拾味正宗刀削麵館 (渣甸街)

营业中

休息中

📍拾味正宗刀削麵館🇭🇰 銅鑼灣渣甸街44號地舖個日睇電視 見到節目介紹呢間刀削麵覺得好得意🤣🤣 就去咗試下平時成日經過都無留意 原來好多人！第一次食嘅我覺得有驚喜！首先入面有靚仔哥哥即場示範削麵😍另外都真係幾好食😋😋 麻辣風味冷刀削麵 雞腎 $69除咗有自己揀嘅餸之外 仲有青瓜絲最想讚係佢嘅麵！ 唔知係咪我叫冷拌所以食落去更加更加彈牙！真係好好食雞腎同肉碎都好夠麻辣👍🏼👍🏼加+$6 要杯熱豆漿 爽😁😁

今日嚟銅鑼灣做嘢，晏晝過左去渣甸街搵食。之前幫襯過灣仔道嗰間「拾味山西刀削麵館」，原來呢度都有分店，一於食過返尋味。刀削麵選擇豐富，可以揀湯麵、熱拌類或唔同口味嘅冷刀。點左碗熱拌刀削麵同兩款滋味小食。熱拌刀削麵 ($63)  刀削麵可以任選一款餸料，每多配一款則須另+$10。揀左豬脷同豬頸肉 (+$10)，四川擔擔醬分開上 (+$1)。麵條煙韌Q彈，非常掛汁，食落好有咬口，擔擔醬選用上等紅椒及香料等製成，微辣惹味，用嚟撈麵真係一流！豬頸肉邊位夠脆，肉質富彈性；豬脷唔會過鹹，食落完全冇豬臊味。跟餐 +$6 可以配杯凍豆漿，入口甜度適中，順滑又有豆味。酥炸雲吞 ($40)  一碟有 5 隻，外皮炸得好香脆，入面嘅菜肉比例啱啱好，點埋個千島醬食，堅好味！ 素食春卷 ($40)  春卷外皮薄而脆，人面包住紅蘿蔔絲同蔬菜，入口一點也不油膩，味道唔錯。

以前經常到「拾味山西刀削麵館」的灣仔分店，說起來已有一段日子沒吃了，前幾天想簡單吃個晚餐就到銅鑼灣分店。<熱拌刀削麵> $79拌麵，點了豬軟骨和手撕雞，加$6一杯凍豆漿。拌麵口感煙韌，本來已有四川擔擔醬，豬軟骨口感軟淋，手撕雞味道清爽，加上微辣的擔擔醬汁，相當開胃。<溫泉蛋木耳刀削麵> $79溫泉蛋和刀削麵的配搭比較少見，配料點了上海雲吞和雜菌，外加$6熱豆漿。湯底味道清甜，上海雲吞帶鹹香，木耳爽口，溫泉蛋流心效果算明顯，整體味道在預期之內，一碗份量頗多，性價比之選。

餐廳：拾味正宗刀削麵館地點：銅鑼灣渣甸街菜式：山西刀削麵餐牌：餐牌：餐牌有推薦菜式，刀削麵自由配，冷刀削麵，熱拌刀削麵，溫泉蛋木耳刀削麵。唔食麵都有其他選擇，例如上海菜飯，滋味小食等等。飲品有常見茶記冷熱飲品。刀削麵可轉拉麵，米線或者年糕。麻辣牛筋腩 $70麻辣牛筋腩大概係半筋半腩，牛筋炆得入口即化，滿口骨膠原。辣汁同蒜頭好多，食落非常香辣。酥炸雲吞 $40酥炸雲吞一客五隻，炸得皮脆餡多汁，脆皮點橙色千島醬好正，入面有菜有肉。伴有一片生菜。淨水餃/10隻 $50水餃大大隻，皮唔算太厚，都好滑，入面有豬肉同菜餡，本身味道都好濃。配有蔥花。兩個人分都夠飽肚。

這家小店的特色是刀削麵，新鮮製造，見到廚師不停地現刨刀削麵。而且麵的配搭有好多款，可以隨便選擇自己喜歡的。縱使空間不大，卻總是座無虛席，充滿了熱鬧的氛圍。我點了一碗麻辣風味冷刀削麵，內含青瓜絲、擔擔醬和麻辣醬。美味的麻辣風味冷刀削麵，搭配豐富的內配料。這碗麵的外觀十分吸引人，麵條看起來濕潤而有彈性，配料也擺放得整齊。冷刀削麵的麵條寬而厚，帶有嚼勁，入口即化。咬下去時，可以感受到麵條的彈性和韌度。青瓜絲的清脆口感為這碗麵增添了一絲清新的風味，與麻辣的調味料形成了一種絕妙的對比。擔擔醬和麻辣醬的組合則帶來了辣味的衝擊，辣勁十足！辣到需要不停喝豆漿解辣🙈我還選擇了豬肚絲作為配菜。豬肚絲質地鮮嫩，口感頗為爽口，與麵條的搭配非常合拍～這碗麻辣風味冷刀削麵的價格相當親民，只需69元。考慮到它的口感和豐富的配料，這碗麵絕對物超所值。而男友跟我選了一樣是麻辣風味冷刀削麵，但配菜他選手撕雞，份量幾多的，但口感相比之下豬肚絲較為好吃😋

近年市面上充斥著辣味、酸味的湯麵，食到好寡，想搵間清清淡淡又有啲獨特風格麵店愈來愈難。本人孤漏寡聞，認真諗諗，刀削麵，好似真係無食過約次，所以聽到公司附近有間之後，即晚放公就孤家寡佬一支公去試試。麵館一間，門面同裝修都係咁上下，而且點菜揀餸方式都好香港style，自己揀餸逐樣加錢。唔同嘅係麵底，主打刀削麵：湯麵、冷拌、熱拌⋯⋯揀碗湯麵潤潤喉嚨，搭蒜泥燻蹄同上海雲吞。湯底睇落清淡，飲落清甜帶微鹹，潤喉易入口，唔使再食重口味調味料湯麵咁heavy👍🏾刀削麵底口感幾豐富，煙煙韌韌幾有𡁻頭，而且掛到湯。其實麵質軟硬度可以要求，淋啲硬啲自己揀。雲吞係菜肉餡，味道上無咩特別。但係，個蒜泥燻蹄就唔同講法，蒜泥應該混合咗啲醋，酸酸地仲有蒜泥嘅香辛味，香濃刺激味蕾，配合軟嫩彈牙嘅燻蹄肉都幾惹味，一口接一口，同湯麵濃淡交替互相補位認真唔錯。望望身邊其他食客，好多都單丁幫襯，睇落都似附近街坊或打工仔，一個人的晚餐都揀呢間麵店，證明有一定cp值。

🔺熱拌刀削麵- 魚腐- 手撕雞選了一款沒有湯的拌麵，因為想試一下四川擔擔醬到底是什麼味道份量非常大碗，碗身超高而且麵條份量超多麵條是師傅現切現煮，可以看見師傅拿著一大坨麵糰用刀切到鍋中。麵條厚薄不一，更加凸顯麵的煙韌四川擔擔醬味道比較像麻辣醬，沒有花生味不過吃起來很惹味，就像在吃那條辣椒一樣魚腐不是平常吃的那種圓型的，而是四方扁的，吃起來更加煙韌，而且好像煎/炸過所以吃起來多了一些香味，裡面就吃得到魚肉的味道手撕雞跟青瓜絲拌勻而且也有麻醬調味，所以吃起來很香口，口感也不會太乾🔺花雕醉雞配刀削麵（少麵）花雕雞腿非常入味，酒味濃卻不會苦澀湯的刀削麵吃起來軟身一些，湯底清甜感覺沒有味精🔺麻辣雙拼 - 雞腎 x 牛展非常貼心地可以選擇麻辣分開上份量也蠻多的，雞腎滷得入味；牛展也是味道重而且配上麻辣醬非常香

行開銅鑼灣，想食啲中式野，唔見到呢間喺渣甸街叫拾味正宗刀削麵館嘅餐廳，就食吓佢，呢間我平時間中都會食下，係良心小店，而且價格相宜。落左單之後望入廚房，見到師傅現場削刀削麵，將一大舊麵團人手一片一片削入湯鍋入面。麻辣豬扒刀削麵 $60刀削麵同埋餸係分開上嘅，啲豬扒唔會俾啲湯浸到淋哂，豬扒一啲都唔會覺得韌，而且份量都幾多，大大塊，配埋啲麻辣汁真係好好味。啲刀削麵因為係人手製作作，所以麵條嘅形狀係不規則形狀，刀削麵嘅口感好煙靭，湯底清甜。📍拾味正宗刀削麵館 (渣甸街) 銅鑼灣渣甸街44號地舖

突然想食刀削麵就黎試下我地叫咗：麻辣豬頸肉刀削湯麵麻辣豬頸肉刀削湯麵的味道非常好。湯底無乜味精，食完口渴。麻辣豬頸肉有得揀辣度，豬頸肉好脆，炸完但又不會感覺太油膩。加上刀削出的麵條，麵條口感厚實，有彈性，有飽腹感。抵讚👍🏻味道：⭐️⭐️⭐️⭐️ ⭐️賣相：⭐️⭐️⭐️⭐️⭐️口水手撕雞刀削麵口感：手撕雞肉嫩滑多汁，口水味都幾OK! 吾算太辣，鍾意食辣嘅朋友可以試吓。搭配上刀削麵的彈牙口感，兩者都幾夾。份量都夠食，手撕雞下面有木瓜絲，令到冇咁油膩👍🏻味道：⭐️⭐️⭐️⭐️⭐️賣相：⭐️⭐️⭐️⭐️ 小食：蠔油菜心吾會太老！份量都吾算少😉味道：⭐️⭐️⭐️⭐️賣相：⭐️⭐️⭐️⭐️飲品：豆漿跟餐加$6，都幾大杯，上到枱又吾會太熱。剛剛好👍🏻味道會比較甜，但又吾會太水，所以都算吾錯🤤味道：⭐️⭐️⭐️⭐️賣相：⭐️⭐️⭐️⭐️總結：食物性價比也不錯！地點十分方便！隔離婆婆話越式春卷有啲燶，服務員都肯主動拎入去換👍🏻重新出過🙇🏻‍♂️抵讚👍🏻地理位置：⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️⭐️服務：⭐️⭐️⭐️⭐️⭐️

今日放工係銅鑼灣食個一人晚餐，想又快又簡單又好食嘅，我自己鍾意食麵就揀左食呢間銅鑼灣嘅刀削麵店😍呢間餐廳平日都要等，坐低可掃QR Code叫套餐，可比人客揀刀削麵爽D，多湯🤩花雕醉雞刀削麵$62上海雲吞+$10/3粒+凍豆漿+$6見師傅手工即場刀削煮麵，食落麵條好夠煙靭、爽滑，加上好喜歡夠熱辣辣湯。醉雞勁大份，岩好有雞髀位加分😍，有微微花雕酒味，清香入味，雞肉嫩滑😁上海雲吞，自家製菜肉雲吞餡料新鮮，皮薄好食😜，夠哂親民抵食呢!

今天2023年8月23日下午1：45，我在銅鑼灣面試完想吃午餐，在渣甸街徘徊，本身想吃繼光香香雞，但幾舊雞45元實在太貴，於是我去左拾味食刀削麵，一入店舖，坐滿哂人，店員安排左我坐最尾的兩人枱(只淨呢張枱)，但佢地都幾先進，用手機掃描落單，我點左麻辣手撕雞冷刀(凍的刀削麵)，冇飲品共69元，但要等15分鐘，我覺得有D偏慢。麵黎了，我食落去，本身以為5夠辣，但後尾先覺得有辣，手撕雞有D硬，但都無咩影響，最後比左幾張雲吞比佢。總括而言，環境同食物都還可以，10分比6分。

拾味正宗刀削麵館，看到這家餐廳的時候有一種傳統的感覺，它以其獨特的刀削麵，吸引了不少顧客😊刀削麵製作過程本身就像一門藝術，每一片麵都是由廚師精心用刀削下來的，這不僅使得每一片麵的厚薄都恰到好處，同時也保留了麵的口感和彈性🤤花雕醉雞刀削麵配上海雲吞花雕醉雞與獨特的刀削麵完美地融合在一起，帶來了一點鮮美的口感，主要是麵條咬下去有種特別的彈性和嚼勁而花雕醉雞則是酒香濃郁，雞肉鮮嫩，與麵條配搭上來可謂是相得益彰😚薑母茶茶的香氣和薑的辛辣結合在一起，稍微有一點辣，不過還可以接受，最近比較忙一點，喝點薑母茶不但可以提神醒腦，還有助於消化🤞🏻好味指數：9/10性價比指數：9/10餐廳名稱：拾味正宗刀削麵館餐廳地址：銅鑼灣渣甸街44號地舖電話：26822345

經開銅鑼灣做野，食個快飯又要再做過，天氣熱總係想食湯麵濕下口😝同同事入黎坐底，叫到有個後生師父仔整刀削麵，即叫即削，都幾有功架🤩喺度食野個望住師父仔削麵，都算幾輕鬆😌 我點左碗蒜泥勳蹄湯刀削麵，欣賞佢麵餸分上，唔會比湯浸走啲餸味👍刀削麵話晒係人手整出黎，削出黎嘅長度厚度唔算好平均，但口感同麵嘅味道都好有自家製嘅感覺，一流😋😋麵條彈牙且煙韌，咬落去係有少少麵香味。蒜泥同勳蹄，好夾，但小心唔好一次點太多蒜泥，因為啲生蒜都幾辣 同事就點左個麻辣手撕雞菜飯，菜飯啲菜都幾新鮮，無話焗都黃晒，同事話整體都好好味，麻辣味適中，唔會麻到食唔到味😚 我地再叫左個小食，紅油炒手🥟店內水餃雲吞都係自家包，粒粒雲吞都好大粒。而紅油有辣椒香味，但唔係好辣，完全食到粒雲吞餡嘅味道，無比啲紅油蓋過。簡單食碗飯麵，呢度係個幾好嘅選擇

如果係銅鑼灣突然想食碗麵…除左車仔麵或者潮州粉麵外…我都幾推介你黎呢度食碗刀削麵。之前就去開中環店…可惜已經結業…所以想食的話就會黎灣仔或銅鑼灣店。幾時九龍區開呢？呢度主打刀削麵…當廚房接到柯打…師父就即席削麵飛落鍋滾水度煮…師雖然年紀輕輕…不過見到師父削麵技巧真係好純熟…今日我同朋友分別點左湯同涼胖刀削麵…我咁怕熱當然食涼胖啦…餸就點左豬肚…朋友就點左麻辣手撕雞湯既刀削麵就比較腍身少少但麵質都煙韌…湯頭幾清甜…麻辣雞絲分開上夠貼心。雞絲微辣幾惹味…肉質好嫩…一d都唔會鞋柴。我就比較喜歡我自己點既涼胖麵…麵條過完冷河後變得更煙韌更有𡁻頭…配埋麻辣醬…担担麵醬(呢個好推介…好有東北風味👍🏻👍🏻)…配埋青瓜絲撈混食…辣辣地但又好清新…真係好啱夏天食食辣當然要叫杯野飲啦…凍檸樂都係加$10🤩🤩銅鑼灣呢個黃金地段…服務有小店貼心…呢個價錢真係物有所值

消暑冷刀 $69青瓜絲、粟米粒、黃金芝麻醬配雞腎份量好大份，啲雞腎多到我差啲食唔晒，好爽口，醬汁味道啱啱好，令人好開胃，芝麻醬愛好必嗌，麵量亦好多，口感彈牙，坐喺度望住師傅即場削落湯煮，好正宗，$69嚟講其實算幾抵下，食到好滿足口水風味冷刀(辣）$69青瓜絲、擔擔醬、口水汁、花生、芝麻配手撕雞個辣醬好惹味，又唔會太重味，好多配料食落口味好豐富，好易會食到停唔到口，啲雞絲份量好多，又唔會榎歰歰，夏天咁熱食呢啲就啱啱好，好開胃凍豆漿 加$6