撈得喜火鍋冰室

营业中

休息中

呢間撈得喜火鍋冰室都幾大，好多位，座位都舒服，冷氣又夠，唔怕熱。我哋叫左個BB辣既秘製麻辣雞煲，侍應送上雞煲後，煲3分鐘就可以食。打開蓋，即刻聞到好香，上面有大量芫荽同芹菜，撈勻佢，個雞煲就可以食啦。雞煲入面嘅雞大大件，好有肉，最重要嘅係啲雞好滑好嫩，完全唔柴，加埋佢秘製嘅湯汁，好惹味！食完個雞煲都已經有八成飽，個雞煲勁足料。自助區入面有好多選擇，有豬肉、肥牛、蝦、牛柏葉等唔同嘅海鮮同肉類。當然亦有唔少丸、芝士腸，同豆類製品同蔬菜，有豆腐、豆卜、菇等，好多野食，如要驚唔夠飽，仲有烏冬同公仔麵，一定食得飽。佢哋仲有小食，甜品，同埋自家製既水果茶同泡茶，真係幾正！兩小時任飲任食雞煲加火鍋，真係食到好飽，佢仲有好多唔同既湯底，例如椰子雞、胡椒豬肚雞可以揀，或者揀烤魚都得，總有一款岩食。