摩芽雞蛋仔 (已結業)

次次收工經過油塘呢間分店都係會見到大排長龍，今日早收工終於冇咁多人排隊啦。😝我叫了朱古力星星雞蛋仔，熱辣辣新鮮出爐外型十分吸引，很脆𥚃面有滿滿的朱古力餡，朱古力味超濃。如果你是朱古力迷就一定要試啦👍😋

食過幾次，都覺得不錯，決定寫食評，每次放工返屋企，夜左少少，肚餓嘅時候見到佢仲開，都會買返個格仔餅或者雞蛋仔嚟食。推介：橙味朱古力雞蛋仔味道新穎，配搭不錯，仲有一粒粒原粒朱古力，記住一攞到嘅時候，千祈唔好焗係個膠袋度，要即刻食，焗住嘅話會林晒，果皮就唔脆卜卜。雙重朱古力格仔餅朱古力一粒粒配搭埋花生醬嘅格仔餅，如果你好肚餓，你食一件就已經好飽肚，配搭得幾好味，值得一試。有時可以配多杯嘢飲添，肚餓時候食係其中一個好選擇。

係啱啱過去嘅星期六，奶油包係去朋友屋企食大閘蟹之前，朋友就帶咗奶油包去摩芽雞蛋仔買嘢飲，因為奶油包話好口乾。摩芽雞蛋仔個餐牌都有幾多選擇，係極度口喝之中，西柚同橙或者檸檬呢啲味道嘅飲品係最解喝，所以奶油包就叫做個西柚夢幻多多，朋友就叫咗個西柚夢幻花茶。量杯上到嚟見到個顏色都幾靚， 西柚夢幻多多係有比較強烈嘅益力多味，佢配上西柚味出奇地夾，飲落去好fresh之餘，仲係酸酸甜甜，非常之好飲，如果佢可以再大杯啲就好啦。而因為今次奶油包同朋友係有嗌雞蛋仔，再去配嘅飲，所以係會有減三蚊嘅。。。

今日來到油塘焗油整下頭髮，行過又想食點東西，最後去《摩芽》買了份Lipton 奶茶味的格仔餅$25及長洲大魚蛋(4粒)$25，大約等4分鐘，魚蛋終於有得吃，都真是幾大粒，入口非常彈牙，咖喱味都好香，可是煮完魚蛋先淋汁，所以不會入汁，只是有辣香。另外Lipton奶茶味格仔餅都是厚身，可是有點焗得太乾，咬下有點太硬，但味道就不錯，Lipton奶茶味都是甘香濃味，每口都感到奶茶香，內餡的花生醬、煉奶晤夠多，所以有點越食越乾的口感，其實餅味就晤差，只是有點overcook,水準就真是麻麻

阿肥又話晚餐去超級市場買啲風乾火腿番屋企夾麵包食,咁我又唔鍾意嘅,諗諗吓食雞蛋仔嘅衝動又嚟啦,所以我就過咗嚟幫襯摩芽雞蛋仔喇。無意之中發現佢哋新推出咗一款用Lipton奶茶味製作嘅系列,除咗珍珠奶茶之外仲有雞蛋仔同埋格仔餅喎奶茶控嘅我當然要叫嚟試吓啦~Lipton奶茶雞蛋仔($28蚊)：講到港式奶茶可以話係我由細到大嘅恩物,有段時間仲係每日必飲添!直至開始減肥修身,再加上注重咗健康之後先至戒掉咗呢個不良習慣,之但係個人喜好呢方面係永遠唔會改變嘅等咗幾分鐘,奶茶色嘅雞蛋仔到手喇!聞起已經feel到有奶茶香氣,食落之後奶茶嘅味同蛋味竟然好夾,雞蛋仔味好香又滲出奶茶香味,每粒雞蛋仔都外面帶點香脆,裡面軟綿綿,最驚喜係甜度適中,唔會過膩,估唔到食得嘅奶茶又多一種港式小食喇!

放工肚子餓,又嚟到放縱一下嘅小食時候,今日嘅心情係想食雞蛋仔,所以搭完地鐵一出閘就上咗嚟呢間至潮嘅摩芽雞蛋仔喇~ 相比起傳統嘅原味雞蛋仔,呢間品牌sell嘅就係多款新奇得意嘅味道俾客人選擇,無論大家想要甜嘅抑或係咸嘅都一律唔洗驚,總有一種你會想試。所以我都企咗喺度諗咗好幾分鐘究竟食咩味好(?!)糾結咗一陣終於就有結果喇今日第一次試呢款：綠茶紅豆雞蛋仔$23蚊一份~俾完錢買單,職員叫我預大約等6分鐘就有架喇。拎到上手之後,見到個雞蛋仔都係綠綠哋色,微微溫暖咁。食落去果然有好香濃嘅綠茶味,而裡面嘅紅豆份量都唔小,粒粒都有嘅,口感都有小小似蛋糕仔咁,不過就略遜一籌個雞蛋仔唔脆啦~不過過吓口癮止吓肚餓係OK嘅

食完lunch其實仲滯滯地但竟然比我見到佢就買嚟試下先！門面比我相像中摩登時常呢~本身想試紅豆綠茶格仔餅，(因為其實bookmark呢間嘢係兩年前見到介紹紅豆綠茶格仔餅)，但今時今日雞蛋仔已經演變到陳出不同，比起紅豆綠茶格仔餅，我覺得我要試下d 更 special 嘅嘢！揀咗勁耐之後店員都好有耐性，仲比advise我哋添！等咗一陣食得了，即叫即製都唔算耐，仲可以消化下~~外表有星星好討好呢~個餡好好味~~香橙朱古力一d 都唔會過甜呢~ 係唯獨如果可以脆少少仲正！

一直想試下摩芽雞蛋仔，終於可以試到。晚上8點05分買，男員工好有禮貌提我話要等5分鐘。(當然最後係唔止5分鐘，不過唔緊要。)一路等一路睇住女職員收錢，出食物， 準備食材，仲要冇洗手冇帶手套去搓紫薯老泥丸，收完錢隻手咁污糟，仲有佢啲手汗， 睇到都唔想食(通常都係眼不見為乾淨)，咁啱我係嗌咗紫薯星星雞蛋仔，OMG!賣相：餐牌係紫色，實物唔係，但有星星位。口感：甜度適中，有紫薯味，有蜜糖星星，但係我覺得佢外硬，內軟，雞蛋仔就細粒，空位比較多同硬! 好似食餅乾咁。最後，我覺得好似有d酸酸地，唔知係紫薯加熱問題定係d手汗加熱問題？Btw 我食左幾粒掉左，唔會再食。$28/份

每次經過摩芽雞蛋仔都會被它的香味吸引著 ，今晚趁著吃得不太飽，又沒有人排隊，所以回家前就買了一底雞蛋仔來當作宵夜。 近日也愛上吃台式烤香腸，原來摩芽這裡有得賣，所以也不禁買了一條原味來吃， 如果不是這麼夜，一定會買三條來吃呢～ 朱古力星星雞蛋仔每粒雞蛋仔都有一粒蜜糖味星星，十分漂亮 。 熱辣辣出爐的雞蛋仔焗得很香脆，每粒雞蛋仔裡都是朱古力餡，朱古力味很濃，愛吃朱古力的必定要一試，吃完十分飽肚呢!購買任何食品，飲品還是買一送一呢！ 台式烤腸(原味)二十蚊有三條，不過已經吃過晚飯，所以只買一條來吃。 香腸烤得熱辣辣的，吃時小心燙嘴 ，外皮烤得很脆 ，味道不會太鹹，好味呀！

旺中開了許多新食肆 其中不乏創意口味的雞蛋仔但試過之後有點失望開始對新口味都不抱期待今日經過鯉魚門商場 試了摩芽蛋雞仔 卻是挺驚喜的我叫了「橙朱古力雞蛋仔」下單先整 等了一回才拿 果然值得表皮爽脆 裏面的朱古力很足而且它的橙味也很香濃 推介推介👍🏻

有日我地喺油塘大本型到行街，行到口乾之際見到呢到既手調飲品做緊買一送一啵，我地兩個就即刻停低揀野飲為左唔會飲到成肚水（約左朋友準備食飯），我地都係要中杯size就算啦女小編叫左冬瓜夢幻花茶男小編就叫左青蘋果夢幻多多兩杯口味都唔伏啵！前者就清啲無咁甜，入口都有淡淡既冬瓜香，用黎解渴都幾好！而後者因為加左多多，所以味道相對上黎講會甜啲啲，但就多左重乳酸味，所以愈飲愈開胃-有買一送一既優惠係幾抵飲，平均9蚊就有一杯，行經過又口渴既都可以一試呀

之前去太子已經食過 有星星既雞蛋仔 覺得好硬今次揀左紫菜肉鬆 打算唔會硬我完全食落無蛋味 食緊一團醬 仲要唔脆早知落街市求其買底雞蛋仔平一半算平日好難寫食評 今次我頂唔順。🤦🏻‍♀️🤦🏻‍♀️

原本是花店的位置，執左之後變左飾物店飾物店又執左之後變左摩牙雞蛋仔其實想試好耐但一直吾就腳所以機會試而佢開左之後就一直都好多人排隊所以都等左好一陣子。。等冇咁多人排先買第一次買的是雙重芝士雞蛋仔本來以為雙重芝士芝味應該會很重但卻沒有很重有點小失望呢熱食時外脆內軟凍食時有d似麻薯波波咁煙韌第二次叫的是雙重朱古力lee個比芝士好食朱古力味好濃同樣係外脆內軟第三次叫的是橙朱古力（但沒拍照）lee個味勁似平時買果隻橙朱古力條咁這個都好好食仲未係好想試格仔餅另外仲有個雞蛋仔雪糕但份量有點兒太多如果出half size就正

這個下午，我剛好有空。於是我便去到一間十分之多人的雞蛋仔店，安因為這麼多人排隊味道一定很不錯吧！於是我便急於去隊尾排隊， 才發現前面排隊的人有很多，多達10人呢。終於到了，我叫了一個朱古力蜂蜜星星味道，而同行的朋友就叫原味。等候時間都十分之長，朋友走到對面買了一支飲料。買完後，剛剛雞蛋仔就熱騰騰地準備好了！十分美味可口！

中午吃完飯後經過，見到最近新開，而且有買一送一的優惠，所以打算一試！選了荔枝多多，一拎上手，見到個顏色真係好吸引，係最近大熱的漸變色飲品，但味道上真係太甜啦！所以有少少令人失望呢！