扒王之王 (已結業)

5人晚上到尖東扒王之王拮扒, 叫了5份餐$96-$146,共5份餐, 但上4碗紅湯, 好奇問下還有一碗未黎,服務員即刻好惡駁嘴話龍蝦湯要煮, 我地才知原來有人叫了龍蝦湯,沙律和湯來到先, 湯是好好味, 大家飲晒湯, D扖都未到, 又冇人收碗,最後才有人收, 扖才上桌, 嘩, 扖餐無鐵板上呀?5份扖餐只得一份肉眼扖餐才有鐵板上, 其他牛扖和豬扖餐都冇鐵板上, 無鐵板又冇人通知, 服務好奇怪, 感覺好差, D薯條勁大塊粗到死, D鵝肝又薄又鞋到死, 牛扖7成熟入口好鞋, 雪魚好腥,食物賣相雖然好吸引, 但味道好差, 一D都唔好食,整晚來說最滿意是餐湯和餐茶是最好的.扖王之王比起其他牛扖餐廳 (花園餐廳/ 大家樂) 水準差好遠, 明顯退步左好多, 咁貴的價錢一D都唔值, 覺得比店舖名騙了, 以後都唔會再幫襯,當晚其中一名朋友還肚痛, 唔知係唔係食物唔乾淨?

個曰係平安夜前夕,都會預左貴小小點知又貴左成個碼 原是100既餐-->150諗住食物和環境和service搭夠點知落order個時...冇or賣哂又唔講之後食物黎到就求其放低 又唔講下咩黎..喂!我點識分呀食物都唔好食...龍蝦湯鹹到死之後要求佢換...D waiter 竟然講得出"我換俾你LO"好似我唔岩咁....之後D牛又硬...d野亂到不得了...好心佢train下D員工啦廚房"兵兵bound bound" 都唔知搞咩..心諗:都話哂小小高級餐廳...尖沙咀Dservice應該係好既...俾佢搞到差哂

09.08.14　牛排午餐@尖沙咀扒王之王想吃牛排，又覺得價格有點小貴的話午餐吃牛排就是另一個好選擇中午時間吃可以有足夠的時候慢慢消化而且價格會比晚上用餐時段便宜今天到扒王之王午餐中午12點10分左右，剛剛好避開用餐高峰期午市廉價套餐好像有四款另外比較上乘的牛排套餐中午時間也會有優惠價牛柳跟肉眼的套餐價格很是吸引安挑了價格比較低的牛柳我點了一個套餐D，焗烤希臘龍脷魚柳意大利麵另加一個在做特價的鴨胸肉沙拉服務生先送上餐湯及餐包軟綿綿的餐包在烤箱先烤過外脆內軟的加上奶油非常好吃他們家的餐包很重麵粉香，鹹鹹軟軟的不像坊間供應的那種甜餐包麵包還是清清淡淡來的好吃羅宋湯顏色很到位，但味道不算濃郁鴨胸肉沙拉隨後送上蔬菜爽脆清新，沾上千島醬很不吃錯吃鴨胸肉只有幾條，還好我們的重點在於蔬菜主菜上場囉！焗烤希臘龍脷魚柳飯原來是蕃茄醬，上面有一層濃濃的起司醬汁酸酸甜甜的，不像白汁的肥膩用雞蛋先煎香的龍脷魚柳有兩大片很不錯吃呢牛柳要6分熟，配黑椒汁上桌巳經差不多8分每一家扒房都是這樣的嚕牛柳很軟腍安覺得口感軟腍得不太像牛肉，哈哈喜歡肉味濃一點及口感結實一點的話還是肉眼或西冷來的好個人最喜歡牛排伴碟的配菜扒王

上個月試過沙田的扒王之王, 味道真的不錯, 今天行過這邊便不妨試一試, 點知令人非常非常的失望!今日我一個人來, 咁一入到去, 待應問我幾多位,我話一位, 同時有個男人又係一位, 咁我地就編排左門口位置一張兩人枱,我同個男人坐低左, 我地都見倒對面有個比較好的位置,咁個男人就行左埋去坐低左, 我見個問口位真係唔係咁好坐,咁我都準備過對面坐, 點知當我準備起身的時候,餐廳個藍色袗打呔服務員(應該係餐廳經理) 好無禮貌咁對住我地講:「喂,你地想點呀,係度 tum tum 轉, 都唔知你地坐邊」我心諗, 喂, 呢d 係乜野態度黎?　仲要係出自餐廳經理？雖然當時放lunch 真係好多打工仔食飯，可能令d待應手忙腳亂，但真係接受唔倒咁既態度囉．落單的時候，個經理講野d態度好似茶餐廳咁，粗聲粗氣，唉不過我平時都係比較心平氣和，咁算la, 好，我叫左個蘇格蘭肉眼扒紅酒汁（個名好似好吸引)，無幾耐個飽黎左，咁我食左幾啖，有個女侍應就沖埋黎問我個包要唔要我心諗，剛剛才吃，有無理由咁快要收人野，有無搞錯？唉，服務態度真係好唔掂，好喇，輪到食物，個肉眼扒來左，未食一望落去都知塊扒唔靚，寫住紅酒汁但無紅酒味，

零九年二月下旬下午茶倔強性格使然，朋友說到扒王午市的穩陣抵食，比起花園餐廳好，找了個閒日下午同朋友來試試分別。正巧是午餐同下午茶之間的尷尬位，甫入店侍應蠱惑咁送上午餐餐牌，平價一點的下午茶餐，要問先有。分別要了午餐同下午茶餐比較，自己要了安格斯肥牛，四成熟，朋友要了雜扒。先來兩碗餐湯同衛星包，餐飽烘過的夠軟熟，附一盒仔普通的「馬尾妹」牛油，吃起來還不錯，最得意是牛油刀都是自家品牌，老闆也真的細心眼。紅湯比白湯好，因為前者加了牛粒來煮，後者是金寶，就是簡單的分別。質素好一點的午餐安格斯肥牛用碟上，比起鐵碟上好，忘記了走汁，牛扒聽說是腰的位置，聽過就算，六十八元的肥牛也不期望會是雪花平均豐腴的質素，但亦不至於半點脂肪也沒有吧，牛肉纖維粗糙，肉香很強，是一塊唔岩自己口味但味道很老實未被化學處理的扒，質素同處理手法比大部分豉油扒房好。值得一讚是配的雜菜清爽無雪味，有分加。朋友的雜扒餐，看讓子絕對是化學合成品，煎雞扒、豬扒再加牛扒，真如重回令人懷念學生代，試了小件牛扒，與方才的肥牛是一天一地，只能說價錢反應質素，看來貴廿元的午餐價格比高一點，不建議大家吃下午茶。服務是扒王一直比人疚病的地方，店員

十二月初十‧小寒 話說朋友時常說在這裡鋸扒，其實都不錯。我不十分同意，但也沒有反對，至少佢做得價錢大眾化是真的。是晚約了該朋友傾傾其北海道之遊的行程，佢請食飯，來這裡就皆大歡喜了。 其實不同的扒也是百多元，便宜的六十八就有交易，最貴的也只是三百，已是幾道菜的全餐，相當經濟。要了個極黑豬，一個牛肋骨肉，另加16蚊可以有沙律、餐湯飲品，如斯便宜，怎能不要？ 先送上來的麵包是衛星包，烘得熱辣辣的，塗上牛油，好吃；接著來就是蔬菜沙律了，這裡的沙律都算新鮮，醬汁可選油醋汁或千島醬，兩者都不是什麼很fine的醬汁，亦甜甜的，都算交足功課。可惜的是蔬菜未瀝乾水份，吃起來有點水汪汪的了； 兩份扒上桌，豬扒大大塊，吃起來卻也好吃，沒有用化學品去招呼過，烤得幾香，肉質也算是鬆化，幾十元的貨色，交足功課；牛肋骨肉要了medium rare的，熟了一點。不算很腍滑鬆軟，但吃起來有濃濃肉香，在上面切了幾刀的，這樣燒起上來就不會太韌。如果數便宜一點的扒，這裡的也算是不錯； 最後的甜品是紐約芝士蛋糕，芝士味淡淡的，餅底也稔稔的，不太好吃。 侍應生有點遊魂，招呼一般。 埋單二百多，如果想平平地鋸下扒，也可以的。

先不說野食啦一入到去，無人理我地唔緊要，咁你都要話我地坐邊啊。。我地一行４人，有兩個小朋友，後來他們給了一個４人位我地，仲要係有人坐緊，他們把那個人趕了去第二度。。。接著那個經理把MENU 「pat」低就走咗去...仲要話要食tea就要3點入坐,當時2點50分...如果那個時候沒有下午茶食就不要大大個牌放在門口啦後來我們問另一個人，他就叫我地坐低等到３點。。到了３點，水都無一杯唔緊要,連menu都無人拿俾我地,咁都算啦,我自己出去問他們拿當時我們坐在一個角落頭,所有客人都在那裡,連找人都要走出去叫人,那也太過份了吧..更氣人的是,那個女經理不只黑口黑面,見到我走出來搵人竟然指住我叫另一waiter過去幫我地,我係深水步都未見過咁「好」的服務態度啊!order了3個下午茶,份量少到無人有,一條司華力腸加兩匙「更」沙律就要人$26,簡直搵笨,我地那張table只有兩份餐具,連我那兩個4歲同6歲的姪子都忍唔住問,點解又無水飲,我地又唔餐具ge?真係食到一肚氣...在tst咁ge服務態度...相信離倒閉不遠矣!

很久沒見過的中學同學約吃飯在ＴＳＴ蕩呀蕩最終都是去了中學時常去的扒王之王，緬懷一番雖說以前常去以往都是晚飯時間去光顧午餐還是頭一遭我要的是西冷條，真是呆掉好好的西冷扒，為什麼要改做西冷條？味道沒特別，只是牛肉友人的是豬扒比西冷條要好多了，但還是沒啥味道跟餐的湯和面包都很普通整體如此普通，價錢卻不太普遍還是沒下次了

我上星期日同男朋友去左尖東呢間扒王度食晚飯, 入到去食飯無乜客人。我地分別叫左西冷牛扒同肉眼扒餐。當我地以正常速度飲湯飲到一半時, 侍應已經將兩份餐送到面前,其他無所事事嘅侍應竟然無過黎幫手,要我地手忙腳亂咁推開枱上嘅調味品, 俾個侍應放低兩set鐵板。我地為左唔想d扒凍, 唯有急急腳飲埋d湯就開始食。但由於頭先侍應已淋左d汁落去,d薯條吸哂汁變軟; 另外d西冷牛扒肉質又鞋口, 而d肉眼扒則有類似用梳打粉醃過嘅味。唔明點解仲話自己係expert...

講真，野食真係麻麻，冇咩驚喜，但係都稱得上叫做好食既。在食之前，有個waitor叫taufu不斷sell客食貴野，我就梗係冇"show"佢啦~不知所謂，所以淨係食左d鐵板餐，但係我老婆就order左$132既頂級西冷。仲有呀，我覺得個waitor好煩，成日問3問4。之後野食上桌，唔太掂，我塊西冷又多膏又難食，仲俾鬆肉粉醃過，但係，我老婆o個塊就真係幾好食，西冷冇肥肉同多肉汁，好好食。之後個taufu見我食到黑晒面，都即刻過來問番我既situation。我話番d 投訴俾佢知，但係佢不但冇黑口黑面，仲耐心向我講解同解答我地既問題，真係令我好開心，覺得之前對佢有左誤會，而家先至知道佢真係一個好關心食客既waitor。佢又同我講左，用鐵板裝扒係會影響肉質同會令人熱氣等常識，之後佢仲好識做咁送上兩杯特飲俾我地(唔收錢的)，真係serve得好好。我見佢同其他客人都傾得好投契，而其他waitress都好有禮貌，我下次一定會再來的。總括黎講，我覺得service好好，野食ok。

話說呢間扒王唔知點解d下午茶餐係平其他扒王幾蚊一年前食過吉列豬扒烏冬, 食完覺得好抵, 今日又去再食今次又點左吉列豬扒烏冬, $18, 包野飲..豬扒雖比上次略為細塊, 但仍ok大件, 炸得香脆..因為新鮮炸, 仲好熱, 所以係幾好食既..湯烏冬, 係味精湯, 不過咁既價錢都唔介意...入面有好多粟米, 都幾甜..搵笨的事件黎喇..份menu下面寫住: "配水晶珍珠,咖啡或茶"咁我地見另外一張menu寫住珍珠系列, 有幾款叫xx水晶既飲品, 就係冇"水晶珍珠"呢樣野..咁我地以為係呢個系列入面任揀啦, 就點左紫水晶, 既係香芋珍珠..好喇, 好快就食完$18加一, 以為$20攪掂點知一黎張單..變左$30我地覺得好奇怪, 問下個waitress佢竟然答:"珍珠奶茶係不用加錢, 但你地叫紫水晶, 所以要加$9..."真係明呃人呀, 乜水晶珍珠=珍珠奶茶咩?!跟住我地廢事同佢嘈, $9就比多左佢..最諷刺既係...佢張飲品menu跟本就冇珍珠奶茶揀..佢之後都知唔好意思, 仲要同我地講, 叫我地下次落order前問清楚真係好激氣, 自己menu寫錯客人落單時waitress唔預早解釋清楚,

裝修之後環境好咗, 食物都O.K.吖! 我食酥皮牛柳餐幾特別, 好過某些分店, 至少不會太普通.服務/價錢尚可.

服務評語客人叫左跟飯;個部長竟然大喝,先生你係叫左意粉架.係意粉呀.有問題嗎??第二台客問這道菜耐唔耐..個部長話:你要快d咪快d lor.. 你要慢d咪慢d lor.做得cheap 過茶餐廳..食物評語飯太水汪汪塊扒表面焦左.

之前去紅館睇JOEY , 就黎左呢度食!叫左西冷扒, 超多根. 紅湯落得太多紅椒了~反而FRIENDS 叫左果焗飯$6X 食一個飯好似貴得制啦!

有一日睇報紙，發現扒王之王竟然有自助餐，$98 一位，但係有$20 既coupon，所以就決定一試~去到個時，我同老公都係叫左一個牛柳，來到個時，我個一份真係好好味，但係眼見老公食得好辛苦，就問佢覺得點啦，佢話覺得好難食喎！冇理由嫁…講牛，佢一定比我鍾意食好多！於是我就一試佢個一份喇！嘩！真係好難食！因為好硬，係差的切唔開！！同我個一份比，真係天堂與地獄！！但係都算啦，食左禁多，唔通宜家先來complain 咩？何況，我覺得如果因為禁樣而complain 好似好怪…之後就食佢的hot dishes，覺得都ok~有田螺！呢一個係我估唔到既！哈！因為我同我老公平日食西餐都一定會叫田螺食~而我地食個時的田螺出左唔係好耐，所以好好味~~ 重有好多唔同既沙律，哈！岩曬我~重有的係平日食buffet 都有既野禁樣~overall speaking 算好好~(對我來講)，對老公來講，佢就話ok 啦~