摩登士丹里 (已結業)

成日經過以為佢只係一間珍珠奶茶， 原來發現佢仲有其他台灣芋圓仙草甜品。 飲品甜品都好多選擇我只叫中size, 但已經好大柸。珍珠有起碼3分一咁滿。 算係平民價錢$2x黑糖珍珠冰， 原來係澳洲3.6 奶， 好香奶味。 我忘記了少甜， 但入口亦唔算甜👍🏻至於甜品， 我係外賣， 佢地竟然會識幫我將花奶/奶分開袋。 真係要讚👍🏻👍🏻👍🏻仙草2號， 個紅豆蓉， 甜甜地。 牛乳3號， 乜都有d, 芋圓彈牙， 但亦食到真正既芋頭/蕃薯。 似真才實料。 佢果到有少少地方， 可以企係到堂食。 提提可以自由加料🤣🤣兩飲品， 兩甜品， 好平👍🏻

喺而家台式飲品店盛行嘅香港，只要係用台灣過江龍嘅名義喺香港開分店，都一定會有絡繹不絕嘅人流，甚或至係內地黎香港開嘅茶飲店分店亦都一樣，而且閒閒地都要排返半個鐘頭隊先至可以買到，都只係買到，仲未真係話飲到喎但係其實我地香港一樣都有我地自己嘅飲品，今次飲嘅呢間摩登士丹里絕對係表表姐，而且呢度嘅出飲品效率極高，成個流程我都係等左大約十分鐘左右(當然都有可能係因為暫時仲未出現人龍關係lol)甜甜嘅紅豆茸加上香滑嘅奶茶就係最經典嘅港式代表啦除左飲品之外，呢度嘅甜品水準亦都唔差竽圓/地瓜圓煙韌口感十足，咬落去就好似真係食緊竽頭一樣加埋入珍珠豆花一齊食，就係竽圓3號啦(呢度嘅豆花同平時食開嘅口感有少許唔同，有少少似涼粉嘅質感，幾特別)椰汁紫米露椰汁味好重，紫米熟得黎又唔會太爛，比起附近嘅糖水名店好食得多而且重好足料TIM雖然我影相影得唔係太好，但係賣相係絕對唔會影響佢嘅味道架

元朗最近新開了一間摩登士丹里，已經是第二次光顧了，這間店舖的奶茶不錯，奶和茶的比例平均，奶和茶混合在一起，不會互相撞，不會有苦澀味，珍珠也很有咬口的口感，不會過甜。價錢還很合理！

原來元朗新開了一間分店，本身在龍門居也喜歡晚上吃士丹里的芋圓。元朗的分店較大間，店內可以容納客人涼冷氣等外賣，外面有一個大杯擺設幾有玩味。試了港式傳統風味凍茶走，茶葉味幾濃郁，少少茶甘，拍得住茶餐廳的，媡奶很多，大大杯很抵又好喝！女朋友很喜歡牛奶和豆腐花，點了牛乳一號，奶味十分香滑，豆腐花感覺有點像奶凍，滑嫩得來夠口感，芋圓就一貫的出色，番薯味的最好吃，口感結實得來，不似吃緊麵粉。我點了我最喜愛芋圓，有三色芋圓、珍珠、仙草、小丸子、紅豆沙和紫薯蓉，啱哂乜都想試嘅人，口感豐富，很飽，紫薯蓉會另外分開裝。飲品種類特別，芋圓又好吃，要再來。

夏日炎炎最好就係飲杯凍野，或者食d凍野消下暑，lunch time經過摩登士丹里，見到新開張又未試過，就入去睇下有無野啱食。睇menu見到士丹里豆花奶茶幾特別，就決定試下，揀完飲品又見到有台灣芋圓，仲可以自己決定底同料，決定試埋當午餐。當日啱啱開餔唔算多人，等左大約五分鐘就ok, 速度都算快。由於天氣太熱關係，即刻飲下杯豆花奶茶降溫，店員果然無介紹錯，士丹利奶茶茶底非常香濃，而且同豆花出其地夾，配合得非常好上到公司即係試埋個有得揀芋圓系列，佢包括一份三色芋圓，其餘可以自己揀三料一底，而我就揀左紫米露底配小丸子、芒果魔豆同仙草。首先講下主角芋圓，質感做得唔錯，而且食得出三隻色味道有分別。試完芋圓再講下紫米露，同平時食開嘅差不多，仙草同小丸子都係，所以無咩特別。至於芒果魔豆就比較甜，可能搶左芋圓嘅味道。總括而言，士丹利奶茶好喝，同豆花呢個配搭唔錯，至於芋圓亦幾好食，而且分量足夠，$33有埋三料一底算幾抵食！下次有機會我都想再試店鋪嘅其他食品

元朗美食之旅既第3站啦，黎到係大馬路附近既摩登士丹里呢間小店主打都係一般既手搖飲品之外，仲有唔同既甜品可以揀。我地見呢排有網站都好推介D24榴槤豆花，就買個黎試一試。同m記果個榴槤雪糕新地比一比。買左返黎就見到佢地所有唔同既配料都分開哂裝，就好似執藥咁執。咁第一時間就試下個重點榴槤先啦。但係就真係好可惜啦，因為個榴槤係完全係未解凍，仲要係有少少冰粒咁。口感真係有待改善喇。而個荳花質感都好古怪，有啲似啫唎既感覺......所以都唔係我地喜歡既一類啦。唯獨個芉圓就係一般既水平。

其實天氣熱，冇咩胃口，有時真係會揀杯飽肚嘅野飲下或者食返個甜品見上次個杯豆花奶茶甘好飲，今次緊係要請埋朋友飲tim la !店長好好人，基本上佢推介嘅我都好想try try,結果我係每一個系列都買左一杯甘滯我自己就飲左杯紅豆冰，我又真係冇諗過佢圖文係90%相符ga!紅豆冰嘅甜度適中，紅豆大大粒又煮得夠「林」，絕對係值得再次encore 朋友都大讚呢度嘅野飲抵飲！不得不提，我仲試埋佢個芋圓足料到呢！一個人基本上係食唔晒一碗，最岩happy share!

近黎賣黑糖珍珠奶茶嘅舖頭愈來愈多，出名果D真係閒閒地都要排返半個鐘，而今次我見到呢一間新開賣黑糖珍珠奶茶嘅摩登士丹里唔算太多人，可能係因為地點唔係太近市中心嘅關係，但係亦因為咁樣所以我只係排左五分鐘左右就已經可以買到啦出面有杯好大既飲品做裝飾有飲品又有甜品呢度仲有有得揀芋圓系列，即係揀一個糖水底之後，再揀三款配料奶茶都好似好正芒果味夠濃，底下仲有一粒粒好爽既脆脆添黑糖味算濃，珍珠煮得夠煙韌，而且奶味重，飲落口係啖啖牛奶味糖水就有呢兩款d芋圓係分開裝架，夠哂細心由紅豆沙做底，另外再加上芋圓、小丸子、珍珠，紅豆沙煮得夠甜，味道比起傳統中式糖水店絕不遜色，而配料芋圓小丸子同珍珠亦依舊煙韌度十足，正！成碗芋圓一號都係澱粉質嘅關係，所以食完就已經好飽

最近見到喱間士丹里，係屯門龍門居見過，又新街附近幾間都無佢咁多特色野飲，於是就去試下除左台式飲品，佢有好多港式野飲，例如兒童鴛鴦（阿華田＋好立克）；亦都有芋圓！仲有好多唔同味既配搭，例如牛奶、紫薯，唔只黑糖一種～今次揀左最近最紅既黑糖鮮奶，同白桃梳打。佢既黑糖鮮奶比起元朗最近新開既幾間平同好飲唔會太淡，而且都算大杯，珍珠幾好味，推介白桃梳打就無咩特別啦，都好飲既～去開又新街食野不妨試下！

🔸士丹里奶茶 $20/M 少甜 推薦👍🏻係一杯出色嘅港式奶茶 茶味濃 淡奶味好香唔去茶餐廳都可以黎飲返杯奶茶另外仲有好多配搭 加紅豆/豆花/仙草/珍珠/涼粉🔸仙草1號 $32 （仙草+芋圓）芋圓又係有好多配搭 睇到眼花繚亂😂有個$33嘅仙草底可以加3樣配料但我最後揀左basic嘅仙草芋圓仙草偏甜 有芋頭/地瓜/紫薯 芋圓口感一般 唔夠Q而且味道唔濃 同埋感覺浸左糖水好耐嗯...... 完全滿足唔到芋圓愛好者😢💬店有小量位置可以立食 仲有差電位都幾貼心奶茶：7.5/10芋圓：3.5/10

見到Facebook有朋友share 元朗有紫薯芋圓食，已經嚷著男朋友一齊去試試～～位近天橋附近，面對人來人往的大馬路，摩登士丹里的位置一點也不難搵～～十分Sharp醒的綠色飲品杯放正門口，摩登士丹里帶幾分港式風味又不失摩登新潮！店舖晚飯時間8:30 左右已經擠滿人潮，由Order 等叫外賣大概等左15 分鐘，效率算快！小店雖小，但選擇十分豐富～～士丹里奶茶選用港式茶種再混合台灣珍珠，驚喜配搭，打造獨一無二的摩登口味～！店舖有企位可以俾顧客堂食，仲好細心有叉電插頭提供，不過我地見就快落雨又驚打風決定外賣屋企慢慢嘆～～要讚下佢地好細心將芋圓， 紫薯蓉分開盛裝，唔會影響甜品的外貌及味道～～紫薯蓉夠甜，配合煙韌的芋圓，爽口彈牙的珍珠及小丸子，仲有紅豆沙及涼粉，多重口感，十分豐富！特別讚下三色芋圓口感十足，唔會過粉、過軟，有咬口，甜度剛好，完全是我喜愛的口感及口味！另一牛乳豆花芋圓，估唔到凍豆花配芋圓配埋香滑澳洲3.6 牛乳，味道出奇地夾～每口充滿香濃牛乳香味，配搭十分驚喜！以後元朗人有口福了！唔使出省都有港女最愛的芋圓食喇～～

仲係新張期間，望一望除左芋圓、粉圓系列，同奶茶系列之外，好多都仲係寫住即將推出，好彩一心想試嘅豆花奶茶有得賣呢期買茶嘅店都好hit,如果多人起上黎，真係會等好耐，我當然唔係繁忙時間去買啦，但發現呢間店都幾貼心一來佢嘅等候區夠闊落，二來佢又真係唔怕d人hea 太耐，有晒usb 同三腳位，充住電等時間都過得快d$25 叫左L size,都真係大杯嘅，一入口，好香濃嘅茶味，係港式奶茶獨有嘅濃滑口感😍以後奶茶癮發作又多個選擇啦😝

太耐無寫食評了這陣子 黑糖珍珠鮮奶大行其道 風麾全香港陸續都有新店或過江龍上場總想試匀全港的味道心癢癢又想食下少少感想。今次嘗試的就是這杯"黑糖珍珠冰"可能呢間有其他signature. 其他的留待下次再寫黑糖珍珠鮮奶就不太好吧就是太 甜 了 . 就連嚐甜的我都覺得偏甜!!而且珍珠淡而無味.有點失望鮮奶亦可能因為黑糖太甜既原固蓋過左奶既味道變得像糖水一樣.見距有好多芋圓既產品 下次唯有嘗試芋圓吧！始終每間店鋪總有好與壞!!而我系幾鐘意距鋪頭既裝潢既 好香港 哈哈哈

食過一次仙草宇圓糖水，覺得得珍珠幾好咬口，所以想試一試黑糖珍珠冰=黑糖珍珠鮮奶結果超失望，珍珠，黑糖，鮮奶，純粹將三樣野擺左一起，完全唔夾，珍珠完全冇黑糖味，鮮奶冇奶味，黑糖甜到飲糖水咁，希望下次係珍珠有黑糖味，黑糖唔好太甜，鮮奶唔會越飲越淡

今年突然興起既黑糖熱令大量台飲店再度進軍香港真係試到條👅都攰咁岩見到有間打正港式飲品旗號既飲品鋪加入街頭混戰，作為香港人💪🏻梗係要試試佢。菠蘿冰 大杯 $22一見到呢個，就毫不猶豫叫左佢細個去茶餐廳，成日扭媽咪要加錢叫呢個飲但唔好期望佢會有咩特別佢只係一杯名符其實既菠蘿冰菠蘿汁偏甜（本身港式個隻就係咁！！）附上叉一支比你食埋入面粒粒菠蘿一粒都唔會浪費！芋圓 有得揀系列 $33揀左紅豆沙底，配紅豆、椰果、豆花凍加埋佢既三色芋圓佢既三色芋圓做得不錯尤其係紫薯圓，好香紫薯味，又唔會假另外芋圓同地瓜圓就普通啲紅豆沙底都交足功課，係陳皮紅豆沙黎，大愛呀！略嫌以凍既糖水黎講，佢唔夠凍好味指數（5粒最高）：