捌壹壹 (奶路臣街)

营业中

休息中

四川麻辣風味🌶🌶🌶 酸菜魚 • 火鍋魚 • 香鍋 😋本身以為四川菜同本人無咩緣，因為本人唔食得辣🥲 不過今次黎到呢間川菜餐廳，食物可以揀自己鐘意既辣度，仲有得揀走辣，所以入去試下先😋叫左佢既必食冷鍋酸菜魚，真心好好食🤩 佢d魚肉好滑同埋好嫩口，滑到我用筷子夾起都有難度🤣 要大讚呀👍🏼👍🏼👍🏼 呢個鍋入面仲有d 金菇同寬粉，食落好煙韌好好食🤤🤤🤤個人覺得食酸菜魚點都要嗌少少辣先過癮😝 我叫左BB辣，呢個辣對唔食得辣既人黎講岩岩好👍🏼 另外再叫左火鍋料，原來一份既份量都好多，好抵食！我十分推介手切肥牛、芝士豆腐，肥牛好有牛味，夠嫩口😋，個芝士豆腐有驚喜🤩一定要試下！最後叫左個炸饅頭，因為我由細到大都好鐘意食，每次見到都必叫😆 呢到亦無令我失望，饅頭炸到金黃色，脆卜卜，點埋煉奶一流🤤🤤🤤飲品可以試下佢地既沙冰，好飲又解渴🍧

一直好想試出面正宗嘅酸菜魚！今次終於食到啦～我地一行4個人 叫左regular 嘅酸菜魚😜 廢jj嘅我地先食到bb辣🥲 但呢個辣度係岩岩好！再辣多小小 應該會食得好辛苦 利申！三哥食到5小～大家自己斟酌🤣 酸菜魚鍋入面本來有 酸菜、魚、豆芽、芫荽、寛粉魚嘅份量絕對夠4個人食！食到最後都仲有🤤魚身好滑 最緊要係冇骨 方便我呢啲廢老🤭🤫而且一d都唔腥 同行4位唔食魚嘅人都食到😬入面嘅配料都算多 我地唔知道有寛粉 再叫多左一份 建議可以叫其他～ 鴨血就必叫！冇血腥味～而且份量都好多～比較彈牙～唔係正宗鴨血～比較推薦大家叫娃娃菜、豆卜、響聆，吸哂d湯汁係幾正🤭粉麵我地叫左 拌麵同埋炒飯！比較suggest 拌麵 但飯嘅份量超級多 可以比4-5個人食！甜品～黑糖糍粑😜是常識吧！黑糖唔會過甜 糍粑表面有炸過 外酥內糯🤣桂花冰粉 冰粉口感似jelly/愛玉 配合埋桂花清香係一流💕💕💕Overall 同3-4個朋友一齊去食 係十分適合！大家share酸菜魚後仲可以打邊爐咁食 very 👍🏻 而且價錢相宜 味道中上～

🔥辣癮起，今次揀咗近期人氣高企嘅捌壹壹試吓，上次想食夜晚full 左，見尋日係紅日，特登揀晏晝去食～餐牌有酸菜魚、雞煲、重慶麻辣火鍋魚、涼菜、小炒、煎炸小食等等。自己剔嘅餐牌設計好細心，每一道菜都可以揀辣度。我地叫左必食冷鍋酸菜魚（$188），個名好有趣有諗過係咪凍食原來意思係唔駛滾住個鍋咁解，魚片肉質結實起晒骨啖啖肉食得好暢快，湯底酸辣味濃郁之餘有淡淡嘅花香味，幾特別，配菜已配有薯粉，份量多，兩個人叫細鍋已經夠晒食。平時譚仔食開兩小麻，叫中辣剛好。另外仲叫咗兩個涼菜-香油海蜇（$38）同手撕雞涼麵（$58），麻辣味有層次，同樣叫中辣但辣度比酸菜魚更加刺激，飲啖蜜桃沙冰（$38）cool down 一下好爽。甜品叫咗細嘅黑糖糍粑（$30），兩個人食剛好，糍粑嘅口感似較淋嘅年糕，外脆內軟配埋黃豆粉同黑糖一齊食好滋味，QQ控必點。兩個人食咗大概$400，見到好多人都係叫咗呢個酸菜魚再叫配料打邊爐，相信用呢個湯底打邊爐都幾正！

坐得闊落又舒服，openrice book位仲有68折，選擇又多，食酸菜魚仲可以打邊爐。*麻婆豆腐 $65辣度bb辣，同時兼備麻同辣，先麻後辣，有層次感之餘，辣得嚟好開胃，豆腐嫩滑，吸晒麻辣汁味，送飯一流！必食冷鍋酸菜魚 $188可以打邊爐嘅酸菜魚，邊滾邊夾嚟食。湯底揀咗bb辣，辣度足夠，但酸度唔夠，湯底偏鹹，重口味有大棵酸菜，大量金菇，魚片啖啖肉，上咗層粉所以會滑潺潺，亦冇魚嘅鮮甜味，入面仲有寬粉，煮到最後腍到爛晒斷開，一定要早啲夾起嚟食。打邊爐叫多咗金菇，娃娃菜，寬粉同埋響鈴，響鈴受潮腍晒，好失望。手撕雞涼麵 $58手撕雞嫩滑，辣度bb辣都非常夠辣，但差啲層次感，淨係辣。涼麵非常硬，好似冇煮過咁，連手撕雞食口感非常差。黑糖糍粑 $42煙韌不嬲都係我嘅最愛，佢夠晒熱，外皮脆，但冇麵皮，偏薄，而且非常吸油，入面煙韌，但唔夠米香，配黃豆粉點黑糖好好食。

冷鍋酸菜魚(regular 2-3人份量)$188☘️🐟今次試咗最近好受歡迎嘅酸菜魚，呢款係店員推薦嘅招牌菜，冷鍋即係煮好上鍋，唔係凍㗎😂😂識我嘅都知我食辣野就會爛面，佢有走辣、bb辣到大辣揀，好啱我呢啲敏感體質食🤣🤣無骨魚肉好滑，魚肉、酸菜、芽菜都吸咗湯嘅精華好入味🤤🤤干煸四季豆 $68 🥬好乾身又入味，清盤都唔會有罪惡感🤤❤️炸饅頭 $38 🥛🍞冇諗過有炸饅頭食，炸饅頭配煉奶永遠都唔會令人失望😍😍柑橘青檸梳打 $28 🍊🍋蜂蜜柚子梳打 $28 🍯我哋另外有嗌兩杯飲品，都係正常發揮，消暑解渴🧊整體黎講，食物質素唔錯，cp值好高，加一之後人均都係$200之內，會再去食❤️❤️

本身好鍾意食酸菜魚🥰 見到最近好多介紹依間餐廳❤️ 就緊係要去試下啦😎 好好彩被安排坐梳化位🥰 必食冷鍋酸菜魚(小辣)($188)個名無改錯😆 真係必食推介👍🏻 酸菜魚份量超多❤️ 上枱熱辣辣， 而且完全無骨， 魚肉又嫩又滑， 真係超好食👍🏻👍🏻👍🏻 再加上大量配料，酸菜、芽菜、金菇同埋寬粉，超勁豐富😎同埋餐廳勁貼心❤️ 有4種辣度可以揀， 唔食得辣但又想食辣既人， 可以試下bb 辣😊酸辣土豆絲(BB辣)($65)土豆絲既軟硬度控制得岩岩好👍🏻 口感超好，配埋小小辣再加埋黑醋既味度， 好食❤️川北涼粉(BB辣)($38)係一個涼菜， 涼粉都算幾滑黑糖糍粑($30) 糯米糰經過高溫油炸，面層再加上黃豆粉🥰 外脆內軟熟煙韌❤️ 好有口感，有d似煎年糕既感覺😆 加埋黑糖重正👍🏻藍莓沙冰($38)勁大杯😎 勁岩打卡😆 飲落完全唔會有藥水味🥰烏龍茶($14)一定會再幫襯🥰 因為個酸菜魚真係好好食❤️味道 🌕🌕🌕🌕🌘環境 🌕🌕🌕🌖🌑服務 🌕🌕🌕🌖🌑抵食度 🌕🌕🌕🌕🌘

🤗旺角抵食酸菜魚➰川菜@《捌壹壹》🤨見到呢度有道冷鍋酸菜魚就引起左好奇心，試左先知原來係凍既煲入面放啲煮好既酸菜魚，所以都係熱食既!有個爐比你keep住滾，一路食到尾都keep住係熱辣辣👏 ，呢點好好！食完亦可以加湯打邊爐。 🐠冷鍋酸菜魚 $188 (regular size)-（可以走辣，怕辣既人都食得！）不過我當然會叫小辣。出到黎其實好大份😝！湯底比一般酸菜魚更鮮甜，飲落會先感受到甜後酸再辣，有層次感。魚肉應該用左啲生粉裹住，咬落比較滑彈。少不了一啲菜、金菇，水晶寬粉助陣!個粉晶瑩剔透，特別好食😍，如果唔係太飽都想額外加粉食，呢個湯底用嚟打邊爐應該好正😋。 🐂夫妻肺片 $58-印象中冇咩係餐廳食過，見有個手指公👍🏻就試下！原來係用左麻辣汁涼拌牛𦟌、牛脷同金錢肚，口感比較爽韌，我又試吓將佢地浸啲湯食，又再軟身啲。😆 🐓手斯雞涼麵 $58-雞絲夠嫩(最怕d乾鞋雞絲)，麵質比較乾爽。🥚尖椒皮蛋 $38-又食皮蛋🙂，特別中意食啲透明糖心皮蛋🤭🔅所有小食都可以揀辣度

喜歡辣(雖然唔受得），更喜歡酸，所以酸菜魚都算久唔久會翻食之作。主打四川麻辣同酸菜魚既餐廳越開越多，上網搵吃既時間見到大家對呢間811餐廳評價好高，決定約埋嗜辣既朋友仔逛完街去試下個酸菜魚。.捌壹壹係正旺角麥花臣場館隔離，地點方便。餐廳招牌係麻辣酸菜魚，每檯必點。周末下午茶時間去到，餐廳依然差唔多有9成滿，生意非常好。.必食冷鍋酸菜魚 (BB辣) 💲188⭐️3.9/5熱既酸菜魚經常食，但係冷鍋版本第一次接觸。見寫住係呢間餐廳招牌貨必試，貪新鮮既我無理由唔試一次。雖然話係冷鍋，但其實湯底係室溫微微偏凍，唔係凍到出水個種。辣度可以隨意選擇，甚至可以叫走辣。為左腸胃好，叫左微辣版本。BB辣版本辣度輕微，如果食得辣既朋友我覺我可以由中辣開始試起。講番個冷鍋酸菜魚，魚片香滑無骨，點正常版魚既份量已經非常的多，全鍋有8-9成都係魚片。如果會叫下其他小菜既朋友，我覺得呢份3-4位用都係足夠有餘，兩個人今次食唔哂。而其他配料例如酸菜、大白菜同冬粉比例上相對偏少。最美中不足係我最愛既冬粉真係唔多夠喉同口感上偏硬。.皇牌口水雞 (例) 💲78⭐️3.8/5試左兩個小食，口水雞寫住係佢地皇牌。一樣揀左BB辣但

*必食冷鍋酸菜魚 $188*大大鍋嘅酸菜魚，一上枱第一時間試啖湯先，夠晒酸辣。份量非常多，比起之前食過嗰啲酸菜魚，呢間多到好似食極都食唔完咁。認唔出佢係用咩魚，但係肉質鮮嫩，無腥味，又無細骨，大大塊魚肉片，仲有豐富嘅配料，酸菜、芽菜、芫荽、金菇、粉皮，呢個價錢有咁大兜，真係抵食👏🏽*少爺炒飯 $68*因為同阿爸去，驚佢唔飽就叫咗碟飯，估唔到都幾有驚喜，比想像中好食😋飯粒炒得乾身，有豆腐乾、爽口彈牙嘅蝦、午餐肉，唔同一般嘅港式炒飯，多咗陣花椒油&孜然粉嘅香味*夫妻肺片 $58*川菜冷盤，有金錢肚、牛展、牛舌，配以辣椒油同埋蔥蒜，重口味之選呢間食店價錢唔貴，酸菜魚&炒飯十係大大碟，好食得嚟cp值都幾高，下次經過呢頭都可以再食過

食不厭的酸菜魚 酸菜魚其實真係一樣好好食的食物兩個人一坐落就已經二話不說叫了一份酸菜魚，裡面有寬條粉，酸菜，當然唔少得主角魚! 魚肉好滑，好好味，每一口都好正。一食落口魚肉一早已經吸曬湯既精華。 酸菜，超夾脆，魚與酸菜都一樣好食，加上最近天氣真係好熱呀，酸既野真係岩食。加上辣到好刺激呀，雖然夏日炎炎，但係一邊食酸菜魚，一邊開冷氣，一邊吹水，真係好唔錯， 辣度一向都可以揀，仲可以揀埋走辣添，岩曬如果唔食得辣既朋友。最後仲叫多左個飯，因為飯+酸菜魚真係好夾好夾，然後再飲酸菜魚湯，再食寬條粉。 另外叫了一碟肥牛，雖然火鍋配肥牛較常見，但係用酸菜魚湯配肥牛火鍋真係好正正。煮一煮已經食得，加左肥牛之後湯既味道仲多了一層。 另外叫了一份墨魚餅，係未上酸菜魚之時可以食食。裡面仲有墨魚粒，彈牙得黎又幾好食。 最後飲品方面，都只係33元，真係性價比高

👍🏻必食冷鍋酸菜魚 $128 (原價$188)酸菜魚啖啖肉，連幼骨都無，肉質好嫩滑😍無腥味，厚薄適中，夾起肉唔易散😋嗌左中辣，辣度岩岩好唔會好熗喉，亦好夠酸，兩者好balance魚肉份量都唔少，仲有大量芽菜同酸菜、少量金菇同寬粉😛樣樣配料都好入味，吸哂啲湯🤤整體份量好足料，食埋啲配料都夠哂飽🤣味道：8/10性價比：9/10-👍🏻口水雞(例牌) $53 (原價$78)肉質有彈性幾嫩滑😛雞皮唔太肥，有層薄薄啫喱夾係皮與肉之間嗌左小辣唔算好辣，有麻香😋口水汁雖然濃味，但仍然食得出雞味份量唔錯，有骨但肉都幾多😜味道：8/10性價比：8/10-👍🏻夫妻肺片 $40 (原價$58)牛肚切絲，質地爽口，吸汁啲辣醬汁勁惹味🤩牛舌厚切軟腍，牛味好濃🤤牛𦟌肉質結實有嚼勁但唔韌，滷得好入味🤪整體份量都幾多，呢個值得嗌🤣👍🏻！味道：9/10性價比：9/10-閒日12:00-17:30用Openrice訂位有68折優惠真係抵食好多🤓👍🏻-📍#捌壹壹旺角奶路臣街33號地下F號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指

必食冷鍋酸菜魚🥢辣度由BB辣至大辣4個level，亦都可以走辣，不過食得川菜，點都要有少少辣嘅，我地叫咗最溫和嘅BB辣，魚片非常多，全部都無骨，可以好放心咁食，酸菜十分開胃，當然也有芽菜、金菇、寬粉等等嘅，配料都索晒湯汁辣子雞(半份)🥢雞肉炸咗好香口，朋友食得辣，就連辣椒花椒都會食埋，我就唔太食得辣，食埋辣椒就即刻辣到噴火，要飲啖飲品解辣，不過就咁食雞肉都覺得幾過癮！香油海蜇🥢海蜇以麻油調味，底下有少量青瓜絲，海蜇比例高。杞子菊花蜜🍹清熱潤喉，可以一解辣味柑橘青檸蜜🍹

味道：⭐️⭐️⭐️⭐️旺角人氣川菜館🇨🇳冷鍋、雞煲、火鍋魚 樣樣齊🥘❶重慶麻辣火鍋魚 $278呢個烤魚係用上原條既魽魚 🐟食落啖啖肉又少骨🦴至於魚嘅表面就放上多種四川香料 香辣惹味🌶配菜方面就當然唔少得芽菜、金菇、豆卜等👍🏻順帶一提有幾個辣到可供選擇 照顧不同客人需要👨🏻‍🍳❷ 水晶寬粉 $32晶瑩剔透 口感爽彈帶嚼勁🍜最緊要索湯力唔錯 辣得過癮🔥❸炸小饅頭 $38炸得金黃香脆 外脆內軟 🌟配上煉奶真係冇得輸💯❹ 黑糖糍粑 $30口感軟糯又煙韌🤪配上黃豆粉和黑糖漿 香甜可口 🍬實在無法抗拒😈

-{旺角酸菜魚🍲}黎左依度食左個酸菜魚🥰再加啲料打邊爐🤪🤤冷鍋酸菜魚🤤 ($188)雖然叫冷鍋但係熱食嘅~魚肉全部都冇骨仲要好多☺️個湯底要bb辣 酸辣味都好出 超多芫茜😎仲有啲寬粉同金菇好掛湯夠入味😙👖褲評: 8/10🤤大手切肥牛🤤 ($138)肥牛係厚切 好有咬口唔洗加醬汁都好入味🤩👖褲評: 8/10🤤滷水肥腸🤤 ($48)份量好多☺️唔會太肥 咬落仲有啲彈性😜👖褲評: 7.6/10🤤水晶寬粉🤤 ($32)寬粉又係好多😋好q彈嘅感覺🤓👖褲評: 7.3/10第一次試酸菜魚 朋友話幾高質 魚肉同湯煮好高質🤩🥳酸菜魚fans必試！！性價比: 8.3/10服務: 8/10環境: 8/10🚩捌壹壹🚩地址: 旺角奶路臣街33號地下F號舖

🍴ᴍᴀɪɴ· 必食冷鍋酸菜魚 $188﹟雖然叫冷鍋, 但實際係熱食架, 純粹係餐廳會係廚房整熱成鍋直接拎出黎, 唔洗滾住食都得☺️共有4種辣度選擇, 唔食辣可以走辣tim👍Regular既份量都幾多下, 魚片大塊完整, 配料仲有量酸菜, 芽菜, 寬粉等😎 魚片食落雖然滑身, 但就見到魚片外層被一層透明嘅粉狀包圍住, 個人就麻麻地依種滑潺潺既粉感🙈湯底酸酸地帶點麻辣, 食落都幾惹味😛🍢sɴᴀᴄᴋ·炸饅頭 $38﹟饅頭炸得金黃, 熱辣辣, 外脆內軟熟, 唔會太油膩, 蘸埋煉奶食一流呀🤟🍢sɴᴀᴄᴋ· 黑糖糍粑$30﹟外層炸到微微脆, 內裏煙韌軟糯, 似係食緊炸年糕, 面頭有啲黃豆粉, 蘸埋黑糖食, 更加滋味呢😝🍢sɴᴀᴄᴋ· 香油海蜇$38﹟涼菜一樣可自己選擇辣度, 海蜇食落爽脆, 底仲有啲青瓜絲🥰🍢sɴᴀᴄᴋ· 夫妻肺片$58﹟一碟有齊曬牛展、牛脷、金錢肚, 岩曬同朋友開心share👯‍♀️🍢sɴᴀᴄᴋ· 紅糖桂花冰粉$23﹟桂花味道偏淡, 清清地咁, 面頭加左啲提子乾, 同滑溜啫喱形成口感對比😉