捌哥.捌哥特色馬拉茶啡廳

营业中

休息中

深水埗有很多平民美食, 不過來來去去都係幾間出名的老店, 想食一些特別的, 就找到了這家馬來西亞菜。一看門口熟一熟面, 不就是幾天前在大角咀見到的裝修一樣, 那間風評麻麻, 這間好像好一點, 想食馬來西亞菜, 價錢又不貴, 就試試吧。細滲$72: 雜錦的肉骨茶來, 有雞腳, 豬手, 豆卜, 豬肚, 豬腩肉等, 雞腳煮得不夠淋, 其餘不過不失, 湯底味道濃郁, 但藥材味不太濃, 飲落不算太鹹, 特別的是湯可以任添飲的, 最平的肉骨茶廿幾元, 真的可以嗎?咖喱喇沙$45: 麵是油麵來, 湯底很濃咖喱香味中有椰奶味, 配料有雞肉, 豆卜等, 這裡的喇沙款式甚多, 不過這碗給我們普普通通的感覺。馬來亞拉茶$8: 聽說有泡泡是正宗的, 拉茶又濃又滑, 茶味奶味平衡, 不錯。

Went to check out this new restaurant and as a Malaysian, obviously I am more critical. However the food did not disappoint. Bak Kut teh taste good,( but I can be better) and the best is the clay pot Lou si fan reminds me of home! Very tasty and it was kept warm within the claypot. I have given some feedback to the owner and he is very positive in receiving feedback. With its relatively big portion I would say that it is definitely value for money. I will definitely be back!

見佢新開無幾耐，裝修又幾有特式，於是晚餐就入去一試。點知坐底打開menu福建蝦麵同laksa都暫停供應⋯好失望。叫左幾樣食物，同行友人都一致覺得唔好食⋯在馬來西亞生活過一段時間的我，雖然唔算係專家但好味與否都仲分到。凍拉茶飲落唔順滑，面頭無泡，唔似有拉過，好似一杯hea做嘅茶記奶茶。沙嗲串燒當晚沒有雞，只有牛和豬，一上枱見到d沙嗲醬色水就知唔對路，食落有陣類似鹼水味，慘過買現成樽裝淘大李錦記，而且牛豬都好唔新鮮，肉眼睇都唔知邊串牛邊串豬，食落霉霉地。咖咉多士的牛油唔知去左邊，得薄薄的咖央醬同少少牛油味，其實收得$20一份真係希望會夾返塊牛油落去。Nasi kerabu藍色飯配咖哩雞，其實個飯本來係無乜味只係用左蝶豆花嘅色，要加上傍邊的咖哩汁同個辣醬，辣醬偏鹹，雞又醃得唔夠味。芽菜雞配黃薑飯，哩個配搭第一次見，係大馬都無見過。黃薑飯可以話係成餐入面最正當，芽菜都幾爽，可惜雞完全無雞味，比白切雞仲淡口，由頭到尾只係得黃薑飯嘅味。

上星期去食lunch途中經過見到呢間新開既餐廳，裝修好靚，明顯係有心思諗過既，就一直好想試下。今日約左幾個朋友book左枱食lunch，有得book枱值得一讚！-lunch有幾個套餐簡，價錢都係$5x - $6x 包野飲，相比起同區其他餐廳係貴左少少既，不過試下好唔好味先～-野食黎之前老闆娘仲送左份咖央多俾我地試下！咖央多好好食！多謝老闆娘～-叫左肉骨茶加白飯 $68肉骨茶好足料，入面有雞腳，金菇，豆卜等配料。湯係馬來西亞口味，藥材味比較重，仲有得免費加湯！-朋友叫左檳城福建蝦麵 $55好香，個湯好濃郁，好重蝦味！-另外值得一提係杯拉茶，拉茶同一般奶茶唔同，係用煉奶，可能會比較甜，不過鐘意甜野既我就覺得岩岩好！-雖然價錢貴左少少，但係物有所值呀！會再黎試下其他野食～

平日食中餐食太多, 想食下西餐, 但老豆又唔岩食, 經朋友介紹一間新開既馬拉餐廳, 上網睇過d相, 賣相又唔錯喎, 拉埋家姐姐夫一齊去食, 咁先可以試多d野嘛。去到門口時發覺個裝潢幾特別, 有道紅色屏風係正大門口, 好有中國風味, 一推門入去, 好似去左馬拉餐廳感覺, 牆上又掛滿字畫, d字畫其實係菜名黎, 成個氣氛游合中國及馬拉風味, 好特別。餐牌上有晒中英對照, 又有清楚相片, 外籍人士或唔識字都可以食到想食既野。經過一輪內部討論後, 結果叫左沙爹串燒半打,怡保芽菜雞半隻, 福建滷麵, 肉骨茶, 咖哩喇沙米線, 黃薑飯及豬油撈飯。老實講, 有幾樣野我從未聽過見過, 例如福建滷麵, 黃薑飯及芽菜雞, 但又比到驚喜我喎, 店員介紹福建滷麵要加點醋撈埋佢食, 我緊照做試試睇下點, 一加醋撈起佢果然香好多, 成碗麵好似噴左香水咁, 食落又唔會濃味, 岩岩好。個半隻芽菜雞睇落普普通通, 冇咩特別, 店員介紹食前要把雞均勻沾上碟底既汁, 咁先好食, 我當然跟住做, 沾上汁既雞真係帶到比你從未試過既雞味, 帶有淡淡既香既醉雞咁, 但係冇酒味的, 味道易入口, 任何人都岩食。黃薑飯, 睇落有d似雞

今朝同師兄傾飲食經，師兄不停send捌哥.捌哥的食物引誘我。我同師兄都好喜歡食新野同好野，哈哈～我哋兩個間中會談論近來大家食過咩好西。今日終於有時間，都係全日只吃一餐，來到深水埗汝州街剛新開業的捌哥.捌哥。係唔係睇上去裝修同食物都似曾相識， 精明嘅食客一定會估到，仲有另一家在大角咀的，其實背後有很多耐人尋味嘅故事，暫時我不想講太多人哋的八掛，我只想享受食物。必食之選， 咖央多士及老鼠粉，我是超級粉絲，每月一定要食一次，今次我就揀咗去捌哥.捌哥止我的毒癮。睇下賣相同食材竟然跟別的有所不同，我覺得呢間味不濃，不甜，份量ok，速度比較快。咖央多士，麵包外脆內軟，椰香咖央味道剛好，甜度比某間低，感覺健康一點。加送正宗馬拉半熟蛋一隻，某間是沒有的，職員說加點胡椒粉溝勻後再進食，有蛋味滑溜的。配埋馬來西亞拉茶，茶都滑口，味不濃不甜，都很不錯。整套茶餐只係$26，價錢很合理，我又點會錯過老鼠粉呢～再加$15就可食到。老鼠粉同我食開的不同，材料用了五花腩片，炸豬油，炸豬腸及豬肉粒，再配上清淡的醬汁，我要強調多一次所以食物味道不濃，但不是沒有味道，只是甜度及鹹度比較低。下次要再來食埋個肉骨茶再比拼一下，

有日經過見到宜間新開張，裝修又咁有特色，好想泥試下。不過99.9%肯定捌哥係蘇媽個FRD XDD，餐牌同裝修基本上係一樣我自己都未食過蘇媽蘇媽，不過就知佢好出名～同一大班同事去食，見到OPENRICE話有得電話卜位喎！宜個真係正既，因為去到唔洗等位直入都已經要加分。捌哥既店員們服務一流，好有禮貌，照顧周到！嗌完野食之後無耐，送左２份咖央多俾我地食啊！（多謝老闆娘）宜度有LUNCH SET嫁。食馬拉野，梗係想試下佢個喇唦啦！不過LUNCH MENU係無喇唦既OPTION，所以要散嗌，但點知已經賣唒了唯有轉左做＂柔佛喇唦＂，真係唔知係咩泥，不過MENU話係由唔同既魚肉打成。上枱個陣，店員就話係馬拉個邊Ｄ人係當宜個係意粉咁食既～食落佢又唔似平時喇唦既味道，無乜椰香，係真係好似魚肉醬撈面嫁喇你當～仲嗌左個LUNCH SET＂辣死你嗎娘惹咖哩雞肉＂。其實又唔係真係咁辣喎係雞脾泥，不過無乜點醃，主要都係靠側邊既醬汁調味。同埋Ｄ飯好有椰香味的。配左個白咖啡，如所料，煉奶的甜甜啦！可能新開張，都未係坐滿座既。雖然野食來評的話，未必是五星，無很impressed的。但坐得幾舒服，同埋服務一流真係加唒分！

今日潮聖咗深水埗一間馬來西亞菜嘅新餐廳星期五7點去到，唔算好多，門外嘅格局有點似蘇媽果間店。之後入到去坐咗張大圓桌，地方幾寬大，都幾舒服。點咗個怡保芽菜雞黃疆飯$58黃疆飯好入味，好有疆味，但飯雞都幾嫩滑，但雞肉比較少，好多骨。馬拉沙嗲串 $40 （三串）可以揀豬牛雞沙嗲偏比較甜，而且牛比較硬，要咀嚼好耐。反而雞比較好，比較軟身，容易入口。炸饅頭$32饅頭沾煉奶好好食，饅頭細細隻而且好香脆。饅頭入面都好鬆軟。一字骨 $42舊骨頭配合頭抽加辣椒🌶️，好有口感，而且舊肉好大舊同多肉，肉質較軟身。但舊肉肥咗少少，有些許肥肉。辣死他啦配參既魷魚 🦑 $48D飯比較咸，但魷魚好爽口，但辣醬真係幾辣下。

今日嚟到呢間新開張嘅馬來西亞食店。由地道馬來西亞人開嘅，仲有靚女馬拉人老板娘。喇沙真係非常正宗，又唔貴喎48蚊嗻。本來過淨係食喇沙同飲奶茶，見到佢好精美嘅餐牌，忍唔住要試埋其他嘢食。叫咗個沙窩老鼠粉， 啲肉碎同粉啱啱好，一大煲仲有個火熱住慢慢食。試埋串燒豬牛雞各二，啲自制沙爹醬真係好特別，唔係街邊求祈嗰啲。個豬肉卷好似啲腐皮包住炸嗰啲，入邊d肉好鬆軟同惹味。最後加杯話梅桔仔茶，非常滿意！佢哋仲有賣檸檬薏米水，不過太好賣啦，我哋嗰時已經試唔到啦。希望佢哋快啲開埋早餐，馬來西亞咖央多，水煮蛋加拉茶，期待呀！最後梗要打包串燒返屋企比兩位少爺啦！

深水埗新開張的馬來西亞菜！味道正宗，肉骨茶、拉茶、芽菜鷄、叻沙、咖哩薄餅等不用多說，最有驚喜個咖啡大蜆，個汁食薄餅同飯，冇得輸！豬肉撈飯不能不吃🤤🤤🤤題外話，背景牆手繪壁畫絕對是打卡勝地。

今日行開深水埗，經過一間好光猛嘅鋪頭，原來有間馬來西亞餐廳新開張，鋪內清潔乾淨，有幅好特別嘅壁畫，打卡首選，服務員熱心有禮，筷子有捌哥.捌哥個名，令我感到意外嘅係竟然有本書仔教正宗食法，對於我未去過馬來西亞嘅人黎講，覺得間餐廳好有心思，肉骨茶好味，拉茶好飲(奶茶控必試)，辣死你阿媽咖哩味香雞又嫩滑，通菜魷魚，魷魚爽脆，餐牌選擇又多，望到好多都想試，下次必再去試😋#拉茶#辣死你阿媽#肉骨茶#柑吉話梅冰

好耐無食過咁好食既馬來西亞菜喇！今晚同班老友飯聚，去到深水埗見到呢間新開張既「捌哥捌哥」見佢打旗號係正宗馬拉菜，當然要試下啦。我地叫左幾款開胃小食，有扎肉卷，青咖喱蜆，串燒同薄餅，味道一流！特別一讚個薄餅，唔太油而且好厚度適中，唔會食完就飽，配上兩款醬汁非常好味，不過我個人喜歡用薄餅點落青咖喱蜆果啲汁到，辣辣地好開胃！跟住主菜黎喇~肉骨茶！味道真係有令我諗返係吉隆坡食果種味道，好快就成煲清曬，而老闆亦都好細心教我地點食先係最好味，比個讚佢！強調，個湯真係好好飲……之後老闆又介紹左黃薑飯同最邪惡既豬油撈飯比我地試，講真，好耐無食過喇……咁食南亞菜當然唔少得喇沙啦，我地叫左兩碗share，有少少辣但係都ok既，啱我呢啲重口味人士！食左咁多重味野，老闆介紹我地飲桔仔水清下，唔錯！總括黎講，整體上十分可以比八分（留多啲進步空間），裝修亦都幾好，最因賞係一入門口左手邊幅畫，超靚！！服務絕對有九分！雖然食客好多，但我地都唔洗等好耐就野食，而且老闆服務態度一流！絕對會翻食！

在香港很難得吃到美味的馬拉菜，新開張的捌哥捌哥卻能煮出一番味道。喜歡它的肉骨茶，多款選擇，藥材味不算太重，也不太油膩，適合港人口味，跟白飯同吃一流。另外，咖央多士也十分香脆美味，不會過甜。我也很喜歡它的喇沙，可選擇麵底、米線底等，香香辣辣，非常醒胃。串燒也相當不錯，芽菜雞也不俗，但說到最喜歡的菜色，還是奶油中蝦配炸曼頭。兩個字：絕配！如果中蝦能改成大蝦就更完美了！價錢方面，個人認為非常貼地，午餐大約$60-70一位，晚餐大約$100-120一位。今時今日在香港已算是物超所值了。

跟朋友去深水埗試了間新店，以為都是一般馬拉茶記，沒什麼期望的，而我只食素菜和海鮮，估計應該都無咩啱我食，坐下來點了個黃金奶油蝦，一試覺得好 ok ，店員推介配埋個饅頭，呢個菜我覺得必試! 還有魷魚通菜，個辣汁幾特別，還有加映多，我自己比較鐘意。同行友人試咗串燒，檳城滷肉卷，辣椒蜆，怡保芽菜 (老闆話芽菜是空運過來，絕不馬虎，這個都推介一試)，辣蜆醬汁也很不錯，推介! (我不吃肉，只吃海鮮，主力試海鮮和素食)總括嚟講，下次去深水埗會再幫襯的覓食地方。