掌門重慶麻辣火鍋 (已結業)

呢間餐廳真係超好生意，兩次book左位去試食 都話冇留到位，好好笑。以為個個住佢樓上？放餐廳飛機就試得多，俾餐廳放飛機就試左兩次30幾度叫人坐門口打邊爐，笑到我反肚。你地小心呢，記得再三確認預約啊

柯士甸站過黎5分鐘、佐敦站過黎15分鐘嘅渡船街，有好多好餐廳，今日就黎試呢間「掌門重慶麻辣火鍋」。 「重慶麻辣翡翠火鍋」（$148）- 小辣、中麻平時食重慶麻辣火鍋都係紅卜卜，但係呢火鍋裡面都係用青綠色嘅材料，比如青椒等，辣味一樣足，而且感覺冇咁多辣油，好似對個胃冇咁傷。而且鍋裡面仲有少量鴨血食🤤「極上手切肥牛」（$158） - 細份本著食得精，好過食得多，少少貴，但高質牛，可以一試👍🏻👍🏻另外，值得一提，呢到嘅餃子係間餐廳自己包嘅（除左魚皮餃），可以一試。我地就揀左「芫茜餃」（$48份），芫茜味十足，唔錯！*以上都需加10%服務費

早前上網睇到段片介紹依到既翡翠鍋 好似好吸引咁 就黎左食啦🙈-等緊時先調個味先-▫️重慶麻辣翡翠鍋🌶 $148一黎到 個鍋既花紋顏色都好靚 超級中國風😍翡翠鍋果然係綠色架湯底用左青花椒 川椒 蔥 青辣椒製成無平時食既麻辣火鍋咁多油 感覺比較健康而且好香👍🏻叫左小麻小辣 初頭唔太覺辣 但慢慢煲下煲下d麻辣就出哂黎啦🔥-▫️新鮮牛胸爽🐮 $88之前食過牛胸爽覺得幾好食 見依到有當然要叫黎食 望落好似好多脂肪好肥 但其實食落唔會覺好肥 反而口感好爽口-▫️菜肉餃 $48本來想叫鮮蝦韮菜餃 可惜賣哂就叫左菜肉餃 都唔錯 皮唔會太厚-▫️鮮味豬腰🐷 $48又係我打邊爐既最愛之一 都幾新鮮 -▫️萵筍 $38萵筍切成一片片 十分爽脆-▫️娃娃菜 $38娃娃菜好吸湯汁 連平時食得辣既我都覺得幾辣下 幾過癮😂-▫️出前一丁🍜 $18最後食埋個公仔麵 以上份量2個人食岩岩好整體食物質素都唔錯 特別推介重慶麻辣翡翠鍋😋

天氣一冇咁熱就突然想食麻辣火鍋😂今次黎到位於佐敦既掌門重慶麻辣火鍋店，餐廳位置距離地鐵站較遠，不過地點尚算方便易搵。一講麻辣鍋自然會諗到一大鍋紅色既湯底，點知原來有綠色既麻辣火鍋😲因為我唔係太食得辣，所以叫左小麻小辣，過下口癮就夠🙈重慶麻辣翡翠鍋 ($148)綠色既麻辣鍋第一次見🤣好彩我地冇另外叫蔬菜，淨係涮其他食物既配菜時，配菜已經吸左好多湯汁，非常辣🙈🙈火鍋好有中國風特色，出面畫左條龍😎極品西班牙黑豚肉 ($88)脆鯇魚片 ($68)推介💓鯇魚片涮幾下後好快食得，淨係食幾塊完全唔夠喉骨膠豬眼根 ($68)第一次食😂幾得意，不過呢個部位既骨膠幾少墨魚丸 ($68)墨魚丸彈牙，足料可樂 ($12)餐廳冇水提供，所以我地叫定罐可樂，太辣都可以中和下😂

天氣雖然好熱，但打邊爐永遠都係香港人既最愛，早已聽聞佐敦附近有好多好西食，經朋友介紹到呢間並想再來掌門重慶麻辣火鍋試下，呢到近九龍站同佐敦站中間，交通尚算方便。一入門口，有唔少中國傳統擺設，環境都幾靚。一來到，當然要叫個鴛鴦鍋啦，有麻辣翡翠湯底同豬骨湯底，鍋邊有兩個龍頭，非常吸晴，可以放上IG打卡。而且呢個麻辣翡翠湯非常特別，都係綠色既辣椒，以及唔同既香料﹑花椒等，食落唔會好重油同味精，食得出係自己調製，而唔係現成既湯底。餐牌推介呢個麻辣炸雞翼，炸得好香口，而且好多肉汁，唔會太乾，有椒鹽香亦有麻辣味，不過就唔算好辣。新鮮牛胸爽，開頭上檯時，我見到咁肥都有少少呆左，食落先知呢Ｄ完全唔係肥，而係爽脆既筋，帶有少少肉，非常爽口特別，值得一試。脆鯇魚片，肉身質地厚實，口感爽脆鮮甜，而且冇乜骨，師傅切得好薄好爽口。雜菜盤，有娃娃菜，生菜﹑金菇冬菇等，擺到好似盤花，而且菜都好新鮮好甜，吸收埋豬骨鍋既甜味，更加好食。豬黃喉，新鮮之外，亦都好爽口，而且好薄身，所以淥十多秒左右就夠。加上平時香港既火鍋店都好少有黃喉食，所以好快就清左碟。另外推薦既仲有鴨血，同一般豬紅唔同， 口感軟滑有彈性， 好似食緊豆腐

<渡船角又揾到好味邊爐啦>🔥呢間喺渡船角文英街既掌門 睇個樣應該開左冇耐 大慨坐到30 零人 用木枱櫈 灰色既磚頭牆身 加左唔同既酒樽 畫 做裝飾 都幾別緻😄打邊爐有唔同既湯底 但睇樣好似麻辣鍋係推介🌶 仲有各式海鮮 牛肉 佐酒小食等等 價錢唔貴 十分唔錯😄1.🍴重慶麻辣翡翠鍋 148 蚊 中辣少麻 🌶同平時正宗川麻辣鍋唔同 全用青色辣椒 雖然都有麻辣 但就十分清新 😄入面有大細青椒 胡椒 川椒 辣度夠 仲有大葱 🌶🌿 仲有軟滑既鴨血 做配襯 好正 要黎打邊爐落乜都好match食料唔洗點醬 😈 加埋飲啤酒就perfect🍻2.🍴潮州牛丸 68 蚊🐮整得細細粒 但有8 粒既牛丸 口感好彈牙 應該係手打 一咬落去爆d牛肉汁出黎 好香濃 推介😃3.🍴極品西班牙黑豚肉 88 蚊🐖黑豚肉切得橫切面好大但又夠薄 肥瘦紋適中 食落其實唔肥 仲好有豬肉香同咬口 十分唔錯 88 蚊抵🐖4. 芫茜豬肉餃 48 蚊🐖🌿 芫茜勁新鮮 見到佢即包 餃皮好滑 厚度適中 加上適當既豬肉好有口感 推介<好正既佐酒雞翼>🍴掌門麻辣炸雞翼 58 蚊🌶🐥將五隻雞翼切成10 個半隻 雞翼整得好

雖然天氣熱辣辣，但都無阻我食麻辣火鍋嘅心情。 今次揀咗呢一間小店，又幾有驚喜wo！鋪頭裝修幾特別，牆身係由灰色的磚頭砌而成， 而且有幾幅黑白風嘅中國街道風景， 令到成個環境好有味道！另外店舖嘅燈都好特色。一坐低經理已經比menu我哋，有效率~欣賞餐廳menu嘅設計，用筆寫完可以刷走，下一個客人可以循環再用， 夠曬環保 我哋叫咗個重慶麻辣翡翠鍋 ，餐廳好貼身，可以比我地選擇大辣中辣小辣 ，同大麻中麻小麻。而我哋就揀咗小辣小麻個鍋一上枱， 立即覺得好有架勢， 佢唔似出面其他餐廳甘，求其用一個煲 ，而真係用中國傳統重慶打邊爐既鍋爐， 而鍋身有條龍，好貴氣。一打開蓋， 好surprise ！傳統嘅麻辣火鍋都係紅色嘅，而呢一個湯底係綠色！ 湯底好清香， 而且湯面竟然沒有一層油 ！令我哋覺得原來食辣都可以食得咁健康！哈！ 打邊爐當然要食牛肉啦！ 我哋叫咗一份肩胛肉牛（細）。雖然份量不是很多，但味道很有牛肉味，但要小心五好涮得太耐。仲叫咗墨魚丸，魚皮餃，同埋一盤雜菜。 老闆話呢一個墨魚丸同魚皮餃都係自家製作！墨魚丸的確好彈牙，而魚皮餃個皮好薄，食落又啖啖肉。

好辣呀 又到夏天 好像爆汗係必要 爆曬汗食麻辣邊爐係熱血寶寶 所以同朋友黎左另一個朋友推薦既小店 翠辣鍋 推薦 唔好見佢甘綠就睇小佢 辣味好充足㗎 加左蔥令個湯底變得更香 仲有花椒 胡椒等等重慶煲既必備元素 雙拼左一個番茄湯底 蕃茄味超級濃郁 好滿足呀芋絲 打邊爐必嗌 合理墨魚滑 墨魚味道足 如果再彈牙啲就好啦金菇！同番茄煲超級超級合襯 後來我地直接dum曬啲金菇落番茄度 真係好合襯豆腐 拎出黎既時候見到成舊冰咁 無咩期待點知放入湯入面索曬啲味 好正呀 食唔停 一頁一頁既豆腐好入味呀嗌生菜送左啲金菇 即刻放入番茄煲 生菜好食過娃娃菜呀 烏冬 打邊爐必備落埋雞 個食辣朋友話真係好似去左重慶咁呀 真係好好爽 辣到爽

邊度有麻辣火鍋，邊度就會有我既蹤影👋🏻😂 老闆話呢個重慶麻辣翡翠鍋係佢地招牌火鍋，所以我地就試試佢！我朋友平時食譚仔係食十小辣，所以今次唯有叫小辣就下佢😂呢個招牌翡翠鍋幾過癮，顏色帶綠，湯底有好多青辣椒、蔥同一堆香料，最特別係仲有幾塊鴨血喺入面！好彩我地兩個都食內臟既👍🏻👍🏻👍🏻Btw好彩叫左小辣，因為我食落都覺得辣度ok，如果叫中辣/大辣我朋友一定食都食唔到😂叫左幾樣火鍋料，包括肥牛、餃子同鴨血。價錢唔貴，份量合理。當中我最中意係火鍋必食既肥牛。我地揀既係牛既肩胛位，見到見到脂肪分佈幾靚，咬落有肉味有口感，正！餃子都唔錯，唔會太厚皮。另叫左個麻辣雞翼。呢個就反而唔係好辣，但又係用左好多香料調味，所以非常惹味！！全部野食質素都比想像中高，價錢又唔貴，下次再黎要挑戰中辣💪🏻💪🏻

當你有一班同你一樣好鐘意食辣既朋友，就會好似我咁一見到有新既重慶火鍋就會走去試😂🙈我朋友見柯士甸附近開左間新既重慶麻辣火鍋，就約定左我今日去食👅同其他火鍋店唔同🤔 掌門的裝潢極具中國特色，枱同筷子都係木造👺咁難得去到，當然要試試招牌翡翠麻辣鍋😛唔單止個鍋特別靚，連材料都別具特色😳唔似平時食開紅通通既火鍋，呢度選用全青色既材料🤔 麻和辣既程度可以自選，我地揀左中麻和中辣😆開頭唔係好覺辣，但愈食愈麻愈辣 好過癮😂麻辣鴨血（HKD68）— 一份有十幾塊大大的鴨血❤️ 厚切所以十分有咬口👅 本身已經有味所以唔怕唔夠入味要等到最尾先食😂手切肥牛(細) （HKD158）— 一係就知係靚牛😛 牛味十足😆 打邊爐點可以冇牛既呢！必點！骨膠豬眼根（HKD68）— 好特別既菜名😂 食落去似豬頸肉，但更加爽口👹 感覺好多骨膠原😂😂 值得一試！

原本諗住打去book 枱打邊爐，點知朋友話喺OpenRice 見到有中菜，見到啲賣相都唔差，即管try try 佢！！嘩😍好有驚喜呀，平時覺得食橋底辣蟹好唔抵食， 估唔到呢度又平又好食，呢個我極力推介好大隻，好彈牙爽口，出街食飯好少有既質素!生蠔新鮮到爆炸，淡淡的海水味同埋濃郁嘅生蠔味，食完一隻再一隻，好滿足。象拔蚌刺身，賣相一般，食得出係加拿大蚌，勁爽口。呢餐私房菜，總括嚟講我比九分,我真心推介呢度食一定係食象拔蚌刺身，提提大家如果要食呢度嘅私房菜一定要預早book定，因為所有菜式都冇set定

就算炎炎夏日都無法減低我對打邊爐的熱愛，今次就來左佐敦呢間新開的重慶麻辣火鍋，淨係見到招牌已經想來試下（武俠小說控快來打卡吧）餐牌簡單得兩頁，但平時叫開嘅野食都有:重慶麻辣翡翠鍋 併 特濃豬骨湯$148鴛鴦鍋竟然唔洗加錢，勁抵麻辣鍋的麻度同辣度都有得揀，為左遷就同行朋友，我揀左小辣中麻（當然我想愈辣愈好啦）驚喜在於個鍋的造型，竟然係有個龍頭，呼應餐廳的主題。極上手切肥牛(細)$158擺盤幾有心思，砌到成個蛋糕咁。肥牛質素都唔錯， 兩個人食的話細份就夠。獎門招牌四寶丸$98最鍾意嗌四寶丸，因為一次就可以食幾款唔同嘅丸。有潮州白魚蛋，潮州牛丸，普寧豬肉丸同埋手打墨魚丸。粒粒彈牙，唔錯芋絲$38每次打邊爐必點，不解釋。大家想食麻辣火鍋，可以支持下新開張小店!

今日一個人無聊去左渡船角搵野食，本來諗住食茶記就算，見有間新開既火鍋店做緊一人邊爐，咪入去試下，裝修都幾有重慶風味。諗住百幾蚊應該冇咩驚喜啦，點知出到黎又真係嚇一跳。賣相都幾唔錯。我點左牛肉一人鍋，呢幾片牛肉真係堅得，同出面d貴既火鍋店一樣質素，雪花紋靚，食落係牛味重同鬆化。丸類方面 牛丸同墨魚丸高水準。其他野都正常啦。聽店主講佢地個鴨血係人人話好食，我就叫左芫荽皮蛋鍋，如果鍾意麻辣湯底既不妨試一下。

佐敦八文樓出名多好野食，朋友上星期去附近攞車的時候見到又開左間新麻辣鍋，便帶我去試吓。店舖唔算太大，但裝修好新淨又舒服。牆壁用上仿古灰白石磚，牆上面仲掛左不少重慶 style 照片，响入面食野，都幾有巴渝 feel 架。餐牌係用一張過膠的order 紙，再响上面用水筆剔，夠環保。湯底有七款，有辣有唔辣。辣的除左係傳統紅噹噹的重慶麻辣鍋之外，仲有一個翡翠鍋可以揀。新野喎，當然即刻試試佢！除左一般的可以選擇辣度之外，佢仲可以揀埋大中小麻，夠曬細心呀！揀完湯底就揀配料啦，我哋叫咗細份安格斯肩胛牛肉$128， 羊肉片＄88，鮮蝦雲吞＄48 ，台灣魯麻辣鴨血$68，仲有娃娃菜$38 添。湯底，轉個頭就送咗嚟喇！佢係一個唰唰鍋型的爐，藍色底色仲有飛龍在天，額外顯得有貴氣。上枱嘅時候係蓋住嘅，聽到佢滾下滾下，聞到超香呀～～～有別於一般麻辣鍋，呢種辣香係比較清香的麻辣味，好特別，好難用筆墨來形容。期待已久，終於可以開蓋。咦？！好似清菜湯咁喎，即時懷疑，辣唔辣㗎？尋寶時間，發現火鍋湯底用上青色辣椒仔、麻子、大蒜同蔥等等，水滾了等我會一會佢先。嘩！咪睇佢青BB咁，都真係有料到喎！用來涮肉肉夠清香，涮菜菜就

渡船街附近有好多臥虎藏龍既食市係人都知今次我朋友帶咗去食一間不一樣嘅麻辣火鍋成日覺得呢一區好難行行極都去唔到目的地但掌門重慶火鍋有好大個招牌掛住喺度係街頭都見到所以唔需要擔心店裝潢中國風味濃厚牆長仲掛住左一啲中國老家嘅相片我覺得都有幾有風味火鍋湯底同配料選擇都算幾多仲有一個比較特別啲嘅麻辣湯底就係重慶麻辣翡翠鍋見到個招牌火鍋湯底梗係試一試而食麻辣鍋就食得多 次次都係紅卜卜 好大層油又係上面呢一個重慶麻辣翡翠鍋 一打開蓋見到綠色入邊有青椒、尖椒、大蔥及八角等等配料D湯料係炒過 令到味道更出湯底味道青辣椒味比較重而呢一個湯底比起平時嘅冇咁油膩食起上去都唔會覺得好肥鴨血 台灣運到同香港其他地方食都有啲唔同幾好味新鮮牛胸爽係香港比較小有口感爽口 但係唔好烚咁耐咁就會變un鮮蝦韭菜餃呢個韭菜餃真係好好食大大粒好足料，韭菜味好香超讚韓國炸餐肉條炸過既午餐肉味道更香吸埋個麻辣湯底精華正👍🏻新鮮有骨炸魚皮比較厚，要烚耐d萵筍吸晒湯底嘅精華食落口好辣👍🏻四寶丸有墨魚丸、豬肉丸、牛丸及魚旦味道口感不過不失