拾號公社

营业中

休息中

在屯門工作完後想找家小店, 簡單舒服地吃一頓Working Lunch, 好友介紹這家在V-City後面的拾號公社. 店家看似是酒吧, 主打的是本港釀製的手工啤酒, 其午餐簡式西餐為主, 漢堡, 肉酸扒以及Pasta也有, 見到當中的瑞士汁鴨胸扁意粉, 如此港西式的結合吸引到我的目光, 於是就選定它了.午餐包括麵包, 餐湯和沙律, 比其他同類的多一點誠意. 迷理牛角包夠熱燙, 沙律上的醋酸中帶香甜, 餐湯是即磨蘑菇湯, 不過是甚麼驚為天人, 但再見到主菜鴨胸的份量之多, 見到店家滿滿的誠意, 扁意粉口感有點軟身, 而瑞士汁的甜味稍為蓋過其鹹香, 但作為以填飽肚子為先的工作午餐原則, 這餐值得一讚.

咁啱行開屯門，估唔到呢個位會有間咁chill嘅餐廳😆鋪頭唔大，有outdoor位，好多人飲酒，非常有feel🤣見啲嘢都幾啱食就入咗去😌首先叫咗個黑松露龍蝦汁蟹肉伴法包多士 ($116)🦞呢個比想像中少份量，不過食落其實覺得份量係啱啱好！有六塊細細嘅法包，黑松露味唔強，個龍蝦汁非常鮮味同濃郁，入面仲要有唔少蟹肉🤤🤤啲汁係可以鋪哂上塊法包上面🥰主菜叫咗匈牙利鵝肝多士伴安格斯牛仔柳 ($248)🥩呢個main course如果有叫到單點飲品會有埋餐湯同麵包～湯係蘑菇湯，都係正常發揮😌件鵝肝煎到啱啱好，入口即溶，配返塊脆脆嘅多士，非常好味😛牛柳我覺得都係ok嘅，雖然份量唔算多，但有牛味，肉質亦幾鮮嫩😛一睇menu就比呢個黃金流沙單骨雞翼拼薯條 ($108)🍟吸引咗😍呢個超有驚喜！係我食咁過咁多西式餐廳整嘅鹹蛋黃食物最濃味嘅一款😚薯條成條都沾滿哂鹹蛋黃，超級邪惡😆熱愛鹹蛋黃一定要叫！不過相比之下，雞翼就冇咁濃鹹蛋黃味，仲有啲辣嘅～我哋仲叫咗一杯特濃朱古力沙冰 ($59)🍫普通嘅朱古力味，唔會過甜，正正常常～食物製作認真，店員都好醒目同好有禮貌，推介推介👍🏻

呢間餐廳位於不起眼的巷仔, 但鄰近V-City,  今日落住大雨, 西鐵站經商場行過去都非常方便.2pm左右既餐廳冇咩人, 坐低落完order, waiter很快就送餐.餐湯很creamy, 好飲, 沙律菜都新鮮, 牛角包暖暖脆脆的, 食完都半飽.然後到主菜, 非常足料, 都很夠味, 略嫌份量有點少, 男人食應該唔夠. 跟餐餐飲可選水果紅/綠茶, 有微微水蜜桃香味, 但聞落都好天然, 不甜.餐廳環境舒服闊落, 餐廳電視播萫英文歌, 整體氣氛很好, 可以好舒服慢慢坐. 

💨Shisha💰$2xx不等😈有時候想近近地同朋友食過Shisha但又唔想岀到咁遠就岩了去拾號公社就有得Chill下佢呢到都係有Outside位置供客人食下Shisha而佢呢到味道唔算話太多特別口味不過我就幾鍾意佢個泰式茶味同GummyBear味前者就好重香料味我就覺得同Mint係幾夾既而GummyBear就係比較甜我就多數配返水果口味🍝卡邦尼蟹肉扁意粉💰$82😈佢呢到啲主食都唔錯主打就飲啲本地手工啤酒🍻佢呢個卡邦尼蟹肉扁意粉個汁都係偏杰身所以一定要影完相就快快手食因為一凍左就會變左一餅野😣而佢個面都真係好多蟹肉撈埋一齊食真係啖啖蟹肉意粉🍟Fish And Chips💰$1xx😈唔好意思先真係唔記得左個Fish And Chips幾錢😢同熊吉睇睇下見到佢呢個薯條個相又用啤酒樽裝住好似好搞笑咁就叫熊吉仲話上枱一定唔係咁😂點知一上枱真係啲薯條同炸魚真係係個玻璃樽入面😎炸魚個粉漿炸得好香脆不過就稍嫌個薯條有啲普通似普通炸咁無咩特別🐔芝士蘑菇釀雞翼💰$58😈而呢個小食芝士蘑菇釀雞翼我覺得幾好食佢仲要係釀左啲芝士蘑菇入隻無骨雞翼佢個芝士仲係會拉絲同埋個餡都好足包到好大舊幾好味/💛拾號公社🚪屯門明

拾號公社距離屯門西鐵站好近，喺V City附近㗎咋💛日本帆立貝茄蓉天使麵 $69午餐有湯有牛角包有飲品，個天使麵都幾好味，個汁好夠味，亦都有真蕃茄，帆立貝亦唔慳皮！最正係餐廳音響好好，有部電視一直播住mv，一邊食飯一邊睇都幾正！睇餐牌見到仲有啤酒叫，下次可以再嚟試吓食晚餐😌

💬 喺屯門嘅一間性價比唔錯嘅小店，地點好方便喺新墟，又近西鐵站。鋪面唔大，位置唔多，但環境都幾舒適，好木系嘅設計，而且樓底好高，仲有啲霓虹燈牌裝飾㖭❣️.前菜沙律正常，蘑菇湯幾好飲，blend得好碎個口感好好，菇味濃郁👍🏻.🔹芝士和牛burger：意料之外地個和牛幾有牛味，而且口感幾嫰唔鞋～配埋蕃茄芝士菜等等，唔會好油膩～.🔸龍蝦汁意大利飯：唔記得嗰啲波係咩嚟，淨係記得好濃芝士味😂 個龍蝦汁都幾濃味，相當唔錯

唱星期六喺屯門行完街朋友話要去食呢間公館！好啦既然佢極力推介咁我哋就去食啦。我哋兩個人叫少少小食，嗌左兩罐手工啤酒。芝士焗青口焗青口每隻都金黃色而且好多肉，鋪滿左金黃色嘅芝士，入口好多汁！非常之好味！我因為飲咗啤酒有啲肚餓所以叫咗黑松露議息燴飯，煮得好滑好香，入口軟綿綿，而且食到好香濃嘅黑松露味！冇諗過屯門開咗一間本土小店，佢哋買嘅嘢食有啲似Cafe，佢哋仲提供買好多本地嘅手工啤酒，吸引到年輕人。無論係食物或者環境都值得打卡，值得一試

昨日放假，想搵一間座得舒服的地方，煩惱梗去邊到食午餐，經過新墟一帶尋食，本想去Vcity內的餐廳，最後，經過了這間餐廳（曾食過了幾次）就決定進餐廳食午餐。眼見地下個層有好多位，跟住職員幫我地量體溫，請我地坐門口旁邊座位，但因中午天氣超熱🥵，但我地見到入面有位，就入了去坐（若有得選擇，無就無辦法）之後，點了一個雞翼茄蓉天使麵、南瓜炸蝦意大利飯、兩杯蘋果綠茶。因之前只試過漢堡，都可以（如果熱食更佳），所以，今次試下叫其他食物。鮮打南瓜汁炸蝦意大利飯無諗過佢啲飯一半喺硬飯，好似唔熟的口感，如無估錯應該喺混合了生同熟嘅飯一起煮，得出來的結果。令我太失望了，唔太熱都算，啲飯好唔掂呀！雞翼茄蓉天使麵叫餐必有的粟米蓉湯、沙律、迷你牛角麵包

嚟到屯門順道嚟支持一下良心小店💛酒吧式嘅小店有兩層，星期日十二點左右樓下已經full哂所以我地獲安排樓上座位。Lunch set 有唔少選擇，包前菜田園沙律、鮮打濃湯配迷你牛角飽同指定餐飲。Order左龍蝦汁海鮮扁意粉 同 鮮打南瓜汁天婦羅蝦意大利飯，不過不失。海鮮扁意粉有唔少急凍蜆肉同墨魚粒，個汁都幾creamy但龍蝦汁味就未係好試到。鮮打南瓜汁天婦羅蝦意大利飯個risotto南瓜汁唔錯，天婦羅蝦則用急凍鋪嘅貨，口感一般，但以lunch set包前菜及指定飲品嘅價錢尚算合理。再加A la carte 黃金流沙單骨雞翼薯條雙拼，呢個酒吧小吃反而有驚喜，比主食好味！薯條炸得啱啱好，被金黃嘅鹹蛋黃完全覆蓋極為誘人！單骨雞翼熱辣辣脆卜卜！小店嘅酒吧小吃尚算唔錯！大家經過可以試試！

拾號公社呢個名確係特別😆有機會當然黎試試啦原來閣樓都有位坐又唔錯🥰呢度個餐牌幾鬼靚色彩繽紛可惜放唔到咁多頁🥲飲品種類都幾多要花茶有手工啤有1664嗰啲都有咩都有😆😆我一路睇一路睇就俾其他一款手工啤個名吸引左我要飲鹹檸啤🤣🤣野食都好多款揀架😋花多眼亂係咪睇相都覺得好食呢🤣🤣和牛意粉唔算太突出芝士蘑菇釀雞翼堅好味😋😋聽個名都知好味😆薯波香脆👍鵝肝配多士😋😍牛柳唔會太熟有肉汁😙個沙律既黑醋好好味😋整體滿意😉話說早黎惠顧主菜嗰啲叫埋野飲有機會送湯加牛角包過你但唔包括手工啤🙄所以可想而知我幾想試個鹹檸啤😆😆

屯門新墟近v city ,其實開左好多餐廳，今次搵到間在舊城裡特式的餐廳☺️ 餐廳細少，但有戶外，有室內，也有樓上雅座🤭 場內裝修特別，應該有提供手工啤酒既地方🍻點了一份午餐「餐湯，沙律，牛角包」蕃茄湯香濃,內有茄蓉，牛角包暖暖地，沙律菜新鮮🥗「車打芝士牛肉長通粉」份量剛好，肉醬比較小，芝士味尚可！「蘋果綠茶」大大杯👍🏻備註：🔺樓上雅座，雖然有特式，但有怪味😒， （眼見有條怪渠）久唔久有沖廁聲😣🔺戶外地方唔錯，陽光充足（可帶狗狗🐶）

同朋友傾開計問我點解成日都出屯門嘅地方/餐廳？好簡單🙈因為我係屯門牛同埋屯門嘅商場集合左好多出面都有嘅店鋪 我就🙈唔想浪費時間同車錢🙈🙈來回都要2-3個鐘🙈會好攰🙈講番正題今日想介紹屯門呢間小店 以平嘅價錢提供Ok 舒服嘅地方同 食物質數高於價錢🙈淨係呢2樣已經好難得 🙈琴日紅日去餐廳（心諗無Book位會唔會叫下次請早嫁） 但原來呢間小店除左有室外/地下個層嘅室內位重有一樓嘅選擇🙈由於得室外同1樓嘅選擇當然選擇左一樓🙈（天氣甘熱）上到去環境有D陰暗 但成個環境營造到可以當係自己屋企甘 加上當時播住台灣歌手Hebe嘅歌更加令我放鬆🙈到食物啦呢餐食左170/2個人姐係每人先85蚊坦白講抵到爛啦 有沙律有湯同牛角包（而唔係嘉頓麵包）表示好興奮🙈我就食左芝士溶岩極上和牛配薯波呢個飽嘅和牛好厚好大塊 重要好淋 入口唔係即溶但都唔洗好耐就溶化左但佢嘅敗筆位係佢嘅芝士我食唔到有溶岩效果😿薯波皮係脆但一吉落去 feel到嘅係空虛🥲飲品方面我叫左蜜桃紅茶（有D淡連分：5分滿分環境：3.5-4/5食物：3.5-4/5服務態度：3.5-4/5價錢1-1.5/5

💛💛💛屯門頗有名氣既小酒館式西餐廳💛💛💛👱🏻‍♀️放假打算同🏋🏻行下千島湖散心遠離塵囂🤪係行山前要填飽個胃先有氣有力💪🏻為左方便搭車揀左呢間💛小店📌 @communex 屯門明藝街10號安全樓地舖1️⃣🧀溶岩豚肉漢堡🍔配薯波(蜜糖芥茉醬)$118🧏🏻‍♀️相信好多女仔都抗拒唔到芝士嘜嘜既菜式👱🏻‍♀️都唔例外 抵抗唔到肥膩既🧀係lunch menu見到呢個選擇即刻要嗌黎食😋一上枱俾個🍔氣勢嚇親🔪直插係包面再加半溶芝士汁🤤未食已經覺得一定好正正🤔不過豚肉煎得耐左搞到無嘜肉汁入口會有少少乾同嚡口😢好彩入面夾左2塊沙律菜🍅同半溶邪惡🧀增添返口感同水份令到🍔口感豐富d無咁dry之於芝士薯波就正常發揮😉個醬汁係👱🏻‍♀️最愛蜜糖芥茉醬店家個醬汁調得幾好👍🏻甜度適宜❣️食牛既朋友可以試佢既極上和牛漢堡❣️2️⃣炸粗薯條🍟配黑松露沙律醬(Tea Set) $38👱🏻‍♀️以前好愛食薯條不過要減脂都盡量少食🥲有🏋🏻係到分擔先破戒一次拾號公社既粗炸薯條新鮮炸起🙆🏻‍♀️灑上香草增添香味個黑松露醬調味得唔錯👍🏻唔會食到好漏 呢個價錢食薯條CP值幾高😌3️⃣卡邦尼蟹肉扁意粉🍝(Tea Set) $48👱🏻‍♀️中意食扁意粉 貪佢掛汁能

有朋友介紹呢間午餐幾好食，所以㴝試吓平日兩點幾去到餐廳冇咩人流，餐廳喺室外部份都有幾張枱。兩點幾有兩三枱喺度飲酒🍻我叫咗午餐set 既辣蕃茄牛舌意粉，跟餐會配送湯同沙律仲有一個細牛角包。前菜雖然細份但有驚喜🤩個湯紫紫地色雖然飲完都唔知咩味🤔，但真係幾好飲，有啲一粒粒嘅嘢入口即溶。個菜就正正常常，冇咩特別。個牛角包超有驚喜，雖然細細個，而且凍咗，但勝在好夠脆口，而且牛油味重，超高汁😍😍辣蕃茄牛舌意粉方面就正常發揮，冇咩特別🙈而且亦食唔出辣味。

平時見到好多人食，難得今日冇乜人所以就入去試下。我地分別嗌咗佢個lunch set 蒜香蜆肉扁意粉同龍蝦汁意粉。今日starter有忌廉粟米湯同牛角包（唔記得影相）個湯裏面啲粉未溶得曬，會飲到啲一粒粒嘅野。至於個牛角包就凍咗同埋好淋，但個味道唔錯嘅。個蜆肉意粉偏鹹，同埋啲黑椒分佈得好唔均勻，隻蜆有沙。至於龍蝦汁意粉都係偏鹹，個龍蝦汁個味有啲假。最後就係個舖頭音樂好大聲，同店員講叫佢地細聲少少，佢好似好唔gur咁，只係校細咗少少聲。不過值得一讚嘅係聽今日播親嘅都係廣東歌