撈得喜火鍋冰室

营业中

休息中

一入到去已經香到流曬口水🤤 今次主攻佢哋嘅正宗麻辣雞煲！辣勁十足但又唔會燶喉，雞肉滑到好似要跌出嚟咁，醬汁濃郁得嚟又帶住微微椒香，配菜嘅土豆、藕片吸滿晒麻辣湯汁，越煮越惹味，食到停唔到口！最正係佢哋嘅自助火鍋區！肥牛卷肥瘦均勻，一涮就熟；豬肉片鮮嫩多汁；大蝦又大隻又彈牙🦐 仲有好多款台式肉丸，爆汁魚蛋、芝心包樣樣齊！飲品區嘅手調玫瑰荔枝茶真係解膩神器，冰冰涼涼配火鍋一流！隱藏彩蛋🧐 除咗雞煲同火鍋，佢哋嘅烤魚都好正！唔食得辣嘅朋友仔都唔使擔心，番茄鍋同清湯鍋都好有心思～趁依家唔使排好耐隊，快啲約埋班friend去開餐！夏天打邊爐先夠過癮，食到成身汗再飲啖凍飲 好鬼正

呢日去完元朗市中心，夜晚朋友揀咗撈得喜火鍋冰室，想食烤魚同火鍋，平民價錢，而且火鍋仲係任飲任食兩小時，7點前-9點後入座，成人$188-$208/位，小童$128-$148/位，仲有好多窩底選擇，認真抵食。蕃茄味烤魚揀咗蕃茄味烤魚，所有烤魚選用鮮活海鱸魚，條魚都幾大條，魚皮煎至金黃香脆，鱸魚冇咁多細骨，肉質細膩，鮮嫩多汁，味道鮮美，魚肉肥美肉厚，一啲都唔腥，食起嚟脆脆的，好香口，仲有鮮爽嘅蕃茄，加上湯底清甜，鮮味十足，必食推介。火鍋湯底剛剛食完蕃茄烤魚，就要左個清湯底(不用收費)，味道清甜。另外有多款火鍋湯揀(加 $)。任食火鍋自助區嘅火鍋配料有好多選擇，肥牛、雞肉、涼拌小食、豆製品、菇菌、丸類、蔬菜等，仲有生蠔、鮮蝦、魷魚、蜆、雞蛋、粉麵、調味料等等，仲有款式多元化，樣樣都好新鮮，食物高質，價錢親民。飲品方面，有特色嘅水果茶、涼茶、汽水、啤酒等  ;  而甜品有喜歡嘅雪糕、布丁、啫喱等，好味道。

朋友話近朗屏有間佢哋成日去食午飯，好抵食嘅呢晚我哋嚟試吓佢嘅晚市，原來更精彩係食烤魚或雞煲+自助火鍋。黃金時間七至九點都係二百幾蚊一位，幾抵食。每款鍋底都有佢特色，而且味道濃郁，做火鍋底夠晒味，連醬汁都唔使點。我哋揀咗蕃茄烤魚魚肉厚，仲起埋肉，唔使怕細魚骨，蕃茄味濃厚，而且好多配菜所以味道好豐富。任食區都有驚喜，因為有肉片揀仲有海鮮，亦都有鯪魚肉有包心丸飲品區特別推介竹蔗茅根，超級配火鍋。嘩仲有雪糕食，超值啊。店內姐姐服務仲好好架！

呢間撈得喜火鍋冰室都幾大，好多位，座位都舒服，冷氣又夠，唔怕熱。我哋叫左個BB辣既秘製麻辣雞煲，侍應送上雞煲後，煲3分鐘就可以食。打開蓋，即刻聞到好香，上面有大量芫荽同芹菜，撈勻佢，個雞煲就可以食啦。雞煲入面嘅雞大大件，好有肉，最重要嘅係啲雞好滑好嫩，完全唔柴，加埋佢秘製嘅湯汁，好惹味！食完個雞煲都已經有八成飽，個雞煲勁足料。自助區入面有好多選擇，有豬肉、肥牛、蝦、牛柏葉等唔同嘅海鮮同肉類。當然亦有唔少丸、芝士腸，同豆類製品同蔬菜，有豆腐、豆卜、菇等，好多野食，如要驚唔夠飽，仲有烏冬同公仔麵，一定食得飽。佢哋仲有小食，甜品，同埋自家製既水果茶同泡茶，真係幾正！兩小時任飲任食雞煲加火鍋，真係食到好飽，佢仲有好多唔同既湯底，例如椰子雞、胡椒豬肚雞可以揀，或者揀烤魚都得，總有一款岩食。

與朋友一起享用晚餐時，我們選擇了一家提供豐富火鍋選擇的餐廳。鍋底種類多樣，包括麻辣雞煲、酸菜魚、以及清新甜美的椰子雞，每一款都風味十足，超好食。食材方面更是驚喜連連，海蝦、蜆、八爪魚仔、丸類和多項蔬菜選擇。飲品選擇同樣多樣化，啤酒、茶及可樂一應俱全，滿足不同喜好的需求。最值得讚賞的是湯底濃郁，唔需要額外加醬汁都好夠味，我鍾意最後加入烏冬，可以吸收湯底的精華後，濃郁的味道令人回味無窮。整體而言，這次聚餐既滿足了味蕾，也增添了與朋友互動的歡愉氛圍。推薦給愛火鍋的人一試！ 😊

之前屋企人幫襯開所以介紹左呢間比我地搞生日聚會,由於我地數有16人後加左個小朋友共17人,一開始都擔心座位會被安排坐到天各一方,所以我remake咗希望可以盡量安排我哋坐埋一堆,老闆娘超好人,將我地安排晒一堆坐,大家傾得盡興👏🏻👏🏻👏🏻當天舖頭提早打比我幫我確認我地8個煲要雞煲/烤魚/椰子雞煲既數量幫我地預前準備,我地一到場就可以準備開吃,店員見我拎住蛋糕主動埋黎幫我冷藏,配料選擇唔算多,但基本肉類素類麵食都有,特別一提係佢地既蝦,肉質爽脆,我地食左好多😋3款煲我地都有叫,好食👍🏻食夠仲有足夠既湯比我地添加打邊爐食到夠,果汁茶類啤酒任飲,佢地啲檸茶好岩我飲,淡淡地但好解渴,其實齋食鍋都好夠飽肚,所以配料款式基本野足夠已經好滿足👍🏻地方夠晒光猛,冷氣夠,坐得舒服,傾得盡興,食得開心,最後切埋蛋糕我地就散水,有下場既人就繼續去玩,到第2日都介紹左呢間店舖比朋友叫佢地去試下👍🏻

呢間我之前都食過一次，今次係元朗收工就特然想食翻呢間餐廳，可以食我最愛既雞煲，之後仲可以打咪邊爐🍲超抵食，呢度出面同入面都有台比我地揀，上菜速度都好快🌟麻辣雞煲我揀左少麻少辣，一炒熱左之後係香氣撲鼻，有半隻雞，d肉係整到勁入味🐓d雞肉又香又嫩，再加上有少少辣同麻，真係好惹味🌟火鍋我地食完既雞煲湯汁加上高湯就可以變成一個邊爐湯底，煮完既野都有好重既雞煲香味🌟海鮮有海蝦🦐蜆，墨魚，蠔🦪d海鮮全部都好新鮮，店鋪仲不停增加，驚我地吾夠食，食落去係好鮮甜，蜆又無沙，好彈牙可口🌟肉類有2種吾同既牛肉🥩雪花分配岩岩好，食落去係比較juicy，索食湯汁真係一流🌟配菜有炸芋頭，豆卜，蟹柳，午餐肉等，呢d都係打邊爐必不可少既配菜🌟蔬菜有生菜🥬娃娃菜，油麥菜，粟米，打完邊爐就一定要黎上d蔬菜去清下腸胃🌟飲品有自制嘅鮮果茶，烏龍茶同啤酒

今次同朋友去咗元朗嘅「撈得喜火鍋冰室」，去完朋友屋企行過去好近，而且價錢親民，網上評價都唔錯。入到去第一印象都唔錯，餐廳環境乾淨企理，座位闊落，坐得舒服，店員都好熱情咁招呼我地。我地叫左一個雞煲可以再任食火鍋嘅餐。個雞煲一黎到已經勁香，店員好貼心咁提我地要煮多3分鐘，然後熄火再焗一分鐘就食得。我地唔係好食得辣所以就叫左bb辣加bb麻。每件雞既厚度大細都啱啱好，雞件亦都好入味。食完雞煲就開始打邊爐了。火鍋配料選擇都幾多，牛肉、豬肉、丸類、蔬菜，應有盡有，最開心係連海鮮都有呀，例如蝦，蜆，墨魚仔都有。除咗火鍋配料，佢哋嘅飲品都唔錯。我特別推介佢哋嘅自製嘅水果茶，真係有新鮮水果係入面，解渴又解膩，我飲左兩大杯！最後食埋雪糕，有好多款味可以揀，最出色係紅豆味，好濃郁而定有粒粒紅豆，勁有咬口！總括而言，「撈得喜火鍋冰室」嘅性價比高，食物質素好，服務態度亦都唔錯，絕對係同朋友聚餐嘅好選擇！見其他枱叫烤魚都好正咁，下次再嚟試！

撈得喜火鍋冰室：元朗任食雞煲火鍋大滿足喺元朗呢個美食天堂，想搵個地方同朋友邊食邊傾，仲要食到飽飽？咁你就一定要嚟試吓「撈得喜火鍋冰室」！呢度主打兩小時任飲任食，最正嘅係佢哋嘅麻辣雞煲，仲有椰子雞煲同唔同味道嘅烤魚選擇，真係食到停唔到口！😋 今次就同大家分享吓我嘅食評，等你知道有咩必食！ 🍗 麻辣雞煲：香辣過癮，雞肉嫩滑 首先一定要講吓佢哋嘅招牌麻辣雞煲！一上枱已經聞到陣陣香辣味，雞肉煮得啱啱好，嫩滑得嚟又入味，辣度可以自己揀，啱晒鍾意刺激嘅朋友！🌶️ 食完雞煲之後，仲可以加湯打邊爐，真係一煲兩食，抵到爛！🥥 椰子雞煲：清甜滋潤，養生之選 如果唔係好食得辣，咁椰子雞煲就係你嘅最佳選擇！湯底用咗新鮮椰子水，清甜得嚟又滋潤，雞肉吸收晒湯汁精華，食落鮮嫩多汁，啱晒想養生嘅朋友！🥥🍗🐟 烤魚：多款口味，魚肉鮮美 除咗雞煲，佢哋仲有唔同味道嘅烤魚，例如香辣、酸菜、蒜香等等，魚肉鮮美又唔腥，啖啖肉，鍾意食魚嘅朋友一定唔可以錯過！🐟🔥🍲 打邊爐配料：款式多，質素高 食完雞煲或者烤魚，就可以開始打邊爐啦！佢哋嘅配料款式多到眼花撩亂，以下係我嘅心水推介：- **肥牛**：肉質鮮嫩，油脂分布均勻，輕輕

今晚天氣突然凍咗好多，好想打邊爐食雞煲，朋友介紹去咗呢間任食雞煲烤魚火鍋，去到都要等位，坐滿晒人，最後等咗差唔多半個鐘😁😋點咗招牌惹味麻辣雞煲，本身都食得辣，所以揀咗中辣小麻，點知原來真係好辣😆😝下次小辣已經OK，重點想講雞煲個汁好惹味，每一件雞都掛住好香濃嘅麻辣汁，味道好好，啲雞又好滑，好新鮮，完全唔似任食嘅質素。自助配料方面，好多選擇，每樣嘢都好新鮮，雖然好多人，但係配料區長期都不停添加食物，重點有新鮮嘅九節蝦，仲有鮮甜嘅沙白，每一粒都好新鮮，嘢飲都係任攞，食飽飽仲可以食埋雪糕，呢個價錢，食到咁好質素嘅雞煲，必定要推介俾大家試試朋友見到隔籬枱嘅烤魚，炸到脆卜卜，話下次要再嚟試過🤭😋😋

已經不是第一次幫襯，因為真係好抵😱打邊爐之前可以選雞煲/烤魚/火鍋湯底，款式選擇多。今次想清清地打一個椰子雞煲，水滾先放雞計時，湯好甜，飲左幾碗，雞好有咬口👍🏻👍🏻前菜有涼拌木耳和爽脆魚皮，也有響鈴和炸魚皮打邊爐吃😍食物選擇都唔少，除了有肥牛片、豚肉片、鮮牛、各式蔬菜外，海鮮也有波波蜆、蝦和蠔，是我至愛的海鮮，質素不錯😊飲品也有好多選擇，有盒裝飲品、罐裝飲品、啤酒，我通常會揀餐廳自製的水果茶。雪櫃裏面也有冰涼粉、涼粉和布甸。另有維記雪糕櫃🍦7:00前離座$188，9:00前$208，食足兩個鐘，淨一個烤魚/雞煲都差不多價錢啦👍🏻另外服務亦不錯👍🏻

唔駛200蚊食2小時雞煲/烤魚+任食火鍋？正！同朋友搵到間性價比高的雞煲/烤魚+火鍋，2小時內可以大快朵頤，真係好開心！呢間餐廳分左3個時段，分別係7:00前離座（$188/成人）、7:00-9:00（$208/成人）同埋9:00後入座（$188/成人），果日去都坐滿食客，十分熱鬧。今次食左個走辣雞煲，雞件鮮嫰肥美，之後就加湯繼續打邊爐，最欣賞係有海鮮任食，肥牛豚肉丸類響鈴雪糕飲品任飲，下次可以再約朋友去食。

同朋友好耐無食過雞煲口痕突然之間好想食，然後記起之前食過烤魚加邊爐既超抵既雞煲火鍋專門店，於是就去二訪試雞煲！晚市最貴時段成人都只係$208一位，已經可以食雞煲加打邊爐！半隻雞岩岩好2人份量既雞煲，而且有不同麻度、辣度可以選擇；而我地叫左中麻小辣，不過大家留意汁同湯底之後會愈煮愈濃，所以因應自己既味道選擇呀～ 香噴噴既雞煲，店員會教你要煮幾耐食得，一開蓋就已經好香，而且味道亦無失望，用餐廳秘製配方去煮d雞肉非常入味同惹味，而辣度亦岩岩好。同時肉質好嫩滑，連d配菜，蒜頭、洋蔥都非常好食！！大家記住加湯打邊爐之前可以用雞煲既味去煮牛肉、午餐肉，味道簡直一流！！！重口味朋友仔必試🤤食完雞煲之後就係打邊爐，餐廳有多款不同種類既食物任飲任食，連海鮮、牛肋條、肥牛及不同品牌的啤酒都係任飲任食，啱晒一班人邊食邊傾；食材都有質素，CP值非常之高～最後仲可以食多幾球雪糕先埋單走人🤰🏻

7pm前離座成人每位$188 (須+1)******************************🥢蒜香烤魚+火鍋任食兩小時任食！有大量蒜🥳烤魚用大大條海爐魚魚皮未浸之前係脆的😍冇乜細魚骨食得好方便🥳出面有好多火鍋配料可以拎有肉有海鮮有菜最驚喜係有蜆 大大粒 蜆肉飽滿🤤飲品有自家製, 汽水, 紙包茶, 啤酒雪糕係大大盒自己"but"嗰種相入面就黎吉哂嗰兜係紅豆雪糕✨好耐冇食過紅豆味 係回憶的味道🥳

每逢天氣凍，都好想去打邊爐🍲烤魚打邊爐好特別，所以今次去到元朗📍撈得喜火鍋冰室🫶🏻感覺好正👍🏻［食後感］📝1. 主菜：烤魚打邊爐✔️鮮味的鱸魚經過精心烤製，外皮酥脆、內裡鮮嫩。✔️健康番茄湯底，使用新鮮的番茄、洋蔥和雜菜熬製而成，湯底酸甜適中，既能提升魚的鮮味，還能增添清新的口感。2. 配菜：超過60款配菜✔️包括各式各樣的蔬菜，如時令蔬菜、豆腐、海鮮、肉類等，每位食客都能根據自己的喜好選擇。✔️蘑菇、青菜、玉米、紅蘿蔔、蝦、牛肉片等，既有健康的選擇，也有豐富的口感。3. 飲品：招牌特飲和啤酒✔️招牌特飲有水果茶、涼粉爽和馬蹄爽等，能夠為整個餐點增添風味。✔️啤酒方面，有多款選擇，包括本地和進口啤酒，適合搭配烤魚的味道。4. 甜品：多款甜品和雪糕✔️包括布丁、涼粉啫喱等。 ✔️雪糕方面，有多種口味供選擇，從經典的香草、巧克力到創新的抹茶、芒果，滿足不同食客的口味需求。這頓餐不僅在味道上多樣化，還兼顧了健康與美味，讓人吃得開心又不會感到負擔。值得推介👍🏻