捌哥.捌哥特色馬拉茶啡廳

营业中

休息中

深水埗蘇媽食馬拉野就出左名，近排竟然出現一間捌哥？裝修同埋食物，全部都好似，唔通係姊弟店？定母子店？下午茶有飲品，有蛋，可以配咖央多士或者薄餅，我地兩樣都叫晒！佢地自製左一本小手冊，教人食唔同食物時要留意的小貼士，幾得意！蛋好正呀，記得除左落生抽，仲要落胡椒粉，好好食！薄餅比起多士好食，咖哩汁唔會好辣。多士的咖央醬得好少，所以味道唔夠。仲叫左肉骨茶，豬腳彎，唔知係咪漏咗單，好耐先上。呢度同蘇媽一樣係俾人任添湯既。不過我哋一開始飲完一碗我就冇添啦， 下午茶仲可以加錢叫杯特飲，我哋要左一杯美祿恐龍，一杯馬拉茶。拉茶都幾香滑

係附近做完野，就黎到呢間openrice排行榜較前既餐廳。試下呢間新餐廳🌟🌟Menu:幾精美因為已經係附近掃完街同諗住之後再食糖水，所以只係叫左幾樣較穩陣既野食。拉茶：👍🏻一般，但都算大杯夠兩個人飲，而且以拉茶黎計唔算太甜。黃金魚皮：魚皮合格，但問題係個汁，以為係咸蛋黃但竟然係酸既😣唔岩口味喇沙：只有咸味而無喇沙既香味，而且係好咸👎🏻👎🏻👎🏻差過茶記沙嗲：👍🏻👍🏻👍🏻推介可能係全餐廳最好食，夜晚只係剩低豬肉，無哂雞同牛，燒得唔乾唔un 夠juicy🌟🌟🌟水準高，汁係重點，如果汁再多d更完美。

客服態度超差，落單之後仲等成25分鐘，隔离一起搭枱的人(遲過我入嚟)都有得食，最衰就嗌同一樣野，冇理由會先俾佢。食完個餐，但系仲未飲完野，條友行嚟問啲餐好唔好吃？之後叫我埋單請去嗰边！趕客咩！啲野又唔點，服务態度勁差，冇下次！！！

香港唔多正宗馬拉餐廳，自問唔係馬拉菜專家，亦未去過馬來西亞旅行，未敢評論菜式是否地道。不過餐廳裝潢都可以講得上係帶南洋風。大門口掛住一道木門木牌坊，記得新加坡唔少賣肉骨茶既地方都係咁既門面。餐牌都幾精緻，中英文全。是日公眾假期，下午三點半取飛，大概等位20分鐘。餐單大分小食、麵、飯、肉骨茶同飲品幾大類。麵類以喇沙為主，仲有蝦麵，乾撈麵。點左個福建蝦麵。配料除左三隻蝦之外，仲有兩粒白魚蛋，兩片豬腩肉，蔬菜同半隻熟蛋。湯底遍油，唔敢飲太多，但配料本身無醃過，唔連湯食會無味道。飯方面可以話係色彩繽紛，有白色、藍色、黃色既飯。椰漿飯、藍花飯、敲門飯，辣死你嗎、辣死他啦、辣死加多，太複雜，都係點個怡保芽菜雞飯算了。雞同湯麵既送一樣，本身無味，雞要靠點墊底豉油先有味。跟雞既黃薑飯夠色，不過味道一般。為咗試吓個肉骨茶嘅味道，點左個细细碗既豆腐卜金菇肉骨茶試下。肉骨茶係深色重味道嗰種，終於有一道菜係夠味道。最驚喜係飲飲下有湯加，感覺好低飲😬😬。小食方面點左一份黃金炸魚皮，炸魚皮同黃金醬分開上，個黃金醬係無鹹蛋黃味既，好失望。反而咖央多士同拉茶係值得推介既。餐廳樓面唔太細心，響三組客人搭檯既情況之下隨便

衝著咖央多士來的 下午茶餐$26 包雞蛋同拉茶 CP超高👏👏當然要叫多醬😈😈😈多士即烘 固然外脆🍞咖央醬椰香濃郁 稠稠的 不會很甜🙊被熱熱的麵包夾住 有爆餡感覺😌沾雞蛋變成咸甜風味🍳拉茶超好飲☕茶厚奶濃 不澀 很舒服!!!😍😍.裝飾很有風味 員工很友善!!!

深水埗開左好多新ge餐廳，一直都想去試下但冇機會😑今次有朋友提議黎試下捌哥，緊係舉腳贊成☺️門口裝修得好有傳統中國風，餐廳入面環境都好好。筷子亦都充滿心思刻左自己鋪頭名係個筷子上面。朋友叫左杯拉茶，好滑好飲👍而我就叫左杯桔仔話梅水😬飲落去好舒服，飲完之後都開胃左好多🤭第一印象吾錯我哋叫咗砂煲老鼠粉同埋檳城福建蝦麵。碗麵我哋食左啲之後先至醒起未影相🤣碗麵仲會跟一碟醬俾我哋撈落啲面度食，好似係蝦醬…碗麵好辣，辣到我食唔出味道係點，但我朋友就話覺得個辣度可以，佢話好好味。唔食得辣嘅朋友就要注意啦…聽講呢度嘅老鼠粉好出名，我哋叫咗個砂煲老鼠粉，唔知係咪因為之前食得太辣，我覺得個老鼠粉好似無咩味甘🥺我朋友就覺得依個還可以。呢間餐廳價錢合理…

又係每月跟朋友飯聚，之前病咗一排，好返好多又想食好嘢，朋友見新開了一間馬來嘢，當然要嚐吓新店啲嘢食。入了舖頭，全店滿座，好在我哋七點半去都係排三四個人，店舖有圓凳一邊讓你等，一邊可以睇定 Menu，寫定想食啲咩，但之後啲人就排到出店外。等了十多分鐘就有位，已落定單，我哋三人坐係半張六人圓枱。因為其中點了肉骨茶，就浸定啲肉骨茶俾我哋飲先，當日天氣凍凍哋，飲肉骨茶，暖吓個胃先，個肉骨茶重點係任添飲，開始以為啲料係邊，原來晚點係會上一煲肉骨茶，濃濃嘅肉骨茶，藥材味超濃，真係要飲多幾啖。之後唔夠十分鐘，就上其他菜。娘惹喇沙 $48，其實是店舖其中一個主打，但我跟朋友都覺得普通，味道唔係太濃，又唔有喇沙湯底那種酸味。魚仔醬啦啦 $35，點嘅時候唔知個名係咩，所以點係，原來係蜆類 嘅嘢，都幾鮮味。怡保芽菜雞 例牌 $60個雞都幾嫩滑，底部墊咗啲芽菜，整體好味。辣死他啦配仁噹牛肉 $48那個藍色飯係天然藍色的藍碟豆花染出嚟嘅飯，見介紹係馬來語Nasi Kerabu，音譯：辣死他啦。用咗仁噹醬去炒，醬料香濃惹味又帶椰香味，撈那藍飯食一流，48蚊係邊樹搵到。大滲肉骨茶 $118呢個煲啲料十足，有油炸鬼

七點幾黎到都幾多人排隊，不過等等下好快就入得座呢間就幾好，有好多二人檯的唔係全部圓檯落單係自已寫落張紙的，再交比店員叫左玻璃魷魚通菜個醬汁唔夠惹味，好淡，呢間玻璃魷魚唔太好食咖央多士，烘得都OK,咖央醬好少，唔係好食到，只當牛油多士食算哈哈，，豆卜金菇肉骨茶，好抵$25蚊，豆卜好多件，黎到時，店員會用個水煲倒D肉骨茶落隻碗到味道都唔錯砂鍋老鼠粉好好味呀，撈埋晒之後，好Juicy份量都幾多，好多肉碎，成煲令人食唔停口，好味沙嗲串燒，個醬汁都比得幾多檸檬意米水熱的，好大杯啊好多意米，酸酸甜甜，好飲埋單 $229,好平另外店員好有禮貌

今個星期日難得唔使返工，瞓咗一個好好嘅晏覺，一起身收到一個突如其來嘅WhatsApp，原來係好朋友突然之間想約食飯，咁我哋就揀咗位於深水埗汝州街188號嘅馬來西亞食肆，捌哥·捌哥。因為係香港馬來西亞嘅食店都係好少見嘅，咁我哋就決定去試一試啦。七點鐘嚟到見到門口已經聚集左數十人喺度排隊準備入去餐廳。一入到餐廳見到個好大嘅捌哥·捌哥招牌，餐廳嘅裝修比較簡潔，牆壁上亦都掛滿左好多有餐牌嘅特色相架，俾到人一種好舒服嘅感覺。餐牌上面嘅食品都係主要以馬來西亞為主，幾經選擇之後我哋叫咗一個大滲、一個格外嘅配菜油炸鬼啲呢個肉骨茶另外叫咗一個辣死他媽魷魚，再來的就係檳城滷肉卷，飲品方面呢我地加左個怡寶白咖啡和羅漢果菊花茶首先嚟嘅係呢個（$48）辣死他媽魷魚飯，呢個飯一嚟到嘅時候，係藍色的，因為用左可以食用嘅藍蝶花製造。而辣魷魚亦好惹，而配菜方面有鹹蛋,薯片，洋蔥,椰菜,薯仔等,配菜方面好豐富。餐廳嘅職員話所有嘅配料撈埋嚟食咁就可以知道好多唔同嘅口感啦咁，但係要注意嘅事呢個飯嘅醬汁呢係比較辣，如果唔食得辣嘅朋友呢就唔好一點呢個啦。再嚟就係呢個（$38）檳城香炸滷肉卷，呢個滷肉卷嘅口感呢好似平時新年你食嗰啲

我本身好鐘意食馬拉菜，但總覺響香港好難搵到正宗得來但又平又好食既。之前知有間蘇媽好出名，不過一直都未試之際知道有呢間捌哥，剛巧想去深水埗覓食就黎試下。星期六晚上7:50pm左右到步，大約8:30左右入座，以佢名氣、座位數量及周末來講，我覺得是可接受的。值得一提係服務態度，無論前台或送餐既人員，全部笑容可掬，非常有禮，呢個係非常難得，亦令我擁有一次愉快既用餐體驗。講返食物，我兩個人叫左半熟蛋、細滲（肉骨茶黎，湯任添）、招牌老鼠粉、娘惹喇沙、魚醬蜆（忘記正式名字）、馬拉拉茶（凍）及桔仔話梅水（本來想要檸檬薏米水，不過太好賣無了）。每樣野食都覺好味，雖唔算有驚喜，但已貼近響馬拉時食既味道，如果肉骨茶藥材味再濃啲就仲正。我一定會再來，已鎖定下次要食咖央多士、辣死你媽、蝦麵，當然今次食過既肚子有位都會再encore哈哈！

見到上網有報道推介呢間馬拉餐廳，又行開深水埗就即管試下。其實我係第一次食馬來西亞菜，下次會再試的，幾鍾意飲佢個肉骨茶，茶裡面又有好多款唔同肉既配，可以有肥肉揀，唔食肥既又有瘦肉揀特別讚揚有位女侍應既服務好好有笑容態度好不過唔好既係位置有點窄

經過捌哥捌哥，發現門面同食物都好似同區另一間馬來西亞餐廳，吾通係分店？見到吾洗等位就黎試下同蘇媽蘇媽吾同既係，呢到有吾同 lunch set 可以揀，重配埋野飲不過就冇每人一碗肉骨茶叫個細滲 lunch set，就只會直接加茶落你個細湯煲到落單之黎先黎拉茶，感覺太甜下次可以請師傅落少 d 煉奶，但整體係好飲既，而且拉茶吾洗另外加錢不過如果上台既時候乾淨 D，吾好漏甘多茶係碟到就更好等左差不多20分鐘先黎個細滲等太耐... 好彩味道都吾錯大大煲好足料，骨就得一舊但已經夠lu，豬肚雞腳果 D 都好好味價錢黎講冇記錯應該係 $68 甘上下$68 有飯有湯有野飲，重要好食算係甘啦

One of my new favourite restaurants, which serves the best Malaysian food in hk! We had the toast and Tom yum soup noodles, bbq skewers. All the food looks great and the restaurant is fresh and clean. It has a really cool mural art peice by a local artist. Toilet is very clean too.

經過見到呢間新開既馬拉菜，唔知係咪蘇媽蘇媽既分店黎既呢😹? 門面好似樣，食物都差唔多款，但又有啲唔同咁喎！一於試新野！呢間就有下午茶同午市套餐既選擇肉骨茶就差唔多啦，呢款叫細滲就好似係蘇媽蘇媽未見過，有埋金姑，豆卜，雞腳咁，感覺較豐富！茶底都味道濃郁既！呢款係有午餐架，跟個飯！個迷你咖哩喇沙麵唔錯，唔太鹹，香香地，係跟餐加錢叫的，雖然叫迷你，但都好足料呀！有薯仔呀豆卜呀雞肉呀！仲有魚旦好香！個煎炸雞就好惹味，上菜果陣好似有股臭豆腐既味道😹好似係啲醬既味！佢係原粒雞肉，香口外脆，味道唔錯！咖咉多士就普通，偏甜，都係阿坤既薄脆款是最好的檸檬薏米水，酸酸甜甜，幾好味，志在去水😆呢間地方較寬闊，食都食得舒服啲！

早前係OpenRice見到介紹呢間新開嘅馬來西亞餐廳，覺得很特別，香港好少見啊！已經好想試一試。咁啱今日honey放假，便專程過來品嚐。一到門口已有驚喜！裝修好特別，一對大門係啡紅色木製，中間仲有一對推閘，門口左手邊牆身畫了一大幅畫，好搶眼。內裏嘅裝修都充斥著一股南洋風味，大量地方掛畫、吊扇⋯⋯未食已經充滿期待！呢度嘅食物種類繁多，樣樣都好想試，肉骨茶、喇沙、拉茶、咖央多士⋯⋯肉骨茶都有好多款。最終我揀左個午餐A～肉骨茶細滲+白飯 ，餐飲 冬瓜龍眼茶。細滲~係餐牌既英文one man combo一份有齊多樣食材，非常豐富，有雞腳、豬腳、豬肚、排骨、腩肉、豆卜、金菇⋯⋯煮得夠淋入味，味道都很好，但我個人比較重口味，如果藥材味和蒜頭味再重啲就更正。冬瓜龍眼茶清甜好飮唔錯嘅。另外叫左個茶餐，半熟蛋+咖央多士，加$15檳城福建蝦麵。店員話半熟蛋要加胡椒粉和豉油撈勻吃，應該係地道吃法。咖央多士超正，入口香脆，牛油香、椰香充滿口腔，又唔太甜。邪惡又誘惑！蝦麵個湯底好香濃蝦和乾蔥味，微辣惹味，加埋鮮蝦、肉片、熟蛋半隻、魚蛋芽菜等，只係拾伍蚊真超值。麵都彈牙，略帶鹼水味有少少澀。拉茶十分滿好認真😁順滑