 話說平時見到文華都肯定大排長龍早餐時間都要起碼等20分鐘先入到去今日見到冇乜人 就決定入去試下坐低左 都係叫個沙爹牛麵跟多士炒蛋個麵唔使2分鐘就已經到咗 一啖咬落去就知出事 個面好硬 好似未整熟咁樣 個沙嗲牛肉亦都食到有少少粉漿嘅感覺沙嗲味都算出 有濃濃嘅花生味但整體來講唔好食之後等左成15分鐘個炒蛋同多士先上雖然個麵唔好食 但個炒蛋真係非常之滑同有蛋香味 多士焗得啱啱好 外脆內軟整體感覺都係中規中矩 但唔值得排成十幾20分鐘入嚟食 如果有時間 我寧願食翠華算

朋友最近需要搵人傾訴所以約左我去食早餐..但其實約成11:30都應該冇早餐食友人話想試文華~一於就陪下佢啦11:00去到經已排哂隊..心諗係咪真係咁好食啊等緊期間, 一盤熱辣辣嘅菠蘿包新鮮出爐老實說~係幾香嘅令我突然有啲期待叫左個A2同A3常餐我要叉燒湯意粉..個湯底看似好濃..但飲唔出有咩味道..亦唔覺得啲叉燒特別好食朋友話佢個沙嗲牛都係一般雙腸炒蛋厚多士說好的雙腸呢？問左職員原來番唔到貨..個蛋係炒得好滑嘅杯奶茶..朋友話茶味唔濃又唔夠滑..其實呢個價錢有好多選擇..如果唔係朋友話想試..真心唔會想去尤其係要排隊的話

呢間冰室初初開嘅時候長期排隊，仲要係好多同胞拖住喼慕名而黎，應該係內地blogger推介！ 好彩而家耐咗算少啲人，平日晚飯時間黎都算快有位！兩個人黎，搭枱是常識吧？！ 對比平時食開果啲茶記，餐牌上唔算多選擇，雖然佢地推介黯然銷魂飯(即叉燒煎蛋飯), 但我地都係叫咗茶記常見嘅野食，分別係厚切餐肉煎蛋飯同埋沙嗲牛肉麵拼雙腸炒蛋牛油厚多士。兩個都係有得跟飲品嘅餐！沙嗲牛肉麵個麵底幾好，雖然唔係一丁，但係都夠彈牙煙韌，唔似平價劣質貨！牛肉份量都算合理，而且都夠味，亦唔會話太鹹。至於餐蛋飯係合格嘅，好難唔好味，但就唔可以話抵食囉。。。 佢地標榜係厚切嘅午餐肉，但如果同hungrypig之前食過嘅某連鎖茶記就有啲比下去喇。。。 但整體上係