批&撻專門店

营业中

休息中

Pie & tart價錢唔費，門市又多，有時口痕會買個鮮奶撻過下癮~ 不過平日行過都冇為意，原來pie & tart出左個流心紫薯撻，身為紫薯控的小編沒有多想就買左個試下~ 紫薯撻表面加上一層紫薯粉，外表好吸晴，一口咬落去，勻有少少鮮奶味既紫薯醬已經慢慢流出，吃到濃濃的紫薯味，十分幸福~ 而鮮奶撻之前已經試過幾次，唔知是否紫薯撻味道太濃郁，所以覺得鮮奶撻個味道好似冇以前咁突出，但味道都算唔差~

中午唔知食乜好，但又見肚餓，左揀右揀最後買批&撻填肚之前一直有幫襯開，我買左平日最常食既鮮奶撻同埋蘑菇撻。今次我對鮮奶撻好失望，成個撻唔夠熱，明顯放左好耐奶味冇乜，食落好水，個撻底竟然有陣窿味！完全係失準！而個蘑菇撻$12真係細得離譜，對比起其他批真係冇咁抵食雖然有晒芝士、蘑菇、洋蔥，味道還好，但價錢定價黎講唔太接受，如果就咁食一個既話，一定好快又餓。

今味味饒未吃早餐便去九龍灣打算睇屍殺列車，經過地鐵的Pie & Tart，實在忍不住買點吃的。現場所見款式不算太多，但勝在夠特別而且價錢合理，無記錯大致都是$15以下。甜撻是不同口味的奶撻（原味，芝士，朱古力），另外還有日式紫薯流心撻，款式也挺附合香港人口味吧本以為會是奶撻再加上紫薯粉，因此沒期望有太濃的紫薯味，豈料流心餡料都有着濃濃的紫薯香！第一口味饒太偷心了，嘴饞的，貪婪的咬了大大一口。燙，很燙，舌頭都燙得沒有感覺了，但當舌頭漸漸恢復知覺時，意識便被像真且香濃的紫薯香扯回現實。坦白說，第一口我也不肯定紫薯味是來自那種感官，畢竟味覺都變遲鈍了。第二口，味饒輕輕吹涼流心餡料，小心翼翼地用嘴唇先測試一下温度是否適中，才放心把餡料連同撻皮一同送到口裏。這次終於能細細品嘗了，終於能確定紫薯香來自味覺。紫薯餡料甜度適中，沒有蓋過紫薯味的死甜和奶味，流心的質地中和了一般紫薯甜品給人的膩和厚重。撻皮比芝士撻和奶撻的要厚和實，不夠酥脆，大概是因要盛載滲透力強的餡料吧，唯有在撻皮的質地上作少許妥協了。芝士撻是味饒一直的至愛。說是芝士撻，其實是奶撻上面鋪滿芝士粉。芝士撻餡料的質地與流心撻的自然截然不同，

見好似好多人買鮮奶撻咁，就買個黎試下，7蚊個唔算好貴，一打開散發淡淡牛奶味，入面既牛奶唔會焗得太熟，岩岩好咁嫩滑，個皮亦都好脆，唔會因為擺得耐而林哂下次會買其他味黎試下，感覺上其他味都唔錯咁

呢日經過九龍灣地鐵站，見到有流心紫薯撻賣，即刻忍唔住買咗個。一切落去，紫薯撻流心效果爆分，非常吸引，而且紫薯味香濃可口，紫薯味突出，又唔會過甜，真係唔錯，撻皮亦夠鬆脆，真係叫人欲罷不能，食完一個仲想繼續食。

港女三寶（抹茶、芝士、紫薯）都是我的至愛，今次到Pie & Tart試三寶之一的紫薯流心撻$12。老實說期望不大，以為是鮮奶撻上加了紫薯粉而已，殊不知有驚喜！驚在打開紙盒後發現紫薯撻表面已經裂開了，奶漿四溢；喜在味道相當不錯！相比起抹茶和芝士，紫薯的味道一向較低調，難得這個撻的紫薯味很突出很濃；名副其實很流心，甚至有點太流心了，好像有點未焗熟的感覺，但質感頗滑。$12來說值得試試~希望下次的新產品是抹茶撻！

平時去開Pie&Tart專門店，都會買鮮奶撻。今次，由於較肚餓唔想食甜品住，所以就買左芝士蘑菇撻試一試。($13)呢個撻餡料有伴白汁煮過既蘑菇、粟米同少許洋蔥，幾足料。面頭仲有層金黃色既芝士包住，熱辣辣好吸引份量不太大，啱啱飽肚，路過九龍灣地鐵站既人不妨可以試一試。不過，個人認為貴左少少，間唔中食一次就好

同甜心小姐晚飯後, 大家齊齊上去甜心小姐屋企傾計談心, 一出九龍灣站見到Pie & Tart, 比佢的香味吸引住, 但因為食得太飽, 食唔落TART, 但竟然比我發現有$10一件蛋糕, 可能已經晚上八點幾, 所以已經剩餘好少, 一於買2件上去齊齊分享件。意大利芝士切餅, 脆脆軟心朱古力切餅買兩件都有紙袋盛載, 去到甜心小姐屋企雪多陣就齊齊食, 其忚人都話好抵 ! 不過抵還抵都要睇下好唔好食。意大利芝士切餅普通味道, 芝士味唔突出, 下次唔會試脆脆軟心朱古力切餅朱古力味夠濃, 還有一件朱古力曲奇, 表面亦鋪了朱古力脆脆,以$10價錢真係唔錯.

今日又試咗個批 粟米批早上買定做午餐 本身見佢細細個 以為一定會唔夠飽 仲買多咗個包點知食完飽到連個包都冇食😂朝頭早以為會好長龍 但都冇乜人買 加上店員手腳快 基本上唔洗點等就買完嚕個粟米批有一層厚厚地既薯泥 下面係白汁粟米 有幾條火腿咁 如果混合一齊食 其實都唔錯 不過料有啲少 所以有啲薯泥無乜味 我自己再加pepper& salt 就好啲 不過十幾蚊 又一餐 方便又便宜😏

以前pie & tart 周圍都有 宜家真係愈執愈少 偶到九龍灣地鐵站 見到梗係要試試啦 宜家一隻鮮奶撻 要7.5 其實當小食咁都幾實惠 我食咗一隻鮮奶撻 好奶😂 (奶味好重) 好滑 用紙袋裝住 其實仲有好多款㗎 我諗住下次再試試😂 價錢都唔係好貴 重點係位置好方便 係b岀口直岀就係

今日經過德福見到好似出左新野睇到係鴕鳥批又未食過 所以咪買嚟食下 個鴕鳥批外層會有少少硬身 應該是因為入面有汁係到關係 入面有洋蔥 青椒 薯仔最緊要夠淋身 仲有鴕鳥肉係到 辣辣地 絕對會剌激到人胃口 見到都劝留口水 😁😁 仲有可以保持又熱 又多汁 唔係到到都做到 比雞批仲要大個 可以講係飽肚首選 價錢同一樣 材料十足 外面仲要有黑芝麻係到 從外觀上都已經一百分 入面就更加吾洗講 要比個讚佢

每次經過批&撻，小妹都會忍唔住整返個撻嘆下，呢度嘅撻真係幾足料通常lunch未食，小妹會買會螺絲粉撻底層係螺絲粉，軟硬適中，由蕃茄醬加洋蔥加火腿配搭，蕃茄醬嘅香甜令到啲單調無味嘅螺絲粉有所提升，而且表頭係軟滑無比嘅薯蓉，經焗爐焗一焗，微脆但唔會過份乾身，配合香甜蕃茄醬，滋味無窮同時買左鮮奶撻，呢度嘅鮮奶撻甜度食中，而且香滑，好似食整燉奶咁，而個餅底好脆身，唔會無左個乾爽感，囗感豐富，價錢相宜推介！

多年來都保持到本身水準其實係好難得的事! 服務好貼心，會附上膠匙作使用。TART皮依然做得夠香酥,牛油味好香濃而唔會感覺到油膩, 鮮奶好滑,甜度非常好，味道濃郁,唔會有漏感, 正!

晚了回家，要準備明日一家早餐，只好係地鐵店買。pie n.tart 陣牛油味好勁，吸引左過去。先買兩包麵包做早餐，甜餐包，幾鬆軟同帶股蜜糖似架甘甜味，撕開再抹牛油就係小朋友們愛吃的早餐啦，加杯奶就唔覺太甜。肉鬆包己切開一。片片仔，拎起食方面，入面都藏有唔少肉絲，甜肉絲配鹹麵包底，我鐘意食，有時豐富d會夾片炒蛋單左件藍莓鬆餅同蛋糕當high tea,鬆餅比較乾身，藍莓唔多同假假地，唔太喜歡。 而件cake 10蚊件，相唔錯仲插住塊曲奇，個朱古力mousse亦都好普通，個mousse朱古力味好淡，無乜質感好易溶架mousse.意大利芝士餅芝士味都偏向淡身架，好輕質地唔夠滑口。勝在價錢街坊

食物選了一份螺絲粉薯蓉批，遞給我時是熱騰騰的。螺絲粉是番茄味，帶一些很小粒的雜菜粒，預製的批內的螺絲粉必定是煮得過腍不解釋。薯蓉有點薯仔味，但沒有牛油香，也不夠滑，因為是翻熱的關係，所以有點乾。服務店員招呼蠻快，也有禮貌，在Order後會替你加熱後再遞紙巾和袋給你，不錯。總結以前一直聽朋友說Pie & Tart的批很好吃，特別是雞批，可是我對雞批不是特別有興趣，只好點其他。可能真的只有雞批是鎮店之寶，也就罷了，畢竟我還是覺得批好像甜的比較好食點。而十多元一件小型批但又吃不飽令其性價比更低，更不可取了。