拾號公社

营业中

休息中

喜歡支持小店，睇到 社交平台 有人介紹就去試下，去到約13:00 左右，不用等位，心諗咁好彩！？原來係中伏既開始...點左兩個餐，一份All Day Breakfast, 一份龍蝦汁意大利飯先講All-Day Breakfast, 有雞翼，腸，炒蛋，生果，牛角包，餐湯...我第一次食All-Day 係凍食（唯一炒蛋係有熱度）已經大部份都係嚟貨加熱，都攪成咁🤦🏻，失望再嚟龍蝦汁意大利飯，飯是夠熱，蝦丸味道是可以的，不過個意大利飯就唔OK ⋯⋯用珍珠米唔係問題，但未收曬汁就出...即係汁煮飯而已...又一個失望總結：冇下次

限飯令之前，約左朋友拎野順便食個dinner，然後朋友無意中搵到呢間餐廳。個餐牌樣樣都好吸引，可惜我地得2個女仔，叫唔到好多野食，又想食腸，又想食意粉。必食薯條，我地叫左份 雙併 黃金流沙單骨雞翼薯條$108，送上枱賣相相當吸引，而且份量都唔細。薯條香脆，最重要係流沙好香好濃郁，佢唔只係外面有咸蛋味，連入面都做到夠味👍雞翼同樣脆卜卜夠味，單骨更方便食👍黑啤煮藍青口 $68其實佢地有焗青口，我地都好想試，可惜得2個人。個青口都大份，又大隻，味道不過不失，唔算特別好味。野飲我要左手工啤酒，陳皮啤$65除左感覺可以呃like，本身都中意食陳皮。入口順滑都易入口，開頭唔覺陳皮味，但佢既尾韻會開始滲出陳皮味。唔錯唔錯，可以試試。芝士蒜蓉焗波士頓龍蝦 伴安格斯牛柳$258主角好靚，不過無餐牌咁靚。龍蝦好香，肉質好嫩，個扒都唔錯，不過唔算好大份，旁邊有沙律同薯仔波，呢個主菜2個女仔食份量ok，但同男人食既可能要主意一下。呢間餐廳絕對會翻食👍

呢日約左朋友食飯，本身諗住出去其他地方食，臨時有野做，所以留返喺屯門食，呢間成日都見到夜晚坐滿人，今日見到午餐時段仲有位，又岩食，就試下啦每個午餐都配有餐飲、包、湯同沙律，都幾豐富，餐包仲要係牛角包，望到都覺得靚都開心左😆叫左杯玫瑰咖啡，跟餐加$10細望之下見到隻匙羹仔有玫瑰圖案，都幾有心思蟹肉忌廉偏意粉蟹肉量唔算多，不過味道唔錯，午餐價錢黎講都算係好抵食👍🏻黃金蝦球用左類似麵條黎做炸面，好香脆，真係脆卜卜個涵係蝦滑加左少少粟米呢個all day breakfast 真係好豐富，好靚仔🤩樣樣野都好好食👍🏻

今次黎到呢間好高評價嘅餐廳平日lunch hour唔算好多人，容易搵位，環境雖然有兩層，但唔算坐得好舒服，可能夜晚更有氣氛.Lunch menu選擇唔少，有pasta，burger，pizza 同all day breakfast揀芝士熔岩極上和牛漢堡配薯波 （$98）鮮打南瓜汁天婦羅🍤意大利飯（$88 ）配飲品.午餐set有牛角包沙律同餐湯，餐湯係南瓜湯，略嫌唔夠濃郁，味道可以和牛漢堡落order時講明要等20分鐘，但上枱時竟然都唔熱，芝士唔係熱辣辣無溶溶地嘅效果失去驚喜，和牛口感同味道都係麻麻地南瓜汁意大利飯，creamy的口感，南瓜味唔算好重，炸蝦味道唔錯。呢個價錢黎講有啲貴，性價比唔夠高，有啲失望☹️

💛黃店🔱今次要介紹嘅食物就係位於屯門！📜”拾號公社 (屯門)📌 地址: 屯門明藝街10號安全樓地舖🕐營業時間: 1130-2400🍽分店地區: 屯門📝評價💬📢1️⃣芝士磨菇釀雞翼配蟹子忌廉扁意粉 $72 第一次食落口嘅時候真係覺得哇!!!!!!!!雞翼入面竟然會有芝士蘑菇個感覺好新鮮同埋好有將爆丸嘅感覺🥰🥰🥰完全係幸福到滿寫嘅感覺😍😍😍😍真係世界級正🥰🥰🥰加埋蟹子忌廉呢個配搭簡直係冇得輸💛💛💛個環境又舒服 坐又坐得舒服又等食物好快📸️ 正！會再去的💛💛💛KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅 👅👅🏵抵食指數：💰💰💰💰🏵回購指數:❤️❤️❤️❤️❤️

#pb食在屯門 #pb支持黃店💛 屯門小酒館🍻好耐之前食過一次lunch😋 今次係Vcity行完街 就決定去試下dinner🤪 感覺dinner定價有d高🙈 食物質素都幾好🥰 如果係屯門市中心附近想搵個地方啤下 不妨去支持下佢💛.餐廳室外、室內都有位 而且仲有2樓位 座位都多👍🏻 店內一直播歌 聲音都有d大 加上大家傾計嘅聲音 其實都有d嘈🙈 食物選擇多 飲品主打手工啤🤪🔹千島海鮮長薄餅🍕長Pizza係薄批底 食落脆卜卜 好似餅乾咁😋 海鮮好似有蝦、蟹柳、八爪魚仔等 都幾足料😍 兩個人share食都夠飽🥰🔹巴馬臣火腿配黑醋鮮果沙律🥗擺盤好colourful🌈 Parma ham份量都幾多 而且塊塊都大大塊😋 沙律菜配黑醋夠哂開胃😍 鮮果有士多啤梨同火龍果😋🔹德國腸拼盤🍖中意食德國腸嘅朋友記得叫呢個🤩 有五款德國腸 好滿足😍 仲有酸瓜配番👍🏻🔹芝士薯波🧀份量比想像中多👍🏻 一口薯波食落好濃芝士味😋🔹手工啤🍻佢主打手工啤 款式多到眼花撩亂🤣 我諗成個drink menu有一半都係手工啤🤣🤣 中意飲手工啤嘅人要去試下🤩 不過價錢都偏貴🙈.整體覺得食物質素都唔錯 感覺比lunch有驚喜🤩 不過

我們三人。 買單連加一$605Pizza個底做得好脆好好食，$50一大盆薯條， Caesar salad三文魚都算多，德國腸拼盤有五款，我們認為都幾好味😋另外有洛神花茶，我個仔就飲本地手工啤酒，兩樣都好飲。洛神花茶有一個左坐熱，食完香腸配洛神花茶我覺得酸酸地好消滯。加上有埋好聽嘅音樂，所以我哋嗌幾樣野同個氣氛非常夾。這裏需要加一服務費，但是這裏的侍應態度友善，都幾有禮貌。在餐廳外面，也是有座位，方便帶寵物和吸煙的人，踩單車都可以。

特登入黎屯門行山前要醫左肚先搵到咧間cafe 夜晚係飲酒 中午時段好似cafe咁見佢餐牌中既手工啤酒都幾得別我哋4個女仔叫左4份lunch set 跟餐會有餐湯、田園沙律、迷李牛角包同飲品 仲要係冇加一服務費 真係好抵食 我試左個是日長pizza 同蒜香牛柳絲扁意粉 啲蒜味好開胃 牛肉都係正常有牛味 份量正常偏小 但已經食左沙律菜個包同湯都夠哂 個牛角包普普通通 湯就落得多左麵粉 個湯飲落好多粒粒唔滑口個是日pizza 係莎樂美腸 上面既羅勒好香 薄底略嚴厚左小小跟餐叫左蜜桃紅茶 都係正常cafe質素 但食完吹水其間 好驚喜啊 突然職員唱生日歌 拎左份小甜品出黎 估唔到職員會一齊唱 而且佢地服務態度都好好💛小店經營 午餐好抵食 可以一試

環境比我想像中細唔算坐得好舒服張枱好似唔係好穩陣成日搖下搖下食物質素都OK賣相唔錯但價錢算偏貴同屯門其他小店比較性價比唔係太高另外店內嘅音樂都幾大聲如果想幾個朋友傾偈坐門口可能更加適合

見到Openrice好評如潮，忍唔住去朝聖食返餐。菜單就係咁，Lunch只需睇一張牌，簡單易明。入座後，待應將上一手食物處理，再幫忙「抹枱」。點解抹枱係會有引號？因為事實上待應只係將上一手的食物碎以毛巾撥落地，而不是包實佢取走。唔緊要，落單想點和牛漢堡，待應隨即表示和牛漢堡、All Day Breakfast因太多人落單，所以需等較長時間。咁無謂強人所難，我隨意點咗C餐蒜香牛柳絲意粉。等咗一段長時間，見到同我地差唔多時間到既客人有和牛漢堡餐，而我落既單亦隨之奉上。直到我食完，我朋友既餐先剛剛到，所以千祁唔好等埋先食。跟住朋友想移開少少張枱，發現枱同枱之間全部係食物碎，混亂不堪。門面靚，但咁既執枱方法難免令人覺得好唔衛生，觀感上真係大打折扣。至於嘢食真係好一般，牛柳絲名副其實有幾條，味道擺得入口，食完呢餐可以再去下場。

今日想放縱一下，去拾號公社吃黃金流沙薯條併單骨雞翼。他們的下午茶時段從下午3:30才開始，比其他餐館下午茶時段要晚得多，時間有點不上不下。左逛右逛等到3:30入座，點了份黃金流沙薯條 $48，+$20 可轉雙併（即黃金流沙單骨雞翼），來杯冰凍綠茶荔枝茶。鹹蛋黃盡把每條薯條、每件單骨雞翼滿滿覆蓋，所以每一口都滿是蛋黃的鹹香。熱騰騰的薯條、雞翼，就如天使與魔鬼在腦袋中交戰，最終魔鬼暫時得勝，給我偶爾一次放縱吧 😉

屯門少有的本地手工啤黃店，佢有陳皮梅/生渣餅等特別口味啤酒。 我飲凍果茶亦都好飲無假甜味。而小食，極力推薦鹹蛋黃單骨雞翼，心機之作。因為佢唔係普通單骨雞翼炸完上鹹蛋黃wor! 佢係脆醬已撈重味鹹蛋黃，然後炸，所以入口已熱辣辣，脆卜卜，好好味。如果佐酒其實無得輸！佢仲有雞泡魚乾呀Pizza ...黑松露醬薯條...坐位，裝修樓底高，好舒服，真係好岩三五知己飲酒食少少嘢，傾計。屯門真係好少呢 d 咁正嘅地方，仲要係 黃 店 !

假日lunch time, 都滿人。 店有露天位置， 亦有上層， 座位算多，不用等位。Lunch set menu 有意粉/意大利飯/pizza/ all day breakfast 可供選擇， 有餐湯及沙律，餐飲可配台式（蘋果/蜜桃/荔枝⋯搭紅茶/ 綠茶）😅，無奶茶， 但有熱美式咖啡，檸茶有但以正價減$20，飲品選擇幾新穎。餐湯應該紫薯忌廉湯，有少量薯粒增加口感， 唔算太稀，不過食唔出咩味， 靠顏色辨認。沙律個醋比較酸同杰，重手左， 一食落去真係眉頭一謅。前菜都有牛角包🥐， 不過唔暖， 酥皮淋。如果興熱左會更好今餐選擇：帆立貝茄蓉扁意粉&龍蝦汁炸蝦球煮意大利飯。帆立貝茄蓉扁意粉🍝： 帆立貝數量唔少， 但偏細粒。可選用大粒帆立貝配搭比較好。 扁意粉不過不失。 龍蝦汁炸蝦球煮意大利飯因為炸蝦球無貨（可能疫情關係入少左啦），餐廳臨時轉用炸魚手指代替。龍蝦汁唔太濃味，意大飯好淋，欠缺意大利飯硬身感覺， 好似煮耐左。總結：-唔算好正式西餐廳，services 一般， 等上前菜比較耐（第一樣上係餐飲）。-Menu 都多選擇，只是作為西餐廳餐飲選擇比較奇怪， 另人感覺不倫不類。當然餐廳晚上主打手工

星期日更係要訓到自然醒 之後再去食個下午茶由於晚上要到朋友家食飯 所以下午茶就選去屯門拾號公社係一間小店黎 室內有兩層外面都有得坐既 都見到有d人帶埋狗狗一齊high tea☺️☺️☺️因為當日食既係下午茶 所以menu既款比較少我想呀佢個個碎蛋牛角包但當日無碎蛋所以無下午茶係細碟既 真係對我黎講係適合既分量我覺得個長通粉味道一般個粉唔算太吸到肉醬而且個醬好小 有d都撈唔曬個粉但個肉醬係ok既食到都重番茄🍅同有肉真係好蒜香味佢既菇菇多 蜆肉都比較細粒 所以放多少少🤏之後食得既佢既白汁都有落忌廉整既 意粉都好食撈埋汁d個薯條值得食 但雙併加20多4隻雞翼薯條外脆內軟 好有咸蛋既味但雞翼開邊 真係有d貴同唔值 等於20得2隻雞翼甘但佢炸得好食既 炸粉唔多最後黎杯熱蜜桃紅茶 同凍蜜桃綠茶我就覺得熱蜜桃雖然大杯 但比較甜蜜桃味比較少不過d間小店晚上好適合飲酒既朋友去環境舒服 而且有手工啤先

今晚同屋企人黎到位於屯門區一條小巷入邊嘅西餐廳「拾號公社」。聽聞係好多朋友會夜晚黎Chill下飲酒既地方。呢間餐廳唔止走嘅選擇多，菜式嘅選擇都唔少。隨意粉附送嘅南瓜湯。味道唔差，有少少黑松露味。但份量比較少，好似飲剩咁。牛角包普通，一上檯就好似放左好耐咁。墨西哥脆片。呢個係小朋友最愛，底層有芝士墊地，食到停唔到口。佢地當薯片咁食，都算健康過薯片。洋蔥圈。不過不失，正常水準。卡邦尼蟹肉意粉。唔算好好味，唔算好難食。但唔重芝士味，似食緊忌廉意粉多啲。總括而言，Cp值唔算好高，但勝在地方大有兩層，算係比較容易攞位嘅支持小店。希望佢哋食物方面可以做得再好啲。