批&撻專門店

营业中

休息中

以前細個好開心住係大埔 好多野都好好食Pie & Tart 係以前係大埔中心有間分店 不過越嚟越多連鎖進駐 就消失左啦所以每次想食最近都要去到九龍灣站 人生好難但今日好滿足 咁啱去九龍灣就去左買啦去到見到舖面雖然細 只有一個大暖櫃係到但都不乏人龍 keep住有人排隊諗住過左咁耐無食 價錢可能會加 但都無加鮮奶撻 $9比起一般糕餅舖 撻既size 比較大 撻皮唔係酥皮只係牛油皮 皮夠薄令到裏面既鮮奶倒得夠多好香鮮奶味 救命 好好味芝士鮮奶撻$9依款比起鮮奶撻多左層燒到金黃色既芝士奶味同芝士夾埋仲香仲夾

WFH 有點懶吾想煮lunch time 經過就買了點回家佢最出名係雞批雞批（2件）吾好睇佢同一般麵包店做的無咩分別一切開香噴噴的味道直樸鼻鮮奶撻（2件）我的最愛鮮奶滑溜入口即溶

依間餅店d批同撻高質就一早都知。去九龍灣地鐵站一出來就見到，果斷去買個做tea醫下肚。店面乾淨整潔，一個大展櫃show曬有咩食，一目了然。選擇都好多，由咸，甜批，焗薯，通粉到蛋糕都有。😋雞批平時食得多，今次試左個白汁雞皇長通粉，份量相當足。面上一層厚厚的芝士，焗得好香好脆。雞肉唔會太柴，係嫩既。最重要一點，我拎起個錫紙兜食時係辣手既，食物仍然係熱啦啦，完全無因為凍左而影響食物質素。好食，食tea首選😋

Pie & Tart響九龍灣地鐵站開左甘多年都屹立不到，每日放工都經過，遠遠已經聞到香味今晚想買鮮奶撻不過已經賣晒！試左麻辣牛柳批、咖喱牛肉批同埋必食雞批。估唔到麻辣牛柳批都好好味，吾會太辣，熱辣辣，非常香口，撻殻脆卜卜！最鐘意呢度有好多款選擇，又平又抵食，所以一直有大批捧埸客！Chicken tart

由我畢業到依家, 十幾廿年都仲係度, 因為真係好抵食, 絕對是賣包不是賣空氣. 丹麥海鮮批，酥皮面層及邊位十分鬆化，中間有點軟棉，但也吃到酥皮那千層口感。裡面是白汁加火腿磨菇什海鮮粒等，味道十分好，份量大得像是吃了一個主菜。

此店之前成日幫襯買它們的鮮奶撻但其實他們最出名的是雞批除了這2款還有很多不同選擇的批和撻鮮奶撻（2個）鮮奶味濃濃芝士鮮奶撻（1個）它的味道與鮮奶撻沒有太大差別，沒什麼芝士味雞批（1個）藍莓梨孖鬆

呢間座落於九龍灣地鐵站出口既PIE & TART，空間唔大，人唔多，但效率好快，即叫即食，十幾蚊一個。買左一個芝士牛奶撻同雞批，又熱辣辣又爽脆！濃郁既芝士味，真係回味無窮！個撻殼好爽脆；而個雞批亦同樣好香，雞肉既質量正常，主要係個撻殼好脆好正！

十幾年前pie + tart 全盛時期間， 總有一間在區內。 我細個時都有一間在馬鞍山新港城商場內， 店舖內由一對夫婦打理， 男的在焗tart, 女的在門面收錢， 見他們做得開心， 我每每放學經過都要婆婆買鮮奶撻食。其後幾年熱情冷卻， 人流少左， 店舖結業， 便沒有再見過馬鞍山有此店了， 其他地方亦少左。唯獨九龍灣此店經營多年， 仍然存在。故經過九龍灣港鐵站，見到 一定要買回家品嚐， 尋找童年回憶味道。麻辣牛柳批未試過， 幾特別， 愛小辣之選。蜜汁豬頸肉批買回家品嚐， 用氣炸煱160度幾分鐘便可吃到熱辣辣的肉批。批底幾脆。 雞批鮮奶撻不二之選童年回憶， 而家好少有機會食， 所以加分。而家反而冰室盛行， 太多菠蘿包， 雞尾包， 蛋撻賣，反而更加回味此pie & tart.

大食妹以前係九龍灣做暑期工, 次次都忍唔住買Pie & Tart 返去同屋企人分享今次亦都唔例外事隔咁多年, 唔知質素係咪依舊呢<法式粟米批>因為法式粟米批新鮮出爐, 大食妹就買左一個綿綿嘅薯蓉裏面係粟米, 簡單好食<美式螺絲肉汁批>美式螺絲肉汁批一向係媽媽至愛, 同樣係薯蓉係面, 裏面係甜甜嘅茄汁同螺絲粉, 口感豐富<雞批>雞批嘅料的確好多, 親民抵食<鮮奶撻>鮮奶撻係當年大食妹至愛, 鮮奶又滑又香<特濃朱古力孖鬆>另外仲買左個特濃朱古力孖鬆, 好巨型

難得經過，就買咗個鮮奶撻同埋芝士鮮奶撻。鮮奶撻一如既往都係咁好味， 但係芝士鮮奶撻我真係唔鍾意個味，唔知係我接受唔到定係個味道真係奇怪。$8黎講，算平，可以值得一試。

最愛螺絲粉批！以前讀中學星期六在九龍灣補習，上完堂回家之前一定會買Pie & Tart食！今天經過九龍灣地鐵站，一於買翻幾個當午餐食吧。螺絲粉批- Pie & Tart 必食推介！基本上每次幫襯都會叫螺絲粉批，薯蓉口感軟綿綿幼滑，加少少茄汁同螺絲粉一齊食，無得彈！入邊仲有大量蕃茄肉、菇、洋蔥，整體味道酸酸甜甜，當正餐食都唔過分！蘑菇撻- 蘑菇撻係另外一個推介！撻上有滿滿嘅芝士，十分邪惡，趁熱食嘅話可能仲有拉絲效果添。裏面全部都係蘑菇，外層包著薄薄的忌廉汁，牛油撻皮好香，不過食到一半有啲滯，同朋友share食就最好！芝士鮮奶撻- 鮮奶撻升級版！平時食鮮奶撻會食到濃郁牛奶味道，今次都唔例外。不過我覺得芝士味略嫌淡味，比奶味蓋過，冇咩特別。

大學時代已經好鍾意它的鮮奶撻，但做嘢之後都好少食，估唔到佢今時今日都仲賣緊$8算相當抵，仲出左朱古力同芝士味，之前食過，我覺得依然係鮮奶撻最好味，熱辣辣！由於有啲肚餓，所以仲買咗個「焗白汁雞皇長通粉」（ $19 ），面頭有一層芝士，分量當然唔會似一個焗通粉外賣咁多，只可以當小食，雞皇好似唔係好覺，洋蔥多啲，味道一般。不過勝在地點方便，在地鐵站口，而且基本上所有野都ready made, 所以一比錢就走得，好方便快捷。不過換來就係會多即棄垃圾，魚與熊掌呢！

每次經過Pie & Tart都會忍唔住行過去😛所撻會keep住新鮮出爐！「南瓜批🥧($11)」因為佢新鮮出爐 外皮超香脆🤩南瓜蓉🎃都夠多 甜度天然💕「芝士鮮奶撻🧀🥛 ($9) 」入邊嘅牛乳好滑似燉奶 面頭嗰層芝士粉令個撻略帶鹹香😝!但皮唔夠鬆化🙈「意大利芝士撻🧁($15)」太甜 唔夠tiramism味😔-Every time when I walk pass Pie and TART,, the bakery smell is so tempting😛! All tarts are fresh baked! I recommend the「Pumpkin Pie🥧($11)」It has a flaky and hot enough pastry with natural pumpkin fillings 🎃🤩💕「Cheese Milk Tart 🧀🥛 ($9) 」 has a milk coagulate which tastes like the steamed milk custard! The cheese powder has enriched its flavour！😝「T

每日都經過九龍灣pie and tart ，好近地鐵站，收工必經之地，因為味道實在太香，收工回家前肚餓就過去買過住食住先。今次點左海鮮批，拎上手熱辣辣，食落去好失望，價值$16 ，本來對佢好有期望，但食落至知所謂嘅海鮮批，入面得幾粒蟹柳，加埋一啲長通粉同埋火腿。味道都有啲過咸，真係麻麻，但夠熱辣辣係加分的，另外佢外邊個脆皮都夠脆唔會淋。以前曾經食過鮮奶批同埋芝士鮮奶批都好食，我諗下次都係叫返最普通嘅批先唔會失手。

當天下班後而又未到晚飯時間，想找些小東西作下午茶，突然想到了九龍灣地鐵站有一家Pie & Tart，於是便一心前去買本人最喜歡的雞批。來到此店看到不同口味的批類都很是吸引，尤其是麻辣牛柳批，好像很好味的樣子，所以便各買了一個雞批及麻辣牛柳批，店員每次也很細心的放了兩支膠叉供顧客可比較衛生地食用。拿回家裡雖然有點冷了，但還是很香！雞批一如平常的好味，雞肉又滑批皮又香，難怪永遠是皇牌！而麻辣牛柳批老實說太油了，雖味道還算不錯，但本人應該不會再買，始終都是不要太勇於嘗試特別的味道的好