拾味正宗刀削麵館 (渣甸街)

营业中

休息中

依日係銅鑼灣渣甸街找到一間食刀削麵嘅拾味正宗刀削麵館，從未食過嘅刀削麵，真的好期待。入到店內，裝修簡潔，地方雖然唔係好大，但有種正宗刀削麵嘅感覺。睇吓餐牌先，刀削麵可以自由配搭，多款餸菜、麵食、上海菜飯、滋味小食及飲品等，選擇都幾多。麻辣牛筋腩牛展刀削麵       $72店舖主打刀削麵，當然點嚟試吓啦！刀削麵即叫即製，見到師傅即場削麵，麵條軟滑，煙韌有彈性，充滿麵粉香味，湯底清清地帶點蔬菜甜味。選擇咗兩餸有牛筋腩及牛展(+$10)，好黏口既牛筋，充滿膠質，牛腩炆至軟淋，有少少咬口，兩款醬汁非常入味，下次一定要再來。麻辣東坡肉豬軟骨刀削麵         $72另一碗刀削麵配麻辣東坡肉及豬軟骨(+10)，湯底清甜，刀削麵煙韌有彈性，揀選少辣既東坡肉，肉質入口即化，帶少少麻辣，猪軟骨口感軟綿，配麵好夾，越食越滋味。薑母茶      (+$8)熱熱既薑母茶，帶些辛辣，薑味唔會過濃，與甜度都啱啱好。Zero     (+$8)食麻辣配凍飲最夾，冰冰凍凍，口感好爽。

銅鑼灣的「拾味正宗刀削麵館」以手工即削刀削麵著稱，提供多款口味，包括清湯、麻辣及熱拌等多種選擇。刀削麵口感彈牙有嚼勁，麵條上清楚可見刀削痕跡，湯底通常用豬骨熬製，帶有鮮甜味。人氣菜式有麻辣金錢肚豬頸肉刀削麵、東坡肉豬頸肉熱拌刀削麵，餸料豐富且味道濃郁。另有上海雲吞和溫泉蛋作配搭，整體份量充足。越南春卷刀削麵🍜，但餐廳提供傳統越南春卷，春卷外皮酥脆、餡料新鮮，配上醬汁味道豐富，非常受歡迎。加$10 還可以有自家制既上海雲吞🥠另外還加了$10 炸醬🤤炸醬以豆瓣醬為基底，味道較濃郁且帶有豐富的炸菜粒口感，帶來層次感。部分評論提到炸醬味酸辣適中，伴有芝麻香味，整體味道配合刀削麵很合適。

位於銅鑼灣的晉菜拉麵館，即是山西刀削麵。地方不大，廚房半開放式，食客可以見到師傅手持巨型麵糰削麵，即點即削麵，再滾湯煮熟，很快便上枱。滋味小食：涼拌海帶絲海帶絲幼細，上面加上蒜泥，酸辣蒜香，爽脆開胃的涼拌小菜。冷刀削麵：麻辣風味冷刀 麵條有幾款，分別是刀削麵、拉麵或米線。這份拌刀削麵的配料有青瓜絲、擔擔醬、麻辣醬，再自選一款餸菜－手撕雞，雞絲夫份量很多，還額外加了豬耳，爽彈脆口。所有食材及調味醬汁拌勻，讓麵條沾上醬汁，越吃越麻香越辣，很過癮。而且用來拌麵的刀削麵特別煙韌，很有嚼勁，掛汁力強。刀削麵自由配：麻辣金錢肚湯底清甜，浸著熱湯的麵條相對柔軟一點，手工削麵，長短厚薄不一，不過仍能保持煙韌感。另外自由配搭可以額外加餸，雪菜、牛筋腩、仿鮑魚片。金錢肚切成條狀，有很多條；牛筋腩軟腍入味。麵餐還附送飲品，挑了鮮甜豆漿。

收工想食啲有湯汁嘅嘢朋友約我去食刀削麵 又好似幾好喎都好耐無食過 所以就落咗銅鑼灣嘅拾味平時成日經過 但就未有機會食6點前都仲有下午茶餐 最平28蚊就有得食 超抵🐥花雕醉雞刀削麵四川擔擔醬(+$10)花雕味幾重 雞件滑溜而擔擔醬幾惹味🐷麻辣豬軟骨刀削麵雞翼(+$10)大腸(+$10)有選擇困難症嘅我 樣樣餸都想食一於加晒落去 😝嚟到成隻碟full晒 份量爆棚😆麻辣醬會放喺啲餸上面 再根據自己嘅口味加落啲麵度豬軟骨夠晒腍 而且滷得入味豬腸洗得好乾淨 雞翼肉質都滑 雞皮都好夠味郊外油菜要咗芥蘭 綠油油嘅菜 爽甜凍華田凍檸蜜

夏天悶熱冇胃口？銅鑼灣呢間隱世刀削麵館絕對係驚喜！堅持每日手工削麵，涼拌小菜更是爽辣醒胃，食完即刻元氣爆發～🌶️✨ ▪️ 麻辣冷刀（手撕雞＋燻蹄絲） 麻辣汁香得嚟唔嗆喉，麻香慢慢滲出好過癮！手撕雞嫩滑唔乾，燻蹄爽口彈牙，夾埋青瓜絲同炸花生，口感豐富到震，真心推介！ ▪️ 肥牛刀削麵 麵條粗幼不一睇得出係手工削，咬落煙韌有嚼勁，湯底清甜唔油膩，肥牛份量多又軟淋，啖啖都係滿足感～ ▪️ 酥炸雲吞 即炸上枱熱辣辣，外皮金黃脆卜卜，內餡豬肉鮮味滿滿，點少少甜酸醬食簡直係絕配！ ▪️ 凍豆漿 豆味濃郁順滑，甜度適中，解辣一流，飲完喉嚨好舒服～ 整體食物質素高，手工麵同涼菜都非常出色，係銅鑼灣想食正宗刀削麵必試！已經約定朋友下次再encore～💯 📍拾味正宗刀削麵館 銅鑼灣渣甸街44號地舖 #銅鑼灣美食 #刀削麵 #手工麵 #涼拌 #麻辣冷刀 #香港小店 #美食推薦 #吃貨日記 #銅鑼灣好去處 #拾味刀削麵

煙靭手工山西刀削麵竟然係銅鑼灣都有性價比高食物，店舖裝修簡潔，刀削麵由師傅現削，口感煙韌，有湯麵熱拌或者冷麵。價錢親民抵食。麻辣豬軟骨刀削麵 + 水餃刀削麵咬勁十足，豬軟骨加上麻辣醬同蒜蓉，豬軟骨燉到軟嫩，一咬就化開，水餃亦皮薄餡多。麻辣豬扒刀削麵 + 牛筋腩豬扒外酥內嫩，牛筋腩膠質滿滿，滷得超入味，配麵吃超滿足。紅油抄手抄手皮滑餡鮮，紅油香麻帶甜，辣度剛好。花雕醉雞雞肉冰涼嫩滑，酒香濃郁，有少少甘甜，正。

我間唔中就會好想食即叫即削嘅刀削麵，心目中有幾間心水，今日放工就同老公黎左其中一間😊❤️口水風味冷拌刀削麵加豬肚絲，手撕雞口水汁幾香，叫咗小辣啱啱好👍豬肚絲唔韌，手撕雞帶微微鹹香味刀削麵超級煙韌😋⭐️口水豬耳湯刀削麵加竹笙豬耳份量多，爽口👍竹笙索湯刀削麵雖然叫左爽D但都係略嫌有少少淋❤️凍豆漿自家製，唔會太甜，豆味濃郁😋#刀削麵推介 #正宗刀削麵 #山西刀削麵 #中菜推介 #口水汁 #豬肚 #手撕雞

成日食米線食到悶？想轉吓口味？今日就去咗拾味山西刀削麵館試吓佢哋嘅招牌刀削麵！🍜 一入到去就見到師傅即叫即削麵，勁有睇頭！ 我叫咗一碗牛筋腩熱拌麵，真係冇令我失望！首先，份量真係超級大！ 雖然只係叫咗一熱拌麵，但啲麵多到差啲食唔哂，而且啲牛筋腩都好多～主角刀削麵，真係好出色！ 師傅手功一流，削出嚟嘅麵條厚薄不一，口感超煙韌，加上熱拌嘅醬汁，麵條完全掛汁，每一啖都充滿醬汁嘅香味！ 個炸醬帶少少辣，非常惹味！🌶️牛筋腩炆得啱啱好，夠哂軟淋入味，牛腩肥瘦適中，唔會太油膩！👍🏻 同刀削麵簡直係絕配！總括嚟講，拾味山西刀削麵館嘅牛筋腩熱拌麵都真係幾好食，CP 值唔錯！

銅鑼灣附近有間刀削麵專門店，味道正宗，啲刀削麵仲要係即叫即削㗎，所以食落特別煙韌有咬口，口感一流！講到份量，超級大碗！價錢仲要好抵，大約$60蚊就有一大碗，仲可以加$6蚊就有熱飲或者豆漿，真心係抵食夾大件！**口水冷刀削麵**配料方面，手撕雞好入味，索晒啲汁，豬肚絲又夠爽口，撈埋煙韌嘅刀削麵同埋冰涼嘅青瓜絲，口感好豐富，食落好開胃，夏天食真係一流呀！🧊🥢**熱拌刀削麵**配料就揀咗牛筋腩同炸豬扒。個牛筋腩炆到好腍好入味，一咬就化開，豬扒新鮮炸起，肉質鮮嫩又Juicy。熱拌會配上招牌擔擔醬，仲可以嗌多醬，撈埋煙靭嘅刀削麵好掛汁！

相約友人在銅鑼灣吃飯，來到這間刀削麵，環境乾淨整潔，時間未夠晚上7時，已不少人在吃麵麻辣豬頸肉刀削麵 $62+$10 麻辣豬耳可選蒜量和辣度，我點了多蒜少少辣，豬頸肉邊位脆身，有豬油渣的味道，豬耳爽脆，刀削麵看到師傅即叫即削，軟滑煙韌麻辣豬軟骨刀削麵 $62+$10 雞翼+$10 牛筋腩點了中辣多蒜，麻辣香濃惹味，豬軟骨和牛筋腩軟冧，雞翼輕易脫骨，好吃豆漿 +$6凍飲不用加錢，豆漿不太甜，有豆味出色的刀削麵，價格在銅鑼灣來說非常相宜，會再來

銅鑼灣地鐵站附近，找到這家平價好吃的現削刀削麵🥹🙌🏻🙌🏻真係見到師傅人手現削🤣🤣好有功架！佢哋除咗湯麵，仲有熱拌麵同冷拌麵！用QR code下單，人均$6X，美味吃到飽！花雕醉雞刀削麵 $64+$10紫菜醉雞很香花雕酒味！但不會過苦，醬油味道恰到好處，雞肉超新鮮嫩滑！💗人手現削現煮的刀削麵，煙韌彈牙，每一條形狀不一，滑溜溜的，扣底份量也超多的！🥹拾味冷刀削麵$69手撕雞&牛肉絲+$10裏面超多配料，有粟米、青瓜、擔擔醬、千島醬，夏天吃非常清爽！🙌🏻冷麵面質較有咬口，擔擔醬有少少辣味，整體勁開胃好惹味！

今日去咗一間刀削麵店，入到去就見到師傅即場削麵，望住佢一刀一刀咁削落麵團，好爽，好療癒，仲未食已經有期待。麵條係即削即煮，食落去真係唔同，夠晒煙韌，有啲位厚啲咬落去實在啲，有啲薄啲就掛湯好啲，整體好有口感。湯底又夠味，唔會死鹹或者好油，飲埋湯都唔覺滯。叫咗麻辣大腸加肥牛，味道夾得好，大腸冇異味，爽口乾淨；肥牛薄薄哋，好滑。仲試咗蒜泥牛展，牛展夠腍又唔乾，啱啱好。小食叫咗涼拌海帶絲，清清地，幾開胃，配住麵一齊食幾舒服。成體驗幾滿意，食得出係有心機做，好快會想再去試其他口味。

一向都好鍾意麵食. 今次黎左銅鑼灣做野食埋個LUNCH先走. 見到呢間招牌手工刀削麵咁要試下啦. 個餐牌都好多選擇 , 選擇困難症又發作., 諗左陣要落單.  <熱拌刀削麵>   豬頸肉熱伴刀削麵拌麵口感煙韌 , 配埋擔擔醬  , 豬頸肉炸過，外面保持香脆，裡面有脆嫩的口感, 微辣的擔擔醬汁伴麵，相當開胃。份量超大 !見師傅手工即場刀削煮麵，麵條好夠煙靭、爽滑。花雕醉雞拉麵  加四川擔擔醬好喜歡熱辣辣湯。醉雞勁大份仲要係雞髀位， 小碟另上，雞肉嫩滑花雕酒味清香入味，湯麵就叫了拉麵， 夠哂親民抵食呢! 全部都係人手削麵，而且套餐價錢合理 60幾蚊已經有一大碗配一份小食另上， 再凍檸樂都係加$10  係支裝正！拾味正宗刀削麵館餐廳地址：銅鑼灣渣甸街44號地舖

【🫡拾味山西刀削麵館｜刀削麵新定義】認起刀削麵，都會係一個老師傅捧着大麵團手起刀落將麵削入湯中成為刀削湯麵🍜，今次嚟到「拾味」銅鑼灣店，我有另一番體會啊！🔪拾味冷刀（手撕雞冷麵）聽個名都好型，其實是刀削麵冷麵版，用上手撕雞、粟米、沙律醬、青瓜絲、秘製辣醬，放在大碗內自行撈撈攬伴，十足十童年時食嘅膠袋撈麵進化版！用刀削麵嚟做冷麵，感覺很新鮮，打破常規創意無限。麵相當大碗，非常足料呢！.🔪麻辣東坡肉菜飯👍🏻好食推介，東坡肉炆得香濃軟身，脂肪與肉層層可見，督碎後配上菜飯真係好好味，油脂與菜飯勁夾，仲有麻辣口感！.🔪酥炸雲吞炸得金黃脆口，菜肉內涵，食完一粒會再想食第二粒。.👍🏻拾味山西刀削麵館(渣甸街)📍銅鑼灣渣甸街44號地舖#香港 #銅鑼灣 #銅鑼灣美食 #東坡肉好好食 #山西刀削麵館

坊間上主打刀削面食唔多，即席手工烹煮更加買少見少，拾味正宗刀削麵館，主打手工刀削麵，餐牌上有多款不同刀削麵，而且有清湯、麻辣同熱拌選擇😍價錢平民，絕對係抵食之選😛⋄⋄====—====—====—====—✦ 刀削麵自由配 ✦🐄麻辣牛筋｜🐖麻辣豬手｜🐮麻辣牛展刀削麵（$82）🍯🍋配凍檸蜜（$10/跟餐）刀削麵超大碗，份量頗多 😄一片一片厚薄均勻，十分滑身，入口軟而不爛，口感Q彈咬下去煙煙韌韌😜麻辣系列牛筋軟腍，豬手腍而入味，牛展入味口感煙靭，配上麻辣醬汁及蒜蓉非常惹味🤩⋄🐥口水手撕雞刀削麵（$64）🥛配豆漿（$6/跟餐）刀削麵煙靭，湯底清甜，湯麵同餸分開上，保留返配料醬汁嘅味道👅雞絲份量頗多，口感不錯，加上青瓜絲，口感爽脆美味🤤====—====—====—====—.📌店名：拾味正宗刀削麵館 (渣甸街) (銅鑼灣)’📍地址：銅鑼灣渣甸街44號地舖