捌哥.捌哥特色馬拉茶啡廳

营业中

休息中

今個復活節冇外出， 今天又下著大雨， 所以不想遠行 ，突然想起這間店舖 ，之前都知道它好多人排隊，可能要等大半個小時，今天我真的很好彩， 只等了兩張枱就有位了！坐低後， 感覺每個人都好似去了馬來西亞一樣 ，食物有，肉骨茶、 黃薑雞飯 ，仲有喇沙等！ 因為我本人太擔心喇沙太辣，所以最後叫了一個黃薑雞飯 ，下面放上芽菜， 飲品叫了一杯去濕薏米檸檬飲品！雞非常之鮮甜嫩滑， 好有雞味， 配上一啖黃薑飯簡直覺得自己置身於馬來西亞一樣; 而這杯薏米檸檬真的是真材實料， 不會稀，亦不會太淡， 味道剛剛好 仲有趙口的薏米， 整杯薏米檸檬水我給佢滿分！

咖央多士 $20多士烘得好脆 中間既咖央唔會得少少 椰子夾雜斑蘭香 唔會過甜 好食🤤可惜只有兩塊.辣死他啦配咖哩雞肉 $48呢個個名好特別 但味道就無咩特別 個飯用左蝶豆花汁染成既藍花飯 配搭馬拉傳統既參巴醬 咖哩都幾辣🥵旁邊仲有啲生紅洋蔥 椰菜絲 蝦片 豆角 鹹蛋半隻 .美祿恐龍 $16（單點$26）好少食店有得飲美祿恐龍 而呢杯跟飯只係加$16 面頭既美祿粉都幾多 但就略為甜左啲 甚至有啲酸酸地😣唔建議嗌.馬拉沙爹串燒 $40/3串牛、豬、雞各一 牛肉較韌 豬幾彈牙同厚肉 雞肉最嫩滑 唔會燒到好乾 沙爹醬含花生粒 濃味程度蓋過左肉既味道😕

深水埗捌哥.捌哥特色馬拉茶啡廳一早已聽聞野食抵食(平民化)的馬來西亞食品店入到店舖,好有馬來西亞嘅特色, 裝修好靚, 而且地方十分闊落，坐都落得舒服點，而店內掛著大大小小的牌面，相當有特色老闆和店員都很好人，且好有禮貌，有種親切既感覺點單時，會有一張點菜單，只要簡單填寫人數，枱號，想食既食品便可咖央多士 $20 - 馬來西亞當地出名既咖央多士，麵包整到脆卜卜，而我就最喜歡佢入面既醬，甜甜的香濃綿滑，（真係好足料，每一口都食到咖央醬，食完真係覺得唔係咁好夠喉，要買多份番去食消夜先得

香港好少可以食到正宗特色馬來西亞嘅嘢食一入到去門口就已經好有馬來西亞嘅特色裝修好靚然後老闆和店員都很好人 好有禮貌嘅招呼有咖央多士 有印度薄餅 但係名稱好得意好特別印度薄餅變左 我知你啦薄餅 至於點解會改得咁特別係因為跟返馬來話既講發轉左做廣東話多士同印度薄餅都做得好好食即叫即整 多士都好有kaya醬既味道 好有馬來西亞個個味道印度薄餅嘅醬汁都非常好食 停唔到口至於飯既方面嘅擺盤都幾有特色 同一個好似藤籃嘅碟放飯同餸 不過咖喱飯真係有啲辣建議唔食得好辣嘅朋友可以叫小辣或者改食其他嘢跟住馬來西亞好出名一定要飲美祿冇諗到佢呢間餐廳將美祿改咗做美祿恐龍入面有蜜糖星星同埋美祿碎片幾好食又幾好飲回頭率高 推薦！

完全浪費了一整天的quota好彩今天未夠六點去到....不用等位！少了浪費時間一項吧先講覓食三人組點了：咖央多士 - 好夠脆...味道正正常常...但牛油偏少...如多一點...可中和多一點甜味！Nasi Kerabu (蝶花版) - 配牛肉..肉質夠淋..醬汁辣辣很惹味！不錯的！沙嗲串燒 - 豬、牛、雞各一串...醬汁依然出色...味道夠濃...豬肉略微過乾....其他兩款肉質可接受！吉仔話梅水、冬瓜龍眼茶 - 夠濃味...沒有沖太淡水！好既野已經完結...最想最一心想來食的就失望了...OtakOtak - 混得太多粉了...食落口一pat漿口感😖零魚味咖哩喇沙 - 食左兩啖..便放棄了...完全唔覺得食緊任何一款喇沙味...麵質亦偏硬！砂煲老鼠粉 - 真係好好好咸！大家食左幾啖就收手了....奶油蝦 - 個汁味道還可以...但蝦煮得好霉...如果有機會仍然唔需要排隊的話..可能或者比多次機會去試一試娘惹喇沙吧！

我們一行4人到中午用膳。朋友12:20到達，已經坐滿了。環境裝修特別，具有古香風味。各自點了午餐：A餐) 肉骨茶細滲+飯B餐) 芽菜雞+黃薑飯C餐) 辣死你嗎配娘惹咖哩雞肉E餐) 檳城福建虾麵我是點了肉骨茶，很有藥材味，而湯可添的。內有豬手、腩肉4-5塊、豬腸，飯也大碗。小胃口的女士可2份吃了。凍拉茶—好飲飯是用斑蘭葉的汁打成的。味道應是合馬拉那邊，不過我不愛好斑蘭，不是我杯茶。雞方面，朋友說是很辣的很入味。熱拉茶—稍甜海鮮🦞麵：抵食，有3隻蝦、肉片、蛋......，當然湯底是濃郁豐富。熱檸薏米水黃薑飯幾香，不俗；反而雞不夠味，較失色，但不是難食的。總結：可encore — 剛好鄰座是老闆娘，大家傾談煮法。她說馬拉茶是拉得高高的，她在家只能拉低而拉多幾次；很多材料是由「怡保」運來，盡量保留馬拉風味。

今日行深水埗，竟然發現一間食馬拉嘢嘅茶餐廳，價錢仲要一d都唔貴，唔使諗就入咗去，食個下午茶，難得仲要冇人排隊！gogogo 雖然係下午茶時間，但店內都人山人海。叫嘢食先😌娘惹喇沙 $48價錢一啲都唔貴，平時出邊嗰啲閑閑地都$60-70一碗， 佢唔身唔係好辣，只係好少辣，我本人係食唔到辣，我都食到。加埋椰汁香，非常地道嘅馬拉麵🍜。完全做得返嗰種味道愛他愛她 $30即是Otak Otak, 混合了辣椒，巴拉盞，黃薑粉香料等，用亞答葉來包。味道辣辣的，肉質唔夠實淨，如果實返少少就更好。咖央多士 $20面包好脆，滿滿的，好有椰香味，超肥呀 ？但都要食馬來亞拉茶 跟餐價 $8茶味香濃，甜味適中檸檬薏米水 $26檸檬味好夠，唯獨是薏米有點硬合理價錢，期待下次試肉骨茶

上次嚟太多人食唔到，今日11:25去到門口等到11:30開門，今天唔太多人，一個人坐晒成張枱😆餐廳裝修企理有點馬來西亞特色，侍應勤快👍🏻點咗娘惹喇沙同豬䁏肉骨茶，娘惹喇沙麵湯底微辣惹味，如果嫌唔夠辣可以加點辣椒🌶️醬，麵上有蝦🦐、魚蛋、豆卜、青瓜絲同洋蔥絲，好地道馬來西亞風味，好食👍🏻，豬腰肉骨茶裡面嘅豬腰新鮮，肉骨茶湯藥材味濃厚，好飲👍🏻，所以添飲咗碗😋。兩款食品都好有馬來西亞風味，唔使坐飛機都食到，真好👍🏻

去北河街體育館玩完，梗係要食番餐飯補充體力。揾到呢間捌哥，都係體育館附近，行去試下。去到門口已經排哂隊，等左差不多20分鐘先入到。店內面積不大，裝修風格都似馬來西亞嘅地道餐廳｡叫左一個叫大滲嘅肉骨茶。一大煲上，裡面都有幾多材料，包括響鈴，豬肚，粉腸，豬肚，雞腳，腩肉，一字骨等。響鈴同油炸鬼無另上，浸到淋哂。腩肉同一字骨夠淋。肉骨茶可添飲，但我覺得好淡味，我喜愛藥材味重少少的。福建蝦麵，湯底可以，但麵係油麵。但係啲蝦連殼上，outlook 有啲霉霉地，加多幾粒豬油渣，整體都 ok 的。海南雞飯比較遜色。雖然碗黃薑飯夠大碗，但啲雞食落完全無雞味，同埋唔夠滑。另外叫左豬牛雞各一串蛋，但個沙爹汁太重味，完全掩蓋哂肉嘅味道。雖然呢度嘅食物算未算最出色，但性價比高。$300食到捧住個肚走。

深水埗特色馬來西亞美食！👅店內裝修、食物賣相都好吸睛👀 價錢實惠抵食娘惹喇沙 $48：湯底正麵彈牙👍🏻麵質好飽沙煲老鼠粉 $68：每條粉都掛有醬汁👍🏻大大煲，食極唔完咁😂咖咉多士 $20：咖咉甜甜的❣️必吃！馬拉沙爹串燒 $75/半打：叫哂豬牛雞串😋 沙爹醬有埋花生好惹味！！怡保芽菜雞 例牌$68：非一般芽菜！好甜好爽！！雞滑滑的😋辣死你嗎（椰醬飯）$48：有啲辣🙊 椰醬飯、參巴醬、青瓜、薯仔、乾魚仔、蛋、花生～勁．多．料！！！捌哥肉骨茶（大滲）$118：有豬肚、豆卜、油炸鬼、雞腳等等... 啲料浸住湯入哂味🤤 我地湯都飲埋！後記：真係好多人排隊，等左40分鐘先入座，剛剛食完就要埋單，坐多陣都唔得🙈 座位都幾密，搭枱機會高～

邊個話平時無好野？其實深水埗有好多性價比高嘅隱世小店！除咗品嚐美食之外，仲食緊一份本土風情～ 今次倖存者去到經常係ig上榜嘅捌哥，果然驚喜重重辣死他啦配咖哩雞肉(椰漿飯) $58倖存者就算唔食辣都覺得好食！深紅食嘅辣死他啦醬一入口散出微甜味道，入喉嚨時突然變辣好少見咖哩雞肉保持肉質嫩滑，通常都會為求方便將肉同咖哩一齊煮，呢到啲雞肉仍然一撕就開, 可見店對食物嘅要求椰漿飯椰漿唔太濃，不過打卡影相一流辣死他啦配仁噹牛肉（藍花飯） $58牛肉鬆軟嘅程度近乎入口即溶。本身倖存者以為藍花飯有味，但原來沒，有啲失望馬來西亞扎肉小食 $38類似炸春卷皮包住咸扎肉，點上甜酸辣醬，份外滋味馬來西亞拉茶 $13相比普通奶茶奶味偏濃甜，其他方面無咩唔同

服務一流，裝修特色，食品選擇多，食材要改進。2點去到捌哥門口，因為都滿座，男服務員好客氣招呼我們入去坐低等位，後來我們發覺2點半才下午茶，他也好客氣的叫我們到外面行下。2點半回來，點了2個下午茶加一個老鼠粉，餐到了我們問另一個男服務員怎樣才是正確食法，佢好細心解析怎樣吃半熟蛋，老鼠粉的炸腸只是用來調味，因為比較硬，。。。其實他對其他客人都一樣，到有一台有外國人的客人離開和問路，他在門口解析得超清楚，超難得。室內裝修很特別，有點懷舊，有好像怡保的壁畫，奶茶和半熟蛋都帶一個中式湯匙。。。半熟蛋 (3分)～ 其中一個餐的蛋是破的，應該不上枱，扣分，做得不錯，但原材料沒有雞蛋味，和在新加坡食到的差太遠，應該改善。咖央多士(3分)～ 咖央味道不突出，多士不知道是不是我們最後才食，變得幾靱，哩個相信亦系原材料問題多於做法。我知你啦薄餅 (4分)～有點甜，但可惜是比較油膩，兩種咖哩才是重點，超好味。老鼠粉 (5分)～追加的老鼠粉超好，老鼠粉有D似銀針粉，但比較長，但質感 QQ 的，正。～醬汁不咸，鹵水豬肉超正，有咬口～服務員說的炸腸不好食，但我又覺得好好食，有點脆，有咸味。拉茶(3分)～ 不太有

同事提議在此午膳，第一次黎呢間食，感覺好好。門面同入面裝修另兩檔媽媽同金金好似，但質素同服務完全唔同～～一黎到同事話有set. 我被茶餐價錢深深吸引住，上年去馬來西亞食吐司蛋太好味，見到即刻上點，不過職員話 2：30 後先有，下次要黎 😊午餐餐牌，包飲品👍👍我點蝦麵。一上枱大家被佢蝦香味吸引～湯底都有蝦味，本身微辣 (嚐辣可加埋另配嘅辣椒醬）。 有腩肉 通菜 魚蛋 蝦 油麵，每樣都好食，但餐牌唔見可以油麵米粉兩溝 (馬來西亞特色）熱奶茶好滑同茶味淡淡滲出，都好夠味。職員溫馨提示不嚐甜可點少甜，因為佢似茶走，用鍊奶沖。同事點嘅，辣死他啦配牛 (藍豆花飯）；另一同事點辣死你嗎配鷄 (斑斕飯），我兩個都試少少，後者較甜，幾得意同幾入味，配少少汁都好中和得到。但如果你好堅持飯唔可以甜食，藍豆花岩你多啲另外有同事點肉骨茶同鷄黃薑飯，同事都大讚夠份量同好味 (個鷄好大碟，黃薑飯好入味唔hea) 一上枱禁多款唔同顏色都好開心同好吸精 😍😍，為下午工作添啲生氣😂😂縱然午市好多人好忙，但職員仍好有心機介紹我地食咩同我地唔明餐牌嘅嘢都會解釋～～

按我所知開左幾個月，人流跟內街阿蘇叮噹馬頭，超多人，想食比d耐性等下啦，今日係星期一多數人返屋企食或者夜收工，剛7點多行過無人排，唔洗諗入左去先叫左個細煲什錦肉骨茶，有一字骨/豬腩肉/豬肚/雞腳/豆卜，店員會比碗你另外倒淨湯比你，咁就試得清楚個湯啦，湯好濃下，個人覺得甜左少少，飲完唔口乾，d肉好夠味，可以唔洗點汁醬娘惹喇沙加埋秘製辣椒醬真係一流，個湯都飲得，唔會好咸，麵係黃麵感覺似少油版既油麵魷魚涼拌通菜係街頭小食咩？ 都幾特別未食過魷魚+通菜，果辣汁惹味但唔會死辣又夠香柑桔話梅飲超甜，應該叫凍會好D檸檬薏米味道剛好，不過薏米硬左dHKD202.00埋單

味濃 酸辛辣 的東南亞菜一向合我口味今次知道深水埗開了一家馬拉店，專食肉骨茶，咖央，喇沙，排隊都要去試！肉骨茶 - 小骨一份小骨一個大煲足夠2-3個人食用。跟我到新加坡時食肉骨茶一樣，食肉骨茶都會先有一碗足料夠火喉的藥材茶湯，非常補身，仲可以無限任refill ! 小骨的肉個人覺得太韌，相比新加坡吃到的，較難咀嚼。但茶湯非常入味，豆卜浸入茶湯非常入味仁噹牛肉撈面撈面選了米線，米線非常滑，微微辛辣湯有少少椰汁香味，味道不俗，只覺少少膩。囉吔炸豆卜豆卜有點硬及乾身，味道一般，吃不慣峇拉煎炸雞咬後好像有點黃油脂在內，雖然可令雞塊不會太韌，但感覺有點肥膩。總結，食物味道中規中矩，較為欣賞肉骨茶湯，非常足料入味。而環境體驗亦滿分！二個人食份量有點多一個肉骨茶已足夠