捌哥.捌哥特色馬拉茶啡廳

营业中

休息中

首先入到鋪頭覺得裝修很特別很有馬來西亞feel. 店舖都十分細心，我哋一坐低冇耐就主動提供肉骨茶，味度就淡啲，但係都令人非常窩心。咁我哋嗌咗個大骨肉骨茶非常之香濃有肉味，咁當然比一坐低度送嘅肉骨茶香濃啦

深水埗開咗兩間馬拉菜，另一間要等30張枱，見到隔離一條街有另一間，就去睇下，只需等五張枱，大約十分鐘左右入座。路過幾張枱都有點雞， 我哋冇叫唔知好唔好食。 檯唔算大但係容納咗三個家庭，七個人放埋嘢食上檯面有點迫。 首推牛油咖央多士， 等候時間不算久，上枱還是又暖又脆， 食完一份再加多一份， 牛油咖央份量剛好唔會太溜。娘惹喇沙味道都唔錯，想唔想食辣自己加， 分量咸度都剛好。愛他愛他就真係不值一提， 打開為魚肉，還有點暖，小辣，但唔講完全唔知自己食緊魚肉，好似食緊咖哩醬。一字排肉骨茶茶味不算濃， 肉亦不算入味，比起星加坡飲過嘅仲有一段距離， 如果點了肉骨茶會先送上茶， 原盅肉骨茶會隨後送上。串燒沙嗲也是不錯選擇！

其實都係咁岩去開深水埗，搵餐廳發現呢間野好似唔錯所以入去試吓，覺得都幾值得嚟試食物❤️❤️❤️❤️每樣食物都唔錯，我最鍾意份多士同埋杯奶茶，仲有無限添飲嘅肉骨茶都係我覺得比較特別嘅地方，感覺上幾開心🥳份量❤️❤️❤️❤️由於有無限添飲嘅緣故，一定會夠飽，所以份量滿分。環境❤️❤️唔算非常舒適，因為枱之間嘅距離比較近，好容易撞到隔離，而且枱面唔太夠位擺野。服務❤️❤️❤️侍應生比較忙，但係服務態度都唔算差。價格❤️❤️❤️❤️❤️感覺上超級抵食，因為食完出嚟好飽，食物又唔差，每人出嚟都唔使一舊水！😁

夜晚去食 見唔係太多人等位 就入左去試下見到個menu 覺得藍花飯好吸引 就即刻嗌黎試下 然後嗌多份串燒添 個人鍾意食藍花飯多過椰汁飯 感覺個飯軟熟啲 配埋啲雞肉薯仔蛋真係perfect池 最正就係個啲辣醬 將成碟飯變到好惹味 我同朋友初頭食都覺得幾辣 但食食下呢份辣味就變左係惹味喇哈哈 食到停唔到 仲有個串燒都唔錯 個醬調得幾好 個人鍾意食佢個雞肉同豬肉串多過牛肉串 食落去個肉汁豐富啲 呢間下次會再食！ 試埋佢其他野～～~~~~~~~~~~

今日中午同同事嚟到呢間位於深水埗的馬拉菜人氣店捌哥.捌哥特色馬拉🇲🇾茶啡廳，佢之前人氣好勁門口企滿人，但今日去到只係等咗5分鐘。值得一讚係有個樓面的哥哥👦🏻好有禮貌，問佢拎多個碗主動俾多份餐具我哋。餐廳唔迫，都幾企理，裝修仲幾靚幾有特色。落單係自己寫在紙上面，我哋叫咗2個lunch set，(A)肉骨茶細滲($68)同埋(C)辣死你啦娘惹咖哩雞肉飯($53)，午餐送飲品，我揀咗熱馬來亞拉茶(唔使加錢)。另外再加咗份咖央多士($20)。食物等了唔太耐就有，首先來嘅係(C)辣死你啦娘惹咖哩雞肉飯，造型就幾吸引，顏色又鮮艷，但係汁唔夠多，飯又唔見特別香，偏乾身，麻麻地好食。😅個咖央多士亦都欠🤨驚喜，唔凍唔熱，醬唔濃味，包身好乾，而且麵包較大塊(兩塊)，建議切開四份會較好。最後就係個(A)肉骨茶細滲，味道中規中矩，我自己隔咗陣先飲，所以唔係好夠熱。佢入面都有唔少料，有豬腰／肚同豬腩肉同雞腳等，味道唔會太濃藥味，易入口，但食完我覺得好口渴(隔咗幾個鐘加飲咗好多水都係)。聽聞好似有得加湯，但我見咁多枱都無咁做，唔知係咪真係有得加呢？🤔🤔最後，就係個馬來亞拉茶，哥哥有主動問我哋使咪少甜，因為用煉奶沖

A while ago there were queues for this joint but as there wasn't a queue that day I finally tried it.They specialize in Malaysian Fare and Nasi Kerabu which is blue rice coloured by Butterfly Pea flowers.As I wasn't really keen on the other dishes, I just had the blue rice with the egg and fried chicken (Ayam Goreng Belachan).The blue rice was fragrant not in the sense of butterfly pea but because it was flavoured with herbs etc.It was simply delicious with the semi cooked egg.The chicken which

星期六朋友要上班， 我提議接她下班，接着去深水埗試下有特色的骨茶。上次去星加坡旅行時，我們也食過當地的骨茶。朋友就建議去新開的那一間， 我們六點鐘左右去到骨茶餐廳，已經需要等位，拿了票後，大约等了十分鐘左右。我見餐廳門口及室內都有字牌，彼有特色。 我們安排去到一張圓枱搭枱，那時已經有四個人在那張圓枱用餐。 我們在出面已經寫好要點的食物，就交给侍應下單。通常在這點完之後，應該好快到。我們見新來的食客的食物己到，所以問一問侍應有沒有下單， 原來是應漏了下單。 重新下單之後好快就到。一字骨，有3條，我食了一條，望落去有些肥，食落去好食。加上骨茶，味道不太重，算是不過不失。檳城福建蝦麵，有腩肉，有原隻虾， 麵似是油麵，算是好食。馬拉沙嗲串燒， 雞牛豬各一串。 食落不辣，不是太特別。央多士，多士脆及加上椰香央醬，好好味。馬來西亞茶及怡保白咖啡都好飲。星馬特色的餐廳在香港唔算多，我哋下次都會再來。

-好少黎深水埗呢邊行街，今次係特登黎呢邊食飯，原因係黎一嚐馬來西亞既菜式。聽講呢間餐廳有唔少正宗馬拉菜，而且裝潢很有古色風味，所以就黎到呢度品嚐下地道菜色。-1️⃣檳城福建蝦麵 $50湯底有好濃既蝦甜味係精髓蝦亦爽口鮮甜 魚類滑身彈牙 仲有半隻蛋，芽菜，肉碎等配料，都夠哂豐富。油麵亦滲入不少湯汁，不錯不錯2️⃣捌哥肉骨茶 大滲 $118配料都頗為豐富， 有響鈴，豬肚，粉腸，豬肚，雞腳，腩肉，一字骨等。響鈴同油炸鬼無另人，如果唔即刻食會浸到淋哂。腩肉同一字骨都幾入味，而且夠淋。肉骨茶可添飲，藥材味清味，如果可以重少少應該會更出色。3️⃣怡保芽菜雞飯 $58雞亦尚算嫩滑 中規中矩 底部墊有芽菜黃薑飯 亦有微微飯香 整體還是不錯 4️⃣咖央多士 $20 金黃香脆 襯熱食一流咖央醬塗得厚厚的，加上椰子味香濃再滲透出淡淡的斑蘭香 不錯不錯😋😋5️⃣馬來亞拉茶 $16 跟餐$8茶味香而不澀，入口香滑，甜度適中！-👅味道: 7.5/10🍽賣相: 7/10🏰環境：7/10🙇🏻‍♂️服務: 7/10💎CP值: 7.5/10⚖️人均：$100-200↩️回頭值：60%

黎左捌哥捌哥三四次，好中意食馬拉野，回味無窮。超級推薦佢地嘅老鼠粉，肉骨茶同咖央多士。先講老鼠粉，即係銀針粉，佢係辣辣地，但辣得黎好香。/肉骨茶佢係好重藥材味，唔係指中藥果種，而係飲落去係易入口同真係有藥味，最正係佢啲配料超級多，試過叫豬肚同豬肝，超碼有十幾舊以上。/咖央多士，麵包焗到脆脆地，但好中意佢入面嘅醬，甜甜地又特別。另外辣死他啦配雞肉飯（藍色）版都好食，好多配料：薯仔、鹹蛋、椰絲、雞腿等。/最重要係捌哥捌哥真係好抵價錢，每人埋單食到飽飽都唔會心痛😆大概6x-7x到

是日落了深水埗睇電腦💻，順道食個dinner!經過見都幾多人排這家馬拉小店，見價錢幾化算就決定一嚐肉骨茶風味。見到menu即刻被個藍色飯吸引住💙夠特別呢！呢間馬拉小店定價都唔算太貴，都幾多選擇的！📍餐廳用點菜紙下單的🔸辣死他啦 （藍花飯）配咖哩雞肉馬拉菜都係濃味d既，藍色仙聲好靚帶有小小香草味，選了配咖哩雞唔算辣應該調過岩香港人口味的，汁都幾滑同野味帶有椰子香，雞肉腍身入味！個飯配左半隻咸蛋小量菜和蝦片，可以自己加配辣醬的如果想辣一點，個人就加左小小，整體都好味既，價錢都吸引！🔸肉骨茶馬拉菜當然不能不點肉骨菜呢，藥材杞子味濃又入味，仲可以選擇不同的材料！我們點了豬肚、豬尾同埋豬腳灣！ 三款都紋得淋身又不失肉味，份量都幾多，個人覺得最好食係豬肚😋👍🏻🔸馬拉沙嗲串燒個沙嗲汁好香、微辣帶有小小香草、椰子及芝麻味，夠野味😋🔸娘惹喇沙個人認為呢個喇沙啖味左小小，不過材料豐富，有香草、青瓜絲、洋蔥、豆卜、魚蛋及蝦等！🔸咖咉多士這個是必點的要放到最後才order😋面包🥯焗得酥脆，加埋牛油及滿滿咖咉醬味道，正👍🏻👍🏻👍🏻

去完星加坡好懷念肉骨茶，知道深水埗都開咗好幾間馬來西亞餐廳。而同事就介紹咗捌哥。捌哥特色馬拉茶啡廳比我。於是放工後便和友人來到，我哋七點半到都要等到八點先有位。相信好食嘅嘢係要等😆，幸好嘢食也沒有令我失望。裝修相當有味道主角： 細滲 - 雜錦肉骨茶(細)相比起星加坡的肉骨茶，捌哥捌哥的胡椒味冇咁重，但藥材味是足夠的而肉骨茶都係免費任添。我覺得入面的料最好吃是豆卜和三層肉。而豬腳有少少扣分因為仲有毛😅玻璃魷魚蕹菜的醬辣度十足，十分惹味而面頭的炸蒜亦夠脆。如果唔食得太辣，可以潷走面頭辣醬，唔使擔心唔夠味，因為菜底有落到豉油的細心豬、牛、雞沙嗲串，沙嗲醬汁夠濃味，食得出一粒粒的花生🥜可惜肉質太鞋分數是給沙嗲醬的。

#深水埗美食#馬來西亞餐最近愛上食馬來西亞菜色，平時唔留意 一留意 就發覺 深水埗多咗好多間食馬拉野既餐廳。其中 試了一間 位於珠仔街既 捌哥。捌哥特色馬拉茶啡廳 聽聞佢地既大廚 真係馬拉人 而且見佢唔多識中文點解 我會知😏因為我坐近廚房個張枱留意到 收銀員同客吹既水更留意到廚房出咩菜重點 8到 咩菜最熱門以下 係今日菜色：1） 咖央多士 $20該店出名既咖央多士，要襯熱食好耐無食啦！ 比我相像中 無咁甜而且食落無咁油膩不知不覺間 就食晒但量比較少好想食多幾件2） 檳城福建蝦麵（滲滲麵底）$50湯底 好濃味既蝦蝦蝦味 好入味既湯底餸菜方面 2粒魚旦 3塊五花腩3隻蝦Um......完無話好出奇既餸菜麵底 唔多講 上一篇文已提及 是本人喜愛既3）招牌老鼠粉 $48點哩個菜，主要係想知 咩叫老鼠粉一上菜....媽 哩個咪係銀針粉囉！ 扮咩咪老鼠喎！哩碗係撈麵 我覺得好味既 馬拉菜 醬汁係出面既反而我覺得老鼠粉吸收唔到醬汁味 一定要用湯匙一啖食落肚 先品嚐到餸 得3塊五花腩4）峇拉煎炸雞 $38炸雞 無咩特別醬汁是精緻5）檸檬薏米水 $16（跟餐價）略甜 但解油膩 6）馬來亞拉茶$8（跟餐

今日第一餐叫豐富啲，細滲，咖央多士，蝦麵，喇沙，愛他愛她，美祿恐龍同馬來拉茶。先黎兩杯飲品，美祿恐龍嘅美祿粉無新加坡飲到嘅咁誇張，人地啲美祿粉成座山咁高；拉茶茶味淡，無練奶嘅香甜，都係茶記嘅港式奶茶好飲啲。咖央多士好脆，只食到甜味，無椰味同班蘭味；蝦麵同喇沙望落有啲似，不過兩個湯底係唔同嘅，喇沙正路，蝦麵個湯真係蝦味重啲，有蝦甜味，魚蛋唔腥唔彈，啲腩肉好乾好鞋，蝦係正正常常，唔好期望爽口彈牙，不過驚喜在於跟麵一齊上嘅辣醬，係蕃茄辣醬，好香濃蕃茄味，呢個一讚。細滲黎到，果然係combo，入面有金菇豆卜雞腳豬手豬肚豬腸，當中最好食係雞腳，唔係煮到爛溶溶，個湯有藥材味，不過好似聞唔到當歸香味，味道都可以；愛他愛她(睇餐牌係寫魚肉混有香料嘅魚條)，味道似泰式魚餅，但係肉質超淋，似粉團，呢個唔啱我口味。

今日發現汝州街有間馬來西亞菜食市，好似幾吸引，ㄧ於入去試試。由街外走進舖內，要通過ㄧ扇木掩門，入到店內更見到牆上有幅壁畫，描繪馬來西亞人的生活狀況，好有馬拉風情。坐下來，等我看看有什麼好吃的……其實選擇真係好多，不過我初次光顧都係選擇個午餐試試吧！我㸃了檳城福建蝦麵，賣相吸引，碗內餸菜好多，包括有新鮮大蝦、 肥瘦適中的五花肉， 爽滑彈牙魚旦、半只雞蛋、芽菜。湯底方面都唔講得笑， 我相信店主應該用大量的蝦來淆製，令到湯底有濃烈的蝦味，油麵吸收了湯的精華更為可口，一啖接一啖好快就食完整碗福建蝦麵了。餐飲我加了$6㸃了杯熱羅漢果菊花茶， 甜甜地，沒有附加糖入去，好潤喉又清熱明目。此店食物和環境都好有馬拉風味，令我回想起多年前到馬來西亞旅行的樂事。下次還可以約團友ㄧ齊再來，試試他們的拉茶和咖央多士。

門面裝潢風味十足，添一份懷舊風情。牆上掛上一句又一句毛筆字寫上的菜式句子，十分有特色。環境舒適寬敞，用餐空間闊落。下單只需要直接寫在點菜單上再交給店員便可。有多款的地道馬來菜選擇，如咖哩、粉麵、小食等，價錢亦划算。娘惹喇沙($48)可選米線/油麵/河粉/摻摻麵，只需於點菜紙上的備註寫明就可以了。湯頭内加入大量的椰奶，湯底擁有濃郁的咖哩和椰子香味，同時亦帶有淡淡的甜味及辣度。配料豐富，豆卜十分入味，魚蛋及鮮蝦亦很彈牙。咖央多士($20)新鮮即製，多士香脆可口，咖央醬塗得厚厚的。咖央醬椰子味香濃，再滲透出淡淡的斑蘭香，每一口都很香甜，十分美味！馬來亞拉茶(凍$20/熱$16)跟餐(麵/飯)的話只需加$13(凍) / $8(熱)可配飲馬來亞拉茶。茶味香而不澀，入口香滑，甜度適中！