掂檔車仔麵 (已結業)

車仔麵食得多, 呢間車仔麵打正旗號話自己掂檔, 就睇下你有幾掂先, 位於尖沙咀彌敦道, 交通方便就腳, 舖面不大不少剛剛好, 服務員人手足夠, 大約兩點左右到, 唔駛等位已經可以入座, 餸料同一般車仔麵差不多, 特別少少就有滷水蛋, 瑞士雞翼尖, 不見天肉片同王沙潤, 我地選擇左一碗牛栢葉, 秘製豬手, 豬腸油麵, 另一碗就選擇左瑞士雞翼尖, 柱候牛腩, 王沙潤油麵, 秘製豬手及柱候牛腩都大大舊, 好入味, 又夠淋, 瑞士雞翼尖甜甜地, 同一般滷水翼尖唔同, 幾特別, 最正就係王沙潤, 已經好耐無食過咁好味的豬潤, 鍾意豬潤既朋友一定要試試, 店舖仲有一D星級推介小食, ORDER麵餐加$8就可以叫一款, 我就唔蝕底咁叫左一份陳醋黑珍珠木耳(小碟), 份量都唔少架, 一份招牌山寨雞翼(二隻), , 另加一份酥炸章魚丸(三粒), 味道唔錯, 食落同一般煎炸口感好唔同.

今晚同朋友去柯士甸泳池游水，放工後約個地方快，喺佐敦站行出嚟行經近柯士甸道出名的雞蛋仔店旁開左間新餐廳，名好正叫”掂檔”，原來係食車仔面、海南雞嘅，今晚一於試下掂唔掂檔先。自家製羅漢果水(支) $20好大支，飲落清爽帶微微甜。招牌山寨雞翼 (2隻) $16師傅秘製，外皮極酥脆，第一次食到咁脆嘅雞翼， 表面灑上孜然，令雞翼更惹味，而且裏面好夠熱，保持汁潤，肉質嫩滑。鮑汁鳳爪 (單點) $28鮑汁夠濃稠起膠，鳳爪入味粘口。海南雞飯 $58朋友食海南雞飯，都幾豐富。湯 - 用雞骨淆製嘅湯，如雞煲翅的湯底一樣，少油而且雞味香濃，好少食海南雞飯會配上一碗精心製作的雞湯，超加分。海南雞飯 - 雞肉已去骨，肉味香濃，十分嫩滑，配上三款醬汁：薑蓉、甜酸醬和甜豉油醬，蘸上不同醬汁，各有風味。飯粒粒分明有口感，有雞油和椰油香而不膩。還配有凉拌菜，木耳青瓜帶微辣。整個海南雞飯十分豐富，性價比極高。自助套餐連飲品 $42 (3餸)我就點左柱侯牛腩、魚皮餃、龍蝦丸、黃沙潤+$13 和秘製豬手 +$13，要粗麵同滷水汁，好大碗份量好足；豬手炆得夠腍軟入味；黃沙潤爽彈滑嫩；牛腩夠淋牛味濃，粗麵彈牙口感強，每款餸都各

掂檔車仔麵 俾門口個個投射燈吸引左入去😎鋪面光鮮企理 見到個個都大大碗咁食叫左一碗冬菇 蘿蔔 柱侯牛腩 秘製汁大辣 烏冬個秘製辣汁好掂秘製汁有小小似濃縮腩汁加辣汁第一啖咬蘿蔔 蘿蔔好甜好甜係蘿蔔既鮮甜又無渣冬菇夠淋夠入味 無菇臭 應該浸左好耐水平時食牛腩呢 一定會痴牙 但掂檔既牛腩入口溶第二碗係魚皮餃 韭菜 豬紅 秘製豬手 不見天肉 米粉秘製豬手皮面去晒豬毛食出師傅細心 豬手皮好入味好補骨膠原而不油膩同埋豬手肉都唔差 夠軟 易咬指蒜青瓜好掂呀個汁好香 師傅調既陳醋好適中 令到依道青瓜好出色 好開胃 下次會為左依道青瓜再黎食💕而㙐士雞翼尖㙐士汁偏淡如果個汁濃d再煮耐d就會入味d啦 最後枝裝自家製羅漢果茶味道淡左d

呢間喺佐敦 d出口行一陣就到既掂檔車仔麵 依俙記得以前好似 m記黎 轉左車仔麵 令人經過好想試下😂 食店以車仔麵黎講 坐位舒服 燈火通明 車仔麵 menu食物種類多 仲有自家沖既飲品同各式汽水 唔錯👍🏻 🍴拿渣麵 68 蚊😈🍜一上枱見到大大碗材料豐富都好開心😍8 樣野食 有爽口吸汁既韭菜🌿 彈牙入味咖哩魷魚🦑 皮夠爽脆滷水雞翼尖🐤 紅腸🐷入味咖哩魚蛋🐟煮得好林既白蘿蔔🥕爽滑豬皮同豬紅 好正👍🏻麵就要左油麵 油麵係偏軟身爽口 🍜同 點左拿渣汁既湯底中辣🌶 幾 match . 湯底自家調製 甜咸辣都帶 d . 雖然質感唔勁但個味好夠好味😍加6 蚊點左 自家煲既羅漢果茶 冇落糖 所以只得羅漢果本身既甜味 夠哂健康👍🏻😄 🍴三餸車仔麵 42蚊🍜喺 menu 上面任點三餸柱侯牛腩🐂燘得好正 好入味 牛腩夠口感而且大大件 另外，有 d 特別野就加4 蚊 好似 皮爽彈 豬肉煙靭入味既秘製豬手 🐷爽口火喉剛好既王沙潤🐷🔥都好好味 而湯底就點左秘製拿渣汁 甜辣咸都夠味 而且同任何麵都好 match 麵就點左米線🍜 係白色幼身爽口嗰 d都幾有口感😆 🍴酥炸龍蝦丸 10 蚊一串 🐲🦐一串3 粒既龍蝦丸 出

估唔到喺尖沙咀地段都可以搵到一間比較平民化既車仔麵檔😆 入面環境都幾寬敞 車仔麵選擇都算多👍🏻👍🏻 一泥梗係要叫返碗車仔麵試下先啦😆不見天肉原來係豬格勒底個位🤣 第一次試 食落都幾爽口 而墨丸都幾夠彈牙😆 豬紅都值得一讚 夠哂爽滑 不愧係鋪頭推介既☺️而王沙潤就不過不失 同平時比切得薄片少少 但食既唔算太大分別 😛 佢啲小食都好「掂檔」😆招牌山寨雞翼記得要趁熱食🤩 外脆入面充滿肉汁 食完都唔會覺得好油膩👍🏻酥炸章魚燒夠哂足料 食落啖啖章魚 好有咬口 都幾推介大家去試下😋

和朋友逛街累了, 隨意走進一家新開的車仔麵店, 稍作休息一下, 順便醫醫肚。羅漢果水$5有羅漢果天然無添加的味道, 有種甘香的味道, 冰凍消暑, 它對喉嚨, 肺也有好處。指蒜青瓜$28青瓜有拍過, 更能吸引醬汁的味道, 青脆, 爽甜, 指蒜十分夠味, 還附送一些珍珠木耳, 陳醋帶少少辣, 醋香十分醇。陳醋黑珍珠木耳$28木耳細細粒像耳朵形狀, 一樣也是很喜歡它的陳醋味道。豬紅 蘿蔔 韮菜 冬菇 車仔麵$51車仔麵來說, 價錢是有點稍貴, 但各樣材料處理得不俗, 冬菇夠軟和入味, 豬紅很爽口, 蘿蔔清甜, 腩汁湯底, 夠味, 送了幾棵白菜仔。章魚燒丸$13後來追加的, 比墨魚丸好吃多了, 不少章魚在丸子裡, 口感味道也不錯。秘製鮑汁豬手、鳳爪撈粗$62南乳豬手皮爽彈, 肉炆得腍, 鳳爪也夠淋夠入味, 用上蠔油撈麵, 如醬汁全撈會稍鹹, 口味較淡的要移開一點醬汁。還送了一些白菜仔, 幾健康。

車仔麵癮起，經過呢頭就試下間新開既小店。環境又幾乾淨闊落～～原來呢度唔止食車仔麵😮，連撈麵，海南雞飯都有～仲有好x脆小食😆，唔食炸亦都可以㨂下滷水雞翼，陳醋木耳，青瓜果d~~最開心飲品有我最like 既茶類😚唔使成日飲汽水咁悶。✨秘滷汁雞翼：幾欣賞佢個底d白菜😆排得好有heart, 雞翼幾入味同飽滿嫩滑，幾好食丫✨珍珠百香果紅茶：我最鍾意百香果，味道啱啱好唔會太甜。珍珠軟硬適中，唔會太韌，不過就無乜甜味。✨珍珠咖啡：平時好少飲咖啡，因為個胃唔多掂。男友叫左就偷偷淺嘗下先，好香甜既咖啡味真係好好飲！😍～呢個夠甜配珍珠反而正喎👍🏻 下次不如出番個珍珠鴛鴦✨腩汁湯底幾濃，配烏冬夠入味👍🏻而且d 餸都幾多✨咁多款餸之中最鍾意呢個不見天肉片，軟滑腍身啖啖肉。✨蘿白非常入味，章魚燒丸彈口得黎都幾多章魚肉，好有咬口。✨另一個叫左微辣既秘制嗱渣汁，惹味好多❤️東菇同樣入味，不過章魚丸vs 墨魚丸下， 我鍾意前者多d, 感覺味道豐富d~✨炸醬芝士腸：本身以為係有"炸醬", 原來係炸完加千島醬😆。粉漿幾鬆脆，點埋個醬，呢個食法都幾有趣。

掂檔車仔麵DimDon 車仔麵係香港文化其中之一俾人既感覺可能係大排擋 唔衛生但掂檔係一間光鮮整潔既車仔麵食鋪蘿蔔冬菇柱侯牛腩秘製汁大辣烏冬個秘製汁好掂檔 個蘿蔔仲掂檔秘製汁有小小似濃縮腩汁蘿蔔好鮮甜 無渣 好正 好掂 要俾好多隻手指公 冬菇好淋 好入味 牛腩唔洗講 掂檔 平時食牛腩呢 一定會痴牙 卡很深 但依間牛腩掂呀 入口溶韭菜魚皮餃豬紅 不見天肉秘製豬手米粉不見天肉係豬肉 係好軟熟既豬肉豬手 去晒豬毛 好細心 豬手皮好入味 感覺好補骨膠原而不油膩 豬手肉都唔差㙐士雞翼尖 㙐士汁偏淡指蒜青瓜 掂呀 好開胃 第一啖食青瓜 掂個涼拌汁剛剛好 陳醋分量配合得好掂檔食唔停 好出色 想再encore 😋自家製羅漢果茶 好大樽！味道淡左小小 可能自己屋企都會焗/煲 色水深d 味濃d 自己整好d🤣尖沙咀彌敦道180號寶華商業大廈地鋪

午餐時間，同同事去了這間新開不久的車仔麵店。配料款式很多，最平的$9，貴一點的$13，有幾款湯底選擇。墨丸蘿白冬菇烏冬配微辣嗱喳汁有很輕微的辣香，但不太刺激，怕辣的都可以一試，因為可以令湯底更香。這裏的配料十分足料，平時外面只有兩至三粒的墨丸，這裏有四粒，蘿白炆得入味又甜，是必食之一。豬手、肥牛、牛栢葉、豬腸、咖哩魚蛋、魷魚米線配腩汁每樣分了一件比同事，豬手炆到很腍，入口溶化，而且有三大件；牛栢葉及魷魚爽脆；豬腸洗得很乾淨，而且去掉肥膏；不過米線就比較腍。拍青瓜及陳醋木耳青瓜及木耳爽脆，醋酸味十足，非常開胃。整體食物質素不錯，而且份量十足，性價比高，四眼靚仔服務一流，值得一讚。

有人會覺得車仔麵係頹食，亦會有人覺係好西，老老實實，車仔麵呢d平價野食，喺我地讀書時期，糧尾果陣，又或者是但求期想速食果陣，同我地共渡左幾多時光，所以我覺得呢種美食係不可決少架！今次，去呢間叫掂檔車仔麵，又睇下係咪店乎其名？！入到去見到裝修企理，地方光猛乾淨，坐得舒適闊落，牆壁上有一大幅似是人手特別計劃嘅壁畫，係舊式車仔麵的以前情景嘅圖案～點野食紙～都幾多唔同餸選擇bor!麵款亦好齊全加$10就有罐裝汔水，但識揀嘅我，當然會試下d自家制野啦！$15就有羅漢果水，無添加，天然甜味，又夠大支，飲左唔會肥！羅漢果好有益架，對腸胃，清熱解毒等療效～車仔麵，辣汁真的是靈魂，豬紅口感不錯，豬腸唔算多肥膏，牛丸真心要食，牛味重而且爽口，水魷夠入味，至於成個湯底味道適中，老實食呢d濃味d係必須嘅，風味黎架嘛～有得叫鳳爪又幾特別wor,呢個平時食車麵唔常見，味道似酒樓點心果d咁，有骨嘅，唔駛驚，阿婆冇‘lun’過上星期去第間食麵黎隻雞翼俾我喳，呢度有兩隻，雞翼肉厚入味豬手好入味，仲要炆得夠林，宜家食豬手唔平架嘛，俾兩件大大件，正吖！補充下d膠原先！喺menu見到個名幾有趣，叫秘製章魚燒丸，後加左，雖然黎

在尖沙咀行完街，有些肚餓，但又唔想食太多，想簡簡單單快捷食個麵，聽說尖沙咀近佐敦附近開了間車仔麵，啱晒一次想食不同餸的我餐廳裏面環境光鮮，很整潔！不時見到有外國人來食！唔知外國人對車仔麵是否好新奇呢？😄發現原來另有英文餐牌給外國遊客，都幾貼身！👍🏻自家製羅漢果一支，$15聽老闆說呢支羅漢果自家製沒有加任何糖粉，有好香的羅漢果味，好清甜可口！好解喝！😃陳醋黑珍珠木耳拍蒜青瓜車仔麵～ 我選了秘製豬手河粉、豬紅、頂級墨魚丸、秘製章魚燒丸配上紹菜！豬手夠入味！辣醬我們分別點了中和大辣，夠濃夠惹味！食車仔麵必試辣醬另一碗叫了蘿蔔、豬腸、不見天肉片和柱侯牛腩，肉味夠，湯底好味！大大碗夠晒飽！

港式平民美食車仔麵。最喜歡十幾廿款餸任意挑選。最近家裡附近新开了一間車仔麵，每天經過想到几時去試下。除出車仔麵、撈麵，還有海南雞飯。今天不想在家開火，兩公婆近近地，决定这間掂檔。落單紙上每一樣都想吃，點了五餸麵(60)滷水蛋， 蘿蔔 ，豬腸，鱿魚和冬菇。湯底有四款，清湯，牛腩汁，鹵水汁和秘製汁，秘製汁可選辣度。碗不像平常的車仔麵用小碗，加多几樣餸已爆滿。大碗可見所有的餸，不用吃時要在碗裡翻到底才撈到麵吃。 蘿蔔夠腍入味😋， 豬大腸沒有一陣騷味 。湯底我要的是牛腩汁，湯底牛腩味再濃味一點會更好。加多10元可配飲品。

同老公行過見到，有間車仔麵新開試業，就入去試下老公叫左海南雞飯，啲雞唔夠滑，似食白切雞，無去骨，無海南雞豉油我叫左車仔麵，鹵水汁湯底，無味，要佢再俾多d汁我先有返d顔色同味。唔多餸揀，芝士腸有4舊，牛腩有5-6小舊，雞翼2隻。以為2隻雞翼都大舊，點知一隻大係配一隻細。米線正常無特別。總結，唔會再黎食。佐敦有更好的地方食海南雞飯同車仔麵。試業就咁，如果無改善，未必做得長

假期來個文化遊，去完九龍公園和文物探知館後，到這間新餐廳一試。這間餐廳的位置在佐敦，九龍公園對面。餐廳的主打香港特色的車仔麵。牆上的黑白壁畫吸引我的駐足。背景是舊式公共屋邨，屋邨前擺滿老式麵檔，好不熱鬧。我雖不是生於這個環境和年代的香港，但看到這幅畫便不由地懷念舊時的香港。在現今滿是高廈的香港，不知還有多少遊客知道這曾是香港隨處可見的景象?簡單的一張點菜紙，從車仔麵、撈麵，至海南雞飯也有。每一樣都想吃，點了五餸麵($60)—柱侯牛腩、鮑汁鳳爪、滷水蛋、豬紅和秘製章魚燒丸。另加魚皮餃。端上來的是一大碗五餸麵，較矮平身的碗設計可容易同時吃餸和麵，不用一直在高碗裡翻來翻去麵條和配料。湯底有三款，清湯、鹵水汁和秘製汁。秘製汁可選辣度，我選了小辣。這裡的秘製汁有著咖喱汁的湯底，混和了紅色的辣油，喝一口湯底是中式辣椒的微辣和西式咖喱的濃香辣味。湯底再濃一點更好，那味道就更讓人垂涎欲滴，吃不停口。柱侯牛腩軟稔而帶點嚼勁，調味足，牛腩本身也能吸收湯底精華。鮑汁鳳爪的口感較好，畢竟是鳳爪，皮較爽脆。同時鳳爪肉也多，每咬一口都是軟肉。秘製章魚燒丸果真是秘製，否則哪來這裡受歡迎。從相中可見章魚足佈滿整粒丸，