撈得喜火鍋冰室

营业中

休息中

今日突然想食烤魚 就即興同朋友係元朗食撈得喜 這已經是我第三度回訪 因為它真的性價比很高 最貴時段都只是$198可任食2小時.之前試過惹味麻辣雞煲同椰子雞煲 今次就試下烤魚🐟 烤魚有幾款口味選擇 有剁椒、蕃茄、酸菜等 我們最後選了香辣味 而辣度都是可自選的烤魚上枱時很吸引 好大份同埋炸得金黃色好靚 可以容易夾到大舊魚肉 碎骨唔算多食完魚之後可以加湯打邊爐 基本的火鍋料都有 值得讚位是有蝦、蠔仔同蜆！個人應為同烤魚好夾 可以變了海鮮鍋😎 再加上有炸魚皮、響鈴等可以吸哂湯汁 飲品除咗一般紙包同罐裝飲品外 還有幾種牌子的罐裝啤酒任飲 真係岩哂打邊爐 最後食埋球雪糕就攬住個肚走喇.另外發現原來佢午餐都有火鍋餐 可以揾機會試下

今日入咗元朗探朋友，作為地膽嘅佢，推介左一間平靚正、專食雞煲烤魚火鍋嘅餐廳。晚上七點至九點，每人都係$198，食足2個鐘，全程冇人趕我地還枱👍麻辣雞煲採用秘製配方醬汁，加入咗好多香料，椒麻香撲鼻，辣得惹味，層次香濃。煮咗咁耐，雞肉仍然保持鮮嫩又juicy，難怪朋友話我一定會深深愛上!之後嚟到打邊爐環節，我同朋友去咗自助區毫不手軟咁夾。食到回本嘅當然係海鮮區：有大蝦、生蠔、大蜆、鮮魷。最快比人清晒係肉類，有牛肉、豬肉，店員都refill得幾快。丸類，我最鍾意手打鯪魚球，夠新鮮，打至起膠。其餘，仲有貢丸、墨魚丸、牛丸等，五花八門。蔬菜類都有不少選擇，我鍾意食爽口嘅蔬菜，例如萵筍、白蘿蔔、芽菜、冬瓜。朋友就鍾意食豆卜、風琴豆腐呢啲最吸湯嘅食材。中場休息就食小食，例如麻辣雲耳、炸響鈴、魚皮。飲品方面，飲啤酒，食雞煲，係基本吧。朋友要揸車，所以冇得飲酒精類，佢話水果茶和冷泡茶就岩晒佢，清涼解渴！

今日同朋友出嚟元朗掃街🍡朋友講起之前佢Friend推介一間任食火鍋都係喺呢度👍🏻重點仲要係勁平💕一於跟佢食下先😋幸好朋友一知道要食嘅時候即刻打咗電話嚟book枱👍🏻勁多人😵呢度除咗烤魚之外，仲有雞煲可以選擇‼️🌶麻辣雞煲選擇咗雞煲BB辣,仲加埋椒鹽蝦🦐都係加多$2️⃣8️⃣ 咋😆 椒鹽蝦整到脆卜卜,勁好食,而且份量都唔少㗎😍雞煲用秘製醬汁製成,醬汁滲透晒落啲雞件度, 愈食愈惹味💕而且雞嘅份量都好多，食落都好嫩滑㗎🥰食晒之後，就可以加湯打邊爐啦♨️自助區嘢食都唔算少,有大量蔬菜、丸類、肉類、海鮮等等選擇...海鮮最估唔到有生蠔🦪可以拎,仲有蜆同埋蝦🦐重點係任拎呀😱抵到喊🙈肉類就有雞肉、牛肉、豬肉選擇真係唔好講笑，呢度真係勁平🙈成人$200都唔使,仲有咁多樣嘢食😍飲品任飲💕食足2粒鐘最後食完野,唔好忘記食雪榚呀🍨

行開元朗想食火鍋，經過見到呢間冰室有烤魚加火鍋或者雞煲加火鍋覺得幾特別，平日七點前嚟座178一位幾抵食。店員推介食烤魚係舖頭嘅招牌菜，所以我揀咗酸菜味烤魚烤魚係炸魚好香口。 不愧為招牌菜，烤魚果然唔錯，炸得啱啱好，魚肉好嫩滑一啲都唔係鞋。仲可以出去自助飲拎火鍋配料，基本要有嘅火鍋配料都有齊，仲有蝦，啲蝦好大隻食落亦都好爽，真係唔係間間食到咁大隻嘅蝦。調料區仲有新鮮沙薑，唔係間間有，加埋一齊好好味。整體嚟講好滿意，估唔到隨意揀嘅一間火鍋有驚喜。

呢間位於元朗嘅雞煲火鍋好吸引！好多朋友介紹我去食，因為佢哋嘅海鮮係自己攞㗎～雞煲份量多，店員提我哋煮4分鐘就可以撈勻醬汁食，雞肉煮得啱啱好😍食完雞煲之後，可以加湯底變成火鍋～自助吧有唔同嘅肉類、海鮮同埋蔬菜可以攞，而且仲有自助飲品吧同埋多款雪糕俾大家揀！任食兩個鐘頭，餐廳入邊好乾淨好光猛！如果唔鍾意食雞煲，仲可以揀烤魚！🏠 撈得喜火鍋冰室 (元朗) @lao_de_xi 📍 元朗屏昌徑14-48號聯發樓地下9-10號舖

早個零禮拜即興約左朋友去左一間火鍋冰室到打邊爐+雞煲😘先食雞煲～啲雞好鮮味十足🥰入味均勻😎雞好嫩滑😙夠晒麻辣🥵正～推薦⭐️⭐️⭐️⭐️⭐️之後開始打邊爐🍲叫左個清湯湯底💫以自助形式去攞食物～有海鮮類、蔬菜類、菇類、丸類～種類繁多🙂而且係任食～食得好滿足😌飲品有汽水🥤茶類、都係任飲☺️一個價錢就可以任飲任食真係好抵🤗餐廳位於元朗朗屏🙂‍↕️鄰近西鐵站🫡行3分鐘路程已到達餐廳🤗

好多餐廳都有推出非繁忙時段優惠，今次推介來自元朗的烤魚火鍋店，七點前離席$178/位，加一後每位都是$200有找！而且基本火鍋配料，雪糕啤酒都有，認真抵食！😍店內環境寬敞，店員安排一張卡位入座；原來火鍋是烤魚或雞煲二選一，單是烤魚已經有六款口味選擇。經店員推介挑選了辣味勁的藤椒味烤魚，上枱已經聞到辣勁，仲有大量藤椒和辣椒油，味道愈滾愈濃烈，幸好當初要BB辣。鱸魚應該有輕微炸過，外皮香脆，魚肉嫩滑，最重要無太多魚骨。火鍋是自助形式，基本上打邊爐配料，如肥牛、丸類和蔬菜都齊全，連海鮮蝦、生蠔都有。飲品方面汽水、自家製茶飲和啤酒健力士、喜力任飲，這個價位性價比超高！🍻兩小時任食烤魚火鍋，時間剛剛好！價錢親民又抵食，完全無say no的理由。

天氣再熱都無阻打邊爐的雅興 但朋友稱想食烤魚既然如此 倒不如全都要！發現朗屏站附近竟然有餐廳可滿足貪心的我烤魚總共有5款咪道選擇 我哋選了香辣味在等待期間先去看一下自助區有火鍋的配料 也有小吃調味料等等配料有很多海鮮選擇特別一提 蝦跟蜆都是十分大隻一點也不孤寒 另外更有鵝腸蠔仔未開始火鍋都已經令人心花怒放了基本菜蔬、丸類應有盡有而且質素並不差 性價比很高飲品方面更有自家製的水果茶及冷泡茶！另外驚喜是放題價錢竟有啤酒任飲烤魚上桌 香脆的表面已不禁令人流口水而且尺寸是非一般大 太佛心吧急不及待開爐滾一滾了 魚肉外脆內嫩 表面調味十分之惹味 有種熱浪薯片的錯覺香辣味突出又不影響魚的鮮味 愛魚之人的大滿足之後火鍋環節 當然就是海鮮放題的節奏外面配料補貨很快手 不會出現沽清情況 值得稱讚而且海鮮質素很好 並沒有出現死蝦死蜆的情況最後當然是滿足甜品胃 雪糕任食味道選擇亦十分之多今餐用餐體驗從頭到尾都只有 滿足 兩個字推介指數：⭐️⭐️⭐️⭐️⭐️

之前已經試過呢間火鍋店既雞煲, 呢日就試下椰子雞椰子雞煲裡面非常足料, 有椰子、粟米, 蘿蔔等配料, 店員都好細心提示我地滾起先落雞, 再合上蓋, 用埋佢俾嘅漏斗, 漏完就可以食得😆第一時間我就梗係先飲裡面嘅椰子湯. 啖啖都好鮮甜, 又重椰子香, 加上雞嘅肉質好鮮嫩滑滑, 超正😍除左主菜係椰子雞外, 就係食物吧拎海鮮類, 主要有蝦, 蜆, 蠔, 係任食架!!!! 店員refill得好密, 另外, 都有多款菜類丸類, 選擇夠多, 樣樣都試下😂飲品櫃除左罐裝/紙包飲品, 仲有佢地自家製嘅白桃無糖烏龍茶, 好有茶香又解膩, 好好飲👍呢間嘅雞煲同椰子雞我都試過哂, 都整得好入味, 雞肉又嫩滑, 住元朗嘅朋友真係要去試下, 就算搭車都值得去😝😝

鍾意食魚🐟嘅我點可以錯過烤魚呢, 淨係食烤魚當然唔夠飽😂俾我搵到間餐廳有烤魚同埋打邊爐放題😍🫶🏻而且價錢相當親民, 除咗肉類🥩同蔬菜🥕🥦🍅之外海鮮都係任食㗎尋晚我就滿足晒三個願望第一我好鍾意食魚第二鍾意食蜆第三鍾意食蝦🥳🥳🥳打邊爐放題食材都好多種類㗎, 而且好新鮮, 同埋店員refill啲食物都好快手, 因為餐廳入座率相當高🤪🫶🏻地點都好方便啦喺正朗屏西鐵站樓下, 鍾意食烤魚同放題嘅朋友真係唔好錯過佢哋仲有雞煲同酸菜魚😚

去左朗屏站附近既任食火鍋，佢同一個價錢可以揀火鍋或者烤魚，兩者都可以任食火鍋配料，咁我唔食徥辣，就叫左鍋酸菜魚。佢正價時段$198 /人，早/晏啲食就$178。人均二百可以有烤魚同任飲任食好抵了。火鍋料區都好多選擇，最抵係有海鮮：魷魚、蝦、蠔同蜆。牛都有肥牛同唔知咩部位既牛。條烤魚好巨型，魚肉夠滑👍🏻海鮮幾新鮮，烚完無乜縮水。飲品除左罐裝仲有茶，食食下伙記仲推左一車水果茶出黎，夏天飲好消暑。佢地拎醬料個位仲有得拎麻辣雲耳、秋葵、響鈴同魚皮。甜品就係多款口味既雪糕，幾好食。就連平日晚上都坐滿人，走完一枱又黎一枱人，建議黎前先訂枱。

在這裡$178元起便能享用兩小時隨你吃隨你喝超級豐富的雞煲/烤魚，我們想吃清淡一些所以點了椰子🥥雞煲。湯底很鮮甜，有淡淡的椰子水香，湯底有馬蹄、紅蘿蔔、椰子肉和玉米。雞件很嫩滑，椰子湯能保持雞的鮮味，吃完雞後，便可以在冷凍櫃拿不同的食材，十分推薦大家一個吃法，就是拿豆腐串滲入湯底，豆腐串吸收大量鮮甜湯底，美味得很！冷凍櫃的食材每樣都很新鮮，特別是生蠔、蝦和大蜆，大蜆一粒沙也沒有！飲料方便也有很多選擇，有無糖茶、可樂、各品牌的啤酒。甜品有香港品牌-維記牛奶的冰淇淋，口味有，芒果、抹茶、巧克力、曲奇🍪、紅豆、香草。

行過見到人氣好旺又想打邊爐就入咗黎，估唔到抵食得黎又好高質👍🏻$178有得食烤魚+任飲任食火鍋😍而且乾淨衛生，實在值得一黎👍🏻首先揀左番茄味烤魚，可以揀辣同唔辣都得👍🏻烤魚實在令人驚喜😍份量超多，魚肉超多，配上番茄湯底好開胃🤤🤤嫩滑得黎亦好鮮甜，食極都仲有咁濟🤤食完烤魚就可以加湯打邊爐🍲自助區食物同飲品種類都好多👍🏻最出色係咁抵食嘅價錢仲有唔同既海鮮任食😍😍😍鮮蝦、魷魚、蠔仔🦪仲有唔同肉類🥩鵝腸、丸類、蔬菜類等等😍全部都好新鮮👍🏻而且 refill 得好快👍🏻食到超飽超滿足🤤最後仲有甜品同雪糕，不過可惜太飽食唔落了😂飲品方面除咗一般汽水同紙包飲品外，仲有冷泡茶同水果茶👍🏻其中水果茶好有驚喜，入面有啖啖鮮甜果肉，落足料👍🏻又解膩又開胃🤤呢個價錢黎講真係好多野食👍🏻抵！

#鼠尾草食飲玩 #sagefoodiehk平價😍 × 烤魚😋 × 火鍋🔥呢間喺元朗朗屏站附近嘅街坊火鍋放題舖，夜晚真係勁多人🥰！正價時段每位$198，任食兩個鐘，真心超級平🥺。而且呢度冇分級，所有食材都可以自己任拎，仲可以食埋烤魚😋。今次揀咗酸菜味烤魚，仲可以自選辣度，BB辣對鼠尾草🌱嚟講啱啱好。味道超香濃，而且裏面魚肉嫩滑，仲要外層加多超級香脆，食條魚嘅魚鰭、魚尾，都脆到好似食緊炸魚皮咁💖。食完條魚，仲可以用咁惹味嘅湯底打邊爐，肉類、蔬菜、海鮮，放滿咗兩大個雪櫃，全部任拎真係好滿足✨。亦都有唔同嘅主食，同埋雪糕、甜品、飲品、啤酒放題😚。💰正價時段($198/位)

[✨元朗撈得喜火鍋冰室•抵食烤魚加邊爐放題🥘]#元朗 #撈得喜火鍋冰室🔸任食2小時❤️‍🔥7點至9點 成人$198/小童$138，7點前離座或9點後入座 成人$178/小童$118🔸蕃茄味烤魚濃郁蕃茄味，啖啖肉勁入味，肉質都好緊實，魚皮炸過，外脆內軟好香口，水準好高🤩🔸任食火鍋配料食完魚之後就可以開發打邊爐，一般嘅火鍋配料好似肥牛、雞肉、豆卜丸類等等都應有盡有，更加有提供海鮮類鮮蝦、魷魚、生蠔等等，選擇好豐富🤤甜品同汽水🥤飲品種類亦算豐富😊💕————————♡♡♡♡♡♡————————✨總結餐廳座位舒適，食物方面烤魚水準真係好高，食完都好回味，再加上200蚊左右就可以享用到有提供海鮮嘅火鍋放題，CP值真係勁高！無論你係烤魚愛好者，定係火鍋控，都值得一試👍💯📍撈得喜火鍋冰室🏠元朗屏昌徑14-48號聯發樓地下9-10號舖 #元朗 #撈得喜火鍋冰室 #香港美食 #探店 #香港必吃 #香港吃甚麼 #火鍋 #打邊爐 #椰子雞煲 #水煮魚 #酸菜魚 #秘製麻辣雞煲 #正宗四川麻辣 #川味菜式 #辣 #麻辣 #必食雞煲 #必食之選 #元朗美食 #香港必打卡 #laodexiyl