影片
食家推介
次次收工经过油塘呢间分店都系会见到大排长龙，今日早收工终于冇咁多人排队啦。😝我叫了朱古力星星鸡蛋仔，热辣辣新鲜出炉外型十分吸引，很脆𥚃面有满满的朱古力馅，朱古力味超浓。如果你是朱古力迷就一定要试啦👍😋
继续阅读
食过几次，都觉得不错，决定写食评，每次放工返屋企，夜左少少，肚饿嘅时候见到佢仲开，都会买返个格仔饼或者鸡蛋仔嚟食。推介：橙味朱古力鸡蛋仔味道新颖，配搭不错，仲有一粒粒原粒朱古力，记住一攞到嘅时候，千祈唔好焗系个胶袋度，要即刻食，焗住嘅话会林晒，果皮就唔脆卜卜。双重朱古力格仔饼朱古力一粒粒配搭埋花生酱嘅格仔饼，如果你好肚饿，你食一件就已经好饱肚，配搭得几好味，值得一试。有时可以配多杯嘢饮添，肚饿时候食系其中一个好选择。
继续阅读
系啱啱过去嘅星期六，奶油包系去朋友屋企食大闸蟹之前，朋友就带咗奶油包去摩芽鸡蛋仔买嘢饮，因为奶油包话好口干。摩芽鸡蛋仔个餐牌都有几多选择，系极度口喝之中，西柚同橙或者柠檬呢啲味道嘅饮品系最解喝，所以奶油包就叫做个西柚梦幻多多，朋友就叫咗个西柚梦幻花茶。量杯上到嚟见到个颜色都几靓， 西柚梦幻多多系有比较强烈嘅益力多味，佢配上西柚味出奇地夹，饮落去好fresh之余，仲系酸酸甜甜，非常之好饮，如果佢可以再大杯啲就好啦。而因为今次奶油包同朋友系有嗌鸡蛋仔，再去配嘅饮，所以系会有减三蚊嘅。。。
继续阅读
今日来到油塘焗油整下头发，行过又想食点东西，最后去《摩芽》买了份Lipton 奶茶味的格仔饼$25及长洲大鱼蛋(4粒)$25，大约等4分钟，鱼蛋终于有得吃，都真是几大粒，入口非常弹牙，咖喱味都好香，可是煮完鱼蛋先淋汁，所以不会入汁，只是有辣香。另外Lipton奶茶味格仔饼都是厚身，可是有点焗得太干，咬下有点太硬，但味道就不错，Lipton奶茶味都是甘香浓味，每口都感到奶茶香，内馅的花生酱、炼奶晤够多，所以有点越食越干的口感，其实饼味就晤差，只是有点overcook,水准就真是麻麻
继续阅读
阿肥又话晚餐去超级市场买啲风干火腿番屋企夹面包食,咁我又唔钟意嘅,谂谂吓食鸡蛋仔嘅冲动又嚟啦,所以我就过咗嚟帮衬摩芽鸡蛋仔喇。无意之中发现佢哋新推出咗一款用Lipton奶茶味制作嘅系列,除咗珍珠奶茶之外仲有鸡蛋仔同埋格仔饼㖞奶茶控嘅我当然要叫嚟试吓啦~Lipton奶茶鸡蛋仔($28蚊)：讲到港式奶茶可以话系我由细到大嘅恩物,有段时间仲系每日必饮添!直至开始减肥修身,再加上注重咗健康之后先至戒掉咗呢个不良习惯,之但系个人喜好呢方面系永远唔会改变嘅等咗几分钟,奶茶色嘅鸡蛋仔到手喇!闻起已经feel到有奶茶香气,食落之后奶茶嘅味同蛋味竟然好夹,鸡蛋仔味好香又渗出奶茶香味,每粒鸡蛋仔都外面带点香脆,里面软绵绵,最惊喜系甜度适中,唔会过腻,估唔到食得嘅奶茶又多一种港式小食喇!
继续阅读