影片
更多
2005-08-04
19 浏览
在Dan Ryan 的食評裡說過扒王之王的牛扒不濟，今次一於就講下我喺扒王之王的經歷，供大家參考。因為扒王的食評麻麻，我一直都對佢冇好感，所以我第一次去扒王大約是兩個禮拜前的星期日，同我朋友兩個人，本身是諗住食隔離間加茂，但點知假期冇開，朋友在理大返學，佢話扒王啲午餐都唔錯，兩人肚餓下便來了呢間扒王之王。一睇佢個餐牌，發現真係幾抵，二十多元便有一客扒跟意粉或薯菜，仲包餐湯、麵包同餐飲，以價錢計真係無話可說，分分鐘仲平過茶餐廳添。我同朋友一人一份西冷跟意粉、白湯同凍檸茶。麵包先來，是凍的，夾上牛油但牛油唔溶，個感覺真係難以形容，好不容易才能完成。跟手上的是白湯，本身都冇期望，飲落去只是普通，又係預咗佢唔會有忌廉味，反而個湯有好多粟米，算叫做有驚喜。個扒先至係重頭戲，我個西冷落單時，服務員哥哥已經冇問我要幾成熟，淨係問我要咩汁，我心諗平平地一個午餐，可能冇咁多花臣，所以冇計較，但係份扒一上檯，一切之下，都冇話咁離譜傢? 份扒個份量幾對路，有意粉同一些青菜。但我一叉落去，已心中暗叫不妙，如果份扒整得好，冇理由要咁大力先拮得入，之後我想切開佢，結果鋸咗成十野先鋸得開，朋友也是一聲“咦~ 點解切
一睇佢個餐牌，發現真係幾抵，二十多元便有一客扒跟意粉或薯菜，仲包餐湯、麵包同餐飲，以價錢計真係無話可說，分分鐘仲平過茶餐廳添。我同朋友一人一份西冷跟意粉、白湯同凍檸茶。
麵包先來，是凍的，夾上牛油但牛油唔溶，個感覺真係難以形容，好不容易才能完成。跟手上的是白湯，本身都冇期望，飲落去只是普通，又係預咗佢唔會有忌廉味，反而個湯有好多粟米，算叫做有驚喜。
個扒先至係重頭戲，我個西冷落單時，服務員哥哥已經冇問我要幾成熟，淨係問我要咩汁，我心諗平平地一個午餐，可能冇咁多花臣，所以冇計較，但係份扒一上檯，一切之下，都冇話咁離譜傢? 份扒個份量幾對路，有意粉同一些青菜。但我一叉落去，已心中暗叫不妙，如果份扒整得好，冇理由要咁大力先拮得入，之後我想切開佢，結果鋸咗成十野先鋸得開，朋友也是一聲“咦~ 點解切唔開嘅?”，大家可以想像，塊扒嘅纖維經已俾佢煮得死死實實，我地同食樹皮冇分別(雖然我地未食過~)，一塊樹皮又點可以評論佢有冇肉汁、肉香呢? 學我朋友話齋“我媽媽都整得好過佢呀”，結果是兩人食到一半便停手，最後杯檸茶也是一般茶餐廳水準。兩人都覺得水準是差得不能接受，冇服務之餘仲要收加一。
結果一星期後又是午市去扒王，今次是觀塘分店，跟另一班朋友仔慶祝生日，我放棄了最平價的午餐，改了稍貴一點的扒餐，質素是好了一點，但仍不能稱為很好，忘了提朋友不要點午餐，結果跟我上一個禮拜的遭遇一樣，神奇的是聽到同一句說話，一位朋友說“我媽媽都整得好過佢呀”，估不到有幸見證這「奇蹟」。
以質素計，午市那塊扒不能稱為美食，充其量只是食物或糧食，兩次經驗都是午市，但我想再去的機會都幾微。
张贴