摩登士丹里 (已結業)

皇牌推介 仙草奶茶普普通通台式奶茶店越開越多，款式也越來越多，今天路經元朗的摩登士丹里又去試試他們的產品。要了一杯仙草奶茶，這是王牌推介，奶茶的茶底也很香但可以再濃一點，甜度適中，仙草的份量也很多不過比較稔，吸啜時少了一些質感。值得一讚是店員很有禮貌。

見佢係港式奶茶配珍珠就黎試吓啦！其實經過過呢間鋪已經好多次，門口掛住黑糖珍珠奶茶嘅海報，同埋各式各樣嘅甜品🧐🧐🧐🧐🤨🤨🤨🤨買咗熱飲☕️成為$25！😉士丹里珍珠奶茶熱飲無糖中杯size☕️☕️☕️☕️等左5分鐘就沖起有得飲🤤☺️由於叫咗無糖，所以飲得出茶味真係好濃嘅港式奶茶！ 喜歡特濃奶茶既人可以一試！珍珠不過不失！暖粒粒既感覺岩曬風起了既lee 幾日♥️☺️☺️主力欣賞佢既奶茶！下次試下甜品都好🤔🤔

平時嚟到阜財街都係食小食多，但今次嚟呢到就係試下呢到d野飲，計埋呢間士丹里，附近加埋有6間珍珠奶茶鋪。另外嗰5間都比較集中，係得呢間喺大馬路附近，冇咁迫就排呢間一入門口就有一個加大版嘅杯，相當搶眼，好易認叫咗杯珍珠奶茶正常糖少冰。呢間嘅奶茶同其他嘅唔同，呢間嘅奶茶係港式奶茶，姐係港式奶茶加珍珠😂飲到最後d冰溶晒，杯野淨係得返奶味，完全冇茶味，想像唔到少甜係會點另外，張圖同杯野飲不附，張圖嘅珍珠多到誇張，而杯野飲只有一半份量，雖然珍珠幾有咬口，但真係比張圖呃咗

呢排台灣煙靱奶茶系列嘅野開到成行成市，貫徹香港人鍾意排隊嘅精神今日去開元朗見到呢間摩登士丹里，個名好搞笑，門口都有條小人龍，見佢餐牌有我最鍾意嘅榴槤系列，所以就拉埋男朋友試一試佢好有特色嘅舖名榴槤肉一啲都唔馬虎，食落去啖啖榴槤絲，好香濃，好似食緊雪糕咁。芋圓都好岀色，晤係純咬口咁簡單，蕃薯圓同芋圓都真係食到佢食物本身嘅味道連男朋友都話應該係佢係香港食過最好味嘅芋圓不過豆腐花就要減小小分喇，佢似係用粉開，所以無乜豆味，質感都有d似啫喱feel，唔係好似平時食豆腐花滑嘟嘟嘅感覺下次會試埋仙草凍，應該會更加加分

因為朋友介紹元朗大馬路開咗嘅一間芋圓鋪 於是就去睇下到底有幾抵食因為一個人食完飯所以就叫咗外賣返屋企食，試咗佢哋嘅芋圓二號(有仙草底、小丸子、紅豆同芋圓)$29呢間鋪除咗芋圓之外仲有傳統嘅中式糖水同埋手搖飲品，係行復古嘅路線 有埋一啲傳統嘅港式飲品例如飛沙走奶 等等外賣嘅芋圓會分開兩個食物盒，滿滿嘅紙盒都係仙草，另外芋圓亦都好大粒同份量極多，真係唔係講笑紙盒嘅高度都有返咁上下但仙草係滿到就嚟瀉出嚟，而且係真材實料非常飽肚！性價比極高但係略嫌職員速度實在太慢，明明入邊有四個職員而且一早準備好外賣，但係遲遲都唔叫我嘅號碼

QQ足料芋圓士丹鳳食過甘多間芋圓黎講 呢間一定係料最多 份量最厚實既 而且價格29蚊就有碗 好抵食架 個到都係有啲企位可以堂食架 主打外賣既 佢地有芋圓系列、紫薯圖系列、特色系列、牛乳系列仙草系列、同有得揀系列 自己想有咩配料都得 另外有一個飲品menu 之前試過士丹里珍珠奶茶 因為係港色奶茶底 我都係偏向台灣珍珠奶茶多d 好多選擇啱哂唔同人既口味 我就買左芋圓二號 勁多仙草 好正 芋圓qq 不過我覺得略然有啲大甜 大份到我可以同我媽咪兩份食 食完飯想食糖水買一碗番屋企嘆下都幾唔錯keke

入到元朗探朋友，他先讓我去一間摩登士丹里的小店買台式奶茶及甜品。這間店在大馬路恆香附近，個名幾特別，而且好多街坊買。最近興起芝士奶蓋，黑糖的台式飲品，琳瑯滿目，各適其適。手炒黑糖太吸引了，我叫了一杯黑糖珍珠冰，朋友叫了士丹里豆花奶茶，還有買了D24榴槤皇豆花宇圓外賣到朋友家食。黑糖珍珠冰我第一次試，少左份平時飲開的茶味，奶味較重，珍珠煙韌。至於豆花奶茶，奶茶底是港式的那種，紅茶味更重，加豆花好特別。甜品榴槤品好正，榴槤肉打成溶，豆花好滑，仲可以加花奶一齊食，芋圓也是煙韌，好好咬口。這間小店夠誠意，選擇夠多，價錢也不貴。下次入元朗可以再試。

呢幾年台式食品嘅熱潮有增無減，我都不知不覺受女朋友影響成為一個煙靭控，當中芋圓係特別鐘意食嘅！兩口子已經習慣襯住放假去偏遠地區搵好西食，今次就去咗元朗，有西鐵之後其實半個鐘左右就到，真係方便咗好多。摩登士丹里呢個名係特別嘅，同某大行個名好顃近，好易叫錯，不過正因為咁都特別易入腦。佢個餐牌好多選擇，包含唔同系列嘅搭配，係樣樣都想食嘅情況下，我地就Order咗”有得揀芋圓系列”。由個底至配料都可以自己揀。我地一向都大愛豆類產品，所以底就揀咗豆腐花，配料就有煙靭控最愛嘅芋圓，仙草，珍珠再加錢叫咗紅豆補下血。可能因為開業無耐，出菜都比較慢，不過一望到碗野就掛住食唔記得咗嚕。呢個價錢咁足料，仲要本來無咩期望嘅豆腐花底竟然有好濃香嘅豆味！芋圓都有味唔係死實口感，唔會太多糖水，感覺係幾清新嘅！好彩只係叫左一碗share，因為佢個份量都比想像中大碗。性價比超高呀！希望小店可以保持水準啦！

不嬲自己好少入元朗、屯門，但自從某啲原因，依家開始都會耐唔耐黎元朗，唔想行元朗就入屯門，我呢個黑糖珍珠FANS又要出動，呢間店本身得屯門先有，但依家開左新既分店係元朗！我發覺屯門既店好中意開新分店係元朗，而元朗既店好中意開新分店係屯門～～因為近掛？呢間以舊式茶餐廳做主題！有首創“豆腐花奶茶”，仲有 “涼粉奶茶”、“紅豆奶茶”，但我又走左去買黑糖系列黑糖珍珠冰 $28(L)包裝真係幾靚，幾懷舊，未攪勻前試下個奶底先，唔錯，奶味都幾濃，唔係奶水，第一二啖既黑糖珍珠有黑糖味，但係再攪匀之後，又係同「幸X堂」同一個問題......黑糖味只係靠黑糖漿，一攪匀又冇左，變返普通珍珠，仲要偏稔，有啲爛咁，可以唔洗試，早知試佢既豆腐花奶茶或者其他茶餐廳飲品仲好依家愈開愈多台飲店，由其是大熱既黑糖珍珠，間間都有，就連一啲大型連鎖店都出，但係質素真係好參差，想飲一間完全覺得100分既真係唔容易，而呢一間都真係有待改進

自從上月去完台灣後，一直念念不忘台灣夜市芋圓QQ的口感，見近來元朗大馬路新開一家芋圓甜品店，立即急不及待試一試店名已經十分特別，令人一聽難忘，店面裝修亦有特色，有懷舊香港感覺，用上仿舊香港招牌，係元朗大街上十分搶眼甜品十分多元化，有珍珠奶茶類台式飲品，亦有芋圓類甜品，同朋友都想試試芋圓，決定每人一款我最喜愛芋圓$43基本上係一個全包宴，差不多將整個餐牌中的餡料全放進去，有仙草、芋圓、紅豆、紫薯蓉、小丸子及珍珠。芋圓打開時仲係微暖，證明店家真正即叫即製，十分有心。而且咬落煙靭，不太甜，很台灣地道味道。紫薯蓉亦夠甜，選料有水準朋友點了芋圓2號$29， 有芋圓、仙草、紅豆及小丸子，細食朋友應該此款已足夠元朗朋友如果路過，不妨試試！

喜歡吃台灣芋圓的我，在香港不是太多地方有得食，平日的糖水店，只會加幾蚊，便幫你放幾粒芋圓，點綴一下吧！今日行經元朗，見到一間（摩登士丹里）以為只有珍珠奶茶售賣，睇真D，原來芋圓，紫薯都是它們的註場甜點！選擇種類多！每款都買一碗試試先😋😋腐竹豆腐花，香滑之餘再加豆花，滑上加滑！紫米芋圓-芋圓爽口Q彈，紫米有滋陰補腎，健脾暖肝，補血的作用，對女性再説，多食有益！👍🏻紫薯-軟綿綿，放入仙草紅豆湯內，一同食用，加埋Q彈芋圓，口感更有層次！👍🏻👍🏻

同屋企人食完飯經過，見到有間台式飲品及甜品就入去睇睇，有媽咪最愛芋圓糖水，諗都吾諗就買左返屋企試下！門口裝修都有小小似我去台灣買珍珠奶茶店舖一樣飲品款色已經有三四十款，不過主打都係士丹里奶茶☕️士丹里奶茶，茶味香濃適中，好好飲😋紅豆沙加入仙草，甘甘涼涼，好岩熱辣辣天氣，食落好fresh感覺芋圓和地瓜圓有小小暖暖地食落煙煙un un,甜甜地😋三色芋圓加入紫薯食落味道好濃，加埋芋圓一齊放落口，一句講曬，超滿足也是媽咪最愛😋😋😋

今日約左幾個friend上我屋企玩，係又新街食完午餐都唔夠喉，經過呢間鋪，之前經過已經想食，今次就同friend一齊買。叫左芋圓1 號，紫薯 2 號，榴槤皇仙草店內有個企座可以堂食，仲有叉電插頭，不過大部分人都係外賣芋圓1 號$29，有芋圓，珍珠，小丸子、紅豆沙。一打開份量十足，成碗滿滿，當中有一份三色芋圓， 有淺紫色，和黃色。芋圓彈牙， 食得到芋頭蕃薯係真材實料口感非常煙韌，略帶少許甜，唔會過度甜。  珍珠煙韌程度適中， 而丸子都好有咬口，3種不同既煙韌度好特別， 紫薯 2 號$32，有紫薯圓、仙草，紫薯蓉，花奶，紫薯愛好者必點，紫薯圓煙韌，唔會粉粉、過軟，加上紫薯蓉，紫薯味濃郁，榴槤皇仙草$38，有D24榴蓮蓉，仙草。榴槤皇係新鮮嘅榴槤蓉，D24榴蓮蓉濃郁，味道同食緊榴槤一樣，質感綿綿。另外仲叫左杯白桃碳燒烏龍 $20（L），清爽既白桃味同烏龍茶融合，感覺好Fresh整體黎講，大碗又好食

今日收工落車 諗住買杯野飲， 比我見到里個角位 原來有間野飲店， 一直都無發覺，今日熱辣辣真係頂唔順要消消暑。 一心諗住飲杯冰凍既珍珠奶茶， 里間摩登士丹里 個裝修 綠綠地好吸引到我， 細細間都算別緻。 見到佢有涼粉奶茶， 即刻忍唔住叫左杯。 雖然叫左凍， 但杯茶都有熱既果種香滑， 茶底夠濃 唔會因為d冰溶左 攪到淡左。 而且係港式奶茶黎， 唔係台式， 所以我特別種意。 加埋涼粉 變左又香又滑。順個便打返去問下屋企人岩唔岩飲， 點知佢地竟然話想食多過飲， 因為里間鋪仲有甜品 糖水咁既野賣好多選擇，不過咁岩係榴槤嘅忠實粉絲。最後佢地就揀咗榴槤皇仙草芋圓榴槤皇係新鮮嘅榴槤蓉，份量十足，香味濃郁，而且好滑溜！而且仲有香芋芋圓同蕃薯芋圓煙煙韌韌手非常有咬口。另外揀咗一款自選系列， 當中已經包含咗一份三色芋圓， 有紫色，白色和黃色。 口感一樣非常煙韌，略帶少許甜， 份量啱啱好，唔會覺得太濟。 也另外選配咗椰果，珍珠和丸子。 椰果爽口， 珍珠生熟程度適中， 而丸子也好煙靭! 再配上仙草底， 仙草好滑而唔苦，當堂可以消下暑，降下温。呢個自選系列又幾好，可以揀自己鍾意食嘅嘢再配搭。😍😍😍拎返返屋企都仲

店舖係元朗馬路旁，距離元朗西鐵站幾分鍾路程。店內有個排小企座可以堂食，不過幾乎大部分食客都係外賣。店內乾淨利落，衛生寬敞。店內有好多飲料選擇，還有多款芋圓甜品。仙草豆花凍三色芋圓Hkd33仙草滑嫩，豆花有d似豆花果凍質感，味道甜度屬於平時飲料店半糖，芋圓粒粒煙韌香甜，有彈性而帶甜。D24榴蓮皇豆花凍芋圓Hkd44D24榴蓮蓉濃郁香甜，質感綿綿細雨，份量不少，讚。住在附近的芋圓豆花仙草友可以來嘗嘗，味道很不錯！